ტრიო - Trio 1000/500/30მგ 7 ბლისტერი

ტრიო 1000მგ + 500მგ + 300მგ თერაპიული შეფუთვა

გამოყენების ინსტრუქცია

ტრიო 1000მგ + 500მგ + 300მგ თერაპიის შეფუთვა

განკუთვნილია შიგნით მისაღებად

აქტიური ნივთიერება: შეიცავს 500 მგ კლარითრომიცინს, 30 მგ ლანსოპრაზოლს, ამოქსიცილინის ტრიჰიდრატს, რომელიც ექვივალენტურია 1000 მგ ამოქსიცილინის.

დამხმარე ნივთიერებები: ნატრიუმის ციკლამატი, ნატრიუმის საქარინი, ნატრიუმის ლაურილსულფატი, ნატრიუმის კროსკარმელოზა, მიკროკრისტალური ცელულოზა PH 101, მიკროკრისტალური ცელულოზა PH 102, პოლივინილ პიროლიდონი K25, სილიციუმის კოლოიდური დიოქსიდი, მაგნიუმის სტეარატი, ტალკი, ჰიდროქსიპროპილმეთილცელულოზა, ტიტანის დიოქსიდი, პოლიეთილენგლიკოლი, ინდიგო კარმინი, ტარტრაზინი, პოლისორბატი 80, პოლიაკრილატი, საქაროზა, სიმინდის სახამებელი, N-მეთილ გლუკამინი, მანიტოლი, ჟელატინი (ძროხის ძვლიდან მიღებული), ქინოლონის ყვითელი, ერითროზინი FD&C წითელი 3, რკინის ყვითელი ოქსიდი, კროსპოვიდონი, პიტნის არომატი.

პრეპარატის მიღებამდე საჭიროა გამოყენების ინსტრუქციის ყურადღებით წაკითხვა, რადგან შეიცავს პაციენტისთვის მნიშვნელოვან ინფორმაციას.

·საჭიროა ინსტრუქციის შენახვა. შესაძლოა, წარმოიშვას მისი ხელახალი გაცნობის აუცილებლობა.

·დამატებითი კითხვების არსებობისას საჭიროა მკურნალ ექიმთან ან ფარმაცევტთან მიმართვა.

·მედიკამენტი განკუთვნილია მხოლოდ პაციენტისათვის. არ შეიძლება მისი სხვა პირებისათვის მიცემა.

·მედიკამენტით მკურნალობის განმავლობაში, ექიმთან ან ჰოსპიტალში მიმართვისას, ექიმს უნდა ეცნობოს, რომ პაციენტი იღებს ამ მედიკამენტს.

·საჭიროა ინსტრუქციაში მოცემული მითითებების ზუსტად დაცვა. დაუშვებელია მედიკამენტის რეკომენდებულზე უფრო მაღალი ან დაბალი დოზის მიღება.

ინსტრუქციაში მოცემულია:

1.   რას წარმოადგენს ტრიო და მისი გამოყენება

2.   რა უნდა იცოდეს პაციენტმა ტრიოს გამოყენებამდე

3.   ტრიოს გამოყენების წესი

4.   შესაძლო გვერდითი მოვლენები

5.   ტრიოს შენახვის წესი

დასახელება შესულია:

1.რას წარმოადგენს ტრიო და მისი გამოყენება

ტრიო წარმოადგენს თერაპიულ შეფუთვას, რომელიც შეიცავს როგორც ანტიბიოტიკებს, კლარითრომიცინს და ამოქსიცილინს, ისე ლანსოპრაზოლს, მედიკამენტს, რომელიც აქვეითებს კუჭის უჯრედებიდან მჟავის გამოთავისუფლებას.

კლარითრომიცინის ტაბლეტები წარმოდგენილია 500 მგ აპკიანი გარსით დაფარული ტაბლეტების სახით, რომელიც არის ყვითელი ფერის, მოგრძო ფორმის, აპკიანი გარსით დაფარული, ერთგვაროვანი და ნაჭდევით ცალ მხარეს.

ამოქსიცილინის ტაბლეტები წარმოდგენილია 1000 მგ ტაბლეტები სახით, რომელიც არის თეთრი-მოთეთრო ფერის, მოგრძო ფორმის ტაბლეტები წარწერით “DMS-1000” ცალ მხარეს და ნაჭდევით მეორე მხარეს.

ლანსოპრაზოლი კაფსულები წარმოდგენილია 30 მგ მიკროგრანულების მქონე კაფსულების სახით, რომელიც არის გაუმჭვირვალე მყარი ჟელატინის კაფსულა (#1), კრემისფერი კორპუსით და ნარინჯისფერი თავსახურით, რომელშიც მოთავსებულია თეთრი ან კრემისფერი-თეთრი გრანულები.

ტრიო თერაპიულ შეფუთვაში არსებულ კლარითრომიცინსა და ამოქსიცილინს ბაქტერიციდული ეფექტი აქვთ და ხელს უწყობენ ბაქტერიის H. pylori განადგურებას, რომელიც პასუხისმგებელიაა წყლულის წარმოქმნაზე კუჭსა და თორმეტგოჯა ნაწლავში. ამოქსიცილინის ტრიჰიდრატი მიიღება ძროხის, ცხვრის ან თხის რძისაგან. იმავე შეფუთვაში არსებული ლანსოპრაზოლი მოქმედებს კუჭის მჟავის სეკრეტორული უჯრედების მიერ გამოყოფილი მჟავის ინჰიბირებით.

ტრიო სამმაგი თერაპიის შეფუთვა, ლანსოპრაზოლის, ამოქსიცილინის და კლარითრომიცინის შემადგენლობით, გამოიყენება H. pylori ინფექციის მქონე პაციენტების სამკურნალოდ, H. pylori -ის აღმოსაფხვრელად და თორმეტგოჯა ნაწლავის წყლულების სამკურნალოდ.

H. pylori -ის აღმოფხვრა ამცირებს დუოდენური წყლულის რეციდივის რისკს.

2.რა უნდა იცოდეს პაციენტმა ტრიოს გამოყენებამდე

ლანსოპრაზოლის, კლარითრომიცინის და ამოქსიცილინის სამმაგი თერაპიის ფორმა გამოყენებულ უნდა იქნეს მხოლოდ დანიშნულების მიხედვით, ინსტრუქციის შესაბამისად. შეფუთვაში არსებული მედიკამენტები არ უნდა იქნეს გამოყენებული ცალ-ცალკე ან კომბინაციაში სხვა მიზნებისათვის.

დაუშვებელია ტრიოს გამოყენება შემდეგ შემთხვევებში:

·თუ პაციენტი ალერგიულია ლანსოპრაზოლის, ამოქსიცილინის, კლარითრომიცინის და ზემოთ ჩამოთვლილი რომელიმე დამხმარე ნივთიერების, პენიცილინების, მაკროლიდების და ცეფალოსპორინების მიმართ;

·თუ პაციენტი იღებს რომელიმე ქვემოთ ჩამოთვლილ პრეპარატს: ცისაპრიდი (გამოიყენება დისპეფსიის დროს), პიმოზიდი (გამოიყენება გარკვეული ფსიქიკური დარღვევების დროს), ასტემიზოლი (გამოიყენება თივის ცხელების ან ალერგიების დროს) ან ტერფენადინი (გამოიყენება ალერგიების დროს);

·თუ პაციენტი იღებს ერგოს წარმოებულებს (ერგოტამინი, დიჰიდროერგოტამინი) (გამოიყენება მშობიარობის შემდეგ სისხლდენის შესამცირებლად, შაკიკის სამკურნალოდ და პარკინსონის დაავადების სამკურნალოდ);

·თუ პაციენტს თირკმლის მძიმე დაზიანება აქვს (კრეატინინის კლირენსი ნაკლები 30 მლ/წთ-ზე);

·თუ პაციენტს დიაგნოსტირებული აქვს ან სავარაუდოა გულის რითმის დარღვევა, როგორიცაა თანდაყოლილი გახანგრძლივებული Qთ სინდრომი ან თორსადეს დე Pოინტეს.

ტრიო სიფრთხილით უნდა იქნეს გამოყენებული შემდეგ შემთხვევებში:

·თუ პაციენტს განუვითარდა ალერგია მკურნალობის დროს (შეიძლება გამოვლინდეს კანის გამონაყარიდან მძიმე სუნთქვის უკმარისობამდე სახით);

·თუ პაციენტს მკურნალობის დროს განუვითარდა მძიმე ინფექცია;

·თუ პაციენტს აქვს ხანგრძლივი დიარეა სისხლით ან სისხლის გარეშე მკურნალობის დროს ან მის შემდეგ;

·თუ პაციენტს აღენიშნება კანზე გამონაყარი ცხელებასთან ერთად მკურნალობის დროს;

·თუ პაციენტს აქვს წვის ან ტკივილის სეგრძნება შარდვის დროს (შეიძლება გამოიყოს ნალექი);

·თუ პაციენტს ღვიძლისა და თირკმლის დაზიანება აქვს;

·თუ პაციენტი 65 წელს ზემოთ ასაკისაა, და დადგენილი აქვს ღვიძლისა და თირკმლის ფუნქციის დაქვეითება;

·თუ პაციენტს ნაწლავების ინფექცია აქვს;

·თუ პაციენტი ორსულადაა და ძუძუთი კვებავს ბავშვს.

საჭიროა გლუკოზის დონის ყურადღებითი მონიტორინგი, თუ პაციენტი იღებს პერორალურ ჰიპოგლიკემიურ პრეპრატებს და/ან ინსულინს.

თუ რომელიმე გაფრთხილება ეხება პაციენტს, მათ შორის წარსულში, საჭიროა ექიმთან კონსულტაცია.

ტრიოს მიღება საკვებთან და სასმელთან ერთად

ტრიოს მიღება რეკომენდებულია მშიერ კუჭზე.

ორსულობა

საჭიროა ექიმთან ან ფარმაცევტთან კონსულტაცია ამ მედიკამენტის გამოყენებამდე.

ორსულობის დროს ტრიო სამმაგი თერაპიის შეფუთვა გამოყენებულ უნდა იქნეს მხოლოდ იმ შემთხვევაში, თუ აბსოლუტური ჩვენებაა.

ამოქსიცილინმა, შეფუთვაში არსებულმა ერთ-ერთმა მედიკამენტმა, შეიძლება შეამციროს ზოგიერთი პერორალური კონტრაცეპტივების ეფექტიანობა. საჭიროა ექიმთან კონსულტაცია ამის შესახებ.

თუ ორსულობა დადგა მკურნალობის დროს, საჭიროა ექიმთან ან ფარმაცევტთან დაუყოვნებლივ კონსულტაცია.

ძუძუთი კვება

საჭიროა ექიმთან ან ფარმაცევტთან კონსულტაცია ამ პრეპარატის მიღებამდე.

ტრიოს მიღება არ უნდა მოხდეს ძუძუთი კვების დროს, თუ არ არის აბსოლუტური ჩვენება ექიმის გადაწყვეტილებით.

ავტომობილისა და სხვა მექანიზმების მართვა

არ არის მონაცემები ტრიოს კომპონენტების ზემოქმედების შესახებ ავტომობილისა და სხვა მექანიზმების მართვის უნარზე. ასეთი ეფექტების განვითარებისას საჭიროა ექიმთან კონსულტაცია.

მნიშვნელოვანი ინფორმაცია ტრიოს ზოგიერთი ინგრედიენტის შესახებ

კლარითრომიცინი და ლანსოპრაზოლი, ტრიოს სამმაგ თერაპიულ შეფუთვაში არსებული კომპონენტები, შეიცავს ნატრიუმს. ეს მხედველობაში უნდა იქნეს მიღებული ნატრიუმის გაკონტროლებული შემცველობის დიეტაზე მყოფ პაციენტებში.

კლარითრომიცინის ტაბლეტები შეიცავს ტარტრაზინს. ტარტრაზინმა შეიძლება გამოიწვიოს ალერგიული რეაქციები.

ტრიოს სამმაგ თერაპიულ შეფუთვაში არსებული ლანსოპრაზოლის კაფსულები შეიცავს 200,95 მგ საქაროზას. თუ პაციენტს დადგენილი აქვს გარკვეული შაქრების აუტანლობა, საჭიროა ექიმთან კონსულტაცია ამ სამკურნალო პროდუქტის მიღებამდე.

სხვა მედიკამენტებთან ერთად მიღება

მედიკამენტები, რომლებიც ურთიერთქმედებაში შედიან ამოქსიცილინთან:

·პრობენეციდი, გამოიყენება პოდაგრის სამკურნალოდ, ამცირებს ამოქსიცილინის გამოყოფას თირკმელებიდან;

·ალოპურინოლი, გამოიყენება პოდაგრის დროს, არ უნდა იქნეს ერთდროულად გამოყენებული, რადგან შეიძლება გაიზარდოს ლანის ალერგიული რეაქციების ალბათობა;

·სისხლის გამათხევადებლებთან ერთად გამოყენებისას, საჭიროა სისხლის ანალიზების შემოწმება დროულად;

·შარდში შაქრის გაზომვისას შეიძლება გამოვლინდეს ცრუ დადებითი შედეგი ამოქსიცილინის მიღების გამო. ლაბორანტს უნდა ეცნობოს, რომ პაციენტი იღებს ამ მედიკამენტს.

მედიკამენტები, რომლებიც ურთიერთქმედებაში შედიან კლარითრომიცინთან:

კლარითრომიცინმა შეიძლება გამოიწვიოს სისხლში სხვადასხვა მედიკამენტების დონის გაზრდა. კლინიკურად მნიშვნელოვანია ქვემოთ ჩამოთვლილი:

·ის ზრდის სისხლში თეოფილინის დონეს, რომელიც გამოიყენება სასუნტქი გზების გასაფართოებლად და შეიძლება გამოიწვიოს ინტოქსიკაცია (ვითარდება გულისრევის, ღებინების სიმპტომები, ჩქარდება გულისცემა, იზრდება გულყრები);

·შეიძლება გამოიწვიოს კუნთების დაშლა, როცა გამოიყენება სისხლში ცხიმების დონის დამაქვეითებელ მედიკამენტებთან ერთად;

·შეიძლება აღინიშნოს გულის რითმის მძიმე დარღვევები, როცა გამოიყენება ცისაპრიდთან (გამოიყენება დისპეფსიის დროს), პიმოზიდთან (გამოიყენება ფსიქიკური დარღვევების დროს), ტერფენადინთან და ასტემიზოლთან (გამოიყენება ალერგიის სამკურნალოდ), ქინიდინთან და დიზოპირამიდთან (გამოიყენება გულის რითმის სტაბიიზაციისათვის);

·ის იწვევს სხვადსხვა ცირკულატორულ დარღვევებს, როცა გამოიყენება ერგოს წარმოებულებთან ერთად;

·დიგოქსინთან ერთად მიღებისას (გამოიყენება გულის უკმარისობის დროს) შეიძლება გამოიწვიოს დიგოქსინით ინტოქსიკაცია (სიმპტომები, როგორიცაა: გულის რითმის დარღვევები, მადის დაკარგვა, გულისრევა, ღებინება, ძილიანობა, თავბრუსხვევა, ფსიქიკური დარღვევები, ჰალუცინაციები, კუნთების სისსუსტე, ნერვებისა და კუნთების ტკივილი, მხედველობის გაორება, სინათლეზე მგრძნობელობა, მხედველობა მწვანე-ყვითელ ფერებში).

·ზიდოვუდინის (გამოიყენება აივ ინფექციის დროს) მიღება რეკომენდებულია 1-2 საათის ინტერვალის შემდეგ, რათა თავიდან იქნეს აცილებული სისხლში ზიდოვუდინის კონცენტრაციის შემცირება;

·ყურადღებითი მონიტორინგია საჭირო სისხლის გამათხევადებლებთან ერთად გამოყენებისას;

·კოლხიცინთან (გამოიყენება სხვადასხვა დაავადებების სამკურნალოდ, როგორიცაა: პოდაგრა, ბეხჩეტის დაავადება, პერიოდული დაავადება) ერთად მიღებისას შეიძლება განვითარდეს კოლხიცინით ინტოქსიკაცია (ინტოქსიკაციის სიმპტომები შეიძლება იყოს ღებინება, ნერწყვდენა, მტკივნეული და სისხლიანი ფაღარათი, შეიძლება დადგეს სიკვდილი 1-2 დღეში);

·ბენზოდიაზეპინებთან (მიეკუთვნება საძილე მედიკამენტების ჯგუფს) ერთად მიღებისას შეიძლება გაიზარდოს ეფექტები, როგორიცაა თავბრუსხვევა და ძილიანობა;

·სიფრთხილით უნდა იქნეს გამოყენებული ერექციული დისფუნქციის სამკურნალო მედიკამენტებთან ერთად (სილდენაფილი), რადგან სეიძლება გაიზარდოს ამ მედიკამენტების დონე სისლში.

მედიკამენტები, რომლებიც ურთიერთქმედებაში შედიან ლანსოპრაზოლთან:

·სუკრალფატთან (კუჭის დამცველი პრეპარატი) ერთად მიღებისას, შეიძლება დაქვეითებს მისი ეფექტიანობა, ამიტომ გამოყენებულ უნდა იქნეს მინიმუმ 30-წუთიანი ინტერვალით;

·შეიძლება დააქვეითოს კეტოკონაზოლის (გამოიყენება სოკოვანი ინფექციების დროს), ამპიცილინის ეთერების (ანტიბიოტიკები), რკინის მარილების (გამოიყენება ანემიის სამკურნალოდ) და დიგოქსინის (გამოიყენება გულის უკმარისობის დროს) შეწოვა.

ექიმს ან ფარმაცევტს უნდა ეცნობოს, თუ პაციენტი იღებს ან უახლეს წარსულში იღებდა რეცეპტით ან ურეცეპტოდ გასაცემ ნებისმიერ სხვა მედიკამენტს.

3.ტრიოს გამოყენების წესი

ინსტრუქცია სათანადო გამოყენებისა და დოზის/სიხშირის შესახებ

ტრიოს სამმაგ თერაპიულ შეფუთვაში არსებული ყველა სამი მედიკამენტის მიღება უნდა მოხდეს ერთად დილით და საღამოს (12-საათიანი შუალედით).

მკურნალობის ხანგრძლივობას განსაზღვრავს ექიმი. ჩვეულებრივ ის გრძელდება 10-14 დღე.

გამოყენების გზა და მეთოდი

ტრიოს სამმაგ თერაპიულ შეფუთვაში არსებული მედიკამენტები უნდა გადაიყლაპოს. მათი გადაყლაპვა უნდა მოხდეს მთლიანად მშიერ კუჭზე, საკმარისი რაოდენობის წყალთან ერთად.

სხვადასხვა ასაკობრივი ჯგუფები:

ბავშვებში გამოყენება:

ბავშვებში არ გამოიყენება.

ხანდაზმულებში გამოყენება:

თუ პაციენტი 65 წელზე მეტი ასაკისაა, ექიმი მოახდენს მკურნალობის გულდასმით მონიტორინგს.

განსაკუთრებული პირობებში გამოყენება

თირკმლის დაზიანება

არ გამოიყენება თირკმლის მძიმე დაზიანების დროს.

ღვიძლის დაზიანება

ექიმი მოახდენს მკურნალობის ყურადღებით მონიტორინგს.

თუ პაციენტი მიიჩნევს, რომ ტრიოს ეფექტი ძალიან ძლიერი ან ძალიან სუსტია, საჭიროა ექიმთან ან ფარმაცევტთან მიმართვა.

ტრიოს დოზის გადაჭარბებისას

ამ შემთხვევაში, ექიმი მოახდენს პაციენტის მდგომარეობის მეთვალყურეობას და ჩაატარებს სიმპტომურ მკურნალობას.

ტრიოს დოზის გადაჭარბებისას საჭიროა ექიმთან ან ფარმაცევტთან მიმართვა.

ტრიოს დოზის გამოტოვებისას

არ შეიძლება დოზის გაორმაგება გამოტოვებულის სანაცვლოდ.

ტრიოს მიღების შეწყვეტისას

არ არის მოსალოდნელი ნეგატიური ეფექტები ტრიოს სამმაგი თერაპიუუს შეფუთვის მიღების შეწყვეტისას. თუმცა, სრულად გამოჯანმრთელებისათვის მკურნალობა უნდა გაგრძელდეს ექიმის რეკომენდაციის შესაბამისად.

4.   შესაძლო გვერდითი მოვლენები

ყველა სხვა მედიკამენტის მსგავსად, გვერდითი მოვლენები შეიძლება განვითარდეს პაციენტებში, რომლებიც მგრძნობიარეები არიან ტრიოს სამმაგ თერაპიულ შეფუთვაში შემავალი მედიკამენტების მიმართ.

ლანსოპრაზოლის კლარითრომიცინისა და ამოქსიცილინის სამმაგ თერაპიასთან დაკავშირებული გვერდითი მოვლენები ქვემოთ ჩამოთვლილია მათი სიხშირის მიხედვით:

ძალიან ხშირი: აღინიშნება 10-დან არაუმცირეს 1 პაციენტში

ხშირი: აღინიშნება 100-დან 1-10 პაციენტში;

არახშირი: აღინიშნება 1000-დან 1-10 პაციენტში;

იშვიათი: აღინიშნება 10,000-დან 1-10 პაციენტში;

ძალიან იშვიათი: აღინიშნება 10,000-დან 1-ზე ნაკლებ პაციენტში;

სიხშირე უცნობია: სიხშირის შეფასება ვერ ხერხდება არსებული მონაცემების საფუძველზე.

ქვემოთ ჩამოთვლილი გვერდითი მოვლენები მოიცავს ყველა ეფექტს, რომელიც შეიძლება განვითარდეს სამი მედიკამენტის ერთდროულად ან ცალ-ცალკე მიღებისას.

უნდა შეწყდეს ტრიოს მიღება და საჭიროა ექიმთან ან უახლოესი ჰოსპიტლის ემერჯენსის განყოფილებაში დაუყოვნებლივ მიმართვა შემდეგ შემთხვევებში:

·სერიოზული ალერგიული რეაქციები (ანაფილაქსია, რომელმაც შეიძლება გამოიწვიოს ხორხის უეცარი ბლოკირება და შოკი);

·პათოლოგიური სისხლდენა ან სისხლჩაქცევები კანზე, მძიმე ინფექციები (როგორიცაა მძიმე ტონზილიტი) ან მძიმე ანემია (ეს შეიძლება მიუთითებდეს სისხლის ზოგიერთი უჯრედების შემცირებაზე ან ყველა სისხლის უჯრედის შემცირებაზე).

ყველა ეს ძალიან სერიოზული გვერდითი მოვლენაა.

თუ პაციენტს უვითარდება რომელიმე მათგანი, ეს ნიშნავს, რომ აქვს სერიოზული ალერგია ტრიოს მიმართ. პაციენტი შეიძლება საჭიროებდეს გადაუდებელ სამედიცინო დახმარებას ან ჰოსპიტალიზაციას. ყველა ეს ძალიან სერიოზული გვერდითი ეფექტი ძალიან იშვიათია.

ხშირი

·რესპირატორული დარღვევები;

·თავის ტკივილი;

·ხანმოკლე დიარეა ან შეკრულობა;

·გემოს დარღვევები.

იშვიათი:

·გულის რითმის მძიმე დარღვევები (იწყება Qთ ინტერვალის გახანგრძლივებით ეკგ-ზე);

·სისხლში შაქრის დონის დაქვეითება (სიმპტომებია უეცრად განვითარებული შიმშილის შეგრძნება, ხელების ტრემორ, ცივი ოფლი, სისუსტე, ცნობიერების დაბინდვა) ან სისხლში შაქრის დონის გაზრდა (დიაბეტი).

ძალიან იშვიათი:

·გრიპის მსგავსი სიმპტომები გამონაყარით, ცხელებით, ჯიკრვლების გადიდებით და სისხლის ანალიზების ცვლილებებით (მოიცავს ლეიკოციტების (ეოზინოფილების) და ღვიძლის ფერმენტების დონის გაზრდას) (წამლისმიერი რეაქცია ეოზინოფილიითა და სისტემური სიმპტომებით (DღEშშ)).

სიხშირე უცნობია

·ხანგრძივი დიარეა სისხლითა და ლორწოთი;

·ღვიძლის დარღვევები, რომელიც ხასითდება მუქი ფერის შარდით, თეთრი ფერის განავლით, კანისა და თვალების სიყვითლით;

·კანის ძალიან მძიმე რეაქციები სიმპტომებით, როგორიცაა: კანის აქერცვლა, კანქვეშ სისხლიანი სითხის დაგროვება;

·გულყრები;

·სერიოზული ფსიქიკური ცვლილებები, მათ შორის ფსიქოზი ან მანიაკალური ქცევა;

·პანკრეასის ანთება, ხასიათდება სიმპტომებით, როგორიცაა; გულისრევა, ღებინება, მუცლის ტკივილი;

·შარდვის შემცირება ან არარსებობა (ინტერსტიციული ნეფრიტი);

·შრატისმიერი დაავადების მსგავსი რეაქციები (შესაძლოაცხელება, სახსრების ტკივილი, კანზე გამონაყარი)

·კეთილთვისებიანი ან ავთვისებიანი სიმსივნის განვითარება;

·თავბრუსხვევა;

·მუცლის ტკივილი;

·განავლის ფერის ცვლილება;

·პირის სიმშრლაე, წყურვილის შეგრძნება;

·პირის და ენის, ჭრილობების ანთება, ცუდი სუნთქვა;

·ენისა და კბილების ფერის ცვლილება;

·ანუსის ქავილი;

·დისპეფსია, გულისრევა, ღებინება;

·კუნთებისა და სახსრების ტკივილი;

·კანზე გამონაყარი;

·საშოს ანთება ან კანდიდოზური ინფექცია;

·შედარებით მსუბუქი ფსიქიკური სიმპტომები, როგორიცაა: დეპრესია, მოუსვენრობა, ჰიპერაქტიურობა, ქცევითი ცვლილებები, დეპერსონალიზაცია, ჰალუცინაციები, უძილობა, აგრესიულობა, ნევროზულობა და სექსუალური ლტოლვის შემცირება;

·სმენის დაკარგვა, ყურებში ხმაური, რომელიც შექცევადია თერაპიის შეწყვეტის შემდეგ;

·მხედველობის გაორება, თვალების ტკივილი და მხედველობის არის დეფექტი;

·ტკივილი, წვა შარდვისას, კრისტალების არსებობა შარდში და თირკმლის კენჭები;

·მძიმე ინფექციები (ზედა და ქვედა სასუნთქი გზების ინფექციები);

·ჩიყვი;

·სლოკინი;

·სისუსტე, დაღლილობა;

·თმის ცვენა;

·მენსტრუაციის დარღვევა და მტკივნეული მენსტრუაცია;

·სარძევე ჯირკვლების გადიდება, ტკივილი და დაჭიმულობა;

·სითხის შეკავება;

·მეტყველების დარღვევები;

·პოდაგრა, წონის მომატება/დაკლება;

·აკნე;

·ქავილი, სიწითლე, ურტიკარია;

·მკერდში ტკივილი, მაღალი/დაბალი სისხლის წნევა, მიოკარდიუმის ინფარქტი, გულის ფრიალი, შოკი (ცირკულატორული კოლაფსი), სისხლძარღვების გაფართოება, კარდიოსპაზმი (საყლაპავის ქვედა ნაწილის ფუნქციური დარღვევა);

·ასთმა, ბრონქიტი, გაძლიერებული ხველა, სუნთქვის გაძნელება, ცხვირიდან სისხლდება, ჰემოფტიზი (სისხლიანი ნახველი);

·მადის დაკარგვა;

·ბეზოარი (კენჭის ფორმირება კუჭ-ნაწლავის სისტემაში), ქოლელითიაზის (ნაღველ-კენჭოვანი დაავადება);

·ყლაპვის გაძნელება, ბოყინი, წყლულები, გასტროენტერიტი; კუჭ-ნაწლავიდან სისხლდება, სისხლიანი ღებინება, სისხლი განავალში, მადის გაძლიერება, გაძლიერებული ნერწყვდენა, სისხლდენა ანუსიდან, ტენეზმები, წყლულოვანი კოლიტი.

ყველა ეს სერიოზული გვერდითი მოვლენაა, შეიძლება საჭირო გახდეს გადაუდებელი სამედიცინო დახმარება.

ლაბორატორიული ანალიზების ცვლილებები, რომლებიც შესაძლოა დაკავშირებულია ტრიო სამმაგი თერაპიის შეფუთვაში არსებულ კომპონენტებთან:

ლაბორანტს და ექიმს უნდა ეცნობოს, რომ პაციენტი იღებს ამ მედიკამენტს.

ეს ტრიოს სუსტი გვერდითი მოვლენებია.

თუ გამოვლინდება ნებისმიერი გვერდითი მოვლენა, რომელიც არ არის ჩამოთვლილი ინსტრუქციაში, საჭიროა მკურნალ ექიმთან ან ფარმაცევტთან მიმართვა.

გვერდითი მოვლენების შესახებ შეტყობინება

თუ გამოვლინდება რომელიმე გვერდითი მოვლენა, საჭიროა მკურნალ ექიმთან, ფარმაცევტთან ან ექთანთან მიმართვა. ეს მოიცავს ისეთ შესაძლო გვერდით მოვლენებს, რომლებიც არ არის ინსტრუქციაში მითითებული. გვერდითი მოვლენების შესახებ შეტყობინება ხელს უწყობს წამლის უსაფრთხოების შესახებ მეტი ინფორმაციის შეგროვებას.

5.  ტრიოს შენახვის წესი

ტრიო ინახება ბავშვებისთვის მიუწვდომელ ადგილას და ორიგინალი შეფუთვით.

ინახება ოთახის ტემპერატურაზე, 25ºC-ის ქვემოთ, ორიგინალი შეფუთვით და კოლოფში.

ინახება სინათლისაგან და ნესტისაგან დაცულ ადგილას.

გამოყენებულ უნდა იქნეს შენახვის ვადის მიხედვით.

დაუშვებელია ტრიოს გამოყენება შენახვის ვადის გასვლის შემდეგ, რომელიც მითითებულია შეფუთვაზე.

პირველი ორი ციფრი მიუთითებს თვეს და ბოლო ოთხი ციფრი მიუთითებს წელს.

დაუშვებელია ტრიოს გამოყენება, თუ პროდუქტზე და/ან მის შეფუთვაზე აღინიშნება რაიმე დაზიანება.

დაუშვებელია მედიკამენტების გადაგდება საკანალიზაციო წყალში ან საყოფაცხოვრებო ნაგავში. საჭიროა ფარმაცევტთან მიმართვა გამოუყენებელი მედიკამენტების გადაგდების შესახებ. ეს ღონისძიებები ხელს უწყობს გარემოს დაცვას.