პროვაგი - Provag 30 კაფსულა

პროვაგი #30 კაფსულა

შემადგენლობა:

პრობიოტიკული შტამი Lactobacillus crispatus M247, 1 კაფსულა შეიცავს 20 მილიარდ CFU-ს (კოლონიის წარმომქმნელი ერთეული).

პროვაგი არის საკვები დანამატი, >ვაგინალური ფლორის მარეგულირებელი საშუალება,

რომელიც შეიცავს პრობიოტიკულ შტამ Lactobacillus crispatus M247-ს. ეს შტამი შედის ჯანმრთელი ქალის უროგენიტალური ფლორის შემადგენლობაში და წარმოადგენს ვაგინალური ჯანმრთელობის მარკერს.

პერორალური მიღებისას პროვაგი ახდენს ვაგინალურ გარემოში ბუნებრივ და ხანგრძლივ კოლონიზაციას, აღადგენს ვაგინალური ბაქტერიული ფლორის ბალანსს, წარმოქმნის L და D-ლაქტატს, უზრუნველყოფს ოპტიმალურ ვაგინალურ pH-ს (<4),  ბაქტერიოცინებს, წყალბადის პეროქსიდს, ახდენს იმუნური ფუნქციის მოდულაციას, ავლენს ადგილობრივ ანტიმიკრობულ და ანთების საწინააღმდეგო მოქმედებას, იცავს ორგანიზმს ვაგინალური ინფექციებისა და სხვა გინეკოლოგიური პრობლემებისგან.

პროვაგში შემავალი L. Crispatus M247 ერთადერთი, ევროპაში კარგად შესწავლილი შტამია.  სხვა ვაგინალურ Lactobacillus crispatus-ის შტამებისგან განსხვავებით მასზე ჩატარებულია კლინიკური კვლევები. კლინიკური კვლევების მიხედვით, პროვაგი უზრუნველყოფს ვაგინალურ ნორმოცენოზს, აქვს ადამიანის პაპილომა ვირუსული ინფექციისა და საშვილოსნოს ყელის პაპილომავირუსული დაზიანებისგან განკურნების თვისება, აქვს კლინიკური ეფექტურობა სქესობრივი გზით გადამდები დაავადებებისა და საშარდე გზების ინფექციების დროს, ზრდის დაორსულების შემთხვევების რაოდენობას in vitro განაყოფიერების დროს.  L. Crispatus M247 ერთადერთი შტამია, რომელზეც ჩატარებულია სრული გენომის სექვენირება და არ აქვს გამოვლენილი ვირულენტობის არცერთი ფაქტორი, ამიტომ ის სრულიად უსაფრთხოა ორსულობისა და ლაქტაციის დროსაც. პროვაგში არსებული 20 მლრდ ცოცხალი ლაქტობაცილა უზრუნველყოფს პრობიოტიკის მაქსიმალურ კლინიკურ ეფექტურობას სხვა ლაქტობაცილებისგან განსხვავებით. პროვაგი გამოიყენება მეტრონიდაზოლთან და ბორის მჟავასთან ერთად კომბინაციაში, ასევე გამოიყენება კლინდამიცინთან ერთად 1-2 საათის ინტერვალით.

პროვაგი არ შეიცავს გლუტენს და ლაქტოზას.

გამოყენების ჩვენებები

• როგორც ბაქტერიული ვაგინოზის განვითარების პროფილაქტიკური საშუალება გინეკოლოგიურ პერიოპერაციულ პერიოდში (ამცირებს ინფექციებისა და პოსტოპერაციული სეფსისის რისკს, აჩქარებს ჭრილობის შეხორცების პროცესს, ამაღლებს იმუნიტეტს), გინეკოლოგიური პროცედურების დროს, ადგილობრივი ან სისტემური კონტრაცეპტივების გამოყენებისას, ვაგინალური სანაციის დროს, ორსულობისა და ლაქტაციის პერიოდში;

• ვაგინალური ფლორის ბალანსის დარღვევა ვაგინალური ინფექციებისა და სხვა გინეკოლოგიური პრობლემების დროს;

• სხვადასხვა სამედიცინო მდგომარეობების რისკის შემცირება: ბაქტერიული ვაგინოზი, ვულვოვაგინალური კანდიდოზი, ვაგინიტები, სქესობრივი გზით გადამდები ინფექციები (ქლამიდიოზი, ტრიქომონიაზი, გონორეა, გენიტალური მარტივი ჰერპეს ვირუსითა და ადამიანის პაპილომა ვირუსით (HPV) გამოწვეული პერსისტული ინფექცია),  ნაადრევი მშობიარობა, უნაყოფობა, in vitro განაყოფიერება, უროგენიტალური ატროფია, გაურთულებელი და გართულებული საშარდე გზების ინფექციები (ცისტიტი, პიელონეფრიტი, საშარდე გზების მორეციდივე ინფექციები).

დოზირება და მიღების წესი

მიიღება 1 კაფსულა დღეში ერთხელ, საუზმის დროს ან დაუყოვნებლივ საუზმის შემდეგ.

მიღების ხანგრძლივობა

• როგორც ბაქტერიული ვაგინოზის განვითარების პროფილაქტიკური საშუალება გინეკოლოგიურ პერიოპერაციულ პერიოდში, გინეკოლოგიური პროცედურების დროს, ადგილობრივი ან სისტემური კონტრაცეპტივების გამოყენებისას, ვაგინალური სანაციის დროს, ორსულობისა და ლაქტაციის პერიოდში – 15 დღე;

• ბაქტერიული ვაგინოზი, ვულვოვაგინალური კანდიდოზი, ვაგინიტები, ქლამიდიოზი, ტრიქომონიაზი, გონორეა, საშარდე გზების ინფექციები  – 1 - 3 თვე;

• გენიტალური მარტივი ჰერპესვირუსული და ადამიანის პერსისტიული პაპილომავირუსული ინფექცია  – 3-12 თვე;

• უროგენიტალური ატროფია, ნაადრევი მშობიარობა, უნაყოფობა, in vitro განაყოფიერება – 3 თვე.

რეკომენდებული სტანდარტული დოზის ცვლილება შესაძლებელია ექიმის მიერ.

გამოიყენება  12 წლიდან.

უსაფრთხოა ორსულებისა და მეძუძური დედებისთვის.

გაფრთხილება

შეინახეთ ბავშვებისთვის მიუწვდომელ ადგილას. არ გადააჭარბოთ რეკომენდებულ დღიურ დოზას. საკვები დანამატები არ გამოიყენება მრავალფეროვანი და ბალანსირებული დიეტის, ასევე ჯანსაღი ცხოვრების სტილის შემცვლელად. არ გამოიყენოთ ვარგისობის ვადის გასვლის შემდეგ.
შეფუთვა: #30 კაფსულა;

შენახვის პირობები: 

ინახება მაცივარში +2-დან +8°C-ზე, პირდაპირი სინათლისგან და სითბოს წყაროსგან დაცულ ადგილას. ტრანსპორტირება შესაძლებელია +25°C-ზე დაბალ ტემპერატურაზე არაუმეტეს 48 საათისა.

ვარგისობის ვადა: მითითებულია შეფუთვაზე.

აფთიაქიდან გაცემის პირობა: საკვები დანამატი, გაიცემა რეცეპტის გარეშე.

ასევე, იხილეთ: >პროვაგი - Provag 8 ვაგინალური კაფსულა