ვიტამინი B6 50მგ/მლ 2მლ 10ამპულა სოფარმა - Sopharma

ვიტამინი B6 50მგ/მლ 2მლ 10 ამპულა >სოფარმა - Sopharma

საინექციო ხსნარი

VITAMIN B6 SOPHARMA 50 mg/ml

solution for injection

პირიდოქსინის ჰიდროქლორიდი  (pyridoxine hydrochloride)

ყურადღებით წაიკითხეთ ეს  ინსტრუქცია ამ პრეპარატის  მიღებამდე

·   შეინახეთ ეს ინსტრუქცია. შეიძლება თქვენ ისევ დაგჭირდეთ მისი წაკითხვა.

·   თუ თქვენ გაგიჩნდათ დამატებითი შეკითხვები, მიმართეთ თქვენს ექიმს ან ფარმაცევტს.

·   ეს სამედიცინო პრეპარატი განკუთვნილია მხოლოდ თქვენთვის. არ მისცეთ ის სხვა პირებს. მან შეიძლება  ზიანი მიაყენოს მათ, მიუხედავად იმისა, რომ თქვენი  სიმპტომები  არის მსგავსი.

·   თუ რომელიმე არასასურველი რეაქცია სერიოზული გახდება ან შეამჩნევთ სხვა არასასურველ რეაქციებს, რომლებიც არ არის ჩამოთვლილი ამ ინსტრუქციაში, გთხოვთ, აცნობოთ თქვენ ექიმს ან ფარმაცევტს.

რას მოიცავს ეს ინსტრუქცია.

1.   რას წარმოადგენს ვიტამინი B6 სოფარმა  და რისთვის გამოიყენება ის

2.   რა უნდა იცოდეთ ვიტამინი B6  სოფარმას მიღებამდე

3.   როგორ მიიღოთ ვიტამინი B6   სოფარმა 

4.   შესაძლო არასასურველი რეაქციები

5.   ვიტამინი B6  სოფარმას შენახვა.

6.   დამატებითი ინფორმაცია

1. რას წარმოადგენს ვიტამინი B6  სოფარმა  და რისთვის გამოიყენება ის.

ვიტამინი B6 (პირიდოქსინი) მონაწილეობს ორგანიზმში ბიოლოგიურად აქტიური ნივთიერებების ფორმირებასა და მეტაბოლიზმში. ამ ჯგუფის სხვა >ვიტამინებთან ერთად, ის ხელს უწყობს ნახშირწყლების გლუკოზად გარდაქმნას, რაც ორგანიზმის ენერგიის მთავარ წყაროს წარმოადგენს. ვიტამინი B6 აუცილებელია ნერვული სისტემისა და ღვიძლის ნორმალური განვითარებისა და ფუნქციონირებისთვის, სისხლის წითელი უჯრედების (ერითროციტების) და იმუნური სისტემის უჯრედების ფორმირებისთვის. მას უწოდებენ ე.წ. „ანტისტრესულ“ ვიტამინებს, რადგან ის ასტიმულირებს იმუნურ სისტემას. ის აუცილებელია კუჭ-ნაწლავის ტრაქტში კუნთების ტონუსის შესანარჩუნებლად, კანისა და თვალების ნორმალური ფუნქციონირებისთვის.

ის გამოიყენება ვიტამინ B6-ის დეფიციტის სამკურნალოდ შემდეგ შემთხვევებში:

·   ორგანიზმის მიერ ვიტამინის შეწოვის დარღვევა (მალაბსორბციის სინდრომი), ღვიძლისა და ნაღვლის ბუშტის დაავადებებთან (სანაღვლე გზების ობსტრუქცია, ციროზი, ალკოჰოლიზმი), ნაწლავების დაავადებასთან (კრონის დაავადება), გლუტენის აუტანლობასთან (ცელიაკია);

·    ვიტამინ B6-ის მეტაბოლიზმის დამრღვევი პროდუქტებით მკურნალობა.

ვიტამინი B6 სოფარმა გამოიყენება იზონიაზიდით (ტუბერკულოზის სამკურნალო პრეპარატი) მწვავე მოწამვლის კომპლექსურ მკურნალობაში.

2. რა უნდა იცოდეთ ვიტამინი B6 სოფარმათი მკურნალობის დაწყებამდე:

არ გამოიყენოთ ვიტამინი B6 სოფარმა  შემდეგ შემთხვევებში:

·   თუ ხართ ალერგიული (ჰიპერმგრძნობელობა) აქტიური ნივთიერების პირიდოქსინის ან პრეპარატის სხვა რომელიმე შემადგენლობის მიმართ.

განსაკუთრებული სიფრთხილე გამოიჩინეთ ვიტამინი B6 სოფარმას გამოყენებისას

·   თუ განიცდით წვის ტკივილს ქუსლებში და მოძრაობების კოორდინაციის დარღვევას (ატაქსია). ეს სიმპტომები შეიძლება გამოვლინდეს მკურნალობის დაწყებიდან 1 თვიდან 3 წლამდე პერიოდში. აცნობეთ თქვენ ექიმს, თუ ისინი გამოვლინდა.

·   ვიტამინ B6-მა შეიძლება გამოიწვიოს ცრუ დადებითი შედეგები ერლიხის (Ehrlich) რეაგენტით ურობილინოგენის განსაზღვრისას.

სხვა მედიკამენტების მიღება

გთხოვთ, აცნობოთ ექიმს, თუ იღებთ ან ბოლო დროს მიიღეთ სხვა მედიკამენტები, მათ შორის ურეცეპტოდ გაცემული მედიკამენტები.

აცნობეთ ექიმს, თუ იღებთ ლევოდოპას (პარკინსონის დაავადების სამკურნალო პრეპარატი). ვიტამინი B6 ამცირებს ამ პრეპარატის ეფექტს და შესაძლოა საჭირო გახდეს მისი დოზის კორექტირება.

ორსულობა და ძუძუთი კვება

ნებისმიერი მედიკამენტის გამოყენებამდე მიმართეთ ექიმს.

ორსულობა: ორსულობის დროს ვიტამინი B6 შეიძლება გამოყენებულ იქნას სამკურნალო დოზებით. მაღალი დოზებით გამოყენებისას, მან შეიძლება გამოიწვიოს პირიდოქსინზე დამოკიდებულება ახალშობილში.

ძუძუთი კვება: ვიტამინი B6-ის გამოყენება არ არის რეკომენდებული ძუძუთი კვების პერიოდში. თუ დედისთვის ვიტამინი B6-ით მკურნალობა აუცილებელია, ძუძუთი კვება უნდა შეწყდეს.

ავტომობილის მართვა და მექანიზმებთან მუშაობა

ვიტამინი B6 არ მოქმედებს უარყოფითად ყურადღებისა და რეაქციის სიჩქარეზე.

მნიშვნელოვანი ინფორმაცია ვიტამინი B6 სოფარმას ზოგიერთი შემადგენლობის შესახებ

სამკურნალო პროდუქტი შეიცავს მეთილ პარაჰიდროქსიბენზოატს დამხმარე ნივთიერების სახით, რამაც შეიძლება გამოიწვიოს ალერგიული რეაქციები ურტიკარიით (გამონაყარით) და ბრონქოსპაზმით.

3. როგორ გამოვიყენოთ ვიტამინი B6 სოფარმა

ვიტამინი B6 ყოველთვის გამოიყენეთ ზუსტად ისე, როგორც ექიმმა დაგინიშნათ. თუ არ ხართ დარწმუნებული, მიმართეთ ექიმს ან ფარმაცევტს.

ვიტამინ B6 სოფარმას საინექციო ხსნარი გამოიყენეთ ინექციით კუნთში ან ინტრავენურად კვალიფიციური სამედიცინო პერსონალის მიერ. დოზას და მკურნალობის ხანგრძლივობას განსაზღვრავს ექიმი.

ჩვეულებრივი დოზაა:

მოზრდილები - 50-200 მგ (1/2-2 ამპულა) - 600 მგ (6 ამპულა) დღეში.

ბავშვები - 10-დან 100 მგ-მდე დღეში.

თუ არ ხართ დარწმუნებული მიმართეთ თქვენ ექიმს.

თუ გამოიყებნეთ  ვიტამინი B6 სოფარმას საჭირო დოზაზე მეტი  

ვიტამინი B6-ის მაღალი დოზებით (2-დან 6 გ-მდე დღეში) რამდენიმე თვის განმავლობაში მიღებამ შეიძლება გამოიწვიოს მძიმე ნეიროპათია, რომელიც პროგრესირებს არასტაბილური სიარულიდან ხელების დაბუჟებამდე და მოუხერხებლობამდე. ეს მდგომარეობა შექცევადია და ქრება მკურნალობის შეწყვეტის შემდეგ, თუმცა შეიძლება იყოს ნარჩენი ეფექტები, როგორიცაა სისუსტე.

თუ დაგავიწყდათ ვიტამინი B6 სოფარმას მიღება

არ მიიღოთ ორმაგი დოზა გამოტოვებული დოზის ასანაზღაურებლად.

თუ თქვენ გაქვთ დამატებითი კითხვები ამ პროდუქტის გამოყენებასთან დაკავშირებით, გთხოვთ, მიმართოთ თქვენ ექიმს.

4. შესაძლო არასასურველი რეაქციები

ყველა მედიკამენტის მსგავსად, ვიტამინ B6 სოფარმას შეუძლია გამოიწვიოს არასასურველი რეაქციები, თუმცა ისინი ყველას არ უვითარდება.

პროდუქტი კარგად აიტანება. იშვიათად შეიძლება განვითარდეს შემდეგი:

ნევროლოგიური დარღვევები: პოლინეიროპათია (კიდურებში ჩხვლეტის შეგრძნება), კრუნჩხვები, თავბრუსხვევა. ეს რეაქციები იშვიათად აღინიშნება მაღალი დოზებით ხანგრძლივი მკურნალობის დროს.

მომატებული მგრძნობელობის რეაქციები: გამონაყარი.

მკურნალობის შეწყვეტის შემდეგ არასასურველი რეაქციები ქრება.

თუ რომელიმე არასასურველი რეაქცია გახდება სერიოზული  ან შეამჩნევთ სხვა არასასურველი რეაქცია, რომლებიც არ არის აღწერილი ამ ინსტრუქციაში, გთხოვთ, აცნობოთ თქვენ ექიმს.

5. ვიტამინი B6 სოფარმას  შენახვა.

შეინახეთ ორიგინალურ შეფუთვაში, სინათლისგან დაცულ ადგილას.

შეინახეთ 25°C-ზე დაბალ ტემპერატურაზე.

არ გაყინოთ!

შეინახეთ ბავშვებისთვის მიუწვდომელ ადგილას!

არ გამოიყენოთ ვიტამინი B12 სოფარმა შეფუთვაზე მითითებული ვარგისიანობის ვადის გასვლის შემდეგ.

მედიკამენტები არ უნდა გადაყაროთ ჩამდინარე წყლებში ან საყოფაცხოვრებო ნარჩენებში.

ჰკითხეთ თქვენს ფარმაცევტს, თუ როგორ უნდა გადააგდოთ არასაჭირო მედიკამენტები.

ეს ზომები ხელს შეუწყობს გარემოს დაცვას.

6. დამატებითი ინფორმაცია

რას შეიცავს ვიტამინი B6 სოფარმა

·   აქტიური ნივთიერებაა: პირიდოქსინის ჰიდროქლორიდი 100 მგ 2 მლ საინექციო ხსნარში.

·   სხვა შემადგენლობა: ნატრიუმის სულფიტი, უწყლო; მეთილ პარაჰიდროქსიბენზოატი; საინექციო წყალი.

როგორ გამოიყურება ვიტამინი B6 სოფარმა და რას შეიცავს შეფუთვა

ღია ყვითელი, გამჭვირვალე ხსნარი ყავისფერი 2 მლ-მიან შუშის ამპულებში, 10 ამპულა PVC ფოლგის ბლისტერში.

1 ან 5 ბლისტერი მოთავსებულია მუყაოს კოლოფში, ინსტრუქციასთან ერთად.