თერმომეტრი ვერცხლისწყლის გარეშე

გამოყენების ინსტრუქცია

1. პროდუქტის დასახელება

კლინიკური თერმომეტრი ვერცხლისწყლის გარეშე  .

2. მოდელის სპეციფიკაცია

CR.W00.

3. საკონტაქტო ინფორმაცია

მწარმოებელი: Wuxi Medical Instrument Factory Co., Ltd , ჩინეთი.

4. შენახვის პირობები

შენახვისა და ტრანსპორტირებისას ტემპერატურა უნდა შენარჩუნდეს -10 °C-დან 42 °C-მდე ფარგლებში.

5. გაფრთხილება

• გააფრთხილეთ პაციენტები, რომ არ დაღეჭონ >თერმომეტრი, არ ისაუბრონ და არ ითამაშონ იმ დროს, როდესაც კლინიკური თერმომეტრი მოთავსებულია ენის ქვეშ.

• აუცილებელია, რომ ავადმყოფი ბავშვები იწვნენ მშვიდად; რექტალური გამოყენებისას დაეხმარეთ მათ თერმომეტრის მეორე ბოლოს დაფიქსირებაში, რათა თავიდან აიცილოთ მისი ზედმეტად ღრმად ჩასვლა ან გადმოცურება ანუსიდან.

• მოერიდეთ აბაზანის მიღებას, საკვების მიღებას ან მოწევას სხეულის ტემპერატურის გაზომვამდე ნახევარი საათით ადრე.

• მოწყობილობა არ არის განკუთვნილი სპეციალური დანიშნულებით გამოყენებისთვის (მაგ. თერმომეტრები დღენაკლული ბავშვებისთვის, ოვულაციის თერმომეტრები).

• ნებისმიერი სერიოზული ინციდენტი, რომელიც მოხდა მოწყობილობასთან დაკავშირებით, უნდა ეცნობოს მწარმოებელს და იმ წევრი სახელმწიფოს კომპეტენტურ ორგანოს, რომელშიც რეგისტრირებულია მომხმარებელი და/ან პაციენტი.

6. დანიშნულება

• 6.1 დანიშნულება და კლინიკური ჩვენება: ადამიანის სხეულის ტემპერატურის გაზომვა.

• 6.2 საექსპლუატაციო გარემო: გაზომვის მინიმალური დიაპაზონი უნდა შეადგენდეს 35.5 °C-დან 42 °C-მდე. გარემო ტემპერატურა (მხოლოდ ვერცხლისწყლის გარეშე მოქმედი თერმომეტრისთვის) უნდა იყოს 20 °C-დან 30 °C-მდე. თუ შენახვის ტემპერატურა 20 °C-ზე ნაკლები იყო, გამოყენებამდე ან შემოწმებამდე მოათავსეთ თერმომეტრი 20-30 °C ტემპერატურაზე მინიმუმ 1-2 საათით, ან 30-35 °C ტემპერატურაზე 10 წუთის განმავლობაში.

• 6.3 გამოყენების წესი და თერმომეტრის ჩამობერტყვა: ცერა და საჩვენებელი თითით მჭიდროდ და ფრთხილად მოკიდეთ ხელი თერმომეტრის ბოლოს (კუდის ნაწილს), რამდენჯერმე მსუბუქად ჩამობერტყეთ, სანამ თხევადი სვეტი არ ჩამოვა ნიშნულს ქვემოთ.

პროცედურული თანმიმდევრობა:

1.გამოყენებამდე თხევადი სვეტი უნდა ჩამოვიდეს ყველაზე დაბალ ციფრულ ნიშნულზე. ამის შემდეგ, გაწმინდეთ და ჩაატარეთ კლინიკური თერმომეტრის დეზინფექცია სამედიცინო სპირტით ან მოათავსეთ სტერილიზებულ პლასტმასის ბუდეში.

2.პირის ღრუში (ორალურად) გაზომვისას: ფრთხილად მოათავსეთ თერმომეტრი პაციენტის ენის ქვეშ და სთხოვეთ მას, მჭიდროდ დახუროს პირი.

3.სწორ ნაწლავში (რექტალურად) გაზომვისას: ანალურ ხვრელში შეყვანამდე თერმომეტრს წაუსვით შესაბამისი საპოხი საშუალება (ლუბრიკანტი).

4.იღლიის ფოსოში (აქსილარულად) გაზომვისას: ფრთხილად მოათავსეთ თერმომეტრი პაციენტის იღლიის ქვეშ და სთხოვეთ, მჭიდროდ მიიჭიროს მკლავი სხეულზე.

• ზემოაღნიშნული ნაბიჯების შესრულებიდან დაახლოებით 4 წუთის შემდეგ, შეგიძლიათ წაიკითხოთ თერმომეტრის ჩვენება.

7. ნარჩენების მართვა და უტილიზაცია

თერმომეტრში გამოყენებული ლითონური სითხე წარმოადგენს გალიუმის, ინდიუმის და კალის შენადნობს; კლინიკურ თერმომეტრს უნდა მოეპყროთ სიფრთხილით. განსაკუთრებით მნიშვნელოვანია, თავიდან აიცილოთ მოწყობილობის დავარდნა ან ნებისმიერი ისეთი ქმედება, რამაც შეიძლება გამოიწვიოს მისი დაზიანება. თერმომეტრის გატეხვის შემთხვევაში, დაღვრილი სითხე შეაგროვეთ საპნიან წყალში დასველებული ქსოვილით. პროდუქტის გადაგდება შესაძლებელია სხვა საყოფაცხოვრებო ნარჩენებთან ერთად.

8. ვარგისიანობის ვადა

შეუზღუდავი (N/A).

9. პროდუქტის ძირითადი ტექნიკური მახასიათებლები

• ა. გაზომვის მინიმალური დიაპაზონი: 35.5 °C – 42 °C; მინიმალური დანაყოფის ინტერვალი: 0.10 °C.

• ბ. თერმომეტრის ზომა: ბრტყელი ტიპის, დიდი ზომის, სიგრძე: 120 ± 8.5 მმ; სიმაღლე/სიგანე: 12 ± 0.4 მმ × 9.4 ± 0.4 მმ. 

• გ. სიზუსტე: 37 °C და 41 °C-ზე: +0.10 და -0.15. 

• დ. შენახვის პირობები: ტემპერატურა -10 °C-დან 42 °C-მდე. 

• ე. გამოყენების ტემპერატურა: 20 °C-დან 30 °C-მდე.

• ვ. სტანდარტი: EN 12470:2000+A1:2009.