ვალმოქსი

შემადგენლობა: 1 შემოგარსული ტაბლეტი შეიცავს: ლევოფლოქსაცინის ჰემიჰიდრატს, 500მგ ლევოფლოქსაცინის ეკვივალენტურს.

ჩვენება: ქვედა სასუნთქი გზების ინფექციები (ქრონიკული ბრონქიტის გამწვავება, არაჰოსპიტალური პნევმონია); ლორ-ორგანოების ინფექციები (მწვავე სინუსიტი); თირკმელებისა და საშარდე გზების ინფექციები (მწვავე პიელონეფრიტის ჩათვლით); სასქესო ორგანოების ინფექციები (ქრონიკული ბაქტერიული პროსტატიტის ჩათვლით); კანისა და რბილი ქსოვილების ინფექციები.

უკუჩვენება: მომატებული მგრძნობელობა ლევოფლოქსაცინის ან სხვა ქინოლონების მიმართ; ეპილეფსია; ანამნეზში მყესების დაზიანება, რომელიც დაკავშირებულია ქინოლონების მიღებასთან; 18 წლამდე ასაკი; ორსულობა და ლაქტაციის პერიოდი.

მიღების წესი და დოზირება: ტაბლეტები მიიღება დაუღეჭავად, საკმარისი რაოდენობით სითხის მიყოლებით ჭამამდე ან კვებათა შორის შუალედებში.

შენახვის პირობები: ინახება არა უმეტეს 25C ტემპერატურაზე, მშრალ, სინათლისაგან დაცულ და ბავშვებისათვის მიუწვდომელ ადგილას. ვიზუალური დათვალიერების შედეგად აღმოჩენილი რაიმე სახის დეფექტის შემთხვევაში პრეპარატის
მიღება დაუშვებელია.

აფთიაქიდან გაცემის პირობა: ფარმაცევტული პროდუქტის ჯგუფი II-გამოიყენება ექიმის დანიშნულებით.