ვიტამინი C 100მგ/მლ 2მლ 10ამპულა სოფარმა - Sopharma

ვიტამინი C 100მგ/მლ 2მლ 10 ამპულა >სოფარმა - Sopharma

საინექციო  ხსნარი

VITAMIN C SOPHARMA 100 mg/ml

solution for injection

ასკორბინის მჟავა

ყურადღებით , ბოლომდე წაიკითხეთ ეს  ინსტრუქცია ამ პრეპარატის  მიღებამდე

· შეინახეთ ეს ინსტრუქცია. შეიძლება თქვენ ისევ დაგჭირდეთ მისი წაკითხვა.

· თუ თქვენ გაგიჩნდათ დამატებითი შეკითხვები მიმართეთ თქვენს ექიმს ან ფარმაცევტს.

· ეს სამედიცინო პრეპარატი განკუთვნილია მხოლოდ თქვენთვის. არ მისცეთ ის სხვა პირებს. მან შეიძლება  ზიანი მიაყენოს მათ, მიუხედავად იმისა, რომ თქვენი  სიმპტომები  არის მსგავსი.

· თუ რომელიმე არასასურველი რეაქცია გახდება სერიოზული ან შეამჩნევთ სხვა არასასურველ რეაქციებს, რომლებიც არ არის ჩამოთვლილი ამ ინსტრუქციაში, გთხოვთ, აცნობოთ თქვენ ექიმს.

რას მოიცავს ეს ინსტრუქცია.

1.   რას წარმოადგენს ვიტამინი C სოფარმა  და რისთვის გამოიყენება ის

2.   რა უნდა იცოდეთ ვიტამინი C სოფარმას მიღებამდე

3.   როგორ მიიღოთ ვიტამინი C სოფარმა 

4.   შესაძლო არასასურველი რეაქციები

5.   ვიტამინი C სოფარმას შენახვა.

6.   დამატებითი ინფორმაცია

1. რას წარმოადგენს ვიტამინი C სოფარმა  და რისთვის გამოიყენება ის.

ვიტამინი C (ასკორბინის მჟავა) წყალში ხსნადი >ვიტამინია, რომელიც მონაწილეობს ორგანიზმში მიმდინარე მრავალ სასიცოცხლო პროცესში. ასკორბინის მჟავას დეფიციტმა შეიძლება გამოიწვიოს ისეთი სიმპტომები, როგორიცაა კუნთების სისუსტე, შეშუპება და სისხლდენა ღრძილებიდან, კანქვეშა სისხლჩაქცევები, დაღლილობა და დეპრესია.

ვიტამინი C გამოიყენება ასკორბინის მჟავას დეფიციტით გამოწვეული მდგომარეობების სამკურნალოდ - სურავანდი, იდიოპათიური მეთემოგლობინემია (სისხლის დაავადება).

იგი ასევე გამოიყენება, როგორც დამატებითი მკურნალობა იმ მდგომარეობებისა და დაავადებების დროს, რომლებშიც ასკორბინის მჟავას საჭიროება იზრდება:

მძიმე ინფექციური დაავადებები; კუჭ-ნაწლავის ტრაქტის დაავადებები (ხანგრძლივი დიარეა; პეპტიური წყლული; კუჭისა და ნაწლავების ოპერაციები); მძიმე ტრავმები, დამწვრობა; ნეოპლაზიური დაავადებები; ქრონიკული ჰემოდიალიზი; ჰიპერთირეოზი (ფარისებრი ჯირკვლის ფუნქციის მომატება); ალკოჰოლიზმი.

2. ვიტამინ C სოფარმას გამოყენებამდე

არ გამოიყენოთ ვიტამინი C სოფარმა

·    თუ გაქვთ ალერგია (ჰიპერმგრძნობელობა) ასკორბინის მჟავას ან საინექციო ხსნარის სხვა რომელიმე ინგრედიენტის მიმართ.

განსაკუთრებული სიფრთხილე გამოიჩინეთ C ვიტამინის სოფარმას გამოყენებისას

·    თუ გაქვთ ისეთი დაავადებები, როგორიცაა გლუკოზა-6-ფოსფატდეჰიდროგენაზას დეფიციტი (მემკვიდრეობითი დაავადება), ჰემოქრომატოზი (რკინის მეტაბოლიზმის დარღვევის დაავადება), სისხლის დაავადებები, როგორიცაა თალასემია, ნამგლისებრუჯრედოვანი ანემია, სიდრობლასტური ანემია;

·    როდესაც გექნებათ ტრანსამინაზების, ლაქტატდეჰიდროგენაზას, ბილირუბინის, გლუკოზის და განავლის სისხლის ნიმუშების ლაბორატორიული ანალიზები.

ასკორბინის მჟავამ შეიძლება შეცვალოს ანალიზების შედეგები.

ვიტამინი C სოფარმას მიღება უნდა შეჩერდეს ანალიზამდე 1-2 დღით ადრე.

აცნობეთ თქვენს ექიმს, თუ:

· გაქვთ თირკმლის კენჭოვანი დაავადება.

· გაქვთ ვენური დაავადებები, როგორიცაა თრომბოფლებიტი ან სისხლის ჩაქცევების წარმოქმნისადმი მიდრეკილება.

სხვა მედიკამენტების გამოყენება

გთხოვთ, აცნობოთ თქვენს ექიმს, თუ იღებთ ან ბოლო დროს მიიღეთ სხვა მედიკამენტები, მათ შორის გაცემული ურეცეპტოდ.

ვიტამინი C სოფარმა არ უნდა იქნას გამოყენებული შემდეგ მედიკამენტებთან ერთად:

· დეპრესიის, ეპილეფსიის, ფსიქიკური დაავადებების სამკურნალო მედიკამენტები;

·  სალიცილატები (ასპირინი);

· რკინის შემცველი მედიკამენტები;

·  იზოპრენალინი (ბრონქული ასთმის სამკურნალო პრეპარატი);

· ამინოგლიკოზიდური ანტიბიოტიკები (გენტამიცინი);

· თუ იღებთ პერორალური ანტიკოაგულანტები (ვარფარინი).

რეპროდუქციული ასაკის ქალებმა, რომლებიც იყენებენ კონტრაცეპტივებს და იღებენ C ვიტამინს მაღალი დოზებით (დღეში 1 გ-ზე მეტი), უნდა შეცვალონ დოზა C ვიტამინით მკურნალობის შეწყვეტის შემდეგ, არასასურველი ორსულობის შესაძლო რისკის გამო.

ვიტამინი C სოფარმას გამოყენება საკვებთან და სასმელთან ერთად

ვიტამინი C სოფარმა მიიღება ინექციის სახით და საკვებს არანაირი გავლენა არ აქვს.

ორსულობა და ძუძუთი კვება

ნებისმიერი მედიკამენტის გამოყენებამდე მიმართეთ თქვენ ექიმს ან ფარმაცევტს.

ვიტამინი C სოფარმას გამოყენება შესაძლებელია ორსულობისა და ძუძუთი კვების დროს რეკომენდებული დოზებით.

ავტომობილის მართვა და მექანიზმებთან მუშაობა

ვიტამინი C სოფარმა არ მოქმედებს ავტომობილის მართვის ან მექანიზმებთან მუშაობის უნარზე.

მნიშვნელოვანი ინფორმაცია ვიტამინი C სოფარმას ზოგიერთი ინგრედიენტის შესახებ

ნატრიუმის სულფიტმა, რომელიც პროდუქტის ნაწილია, იშვიათად შეიძლება გამოიწვიოს ალერგიული რეაქციები, მათ შორის ბრონქოსპაზმი, განსაკუთრებით ასთმის ან ალერგიის ანამნეზის მქონე პაციენტებში.

3. როგორ მივიღოთ ვიტამინი C სოფარმა

ვიტამინი C სოფარმას საინექციო ხსნარი გამოიყენება ინექციით კუნთში ან ინტრავენურად. სასურველია გამოყენება ინექციით კუნთში.

დოზებს და მკურნალობის ხანგრძლივობას განსაზღვრავს თქვენი მკურნალი ექიმი.

ინტრავენური შეყვანა უნდა განახორციელოს თქვენმა ექიმმა.

თუ გამოიყენეთ ვიტამინი C სოფარმას  საჭიროზე  მეტი დოზა

ვიტამინ C სოფარმას ძალიან მაღალმა დოზებმა (5-10 გ დღეში) შეიძლება გამოიწვიოს გულისრევა, ღებინება, კოლიკა, დიარეა.

თუ თქვენ გაქვთ დამატებითი კითხვები ამ პროდუქტის გამოყენებასთან დაკავშირებით, მიმართეთ თქვენს ექიმს.

4. შესაძლო არასასურველი რეაქციები

ყველა მედიკამენტის მსგავსად, ვიტამინი C სოფარმამ შეიძლება გამოიწვიოს არასასურველი რეაქციები, თუმცა ისინი ყველას არ უვითარდება.

იშვიათ შემთხვევებში და მაღალი დოზის მიღებისას, ვიტამინი C სოფარმამ შეიძლება გამოიწვიოს კანის სიწითლე, გულისრევა, ღებინება, კოლიკა, დიარეა, გაზარდოს თირკმლის კენჭების რისკი.

თუ რომელიმე არასასურველი რეაქცია გახდება სერიოზული ან შეამჩნევთ სხვა არასასურველ რეაქციებს, რომლებიც არ არის აღწერილი ამ ინსტრუქციაში, გთხოვთ, აცნობოთ თქვენს ექიმს.

5. ვიტამინი C სოფარმას შენახვა

შეინახეთ ორიგინალ შეფუთვაში, სინათლისა და ნესტისგან დასაცავად.

შეინახეთ 25°C-ზე დაბალ ტემპერატურაზე.

არ გაყინოთ!

შეინახეთ ბავშვებისთვის მიუწვდომელ ადგილას!

არ გამოიყენოთ შეფუთვაზე მითითებული ვარგისიანობის ვადის გასვლის შემდეგ.

მედიკამენტები არ უნდა გადაყაროთ ჩამდინარე წყლებში ან საყოფაცხოვრებო ნარჩენებში.

მიმართეთ ფარმაცევტს, თუ როგორ უნდა გადააგდოთ არასაჭირო მედიკამენტები.

ეს ზომები ხელს შეუწყობს გარემოს დაცვას.

6. დამატებითი ინფორმაცია

რას შეიცავს ვიტამინი C სოფარმა

· აქტიური ნივთიერება -  ასკორბინის მჟავა 100 მგ/მლ, 2 მლ ან 5 მლ.

· სხვა შემადგენლობა: ნატრიუმის ჰიდროკარბონატი; ნატრიუმის სულფიტი, უწყლო; ედეტინის მჟავა; საინექციო წყალი.

როგორ გამოიყურება ვიტამინი C სოფარმა და შეფუთვის  შემადგენლობა

ვიტამინი C სოფარმას საინექციო ხსნარი არის გამჭვირვალე, უფერო სითხე უფერო შუშის ამპულებში, ფერადი წერტილით ან რგოლით გასახსნელად. 10 ამპულა, 2 ან 5 მლ, PVC ფოლგის ბლისტერში, 1 ბლისტერი მუყაოს კოლოფში, ინსტრუქციასთან ერთად.