სტამიკი - Stamic 40მგ 14 ტაბლეტი

სტამიკი 40 მგ

ნაწლავში ხსნადი გარსით დაფარული ტაბლეტები

პერორალური გზით გამოსაყენებლად.

·  აქტიური ინგრედიენტი:  45.1 მგ პანტოპრაზოლის ნატრიუმის სესკვიჰიდრატი, რაც 40 მგ პანტოპრაზოლის ექვივალენტია.

·  დამხმარე საშუალებები: კროსკარმელოზას ნატრიუმი, კალციუმის სტეარატი, კროსპოვიდონი, მანიტოლი DC, ნატრიუმის კარბონატის ანჰიდრიდი, კოლოიდური უწყლო სილიციუმი, ჰიპრომელოზას აცეტატის სუქცინატი, ტრიეთილ ციტრატი, ჰიდროქსიპროპილ მეთილ ცელულოზა, ტალკი, ნატრიუმის ლაურილ სულფატი, რკინის ოქსიდი ყვითელი.

ამ პრეპარატის გამოყენების წინ, ყურადღებით წაიკითხეთ ეს ინსტრუქციის ფურცელი. მასში მოცემულია თქვენთვის მნიშვნელოვანი ინფორმაცია. ·  შეინახეთ ეს ინსტრუქციის ფურცელი. შეიძლება დაგჭირდეთ მისი ხელახლა წაკითხვა. ·  დამატებითი კითხვების შემთხვევაში, მიმართეთ თქვენს ექიმს ან ფარმაცევტს. ·  ეს პრეპარატი დაგენიშნათ თქვენ. არ მისცეთ ის სხვებს. ·  ამ პრეპარატის გამოყენების პერიოდში ექიმთან ვიზიტისას უთხარით ექიმს, რომ იღებთ ამ პრეპარატს. ·  ზუსტად დაიცავით აქ მოცემული ინსტრუქციები. არ გამოიყენოთ რეკომენდებულზე მაღალი ან დაბალი დოზა.

 

ამ ინსტრუქციის ფურცელში არის შემდეგი თავები:

1. რა არის სტამიკი® და რისთვის გამოიყენება

2. რა უნდა გაითვალისწინოთ სტამიკის® გამოყენების წინ

3. როგორ მიიღება სტამიკი®

4. შესაძლო გვერდითი ეფექტები

5. როგორ ინახება სტამიკი®

1. რა არის სტამიკი® და რისთვის გამოიყენება

·  სტამიკი წარმოდგენილია (ნაწლავში ხსნადი გარსით დაფარული) ტაბლეტების ფორმით, რომელიც შემოგარსულია სპეციალური სუბსტანციით, რომელიც ახდენს კუჭში პრეპარატების დაშლის პრევენციას. ყოველი ტაბლეტი შეიცავს 40 მგ პანტოპრაზოლს (პანტოპრაზოლის ნატრიუმის სესკვიჰიდრატი) წამლის სუბსტანციის სახით.

·  პანტოპრაზოლი, სტამიკის წამლის სუბსტანცია, შედის „პროტონული ტუმბოს ინჰიბიტორებით“ ცნობილი პრეპარატების ჯგუფში. ეფექტურია კუჭში წარმოებული მჟავას რაოდენობის შემცირების კუთხით. გამოიყენება კუჭისა და ნაწლავების მჟავა-დაკავშირებული დარღვევების სამკურნალოდ.

·  სტამიკი ბაზარზე წარმოდგენილია კოლოფებში 14 ან 28 ნაწლავში ხსნადი გარსით დაფარული ტაბლეტით ალუ-ალუ შეფუთვაში. ტაბლეტები არის ყვითელი ფერის, ოვალური ფორმის, ორმხრივ ამოზნექილი ნაწლავში ხსნადი გარსით დაფარული ტაბლეტები გლუვი კიდეებით.

სტამიკი:

ბავშვებში 12 წლის ასაკის ზემოთ და მოზრდილებში:

·  გასტროეზოფაგური რეფლუქსური დაავადება (დაავადება, როდესაც კუჭის შიგთავსის ამოსვლა საყლაპავში)

მოზრდილებში:

·  Helicobacter pylori (H.pylori)-ს ბაქტერიით გამოწვეული თორმეტგოჯა ნაწლავის და კუჭის წყლულების დროს გამოიყენება ორ შესაფერის ანტიბიოტიკთან ერთად ბაქტერიის გასანადგურებლად და ამგვარად, წყლულების რეციდივის თავიდან ასაცილებლად.

·  გამოიყენება პეპტიკური წყლულის (თორმეტგჯა ნაწლავის წყლული და> კუჭის წყლული) მკურნალობის დროს

·   გამოიყენება ზოლინგერ-ელისონის სინდრომის (კუჭქვეშა ჯირკვლის სიმსივნეები, რომლებიც წარმოიქმნიან ისეთ ჰორმონებს, რომლებიც იწვევენ კუჭის მჟავას სიჭარბეს) და სხვა მდგომარეობების სამკურნალოდ, რომლებიც იწვევენ კუჭის მჟავას ჭარბ სეკრეციას.

2. რა უნდა გაითვალისწინონ სტამიკის გამოყენების წინ

არ გამოიყენოთ სტამიკი შემდეგი მდგომარეობების დროს:

თუ:

·  ხართ ალერგიული (ჰიპერმგრძნობელობის) პანტოპრაზოლის წამლის სუბსტანციის ან სტამიკის შემადგენლობაში შემავალი რომელიმე დამხმარე საშუალების, ბენზიმიდაზოლების (პრეპარატები, რომლებიც გამოიყენება სოკოვანი დაავადებების დროს) მიმართ

·  ხართ ალერგიული პროტონული ტუმბოს ინჰიბიტორების შემცველი სხვა პრეპარატების მიმართ,

არ გამოიყენოთ სტამიკი

სტამიკი სიფრთხილით გამოიყენეთ შემდეგი მდგომარეობების დროს:

თუ:

·  გაქვთ ღვიძლის უკმარისობა, აცნობეთ თქვენს ექიმს, თუ გაქვთ ღვიძლის პრობლემები, სტამიკით მკურნალობის დროს ექიმი რეგულარულად შეამოწმებს ღვიძლის ფერმენტებს, განსაკუთრებით გრძელვადიანი გამოყენებისას. ღვიძლის ფერმენტების მომატებისას სტამიკის მიღება უნდა შეწყდეს.

·  თუ ორგანიზმში შემცირებულია B12 ვიტამინის წყაროები  ან თუ გაქვთ B12 ვიტამინის დეფიციტის რისკის ფაქტორები, უნდა იყოთ ფრთხილად. პანტოპრაზოლმა, ისევე როგორც კუჭის მჟავას დამწევი ყველა პრეპარატმა, შეიძლება დააქვეითოს B12 ვიტამინის აბსორბცია.

·  თუ იყენებთ აივ პროტეაზას ინჰიბიტორებს, როგორიცაა ატაზანავირი (აინ ინფექციის სამკურნალოდ) პანტოპრაზოლთან ერთად, რეკომენდაციის მისაღებად კონსულტაციისთვის მიმართეთ ექიმს.

·  პროტონული ტუმბოს ინჰიბიტორის გამოყენებამ, როგორიცაა პანტოპრაზოლი, განსაკუთრებით ერთ წელზე მეტ ხანს, შეიძლება გაზარდოს მენჯ-ბარძაყის, მაჯის ან ხერხემლის მოტეხილობის რისკი. აცნობეთ თქვენს ექიმს, თუ გაქვთ ოსტეოპოროზი ან თუ იყენებთ კორტიკოსტეროიდებს (რამაც შეიძლება გაზარდოს ოსტეოპოროზის რიკსი).

·  თუ სტამიკს იღებთ სამ თვეზე მეტ ხანს, მაგნიუმის დონეები სისხლში შეიძლება შემცირდეს. მაგნიუმის დაბალი დონეები შეიძლება გამოვლინდეს დაღლილობით, კუნთების უნებლიე შეკუმშვებით, დეზორიენტაციით, კონვულსიებით, თავბრუსხვევით და გულისცემის სიჩქარის გაზრდით. თუ განვითარდა რომელიმე ეს სიმპტომი, გთხოვთ აცნობეთ თქვენს ექიმს დაუყოვნებლივ. მაგნიუმის დაბალმა დონეებმა შეიძლება გამოიწვიონ სისხლში კალიუმის ან კალციუმის დონეების შემცირება.

ექიმმა შეიძლება გადაწყვიტოს სისხლის რეგულარული ანალიზები მაგნიუმის დონეების მონიტორინგის მიზნით.

·  მკურნალობის დროს თავიდან უნდა იქნას აცილებული ალკოჰოლის გამოყენება.

·  თუ ოდესმე გქონიათ კანისმიერი რეაქცია სტამიკის მსგავსი პრეპარატის მკურნალობის შემდეგ, რომლებიც ამცირებენ კუჭის მჟავას.

·  კანზე გამონაყარის განვითარებისას, განსაკუთრებით მზის ზემოქმედების უბნებზე, დაუყოვნებლივ აცნობეთ თქვენს ექიმს, რადგან შეიძლება საჭირო გახდეს სტამიკით მკურნალობის შეწყვეტა. თუ გაქვთ სხვა დაავადებები, როგორიცაა სახსრების ტკივილი, აუცილებლად ახსენეთ ექიმთან.

·  თუ გიტარდებათ ნეიროენდოკრინული სიმსივნის დიაგნოსტიკური ანალიზები, აცნობეთ თქვენს ექიმს, რადგან პროტონული ტუმბოს ინჰიბიტორების მსგავსად, სტამიკმა შეიძლება გავლენა მოახდინოს ამ ანალიზების შედეგებზე.

·  პროტონული ტუმბოს ინჰიბიტორების მსგავსად, სტამიკმაც შეიძლება ოდნავ გაზარდოს კუჭ-ნაწლავის ტრაქტის ზედა ნაწილში ჩვეულებრივ არსებული ბაქტერიების რიცხვი და შესაბამისად, ინფექციის (Salmonella და Campylobacter ან C. difficile) რისკი.

·  თუ ის გამოიყენება არასტეროიდული ანთების საწინააღმდეგო (არასტეროიდული ტკივილგამაყუჩებლები, ანთების საწინააღმდეგო პრეპარატები) პრეპარატებით გამოწვეული წყლულების პრევენციისთვის, სტამიკის გამოყენება უნდა შეიზღუდოს იმ პაციენტებში, რომლებსაც ესაჭიროებათ არასტეროიდული ანთების საწინააღმდეგო საშუალებების უწყვეტად მიღება და იმყოფებიან კუჭ-ნაწლავის ტრაქტის მხრივ უარყოფითი მოვლენების განვითარების მაღალი რისკის ქვეშ (მაგ. 65 წლის ასაკის ზემოთ, ანამნეზში წყლულის ან კუჭიდან სისხლდენის არსებობისას).

·  თუ უნდა ჩაგიტარდეთ სპეციფიკური სისხლის ანალიზი (ქრომოგრანინი A).

·  თუ შენიშნავთ რომელიმე შემდეგ მოვლენას, დაუყოვნებლივ მიმართეთ კონსულტაციისთვის თქვენს ექიმს:

-   მოულოდნელი კლება წონაში

-   ღებინება, განსაკუთრებით რეციდივის დროს

-   სისხლიანი ღებინება; ღებინებისას მუქი ყავის მარცვლების მსგავსი მასა

-   სისხლი განავალში, შეიძლება იყოს შავი ფერის ან კუპრისებრი

-   ყლაპვის გაძნელება ან ტკივილი ყლაპვისას

-   სიფერმკრთალე და სისუსტე (ანემია)

-   გულის არეში ტკივილი

-   კუჭის ტკივილი

-   მძიმე და პერსისტენტული დიარეა

სტამიკით მკურნალობამ შეიძლება დათრგუნოს კიბოსთან დაკავშირებული სიმპტომები და საბოლოოდ დააყოვნოს დიაგნოზის დასმა. შესაბამისად, სტამიკით მკურნალობის დაწყებამდე ექიმმა შეიძლება ჩაგიტაროთ რამდენიმე ანალიზი, რათა დარწმუნდეს, რომ არ გაქვთ კიბო. თუ სიმპტომები გრძელდება მკურნალობის დროს, შეიძლება საჭირო გახდეს დამატებითი გამოკვლევების ჩატარება.

თუ სტამიკს იყენებთ 1 წელზე მეტ ხანს, სავარაუდოდ, ექიმი განახორციელებს მუდმივ დაკვირვებას თქვენს მდგომარეობაზე. თუ შენიშნავთ რაიმე ახალ და უჩვეულო სიმპტომს, აცნობეთ ამის თაობაზე თქვენს ექიმს მასთან ვიზიტისას.

თუ თქვენ შენიშნავთ ასეთ სიმპტომს, მაშინაც კი, თუ წარსულში გქონიათ ამგვარი სიმპტომები, კონსულტაციისთის მიმართეთ თქვენს ექიმს.

სტამიკის გამოყენება საკვებთან და სასმელთან:

სტამიკი უნდა გადაიყლაპოს მთლიანად მცირე რაოდენობის წყლის მიყოლებით ჭამამდე 1 საათით ადრე, არ შეიძლება ტაბლეტის დაღეჭვა ან გატეხვა.

ორსულობა

ამ პრეპარატის მიღებამდე კონსულტაციისთვის მიმართეთ თქვენს ექიმს ან ფარმაცევტს.

არ არსებობს სათანადო მონაცემები ორსულ ქალებში პანტოპრაზოლის გამოყენების შესახებ. თუ ხართ ორსულად ან ფიქრობთ, რომ ხართ ორსულად, თუმცა, ექიმი ფიქრობს, რომ მოსალოდნელი სარგებელი აღემატება ნაყოფისათვის ზიანის რისკს, პანტოპრაზოლი უნდა მიიღოთ.

თუ მკურნალობის დროს შენიშნავთ, რომ ხართ ორსულად, დაუყოვნებლივ მიმართეთ თქვენს ექიმს ან ფარმაცევტს.

ძუძუთი კვება

ამ პრეპარატის გამოყენებამდე კონსულტაციისთვის მიმართეთ თქვენს ექიმს ან ფარმაცევტს.

როგორც ცნობილია, პანტოპრაზოლი გადადის დედის რძეში. ის გამოიყენება მეძუძურ დედებში მხოლოდ იმ შემთხვევაში, თუ პრეპარატის სარგებელი დედისათვის აღემატება ჩვილისათვის ზიანის რისკს.

ავტომობილების და მექანიზმების მართვა

სტამიკი არ ახდენს/უმნიშვნელოდ ახდენს ზემოქმედებას ავტომობილების და მექანიზმების მართვის უნარზე.

არ მართოთ ავტომობილები ან დანადგარები, თუ განვითარდა თავბრსუხვევა და მხედველობის დარღვევა.

მნიშვნელოვანი ინფორმაცია სტამიკის ზოგიერთი დამხმარე საშუალების შესახებ

არ შეიცავს დამხმარე საშუალებებს, რომლებიც საჭიროებენ სიფრთხილეს.

სხვა პრეპარატებთან კომბინირებული გამოყენება

სტამიკმა შეიძლება გავლენა მოახდინოს სხვა პრეპარატების ეფექტიანობაზე, უთხარით თქვენს ექიმს, თუ იღებთ შემდეგ პრეპარატებს:

·  პანტოპრაზოლმა შეიძლება შეასუსტოს ისეთი პრეპარატების მოქმედება აბსორბციის შემცირებით, როგორიცაა კეტოკონაზოლი, იტრაკონაზოლი და პოსაკონაზოლი, რომლებიც გამოიყენება სოკოვანი ინფექციების სამკურნალოდ და ისეთი კიბოს პრეპარატების მოქმედება, როგორიცაა ერლოტინიბი, რომლის აბსორბცია დამოკიდებულია კუჭის მჟავას დონეზე (pH).

·  შეიძლება საჭირო გახდეს უფრო ხშირი შემოწმებების ჩატარება, თუ იღებთ ვარფარინს და ფენპროკუმონს, რომლებიც გავლენას ახდენენ სისხლის შესქელებაზე ან გათხელებაზე.

·  პრეპარატები, რომლებიც გამოიყენება აივ (შიდსის) ინფექციის სამკურნალოდ, როგორიცაა ატაზანავირი.

·  მეთოტრექსატი (გამოიყენება რევმატოიდული ართრიტის, ფსორიაზის და კიბოს სამკურნალოდ) - თუ იღებთ მეთოტრექსატს, ექიმმა შეიძლება დროებით შეწყვიტოს სტამიკით მკურნალობა, რადგან პანტოპრაზოლმა შეიძლება გაზარდოს სისხლში მეთოტრექსატის დონე.

·  ფლუვოქსამინი (გამოიყენება დეპრესიის და სხვა ფსიქიკური დაავადებების სამკურნალოდ) - ექიმმა შეიძლება შეამციროს პანტოპრაზოლის დოზა, თუ მას იღებთ.

·  რიფამპიცინი (გამოიყენება ინფექციების სამკურნალოდ).

·  კრაზანას პრეპარატები (Hypricum perforatum) (გამოიყენება მსუბუქი დეპრესიის სამკურნალოდ).

თუ ამჟამად იღებთ ან ბოლო დროს იღებდით ნებისმიერ რეცეპტით ან ურეცეპტოდ გასაცემ პრეპარატს, აცნობეთ ამის თაობაზე თქვენს ექიმს ან ფარმაცევტს.

3. როგორი მიიღება სტამიკი

მიღების წესი და გზა:

სტამიკი უნდა გადაიყლაპოს მთლიანად, მცირე რაოდენობის წყლის მიყოლებით ჭამამდე 1 საათით ადრე, არ შეიძლება მისი დაღეჭვა ან გატეხვა.

ინსტრუქციები სათანადო გამოყენების და დოზის/მიღების სიხშირის შესახებ:

მოზრდილებისა და 12 წლის ზემოთ ასაკის ბავშვებისათვის

რეფლუქს ეზოფაგიტის (საკვებისა და მჟავას ამოსვლა კუჭიდან საყლაპავში) და მასთან დაკავშირებული სიმპტომების (მაგალითად, წვის შეგრძება და გულის არეში ტკივილი, მჟავას ამოსვლა კუჭიდან საყლაპავში, ტკივილი ყლაპვისას) სამკურნალოდ:

რეკომენდებული დოზა არის სტამიკის ერთი ტაბლეტი დღეში. ექიმმა შეიძლება გირჩიოთ სტამიკის 2 ტაბლეტის გამოყენება დღეში. მკურნალობის ხანგრძლივობა, როგორც წესი, არის 4-8 კვირა. ექიმი გეტყვით, თუ რამდენ ხანს უნდა მიიღოთ სტამიკი სამკურნალოდ.

მოზრდილებისთვის:

თორმეტგოჯას წყლულის და კუჭის წყლულის სამკურნალოდ, რომელიც გამოწვეულია H. Pylori-ს ბაქტერიული ინფექციით ორ შესაფერის ანტიბიოტიკთან ერთად

ანტიბიოტიკებთან ამოქსიცილინთან, კლარითრომიცინთან და მეტრონიდაზოლთან (ან თიონიდაზოლთან) კომბინაციაში, რეკომენდებული დოზა არის ერთი ტაბლეტი სტამიკი ორჯერ დღეში. პირველი ტაბლეტი მიიღება საუზმემდე 1 საათით ადრე და მეორე ტაბლეტი ვახშმამდე 1 საათით ადრე. მკურნალობის ხანგრძლივობა არის 1-2 კვირის განმავლობაში. დაიცავით თქვენი ექიმის რეკომენდაციები და წაიკითხეთ ამ ანტიბიოტიკების გამოყენების ინსტრუქციები.

კუჭის წყლულის და თორმეტგოჯა ნაწლავის წყლული

რეკომენდებული დოზა არის 1 ტაბლეტი სტამიკი დღეში. თქვენმა ექიმმა შეიძლება გირჩიოთ დღეში 2 ტაბლეტი სტამიკის გამოყენება. კუჭის წყლულის მკურნალობის ხანგრძლივობა შეადგენს, როგორც წესი, 4-8 კვირას. თორმეტგოჯა ნაწლავის წყლულის მკურნალობის ხანგრძლივობა, როგორც წესი, არის 2-4 კვირა. ექიმი გეტყვით, თუ რამდენ ხანს უნდა მიიღოთ სტამიკი სამკურნალოდ.

ზოლინგერ-ელისონის და სხვა მდგომარეობების გრძელვადიანი მკურნალობა, როდესაც კუჭი ძალიან დიდი რაოდენობის მჟავას გამოიმუშავებს

რეკომენდებული საწყისი დოზა არის 2 ტაბლეტი სტამიკი დღეში.

ორივე ტაბლეტი მიიღება ერთსადაიმავე დროს, ჭამამდე 1 საათით ადრე. ექიმი დააკორექტირებს თქვენი პრეპარატის დოზას შემდგომში კუჭის მჟავას დონის მიხედვით. თუ ექიმი გირჩევთ 2 ტაბლეტზე მეტს დღეში, ტაბლეტები მიიღება დღეში ორჯერ.

თუ ექიმი გირჩევთ დღეში 4 ტაბლეტზე მეტის მიღებას, ის ასევე გეტყვით, თუ როდის უნდა შეწყვიტოთ ამ პრეპარატების მიღება.

სხვადასხვა ასაკობრივი ჯგუფები:

გამოყენება ბავშვებში

არ გამოიყენება 12 წლამდე ასაკის ბავშვებში.

გამოყენება ხანდაზმულ პაციენტებში

სტამიკის გამოყენება შეიძლება ხანდაზმულებში დოზის კორექციის გარეშე.

გამოყენების სპეციალური მდგომარეობები:

თირკმლის უკმარისობა:

თუ გაქვთ თირკმლის დისფუნქცია, არ გამოიყენოთ სტამიკი Helicobaacter Pylori-ს სამკურნალოდ.

ღვიძლის უკმარისობა:

თუ გაქვთ ღვიძლის მძიმე ან საშუალო ხარისხის ღვიძლის პრობლემები, არ გამოიყენოთ სტამიკი Helicobaacter Pylori-ს სამკურნალოდ.

ღვიძლის მძიმე უკმარისობის მქონე პაციენტებში, 20 მგ პანტოპრაზოლის სადღეღამისო დოზის გადამეტება არ შეიძლება.

თუ გაქვთ შთაბეჭდილება, რომ სტამიკის მოქმედება ძალიან ძლიერი ან სუსტია, მიმართეთ თქვენს ექიმს ან ფარმაცევტს.

თუ მიიღეთ საჭიროზე მეტი რაოდენობის სტამიკი:

ცნობილი არ არის ჭარბი დოზის სიმპტომების შესახებ.

თუ მიიღეთ საჭიროზე მეტი რაოდენობის სტამიკი, მიმართეთ თქვენს ექიმს ან ფარმაცევტს.

თუ დაგავიწყდათ სტამიკის მიღება

თუ დაგავიწყდათ პრეპარატის მიღება, არ მიიღოთ ორმაგი დოზა გამოტოვებული დოზის კომპენსირების მიზნით. გააგრძელეთ მკურნალობა შემდეგი დოზით, ექიმის მიერ დანიშნული დოზირების რეჟიმით.

არ მიიღოთ ორმაგი დოზა გამოტოვებული დოზის კომპენსირების მიზნით.

შესაძლო გვერდითი ეფექტები სტამიკით მკურნალობის შეწყვეტისას:

ექიმი გეტყვით, თუ რამდენ ხანს უნდა მიიღოთ სტამიკი. ღვიძლის მძიმე უკმარისობის პაციენტებში არ შეიძლება 20 მგ პანტოპრაზოლის სადღეღამისო დოზის გადამეტება.

4. შესაძლო გვერდითი ეფექტები

როგორც ყველა პრეპარატის შემთხვევაში, ზოგიერთი გვერდითი ეფექტი შეიძლება განვითარდეს იმ პირებში, რომლებსაც აქვთ მგრძნობელობა სტამიკში შემავალი სუბსტანციების მიმართ.

გვერდითი ეფექტები კლასიფიცირებულია სიხშირის შემდეგი ხარისხის მიხედვით.

ძალიან ხშირი (ვლინდება 10-დან 1-ზე მეტ პაციენტში) ხშირი (ვლინდება 100-დან 1-10-ზე მეტ პაციენტში) არახშირი (ვლინდება 1000-დან 1-10-ზე მეტ პაციენტში) იშვიათი (ვლინდება 10000-დან 1-10-ზე მეტ პაციენტში) ძალიან იშვიათი (ვლინდება 10000-დან 1-ზე ნაკლებ პაციენტში) უცნობი (შეფასება შეუძლებელია არსებული მონაცემების მიმართ)

თუ განვითარდა რომელიმე შემდეგი მოვლენა, შეწყვიტეთ სტამიკის მიღება და დაუყოვნებლივ აცნობეთ თქვენს ექიმს ან მიმართეთ უახლოესი საავადმყოფოს მიმღებ განყოფილებას:

·  ძალიან სერიოზული ალერგიული მდგომარეობები (ვლინდება იშვიათად): ენის და/ან ყელის შეშუპება, მოუნელებლობა/ყლაპვის გაძნელება, ჭინჭრის ციება, სუნთქვის გაძნელება, სახის ალრგიული შეშუპება (კვინკეს შეშუპება/ანგიოშეშუპება), ძალიან სწრაფი გულის დარტყმები და თავბრუსხვევა ოფლიანობით.

·  ძალიან სერიოზული კანის მდგომარეობები (სიხშირის ხარისხის უცნობია): უეცარი, გავრცელებული, ბუშტუკების ფორმის, მტკივნეული გამონაყარი კანზე, ზოგადი ჯანმრთელობის სწრაფი გაუარესება, გაღიზიანება (მსუბუქი სისხლის დაგროვება) თვალებში, ცხვირში, პირში/ტუჩებზე და სასქესო ორგანოებზე, რაც შეიძლება იყოს კანის სერიოზული რეაქციების ნიშნების, როგორიცაა სტივენს ჯონსონის სინდრომი, მულტიფორმული ერითემა და ლაიელის სინდრომი) და მგრძნობელობა სინათლის მიმართ.

·  სხვა ძალიან სერიოზული მდგომარეობები (სიხშირის ხარისხის უცნობია): კანის ან თვალის სკლერის სიყვითლე (ღვიძლის უჯრედების მძიმე დაზიანება, სიყვითლე) ან თირკმელების გადადიდება (თირკმლის მძიმე ანთება) ტკივილიანი შარდვით და ზურგის ტკივილით, რაც იწვევს ცხელებას, ჭინჭრის გამონაყარს და შესაძლოა თირკმლის უკმარისობას.

ყველა ზემოთ ჩამოთვლილი მოვლენა არის ძალიან სერიოზული გვერდითი ეფექტი.

თუ განვითარდა რომელიმე ეს მოვლენა, თქვენ გაქვთ მძიმე ალერგია სტამიკის მიმართ. შეიძლება დაგჭირდეთ სასწრაფო სამედიცინო დახმარება ან ჰოსპიტალიზაცია.

თუ შენიშნვთ რომელიმე შემდეგ ეფექტს, აცნობეთ თქვენს ექიმს:

·  ხშირი

კეთილთვისებიანი პოლიპები კუჭში.

·  არახშირი

თავის ტკივილი, თავბრუსხვევა, დიარეა, შეუძლოდ ყოფნა, ღებინება, მუცლის ბუყბუყი და გაზები მუცელში, ყაბზობა, პირის სიმშრალე, მუცლის ტკივილი, ალერგიული მდგომარეობები, როგორიცაა გამონაყარი, ქავილი და კანის გამონაყარი, სისუსტე, ძილის დარღვევები.

ბარძაყის, მაჯის ან ხერხემლის მოტეხილობა

·  იშვიათი:

გემოს გაუარესება ან სრული დაკარგვა, მხედველობის დარღვევები, როგორიცაა ბუნდოვანი მხედველობა, ჭინჭრის ციება, სახსრების ტკივილი, კუნთების ტკივილი, წონაში მომატება/დაკლება, სხეულის მომატებული ტემპერატურა, მაღალი ტემპერატურა, ხელებისა და ტერფების შეშუპება (პერიფერიული შეშუპება), ალერგიული რეაქციები, დეპრესია, მკერდის გადიდება (გინეკომასტია) მამაკაცებში.

·  ძალიან იშვიათი

დეზორიენტაცია

·  უცნობი:

პაციენტებში, რომლებიც განსაკუთრებით არიან მიდრეკილნი, არარსებული საგნების დანახვა ან გაგონება (ჰალუცინაციები), დროსა და სივრცეში ჰარმონიის დაკარგვა, და გონების არევა, სისხლში ნატრიუმის დაბალი დონე (ჰიპონატრემია), სისხლში მაგნიუმის დაბალი დონე (იხილეთ პუნქტი 2. რა უნდა გაითვალისწინოთ სტამიკის გამოყენების წინ), გამონაყარი, შესაძლოა სახსრებში ტკივილით.

თუ გაქვთ მუდმივი დიარეა, აცნობეთ ექიმს, რადგან შეიძლება იყოს ნაწლავების ანთება (მიკროსკოპული კოლიტი).

გვერდითი ეფექტები, რომელთა დიაგნოსტირება შეიძლება სისხლის ანალიზებით:

·  არახშირი

ღვიძლის ფერმენტების მომატება

·  იშვიათი

სისხლში ბილირუბინის დონის მომატება, სისხლში ტრიგლიცერიდების (ცხიმების) დონის მომატება, სისხლის თეთრი უჯრედების რაოდენობის უეცარი შემცირება (მაღალი ცხელებით).

·  ძალიან იშვიათი

სისხლის შემადედებელი სისხლის უჯრედების (თრომბოციტების) რაოდენობის შემცირება (ამან შეიძლება გამოიწვიოს უფრო მეტი სისხლდენა), სისხლის თეთრი უჯრედების რაოდენობის შემცირება (ეს განაპირობებს ხშირად ინფიცირებას), შეიძლება ასევე აღინიშნოს სისხლის წითელი უჯრდედების, სისხლის თეთრი უჯრედების და სისხლის იმ უჯრედების (თრომბოციტების) რაოდენობის შემცირება, რომლებიც უზრუნველყოფენ კოაგულაციას.

აცნობეთ თქვენს ექიმს ან ფარმაცევტს, თუ განვითარდა ისეთი გვერდითი ეფექტი, რომელიც მითითებული არ არის ამ გამოყენების ინსტრუქციაში.

გვერდითი ეფექტების ინფორმირება

თუ განვითარდა ნებისმიერი ეფექტი, რომელიც მითითებულია ან არ არის მითითებული ამ ინსტრუქციაში, კონსულტაციისთვის მიმართეთ თქვენს ექიმს, ფარმაცევტს ან ექთანს. განვითარებული გვერდითი ეფექტების ინფორმირებით ხელს შეუწყობს თქვენ მიერ გამოყენებული პრეპარატის უსაფრთხოების შესახებ მეტი ინფორმაციის მოპოვებას.

5. სტამიკის შენახვა

შეინახეთ სტამიკი ორიგინალ შეფუთვაში ბავშვებისაგან მიუწვდომელ ადგილას.

შეინახეთ ოთახის ტემპერატურის ქვემოთ 25°C-ზე.

გამოიყენეთ ვარგისიანობის ვადის პერიოდში.

არ გამოიყენოთ სტამიკი შეფუთვაზე მითითებული ვადის გასვლის შემდეგ.

არ გადაყაროთ ვადაგასული ან გამოუყენებელი პრეპარატები. ისინი მიაწოდეთ გარემოს და ურბანიზაციის სამინისტროს მიერ განსაზღვრულ შემგროვებელ სისტემას. არ გამოიყენოთ სტამიკი, თუ შენიშნავთ პროდუქტის და/ან შეფუთვის დეფექტებს.

გაცემის წესი:

ფარმაცევტული პროდუქტის ჯგუფი - III , გაიცემა რეცეპტის გარეშე

ასევე, იხილეთ: >პანტოპრა - Pantopra 40მგ Gmp 28 ტაბლეტი