რიბოციტინი - Ribocitin თვალის წვეთები 10მლ

RIBOCITIN თვალის წვეთები

შემადგენლობა:

ნატრიუმის რიბოფლავინის ფოსფატი (ვიტამინი B2) – 0.5 მგ; ნატრიუმის ჰიალურონატი – 1.5 მგ; L-პროლინი – 0.752 მგ; გლიცინი – 1 მგ; L-ლიზინის ჰიდროქლორიდი – 0.14 მგ; L-ლეიცინი – 0.108 მგ; მიკროგლიცინი 50 (ჰიდროქსიმეთილგლიცენატი) 50%, ტრილონ B, ნატრიუმის ქლორიდი, ნატრიუმის დიჰიდროფოსფატი, ნატრიუმის ჰიდროფოსფატი, საინექციო წყალი 1 მლ-მდე.

გამოშვების ფორმა

RIBOCITIN 10 მლ >თვალის წვეთები.

RIBOCITIN - ოფთალმოლოგიური კერატოპოტექტორი,კერატორეპარანტი.

მოქმედების მექანიზმი. რიბოციტინი არის იზოტონური ოფთალმოლოგიური ხსნარი, რომელიც დაფუძნებულია ნატრიუმის ჰიალურონატზე, ვიტამინ B2-ზე და ამინომჟავებზე, ოპტიმიზირებულია რქოვანას სტრუქტურების დაცვისა და აღდგენისთვის სხვადასხვა სახის სტრესის, მათ შორის ქირურგიული ჩარევის შემდეგ.

ნატრიუმის ჰიალურონატი, მუკოპოლისაქარიდი, რომელიც გვხვდება სხეულის სხვადასხვა ქსოვილში, ეკვრის თვალის ლორწოვანი გარსის ზედაპირს, იცავს, ატენიანებს და პოხავს მას. მისი მუკოადჰეზიური თვისებების წყალობით, ნატრიუმის ჰიალურონატი რჩება თვალის ზედაპირზე და ხელს უწყობს საცრემლე აპკის ხანგრძლივ სტაბილიზაციას.

ვიტამინი B2 უზრუნველყოფს ეპითელიუმის მაღალ დაცვას სხვადასხვა სახის სტრესისგან, იცავს ულტრაიისფერი გამოსხივებისგან კროსლინქინგის ოპერაციის დროს და ხელს უწყობს სტრომის ფიზიოლოგიური მდგომარეობის შენარჩუნებას.

 ის მონაწილეობს სხვადასხვა ბიოქიმიურ რეაქციებში და მნიშვნელოვან როლს ასრულებს ეპითელური უჯრედებისა და რქოვანას სტრომის ზედაპირული სტრუქტურების განვითარებასა და შენარჩუნებაში, რადგან ვიტამინ B2-ის არარსებობა იწვევს კერატოციტების რაოდენობის, უჯრედგარე მატრიქსის სიმკვრივის და კოლაგენის ბოჭკოებს შორის კავშირების შემცირებას,

ის ასევე სასიცოცხლო როლს ასრულებს უჯრედულ ენერგეტიკულ პროცესებში. ვიტამინი B2 არის კოფაქტორი ფერმენტულ რეაქციებში.

რიბოციტინის შემადგენელი ამინომჟავები წარმოადგენს სუბსტრატს ახალი უჯრედების დაყოფისა და უჯრედგარე მატრიქსის სინთეზისთვის. კერძოდ, ლიზინი და ლეიცინი ფუნდამენტურია კოლაგენის სტრუქტურული სტაბილურობისთვის ადამიანის სხვადასხვა შემაერთებელ ქსოვილში, განსაკუთრებით სტრომაში.ამინომჟავები აუმჯობესებენ თვალის ზედაპირის ტროფიკას .

L-პროლინი კოლაგენის, ცილის, რომელიც ადამიანის ორგანიზმის ყველა ქსოვილის საფუძველს წარმოადგენს, ძირითადი კომპონენტია. ის უნარჩუნებს შემაერთებელი ქსოვილებს (სკლერა, სისხლძარღვები)ფიზიოლოგიურ  მდგომარეობას.

გლიცინი არის  ნეიროტრანსმიტერი, რომელიც აუმჯობესებს მეტაბოლურ პროცესებს. მას დადებითი გავლენა აქვს კუნთოვანი დისტროფიის დროს.

L-ლიზინს აქვს ანთების საწინააღმდეგო, შეშუპების საწინააღმდეგო ეფექტი. ის აუმჯობესებს სისხლძარღვთა ტონუსს და აქვს ზომიერი იმუნომოდულატორული და ჰიპოგლიკემიური ეფექტი.

L-ლეიცინი მონაწილეობს ცილის სინთეზში, ააქტიურებს უჯრედულ და ჰუმორულ იმუნიტეტს, აუმჯობესებს ფაგოციტების ფუნქციას, ააქტიურებს ამინომჟავების, მათი წინამორბედებისა და მეტაბოლიტების ბიოსინთეზის პროცესებს და აფერხებს სტრესის დროს წარმოქმნილ მეტაბოლურ დარღვევებს.

მიკროგლიცინ 50 ნელა შლის ბაქტერიული უჯრედის მემბრანებს, ცვლის ბაქტერიულ ენდოგენურ გლიცინს, რითაც არღვევს ცილის სინთეზს.

ტრილონ B ხელატი გამოიყენება რქოვანადან კალციუმის დეპოზიტების მოსაშორებლად. ის აძლიერებს N-ჰიდროქსიმეთილგლიცინატის ანტიმიკრობულ აქტივობას.

რიბოციტინი უზრუნველყოფს სტრუქტურულ დაცვას ოპერაციიდან რამდენიმე თვის განმავლობაში, ინარჩუნებს მის მთლიანობას,იცავს  ულტრაიისფერი გამოსხივების მავნე ზემოქმედებისაგან. მისი გამოყენება ასევე შეიძლება რქოვანას ტენიანობის შესანარჩუნებლად  კროსლინქინგის  ოპერაციის დროს.

გამოყენების ჩვენებები:

• რქოვანას დაცვა და აღდგენა სხვადასხვა სახის სტრესის (ტრავმა, დამწვრობა, ქირურგიული ჩარევები (ფოტორეფრაქციული კერატექტომია, კერატოპლასტიკა, ფაკოემულსიფიკაცია, კროსლინკინგი და ა.შ.) და დიაგნოსტიკური პროცედურების შემდეგ;

• რქოვანას დისტროფიული ცვლილებები;

• რქოვანას დეგენერაციული ცვლილებები (კერატოკონუსი, კერატოგლობუსი);

• კატარაქტის პროგრესირების პრევენცია; კონტაქტური ლინზების ხანგრძლივი გამოყენება.

დოზირება და მიღების წესი:

მოზრდილები: 1-2 წვეთი კონიუნქტივალურ პარკში დღეში 4-ჯერ. ბავშვები: 1 წვეთი დღეში 4-ჯერ. ჩაწვეთების შემდეგ, დახუჭეთ თვალები 1-2 წუთის განმავლობაში და არ დაახამხამოთ.

გვერდითი მოველენები:

შეიძლება გამოიწვიოს დროებითი წვის შეგრძნება და მხედველობის დაბინდვა. ნებისმიერი გვერდითი რეაქციის გამოვლენის შემთხვევაში, შეწყვიტეთ გამოყენება და მიმართეთ ექიმს.

უკუჩვენებები:

მომატებული მგრძნობელობა ხსნარის კომპონენტების მიმართ

სხვა მედიკამენტებთან ურთიერთქმედება: არ არის გამოვლენილი.

განსაკუთრებული მითითებები:

თუ სიმპტომები რამდენიმე დღეში გაგრძელდა ან რაიმე გვერდითი რეაქცია გამოვლინდა, მიმართეთ ექიმს. გახსნამდე ხსნარი სტერილურია.

ხსნარის დაბინძურების თავიდან ასაცილებლად, გამოყენების შემდეგ მჭიდროდ დახურეთ ბოთლი და არ შეეხოთ დისპენსერის თავს თვალთან ან სხვა საგნებთან. ეს პროდუქტი განკუთვნილია მხოლოდ გარეგანი ოფთალმოლოგიური გამოყენებისთვის.

თუ ხანგრძლივი პერიოდის განმავლობაში ერთდროულად იყენებთ სხვა ოფთალმოლოგიურ ხსნარებს, მიმართეთ ექიმს. არ გამოიყენოთ, თუ ბოთლი დაზიანებულია. არ გამოიყენოთ, თუ გაქვთ თვალის ინფექცია.

თუ პაციენტი ატარებს კონტაქტურ ლინზებს, ისინი ხსნარის გამოყენებამდე უნდა მოიხსნას.

გაფრთხილება:

• არ გამოიყენოთ, თუ გაქვთ ცნობილი მომატებული მგრძნობელობა რიბოციტინის ხსნარის რომელიმე ინგრედიენტის მიმართ.

• არ შეურიოთ სხვა დამატენიანებელ წვეთებს.

ჭარბი დოზირება:

დღემდე ჭარბი დოზირების შემთხვევები არ დაფიქსირებულა.

შენახვის პირობები:

შეინახეთ ბნელ ადგილას, არაუმეტეს 25°C ტემპერატურაზე. შეინახეთ ბავშვებისთვის მიუწვდომელ ადგილას!

ვარგისიანობის ვადა:

2 წელი. გახსნის შემდეგ გამოიყენეთ 1 თვის განმავლობაში. არ გამოიყენოთ ვარგისიანობის ვადის გასვლის შემდეგ.