ვიტამინი B1 40მგ/მლ 2მლ 10ამპულა სოფარმა - Sopharma

ვიტამინი B1 40მგ/მლ 2მლ 10 ამპულა >სოფარმა - Sopharma

საინექციო ხსნარი

Vitamin B1 Sopharma 40 mg/ml

solution for injection

თიამინის ჰიდროქლორიდი

thiamine hydrochloride

ყურადღებით წაიკითხეთ ინსტრუქცია ამ პრეპარატის მიღებამდე, რადგანაც მასში მოცემულია თქვენთვის მნიშვნელოვანი ინფორმაცია.

-   შეინახეთ ეს ინსტრუქცია. შეიძლება თქვენ ისევ დაგჭირდეთ მისი წაკითხვა.

-   თუ თქვენ გაგიჩნდათ დამატებითი შეკითხვები მიმართეთ თქვენს ექიმს.

-   ეს სამედიცინო პრეპარატი განკუთვნილია მხოლოდ თქვენთვის. არ მისცეთ ის სხვას. მან შეიძლება მას ზიანი მიაყენოს მიუხედავად იმისა, თუ თქვენი დაავადების ნიშნები არის მსგავსი.

-   თუ თქვენ გაგიჩნდათ არასასურველი რეაქცია ამ პრეპარატის მიღების შემდეგ, აცნობეთ ამის შესახებ თქვენს ექიმს. ეს ეხება ყველა იმ არასასურველ რეაქციას, რომელიც არ არის აღწერილი ამ ინსტრუქციაში. იხილეთ მე-4 პუნქტი

რას მოიცავს ეს ინსტრუქცია.

1. რას წარმოადგენს ვიტამინი B1  სოფარმა  და რისთვის გამოიყენება ის

2. რა უნდა იცოდეთ ვიტამინი B1  სოფარმას მიღებამდე

3. როგორ მიიღოთ ვიტამინი B1   სოფარმა 

4. შესაძლო არასასურველი რეაქციები

5. ვიტამინი B1  სოფარმას შენახვა.

6. შეფუთვის შემადგენლობა და დამატებითი ინფორმაცია

1.  რას წარმოადგენს ვიტამინი B1  სოფარმა  და რისთვის გამოიყენება ის.

ვიტამინი B1 წყალში ხსნადი >ვიტამინია. იგი გამოიყენება ვიტამინ B1-ის დეფიციტით გამოწვეული მდგომარეობების - ბერიბერის (დაავადება, რომელსაც ახასიათებს პოლინევრიტი, შეშუპება და გულ-სისხლძარღვთა დარღვევები), ტვინისა და პერიფერიული ნერვების დაავადებების პროფილაქტიკისა და მკურნალობისთვის. ვიტამინი B1 სოფარმა გამოიყენება დამატებითი მკურნალობის სახით შემდეგი დაავადებების დროს: ალკოჰოლიზმი, დამწვრობა, კუჭის ქირურგიული ამოკვეთის შემდგომი პერიოდი, ჰემოდიალიზი, ღვიძლისა და სანაღვლე გზების დაავადებები, ჰიპერთირეოზი (ფარისებრი ჯირკვლის ფუნქციის მომატება), მძიმე ინფექციური დაავადებები, წვრილი ნაწლავის დაავადებები, ორსულობის დროს ძლიერი და ხანგრძლივი ღებინება.

2.  რა უნდა იცოდეთ  ვიტამინი B1 სოფარმათი მკურნალობის დაწყებამდე:

არ გამოიყენოთ  ვიტამინი B1 სოფარმა:

-- თუ გაქვთ ალერგია თიამინის ჰიდროქლორიდის ან ამ პრეპარატის რომელიმე სხვა შემადგენლობის მიმართ (ჩამოთვლილია მე-6 ნაწილში).

გაფრთხილებები და უსაფრთხოების ზომები

ვიტამინ B1 სოფარმას გამოყენებამდე მიმართეთ თქვენს ექიმს.

- თუ ხართ 65 წელზე მეტი ასაკის;

- თუ გაწუხებთ ავთვისებიანი დაავადება (სიმსივნე).

სხვა მედიკამენტები და ვიტამინი B1 სოფარმა

აცნობეთ თქვენს ექიმს ან ფარმაცევტს, თუ იღებთ, ბოლო დროს იღებდით ან შეიძლება მიიღოთ სხვა მედიკამენტები.

არ არის რეკომენდებული ვიტამინი B1-ის B6 და B12 ვიტამინებთან ერთად ერთ შპრიცში ან საინფუზიო ხსნარში შეყვანა. არ შეიყვანოთ იგი ანტიბიოტიკებთან და ნეიროლეფსიურ საშუალებებთან ერთად ერთსა და იმავე სისტემაში.

ვიტამინი B1 სოფარმას მიღება საკვებთან, სასმელთან და ალკოჰოლთან ერთად

ვიტამინი B1 სოფარმა მიიღება ინექციის სახით და საკვებს არანაირი გავლენა არ აქვს.

ორსულობა და ძუძუთი კვება

თუ ხართ ორსულად ან ძუძუთი კვებავთ ბავშვს, ფიქრობთ, რომ შესაძლოა იყოთ ორსულად ან გეგმავთ დაორსულებას, ამ პრეპარატის გამოყენებამდე მიმართეთ ექიმს ან ფარმაცევტს.

ჩვეულებრივი დოზებით, ვიტამინი B1 სოფარმას გამოყენება შესაძლებელია ორსულობისა და ძუძუთი კვების დროს.

ავტომობილის მართვა და მექანიზმებთან მუშაობა

ვიტამინი B1 სოფარმა არ მოქმედებს ავტომობილის მართვის ან მექანიზმებთან მუშაობის უნარზე.

3. როგორ გამოვიყენოთ ვიტამინი B1 სოფარმა

ყოველთვის მიიღეთ ეს სამედიცინო პრეპარატი ზუსტად ისე, როგორც ექიმმა ან ფარმაცევტმა დაგინიშნათ. თუ რამეში არ ხართ დარწმუნებული, მიმართეთ თქვენს ექიმს ან ფარმაცევტს.

ქვემოთ მოცემული ინსტრუქციები მოქმედებს მხოლოდ იმ შემთხვევაში, თუ ექიმმა სხვა რამ არ დაგინიშნათ!

თუ სხვა რამ არ არის დანიშნული, გამოიყენეთ ვიტამინი B1  1-2 ამპულა დღეში 1-დან 3-ჯერ ინექციით კუნთში.

ინტრავენური შეყვანა უნდა განხორციელდეს კვალიფიციური სამედიცინო პერსონალის მიერ.

მკურნალობის ხანგრძლივობას განსაზღვრავს ექიმი დაავადების სიმძიმისა და ვიტამინის დეფიციტის მიხედვით.

გამოყენება ბავშვებსა და მოზარდებში

ვიტამინი B1-ის მწვავე დეფიციტის დროს, გამოიყენეთ იგი ინექციით კუნთში ან ნელა ინტრავენურად, დღეში 1 ამპულის (80 მგ) დოზით.

თუ მიიღეთ ვიტამინი B1 სოფარმას საჭირო დოზაზე მეტი

ვიტამინ B1-ის ძალიან მაღალი დოზების (დღეში 5-10 გ) მიღებისას შეიძლება განვითარდეს კანკალი, შფოთვა, მოძრაობების კოორდინაციის დარღვევა, ჰერპესი და შეშუპება.

თუ დაგავიწყდათ ვიტამინი B1 სოფარმას გამოყენება

არ მიიღოთ ორმაგი დოზა გამოტოვებული დოზის კომპენსირებისთვის.

თუ შეწყვეტთ ვიტამინი B1 სოფარმას გამოყენებას

თუ ამ პრეპარატის გამოყენებასთან დაკავშირებით დამატებითი კითხვები გაგიჩნდებათ, მიმართეთ თქვენს ექიმს ან ფარმაცევტს.

4. შესაძლო არასასურველი რეაქციები.  

ყველა მედიკამენტის მსგავსად, ამ მედიკამენტმაც შეიძლება გამოიწვიოს არასასურველი რეაქციები, თუმცა ისინი ყველას არ უვითარდება.

ზოგჯერ, ინტრავენური ინექციის დროს შეიძლება განვითარდეს ალერგიული რეაქციები (ჭინჭრის ციება, კანზე გამონაყარი, ქავილი, გულისრევა, ალები, გაძლიერებული ოფლიანობა). ცალკეულ შემთხვევებში შეიძლება განვითარდეს მძიმე ჰიპერმგრძნობელობის რეაქციები (თიამინის შოკი), რაც ვლინდება შფოთვით, შეშუპებით, კანისა და ლორწოვანი გარსების მოლურჯო შეფერილობით, არტერიული წნევის დაქვეითებით, პულსის გახშირებით, სუნთქვის დარღვევით, გონების დაბინდვით.

შეტყობინება არასასურველი რეაქციების შემთხვევაში:

თუ თქვენ შეამჩნევთ რომელიმე არასასურველ რეაქციას, აცნობეთ ამის შესახებ თქვენს ექიმს, ფარმაცევტს ან მედდას. ეს ეხება ყველა იმ არასასურველ რეაქციას, რომელიც ამ ინსტრუქციაში არ არის აღწერილი. როდესაც თქვენ აცნობებთ არასასურველი რეაქციის შესახებ, თქვენ შეგაქვთ თქვენი წვლილი ამ პრეპარატის  გამოსაყენებლად უსაფრთხოებისთვის მეტი ინფორმაციის მისაღებად.

5. ვიტამინი B1  სოფარმას  შენახვა.

შეინახეთ ორიგინალურ შეფუთვაში, სინათლისგან დაცულ ადგილას.

შეინახეთ 25°C-ზე დაბალ ტემპერატურაზე.

არ გაყინოთ!

შეინახეთ ბავშვებისთვის მიუწვდომელ ადგილას!

არ გამოიყენოთ ვიტამინი B1 სოფარმა შეფუთვაზე მითითებული ვარგისიანობის ვადის გასვლის შემდეგ.

არ გადაყაროთ მედიკამენტები ჩამდინარე წყლებში ან საყოფაცხოვრებო ნარჩენებში. ჰკითხეთ ფარმაცევტს, თუ როგორ უნდა გადააგდოთ გამოუყენებელი მედიკამენტები. ეს ხელს შეუწყობს გარემოს დაცვას.

6.   შეფუთვის შემადგენლობა და დამატებითი ინფორმაცია

რას შეიცავს ვიტამინი B1 სოფარმა

·აქტიური ნივთიერება: თიამინის ჰიდროქლორიდი 40 მგ/მლ.

·სხვა შემადგენლობა: ედეტინის მჟავა და საინექციო წყალი.

როგორ გამოიყურება ვიტამინი B1 სოფარმა და რას შეიცავს შეფუთვა

ვიტამინი B1-ის საინექციო ხსნარი არის გამჭვირვალე, უფერო ან ღია ყვითელი სითხე უფერო შუშის ამპულებში.

10 ცალი  2 მლ - იანი ამპულა საინექციო ხსნარით მოთავსებულია მყარი PVC-ფოლგის ბლისტერში. 1 ან 10 ბლისტერი  მუყაოს მოთავსებულია კოლოფში ინსტრუქციასთან ერთად. ამპულის გახსნა ხდება ამპულის ყელის ზემოთ არსებულ ნიშანზე (წერტილზე) ცერა თითით დაჭერით.

ქვემოთ მოცემული ინფორმაცია განკუთვნილია მხოლოდ სამედიცინო პერსონალისთვის:

დოზირება

დოზირება და მკურნალობის კურსი განისაზღვრება დაავადების სიმძიმისა და ვიტამინის დეფიციტის მიხედვით.

მოზრდილები

მძიმე დეფიციტის შემთხვევაში, პროდუქტი შეჰყავთ კუნთში ან ნელა ინტრავენურად 80-160 მგ დოზით დღეში ერთხელ ან სამჯერ, რასაც მოჰყვება ვიტამინი B1-ის პერორალური მიღება.

პედიატრიული პოპულაცია

ვიტამინ B1-ის მწვავე დეფიციტის დროს შეჰყავთ კუნთში ან ნელა ინტრავენურად 80 მგ დოზით დღეში.

მიღების წესი

ინექცია კუნთში ან ნელა ინტრავენურად.

ფიზიკურ-ქიმიური შეუთავსებლობის გამო, B1 ვიტამინის B6 და B12 ვიტამინებთან ერთად ერთდროული მიღება ერთ შპრიცში ან საინფუზიო ხსნარში რეკომენდებული არ არის.

არ უნდა შეიყვანოთ საინფუზიო ხსნარში (სისტემაში) ანტიბიოტიკებთან და ნეიროლეფსიურ საშუალებებთან ერთად.

თიამინი არასტაბილურია ალკალური და ნეიტრალურ ხსნარებში, ამიტომ არ არის რეკომენდებული კარბონატებთან, ციტრატებთან, ბარბიტურატებთან ან სპილენძის იონებთან ერთდროული მიღება, ასევე ნატრიუმის ბისულფატის შემცველი ხსნარები, როგორც ოქსიდანტი ან სტაბილიზატორი.