პრედნიზოლონი - Prednisolon კორტიკო 5მგ 30 ტაბლეტი

პრედნიზოლონი კორტიკო 5 მგ ტაბლეტები

Prednisolon Cortico 5 mg tablets

პრედნიზოლონი/Prednisolone

პრეპარატის გამოყენებამდე ყურადღებით წაიკითხეთ მთლიანი გამოყენების ინსტრუქცია, რადგან ის შეიცავს თქვენთვის მნიშვნელოვან ინფორმაციას.

-   შეინახეთ ეს ინსტრუქცია. შესაძლოა კიდევ დაგჭირდეთ მისი ხელახლა წაკითხვა.

-   დამატებითი კითხვების შემთხვევაში მიმართეთ თქვენს ექიმს ან ფარმაცევტს.

-   ეს მედიკამენტი დაგენიშნათ მხოლოდ თქვენ. არ გადასცეთ ის სხვებს. ამან შეიძლება ზიანი მიაყენოს მათ, იმ შემთხვევაშიც, თუ მათი დაავადების ნიშნები ემთხვევა თქვენსას.

-   გვერდითი მოვლენების შემთხვევაში მიმართეთ თქვენს ექიმს ან ფარმაცევტს. ეს ეხება ასევე ნებისმიერ შესაძლო გვერდით მოვლენას, რომელიც არ არის ჩამოთვლილი ამ ინსტრუქიაში. იხილეთ ნაწილი 4.

გამოყენების ინსტრუქცია შეიცავს:

1. რას წარმოადგენს პრედნიზოლონი კორტიკო და რისთვის გამოიყენება

2. რა უნდა იცოდეთ პრედნიზოლონი კორტიკოს გამოყენებამდე

3. პრედნიზოლონი კორტიკოს გამოყენების წესი

4. მოსალოდნელი გვერდითი რეაქციები

5. პრედნიზოლონი კორტიკოს შენახვის წესი

6. შეფუთვის შემცველობა და დამატებითი ინფორმაცია

1. რას წარმოადგენს პრედნიზოლონი კორტიკო და რისთვის გამოიყენება

აქტიური ნივთიერება, რომელსაც შეიცავს ეს პროდუქტი, არის პრედნიზოლონი. ის მიეკუთვნება მედიკამენტების ჯგუფს, რომელსაც ეწოდება კორტიკოსტეროიდები. ისინი წარმოადგენენ >გლუკოკორტიკოსტეროიდების წოდებული ჰორმონების ანალოგებს და გამოიყოფა თირკმელზედა ჯირკვლის ქერქით. პრედნიზოლონი ავლენს ძლიერ ანთების საწინააღმდეგო და ანტიალერგიულ მოქმედებას, რის შედეგადაც ის დადებითად მოქმედებს მთელ რიგ დაავადებებსა და მდგომარეობეზე, რომლებიც გამოწვეულია ანთებითა და ალერგიით.

პრედნიზოლონი კორტიკო გამოიყენება რევმატოიდული დაავადებების სიმპტომების (მაგ., რევმატოიდული ართრიტი, ართრიტი ბავშვებში და სხვ.), შემაერთებელი ქსოვილის დაავადებების (ლუპუსის, მათ შორის წითელი მგლურას, დერმატომიოზიტის), ალერგიული დაავადებების, მათ შორის წამლებით გამოწვეული ალერგიების, ბრონქული ასთმის), კანისა და თვალის დაავადებების, სისხლის სისტემის ზოგიერთი დაავადების, წყლულოვანი კოლიტის და კრონის დაავადების (მსხვილი ნაწლავის ანთება, ასოცირებული წყლულის წარმოქმნასთან და წარმოდგენილია მძიმე და უწყვეტი სისხლიანი დიარეით და სპაზმებით) და სხვ. სამკურნალოდ.

იგი ასევე გამოიყენება იმ პაციენტებში, სადაც სხვადასხვა მიზეზის გამო თირკმელზედა ჯირკვლები წარმოქმნიან არასაკმარისი რაოდენობით ჰორმონებს (გლუკოკორტიკოსტეროიდებს), რის გამოც საჭიროა მათი მედიკამენტების სახით მიღება.

2. რა უნდა იცოდეთ პრედნიზოლონი კორტიკოს გამოყენებამდე

არ გამოიყენოთ პრედნიზოლონი კორტიკო

•   თუ გაქვთ ალერგია (ჰიპერმგრძნობელობა) პრედნიზოლონის ან ამ პროდუქტში შემავალი ნებისმიერი ინგრედიენტის მიმართ;

•   თუ გაწუხებთ მძიმე ინფექციები, რომლებიც გავლენას ახდენენ მთელ ორგანიზმზე;

•   თუ ამჟამად გაქვთ ჰერპესული ინფექცია, რომელიც გავლენას ახდენს თვალებზე.

გაფრთხილებები და სიფრთხილის ზომები

პრედნიზოლონი კორტიკოს გამოყენებამდე მიმართეთ თქვენს ექიმს ან ფარმაცევტს რჩევისთვის.

მიაქციეთ განსაკუთრებული ყურადღება პრედნიზოლონი კორტიკოს გამოყენებისას

პრედნიზოლონის გამოყენებასთან დაკავშირებული გვერდითი მოვლენების თავიდან აცილება ან შემცირება შესაძლებელია ყველაზე დაბალი ეფექტური დოზის მიღებით, რომლის დროსაც თერაპიული ეფექტი მიიღწევა უმოკლეს დროში. თქვენი ექიმი განსაზღვრავს თქვენთვის შესაფერის დოზირებას და მედიკამენტის მიღების ხანგრძ₾ივობას. დაიცავით ექიმის დანიშნულება მკაცრად, არ შეცვალოთ ექიმის მიერ დანიშნული დოზირება მასთან კონსულტაციის გარეშე.

აუცილებელია იცოდეთ, რომ:

-   ამ მედიკამენტის მიღება არ უნდა შეწყვიტოთ უეცრად, რადგან ამან შესაძლოა გამოიწვიოს მდგომარეობის გაუარესება და/ან დაავადების რეციდივი;

-   თირკმელზედა ჯირკვლიდან ჰორმონების ნორმალური გამოყოფა ითრგუნება ხანგრძლივი მკურნალობით. იმისათვის, რომ თირკმელზედა ჯირკვალმა აღადგინოს თავისი ფუნქცია და უზრუნველყოს მათზე ორგანიზმის ჩვეულებრივი მოთხოვნილებები, დღიური დოზა თანდათან მცირდება. თქვენი ექიმი მოგცემთ კონკრეტულ ინსტრუქციას, თუ როგორ უნდა გააკეთოთ ეს, მკურნალობის ხანგრძლივობისა და მიღებული დოზის ზომის გათვალისწინებით.

კორტიკოსტეროიდებმა შესაძლოა შენიღბოს ინფექციის ზოგიერთი ნიშანი და მათთან მკურნალობის დროს შეიძლება განვითარდეს სოკოებით, ვირუსებით ან ბაქტერიებით გამოწვეული ახალი ინფექციები.

ჩუტყვავილა (ვარიცელა) შეიძლება გამოვლინდეს ძალიან მძიმე ფორმით და გამოიწვიოს სერიოზული გართულებები პირებში, რომლებთაც აღენიშნებათ იმუნიტეტის დაქვეითება, მათ შორის მათში, ვინც ხანგრძლივი პერიოდის განმავლობაში იღებენ კორტიკოსტეროიდებს (ეს პროდუქტები თრგუნავს იმუნიტეტს). ამიტომ აუცილებელია ჩუტყვავილას ან ჰერპეს ზოსტერის მქონე პაციენტებთან კონტაქტის არიდება; რეკომენდირებულია იმუნოგლობულინის შეყვანა ორგანიზმის დაცვის მიზნით. აუცილებელია გავითვალისწინოთ, რომ თუ ამ პროდუქტის მიღებისას დაგემართათ ჩუტყვავილა, ამ პროდუქტით მკურნალობა არ უნდა შეწყდეს, ზოგიერთ შემთხვევაში კი შეიძლება საჭირო გახდეს დოზის გაზრდა. ამავე მიზეზების გამო, თქვენ ასევე უნდა მოერიდოთ კონტაქტს წითელას (morbilli) მქონე ადამიანებთან.

თავიდან უნდა იქნას აცილებული ცოცხალი ვაქცინების შეყვანა. თუ ეს აუცილებელია, საჭიროა შესაბამისი სპეციალისტის კონსულტაცია.

თუ კორტიკოსტეროიდებით მკურნალობა აუცილებელია ლატენტური ტუბერკულოზის მქონე პაციენტებში ან დადებითი ტუბერკულინის ტესტის მქონე პაციენტებში, აუცილებელია მკაცრი სამედიცინო ზედამხედველობა დაავადების რეაქტივაციის თავიდან აცილების მიზნით.

დიგოქსინის მიღებისას აუცილებელია გაძლიერებული კონტროლი და პერიოდული სამედიცინო მეთვალყურეობა, რადგან კორტიკოსტეროიდები იწვევს წყალ-მარილის ბალანსის დარღვევას და კალიუმის დაკარგვას.

განსაკუთრებული სიფრთხილეა საჭირო ამ პროდუქტით მკურნალობისას, თუ გაწუხებთ:

•   ოსტეოპოროზი (ძვლის სიმკვრივის დაქვეითება და მოტეხილობის ტენდენციის გაზრდა);

•   მაღალი არტერიული წნევა, გულის უკმარისობა (გულის დაავადება, რომელიც იწვევს ადვილად დაღლილობას, ქოშინი, ტერფების შეშუპება), ბოლოდროინდელი გადატანილი მიოკარდიუმის ინფარქტი;

•   შაქრიანი დიაბეტი;

•   გლაუკომა (ინტრაოკულური წნევის მომატება);

•   ღვიძლის (მათ შორის ციროზის), თირკმელების, კუჭისა და ნაწლავების დაავადებები (განსაკუთრებით კუჭის წყლული);

•   ეპილეფსია;

•   მიასთენია გრავისი.

აცნობეთ ექიმს მკურნალობის დაწყებამდე, თუ გაქვთ ტუბერკულოზის, ფსიქიკური დაავადების, ვენების ხშირი ანთების, სკლეროდერმიის ისტორია (ასევე ცნობილია როგორც სისტემური სკლეროზი, რომელიც აუტოიმუნური დაავადებაა), რადგან 15 მგ ან მეტი დღიური დოზებით შეიძლება გაზარდოს სერიოზული გართულების რისკი, რომელსაც ეწოდება თირკმელების სკლეროდერმიული კრიზისი. სკლეროდერმიის დროს თირკმლის კრიზისის ნიშნებია არტერიული წნევის მომატება და შარდის გამოყოფის შემცირება. თქვენი ექიმი რეგულარულად გააკონტროლებს არტერიულ წნევას და ჩაატარებს შარდის ანალიზს.

აუცილებელია იცოდეთ და ასევე აცნობოთ თქვენს ახლობლებს, რომ კორტიკოსტეროიდებით მკურნალობის დროს შესაძლებელია აღინიშნოს ფსიქიკური აშლილობის განვითარება. ეს ყველაზე ხშირად ვლინდება მკურნალობის დაწყებიდან რამდენიმე დღიდან რამდენიმე კვირამდე პერიოდში. მათი უმრავლესობა მთლიანად ქრება დოზის შემცირების ან მკურნალობის შეწყვეტის შემდეგ. თუმცა, ეს წარმოადგენს მკურნალობის შეწყვეტის აუცილებელ მიზეზს.

თუ გაგიჩნდებათ დეპრესიის, შფოთვის, უძილობის, მოტივაციის ნაკლებობის, თვითდაზიანების აზრები, დაუყოვნებლივ უნდა გაუზიაროთ ეს თქვენს ახლობლებს და უნდა მიმართოთ ექიმს.

კორტიკოსტეროიდებმა შეიძლება გამოიწვიონ ზრდის შეფერხება ბავშვებში და მოზარდებში, ამიტომ მკურნალობა უნდა შემოიფარგლოს მინიმალური შესაძლო დოზით და უმოკლეს დროში.

ხანდაზმულ პაციენტებში ზოგიერთი გვერდითი მოვლენა (ოსტეოპოროზი, დიაბეტი, მაღალი წნევა, ინფექციებისადმი მიდრეკილება) შეიძლება უფრო ხშირად აღინიშნებოდეს და მათ შეიძლება ჰქონდეთ უფრო სერიოზული მიმდინარეობა, რის გამოც საჭიროა ექიმის მჭიდრო მონიტორინგი.

პრედნიზოლონი კორტიკო და სხვა მედიკამენტები

გთხოვთ, აცნობოთ თქვენს ექიმს ან ფარმაცევტს, თუ იღებთ, ცოტა ხნის წინ მიიღეთ ან შესაძლოა მიიღოთ სხვა მედიკამენტები, მათ შორის ურეცეპტოდ გაცემული სამკურნალო საშუალებებიც.

დაფიქსირებულია კრუნჩხვების შემთხვევები პრედნიზოლონისა და ციკლოსპორინის ერთდროული მიღებისას.

რიფამპიცინმა, რიფაბუტინმა, კარბამაზეპინმა, ფენობარბიტონმა, ფენიტოინმა, პრიმიდონმა და ამინოგლუტეტიმიდმა შეიძლება გააძლიერონ ღვიძლში კორტიკოსტეროიდების დაშლა და შეამცირონ მათი თერაპიული ეფექტი.

ციმეტიდინმა, ერითრომიცინმა, კეტოკონაზოლმა, იტრაკონაზოლმა, დილთიაზემმა და მიბეფრადილმა შეიძლება შეამცირონ ღვიძლში კორტიკოსტეროიდების დაშლის სიჩქარე და, შესაბამისად, გაზარდონ მათი კონცენტრაცია სისხლში.

კორტიკოსტეროიდებმა შესაძლოა შეამცირონ შემდეგი მედიკამენტების ეფექტი:

-   დიაბეტის სამკურნალო საშუალებები, ინსულინის ჩათვლით;

-   მაღალი არტერიული წნევის სამკურნალო მედიკამენტები

-   შარდმდენები (მედიკამენტები შეშუპების სამკურნალოდ, რაც იწვევს შარდის გამოყოფის გაზრდას);

კორტიკოსტეროიდებმა შესაძლოა გაზარდონ შემდეგი მედიკამენტების ეფექტი:

-   კუმარინის ანტიკოაგულანტები (მედიკამენტები, რომლებიც გამოიყენება სისხლის შედედების შესამცირებლად), რაც მოითხოვს პროთრომბინის დროისა და სხვა ლაბორატორიული პარამეტრების ინტენსიურ მონიტორინგს;

-   სალიცილატის შემცველი მედიკამენტები (ზოგიერთ შემთხვევაში შესაძლებელია ინტოქსიკაციის განვითარება).

პრედნიზოლონი კორტიკოს მიღება საკვებ და სასმელ პროდუქტებთან ერთად  

ამ პროდუქტით მკურნალობის დროს არ უნდა იქნას მიღებული გრეიფრუტი (წვენი და ხილი), რადგან ღვიძლის მიერ პროდუქტის დაშლა იზრდება და ამან შეიძლება გამოიწვიოს სისხლში მისი კონცენტრაციის დაქვეითება.

ორსულობა და ლაქტაციის პერიოდი

ნებისმიერი მედიკამენტის გამოყენებამდე მიმართეთ თქვენს ექიმს ან ფარმაცევტს.

ორსულობა

პრედნიზოლონი კვეთს პლაცენტარულ ბარიერს. ცნობილია, რომ ცხოველებში კორტიკოსტეროიდების ჯგუფის ყველა პროდუქტმა შეიძლება გამოიწვიოს თანდაყოლილი დეფექტები - მყარი სასის დახურვა, განვითარების შეფერხება, ტვინის ზრდა-განვითარებაზე უარყოფითი გავლენა.

არ არსებობს საკმარისი მტკიცებულება იმისა, რომ კორტიკოსტეროიდები იწვევს ადამიანებში მსგავს ეფექტებს, მაგრამ ორსულობის დროს მათი გამოყენება შესაძლებელია მხოლოდ მას შემდეგ, რაც ექიმი დაადგენს, რომ დედისთვის სარგებელი აღემატება ნაყოფისა და ახალშობილისთვის მოსალოდნელ რისკს.

ძუძუთი კვება

კორტიკოსტეროიდები მცირე რაოდენობით გამოიყოფა დედის რძეში. ძუძუთი კვების დროს, კორტიკოსტეროიდები არ უნდა იქნას გამოყენებული გარდა იმ შემთხვევისა, თუ ექიმი შეაფასებს, რომ დედისთვის სარგებელი აღემატება ბავშვისთვის მოსალოდნელ რისკს.

ავტომობილის მართვა და მექანიზმებთან მუშაობის უნარი

არ არსებობს მტკიცებულება გვერდითი ეფექტების შესახებ, რომლებიც ზეგავლენას ახდენენ ავტომობილის მართვისა და მექანიზმებთან მუშაობის უნარზე.

3. პრედნიზოლონი კორტიკოს მიღების წესი

ყოველთვის მიიღეთ პრედნიზოლონი კორტიკო ზუსტად ისე, როგორც დაგინიშნათ ექიმმა. თუ არ ხართ რაიმეში დარწმუნებული, მიმართეთ თქვენს ექიმს ან ფარმაცევტს.

მოზარდები

რეკომენდებული დღიური საწყისი დოზა შეადგენს ჩვეულებრივ 5-დან 60 მგ-მდე (1-30 ტაბლეტი) დაავადების ტიპის მიხედვით. დღიური დოზა ჩვეულებრივ მიიღება რამდენიმე ცალკეული დოზის სახით, ხოლო ეგრეთ წოდებული ყვეტილი მკურნალობისას სადღეღამისო დოზა გაორმაგებულია და მიიღება ერთხელ დილით, ჩვეულებრივ, 8:00 საათზე, ყოველ მეორე დღეს.

ხანგრძლივი მკურნალობის დროს შესაძლებელია დღიური დოზის დროებით გაზრდა სტრესის, ნებისმიერი ინფექციის ან მოახლოებული ქირურგიული ოპერაციის წინ, ასევე დაავადების გამწვავების დროს.

დღიურ დოზას, მიღების მეთოდს და სიხშირეს, მკურნალობის ხანგრძლივობას განსაზღვრავს თქვენი ექიმი დაავადების ტიპის, მისი სიმძიმისა და მიმდინარეობის მიხედვით.

გვერდითი ეფექტების შეზღუდვა შესაძლებელია უმცირესი ეფექტური დოზის გამოყენებით უმოკლეს დროში.

უმეტეს შემთხვევაში მკურნალობა იწყება უფრო მაღალი დოზით, რომელიც 3-7 დღის შემდეგ შეიძლება შემცირდეს ან გაიზარდოს მიღწეული თერაპიული ეფექტის მიხედვით. ყველაზე დაბალი ეფექტური დოზის დადგენის შემდეგ მკურნალობა გრძელდება სხვადასხვა პერიოდის განმავლობაში დაავადების ტიპისა და მისი მიმდინარეობის მიხედვით.

სასურველი თერაპიული ეფექტის მიღწევიდან რაც შეიძლება მალე, სადღეღამისო დოზა თანდათან უნდა შემცირდეს მწვავე დაავადებებისას (ასთმა, თვალის მწვავე ანთება და ა.შ.) მკურნალობის სრულ შეწყვეტამდე ან ქრონიკული დაავადებების შემთხვევაში ყველაზე დაბალი ეფექტური შემანარჩუნებელი დოზის მიღწევამდე (რევმატოიდული ართრიტი, ლუპუსი და ა.შ.).

ცნობისათვის ქვემოთ მოცემულია საყოველთაოდ რეკომენდებული დღიური დოზები, რომლებიც ჩვეულებრივ გამოიყენება ზოგიერთი უფრო გავრცელებული მდგომარეობის მკურნალობის დასაწყებად.

ალერგიული და კანის დაავადებები - საწყისი დღიური დოზა 5-15 მგ (1-3 ტაბლეტი).

შემაერთებელი ქსოვილის სისტემური დაავადებები, ე.წ. კოლაგენოზი - საწყისი სადღეღამისო დოზა 20-30 მგ (4-6 ტაბლეტი).

რევმატოიდული ართრიტი - ჩვეულებრივი საწყისი დღიური დოზაა 10-15 მგ დღეში (2-3 ტაბლეტი).

სისხლის დაავადებები და ლიმფომა - საწყისი სადღეღამისო დოზაა 15-60 მგ (3-12 ტაბლეტი).

ბავშვები

ბავშვებში დოზა განისაზღვრება ექიმის გადაწყვეტილების მიხედვით, რომელსაც შეუძლია შეცვალოს იგი მიღწეული ეფექტის მიხედვით. თუ შესაძლებელია, სადღეღამისო დოზა უნდა შეიყვანოთ ერთჯერადად ყოველ მეორე დღეს, ხოლო მკურნალობა უნდა ჩატარდეს უმცირესი დოზის მიღებით უმოკლეს დროში.

ხანდაზმული პაციენტები

დღიური დოზის, მიღების მეთოდის და ხანგრძლივობის განსაზღვრისას მხედველობაში უნდა იქნას მიღებული, რომ მოზრდილებში პრეპარატის გვერდითი რეაქციები უფრო ხშირი და სერიოზულია.

ტაბლეტის დაყოფა შესაძლებელია ორ თანაბარ დოზებად.

თუ მიიღეთ პრედნიზოლონი კორტიკოს საჭიროზე მეტი დოზა

პრედნიზონის მწვავე დოზის გადაჭარბებისას სპეციფიკური გამოვლინებები არ შეინიშნება. ქრონიკული დოზის გადაჭარბების შემთხვევაში აღინიშნება ე.წ "კუშინგოიდური სიმპტომები" - ცხიმოვანი ქსოვილის დაგროვება სახის, მუცლისა და თეძოების მიდამოში, სტრიების გაჩენა, ლოყების სიწითლე და ა.შ.

თუ დაგავიწყდათ პრედნიზოლონი კორტიკოს მიღება

თუ გამოტოვებთ დოზას, მიიღეთ ის გახსენებისთანავე. არ მიიღოთ ორმაგი დოზა გამოტოვებული დოზის ასანაზღაურებლად. მიიღეთ შემდეგი დოზა ჩვეულებრივ დროს.

თუ გსურთ პრედნიზოლონი კორტიკოს მიღების შეწყვეტა

არ შეწყვიტოთ პროდუქტის გამოყენება იმ შემთხვევაშიც კი,  თუ თავს უკეთ გრძნობთ, სანამ ექიმი არ გეტყვით. გახსოვდეთ, რომ მკურნალობის შეწყვეტა ყოველთვის ხდება მიღებული დღიური დოზის თანდათანობით შემცირებით. თუ მოულოდნელად შეწყვეტთ პროდუქტის მიღებას, შესაძლებელია განვითარდეს ე.წ მოხსნის სინდრომი (იხ. ნაწილი გვერდითი რეაქციები).

ნებისმიერი კითხვების შემთხვევაში ამ პროდუქტის გამოყენებასთან დაკავშირებით, მიმართეთ თქვენს ექიმს ან ფარმაცევტს.

4. მოსალოდნელი გვერდითი რეაქციები

ნებისმიერი მედიკამენტის მსგავსად, ამ პრეპარატმაც შესაძლოა გამოიწვიოს გვერდითი მოვლენები, თუმცა არა ნებისმიერ პაციენტში. შესაძლოა განვითარდეს შემდეგი გვერდითი მოვლენები:

კუჭ-ნაწლავის სისტემის დარღვევები

გულძმარვა, გულისრევა, შებერილობა, კუჭისა და საყლაპავის წყლულები, სოკო ენასა და საყლაპავ მილზე, პანკრეასის მწვავე ანთება, კუჭის სისხლდენა.

ლაბორატორიული დარღვევები

ღვიძლის ფერმენტების და ტუტე ფოსფატაზის მატება.

იმუნური სისტემის დარღვევები

ინფექციებისადმი გაზრდილი მგრძნობელობა და მისი უფრო მძიმე მიმდინარეობა, ლატენტური („მძინარე“) ტუბერკულოზის გააქტიურება.

ძვალ-კუნთოვანი სისტემის დარღვევები

ოსტეოპოროზი, ხერხემლისა და გრძელი ძვლების სპონტანური მოტეხილობა, კუნთების სისუსტე, კუნთების დაზიანება, მყესების რღვევა.

წყალ-ელექტროლიტური ბალანსის დარღვევა

ნატრიუმის და წყლის შეკავება, კალიუმის დაკარგვა, ტუტე-მჟავე ბალანსის ცვლილება.

კანისა და კანქვეშა ქსოვილის დარღვევები

ჭრილობების დაქვეითებული, დაგვიანებული შეხორცება, კანის გათხელება, დაზიანებისადმი მიდრეკილება, სტრიების წარმოქმნა, სისხლძარღვების გაფართოვება, აკნე, წერტილოვანი სისხლჩაქცევები.

ენდოკრინული ჯირკვლების და მეტაბოლიზმის დარღვევები

თირკმელზედა ჯირკვლების ფუნქციის დათრგუნვა, ზრდის შეჩერება ახალშობილებში, ბავშვებში და მოზარდებში, მენსტრუალური დარღვევები ყოველთვიური ციკლის სრულ არარსებობამდე, შაქრიანი დიაბეტის გაუარესება ან მისი გამოვლენა, სისხლში შაქრის დონის მომატება და შაქრიანი დიაბეტის სამკურნალო მედიკამენტების უფრო მაღალი დოზების გამოყენების საჭიროება;

არახშირი - სახის მიდამოში ცხიმოვანი ქსოვილის დაგროვება და ლოყების კანის სიწითლე (ე.წ. კუშინგოიდური სახე), თმის ცვენა, წონის მატება, მადის მომატება.  

ნერვული სისტემის დარღვევები და ფსიქიკური დარღვევები

გაღიზიანება, ეიფორია, დეპრესია, განწყობის ცვალებადობა, ფიქრები თვითდაზიანებაზე, ჰალუცინაციები, ქცევის დარღვევა, აგზნებადობა, მოუსვენრობა, ძილის დარღვევა, კრუნჩხვები, დაბნეულობა და მეხსიერების დაკარგვა. მოზრდილებში მძიმე რეაქციების სიხშირე 5-6%-ს აღწევს. დაფიქსირდა პრედნიზონის შეწყვეტის შემდეგ ბავშვებში ინტრაკრანიალური წნევის მომატების შესახებ ცნობები.

თვალის დარღვევები

ინტრაოკულური წნევის მომატება, გლაუკომა, საფარი, რქოვანას და სკლერის გათხელება, თვალის ვირუსული ან სოკოვანი ინფექციების გამწვავება, თვალის კაკლის შეშუპება მხედველობის ნერვის შესაძლო დაზიანებით, თვალის კაკლების მუდმივი შეუქცევადი გამონაყარი.

გულ-სისხლძარღვთა დარღვევები

გულის შეგუბებითი უკმარისობა (გულის მდგომარეობა, რომელმაც შეიძლება გამოიწვიოს დაღლილობა, ქოშინი, ტერფების შეშუპება და ა.შ.), არტერიული წნევის მომატება, გულისცემის შენელება.

თირკმელებისა და საშარდე გზების დარღვევები

თირკმლის კრიზისი სკლეროდერმიისას პაციენტებში, რომლებსაც უკვე აწუხებთ სკლეროდერმია (ავტოიმუნური დაავადება). სკლეროდერმიის დროს თირკმლის კრიზისის ნიშნებია არტერიული წნევის მომატება და შარდის გამოყოფის შემცირება.

ზოგადი დარღვევები

ლეიკოციტოზი, ჰიპერმგრძნობელობის რეაქციები, მათ შორის ანაფილაქსია, თრომბის წარმოქმნა, სისუსტე, მუდმივი სლოკინი მაღალი დოზებით მკურნალობისას.

მოხსნის სიმპტომები მკურნალობის მოულოდნელად შეწყვეტისას (მოხსნის სინდრომი)

გრძელვადიანი მკურნალობის დროს დოზის სწრაფმა შემცირებამ შეიძლება გამოიწვიოს თირკმელზედა ჯირკვლის მწვავე უკმარისობა, არტერიული წნევის მნიშვნელოვანი ვარდნა და სიკვდილი. ცხელება, სახსრებისა და კუნთების ტკივილი, ცხვირიდან გამონადენი, კონიუნქტივიტი, მტკივნეული, ქავილით კანის კვანძები და წონის დაკლება ასევე შეიძლება გამოვლინდეს „მოხსნის სინდრომისას“.

საეჭვო გვერდითი რეაქციების შეტყობინება

თუ თქვენ შენიშნავთ ნებისმიერ გვერდით მოვლენას, აცნობეთ თქვენს ექიმს ან ფარმაცევტს. ეს მოიცავს ყველა შესაძლო გვერდით მოვლენას, რომელიც არ არის აღწერილი ამ ინსტრუქციაში.

გვერდითი ეფექტების შეტყობინებით თქვენ ხელს შეუწყობთ ამ მედიკამენტის უსაფრთხოების შესახებ მეტი ინფორმაციის მოპოვებას.

5. პრედნიზოლონი კორტიკოს შენახვის პირობები

ინახება არაუმეტეს 25°C-ზე ტემპერატურაზე.

შეინახეთ ბავშვებისთვის მიუწვდომელ ადგილას. არ გამოიყენოთ პრედნიზოლონი კორტიკო მუყაოს კოლოფზე მითითებული ვარგისიანობის ვადის გასვლის შემდეგ. ვარგისიანობის ვადა შეესაბამება მითითებული თვის ბოლო დღეს.

ტაბლეტების მიღება არ შეიძლება, თუ შეამჩნევთ მათ გარეგნულ ცვლილებას.

მედიკამენტები არ უნდა გადაყაროთ კანალიზაციაში ან საყოფაცხოვრებო ნარჩენების კონტეინერში. ჰკითხეთ თქვენს ფარმაცევტს, როგორ გადააგდოთ თქვენი არასასურველი მედიკამენტები. ეს ზომები ხელს შეუწყობს გარემოს დაცვას.

6. შეფუთვის შემცველობა და დამატებითი ინფორმაცია

რას შეიცავს პრედნიზოლონი კორტიკო

აქტიური ნივთიერება ერთ ტაბლეტში: პრედნიზოლონი (prednisolone) 5 მგ.

დამხმარე ნივთიერებები: ლაქტოზას მონოჰიდრატი, სიმინდის სახამებელი, მაგნიუმის სტეარატი.

პრედნიზოლონი კორტიკოს გარეგნული სახე და შეფუთვის შემცველობა

პრედნიზოლონი კორტიკოს ტაბლეტები არის თეთრი, მრგვალი ბრტყელი ტაბლეტები, 7 მმ დიამეტრის და გამყოფი ნაზოლით ცალ მხარეს.

10 (ათი) ან 20 (ოცი) ტაბლეტი შეფუთულია PVC/AL ფოლგის ბლისტერში.

10 (ათი) ან 20 (ოცი) ტაბლეტი შეფუთულია PVC/PVdC/AL ფოლგის ბლისტერში.

1 (ერთი) ბლისტერი 20 ტაბლეტით მოთავსებულია მუყაოს კოლოფში.

3 (სამი) ბლისტერი 10 ტაბლეტით მოთავსებულია მუყაოს კოლოფში. 

ასევე, იხილეთ: >Prednisolone - პრედნიზოლონი 5მგ 28 ტაბლეტი