ფორტრანსი - Fortrans ფხვნილი 4 პაკეტი

ფორტრანსი, პერორალური ხსნარის მოსამზადებელი ფხვნილი პაკეტში

პრეპარატის გამოყენებამდე ყურადღებით წაიკითხეთ ინსტრუქცია, რადგან ის შეიცავს თქვენთვის მნიშვნელოვან ინფორმაციას. ყოველთვის მიიღეთ პრეპარატი ზუსტად ისე როგორც მითითებულია გამოყენების ინსტრუქციაში ან თქვენი ექიმის ან ფარმაცევტის რეკომენდაციის შესაბამისად. • შეინახეთ გამოყენების ინსტრუქცია. შესაძლოა დაგჭირდეთ მისი ხელახლა გადაკითხვა. • ნებისმიერი რჩევის ან ინფორმაციისთვის მიმართეთ თქვენს ფარმაცევტს. • თუ აღგენიშნათ რომელიმე გვერდითი მოვლენა აცნობეთ თქვენს ექიმს ან ფარმაცევტს. ეს მოიცავს იმ შესაძლო გვერდით მოვლენებს რომელიც არ არის მითითებული წინამდებარე გამოყენების ინსტრუქციაში. იხილეთ რუბრიკა 4. • თუ გაუმჯობესებას არ გრძნობთ ან თავს უარესად გრძნობთ, მიმართეთ ექიმს.

რას შეიცავს ეს ინსტრუქცია:

1.რა არის ფორტრანსი, პერორალური ხსნარის მოსამზადებელი ფხვნილი პაკეტში და რისთვის გამოიყენება ის?

2.რა უნდა იცოდეთ ფორტრანსი, პერორალური ხსნარის მოსამზადებელი ფხვნილი პაკეტში მიღებამდე?

3. როგორ მიიღება ფორტრანსი, პერორალური ხსნარის მოსამზადებელი ფხვნილი პაკეტში?

4. რა შესაძლო გვერდითი მოვლენები შეიძლება გამოვლინდეს?

5. როგორ შევინახოთ ფორტრანსი, პერორალური ხსნარის მოსამზადებელი ფხვნილი პაკეტში?

6. შეფუთვის შემადგენლობა და დამატებითი ინფორმაცია.

1.რა არის ფორტრანსი, პერორალური ხსნარის მოსამზადებელი ფხვნილი პაკეტში და რისთვის გამოიყენება ის?

ოსმოსური საფაღარათო საშუალება, ათქ კოდი: A06AD65 (A: საჭმლის მომნელებელი სისტემა და მეტაბოლიზმი).

პრეპარატი იძლევა მსხვილი ნაწლავის გამორეცხვის საშუალებას, რაც უზრუნველყოფს პაციენტების მომზადებას სამედიცინო გამოკვლევის ან ქირურგიული ოპერაციის წინ.

ფორტრანსი მიეკუთვნება მაღალი მოლეკულური წონის მაკროგოლის (პოლიეთილენგლიკოლი ან PEG) და დამატებით მარილების შემცველ ოსმოსური საფაღარათო საშუალებების ჯგუფს.

ფორტრანსი ზრდის ნაწლავებში წყლის რაოდენობას, რაც იწვევს ნაწლავების მოქმედების სიხშირის ზრდას, რომლის შიგთავსი სულ უფრო თხევადი ხდება და ხანგრძლივ პერსპექტივაში ხელს უწყობს ნაწლავების გაწმენდას.

2.რა უნდა იცოდეთ ფორტრანსი, პერორალური ხსნარის მოსამზადებელი ფხვნილი პაკეტში მიღებამდე?

არასოდეს მიიღოთ ფორტრანსი, პერორალური ხსნარის მოსამზადებელი ფხვნილი პაკეტში:

·  თუ ალერგიული ხართ მაკროგოლ 4000-ზე, ან უწყლო ნატრიუმის სულფატზე, ან ნატრიუმის ბიკარბონატზე, ან ნატრიუმის ან კალიუმის ქლორიდზე, ან ამ პრეპარატის რუბრიკა 6-ში ჩამოთვლილი რომელიმე სხვა ინგრედიენტის მიმართ.

·  თუ გაქვთ ჯანმრთელობის სერიოზული გაუარესება, როგორიცაა მძიმე დეჰიდრატაცია ან გულის მძიმე დაავადება (გულის უკმარისობა).

· თუ გაქვთ საჭმლის მომნელებელი სისტემის პრობლემებიდან ერთ-ერთი რომელიმე:

·  მსხვილი ნაწლავის შორსწასული სტადიის კარცინომა ან სხვა სერიოზული დაზიანება, რაც ლორწოვანი გარსის ზედმეტ მყიფეობას იწვევს;

·  ნაწლავის ტრაქტის ანთების მძიმე მწვავე ფაზები, მათ შორის კრონის დაავადება და წყლულოვანი კოლიტი;

·  ნაწლავის ოკლუზიის ან სტენოზის ცნობილი ან საეჭვო შემთხვევა;

·  გაუვალობა (ილეუსი);

·  ნაწლავის კედლის პერფორაცია;

·  კუჭის დაცლის პრობლემა (მაგალითად, გასტროპარეზი, კუჭის სტაზი);

·  ტოქსიკური კოლიტი ან ტოქსიკური მეგაკოლონი;

·  18 წლამდე ასაკის ბავშვები და მოზარდები.

გაფრთხილება და სიფრთხილის ზომები

ფორტრანსი, პერორალური ხსნარის მოსამზადებელი ფხვნილი პაკეტში მიღებამდე მიმართეთ ექიმს ან ფარმაცევტს.

ხანდაზმულ პაციენტებში, რომლებსაც აქვთ არასტაბილური ზოგადი მდგომარეობა,  პრეპარატის მიღება რეკომენდებულია მხოლოდ ექიმის მეთვალყურეობის ქვეშ.

ამ პრეპარატის გამოყენების შემდეგ განვითარებულმა დიარეამ შეიძლება მნიშვნელოვნად შეაფერხოს ერთდროულად მიღებული მედიკამენტების შეწოვა (იხილეთ რუბრიკა „სხვა პრეპარატების მიღება ან გამოყენება“).

პრეპარატი შეიცავს მაკროგოლს. მაკროგოლის შემცველი პროდუქტების გამოყენებისას გამოვლინდა ალერგიული რეაქციები:  გამონაყარი კანზე, ჭინჭრის ციება და მძიმე ალერგიული რეაქციები სახის, ტუჩების, ენის უეცარი შეშუპებით, ქოშინით ან ხიხინით.

თუ თქვენ გაქვთ სისხლში მინერალური მარილების დონის დარღვევების (ელექტროლიტური დისბალანსის) განვითარების რისკი, ექიმმა შეიძლება გადაწყვიტოს  თქვენი სისხლის ელექტროლიტების დონის მონიტორინგი პრეპარატის მიღებამდე და მისი მიღების შემდეგ.

პრეპარატის მიღებამდე აცნობეთ ექიმს ან ფარმაცევტს, თუ:

-გაქვთ გულის პრობლემები (მათ შორის გულის უკმარისობა),

- გაქვთ თირკმლის პრობლემები,

- გაქვთ ყლაპვის სირთულე ან ცრუ ასპირაციის რისკი (საკვების ან სითხის ფილტვებში შეღწევა),

- უნდა დარჩეთ წოლით რეჟიმში,

- იღებთ შარდმდენ პრეპარატებს (მედიკამენტები, რომლებიც ზრდიან შარდის მოცულობას).

თუ ნაწლავების მოსამზადებლად ფორტრანსის მიღებისას მოულოდნელად განგივითარდათ მუცლის ტკივილი ან სწორი ნაწლავიდან სისხლდენა, დაუკავშირდით ექიმს ან დაუყოვნებლივ მიმართეთ სამედიცინო დახმარებას.

ბავშვები და მოზარდები

ფორტრანსი არ უნდა იქნას გამოყენებული 18 წლამდე ასაკის ბავშვებში. მისი ტოლერანტობა და ეფექტურობა ამ პოპულაციაში დადგენილი არ არის. პრეპარატი შეიცავს ნატრიუმს. პრეპარატი შეიცავს 2.890 გ ნატრიუმს თითო პაკეტში. ეს გასათვალისწინებელია იმ პაციენტებში, რომლებიც აკონტროლებენ ნატრიუმის მიღებას საკვებით.

სხვა პრეპარატები და ფორტრანსი, პერორალური ხსნარის მოსამზადებელი ფხვნილი პაკეტში

აცნობეთ თქვენს ექიმს ან ფარმაცევტს, თუ იღებთ ან უახლოეს წარსულში იღებდით ან ან შეიძლება მიიღოთ სხვა პრეპარატები, კერძოდ:

·  რეგულარულად ორალური გზით (პერორალურად) მიღებული მედიკამენტები: პერორალური გზით მიღებული სამკურნალო საშუალება შესაძლოა არ შეიწოვოს პრეპარატისგან გამოწვეული ნაწლავების დაცლის გამო და მიღებულ უნდა იქნას ოყნის გაკეთებამდე 2 საათზე მეტი ხნით ადრე. ვიწრო თერაპიული ინდექსის ან მოკლე ნახევარგამოყოფის პერიოდის მქონე პრეპარატების ეფექტურობა შესაძლოა განსაკუთრებით შემცირდეს.

ორსულობა და  ძუძუთი კვება

თუ ხართ ორსულად ან ძუძუთი კვებავთ, თუ ფიქრობთ, რომ შესაძლოა ორსულად იყოთ ან გეგმავთ ორსულობას, ამ პრეპარატის მიღებამდე რჩევისთვის მიმართეთ ექიმს ან ფარმაცევტს.

ფორტრანსი, პერორალური ხსნარის მოსამზადებელი ფხვნილი პაკეტში შეიცავს ნატრიუმს.

3. როგორ მიიღება ფორტრანსი, პერორალური ხსნარის მოსამზადებელი ფხვნილი პაკეტში?

მიიღეთ პრეპარატი ყოველთვის ინსტრუქციაში მოცემული ინფორმაციის ან ექიმის ან ფარმაცევტის მითითებების შესაბამისად. პრეპარატის მიღებასთან დაკავშირებით ეჭვის გაჩენის შემთხვევაში მიმართეთ ექიმს ან ფარმაცევტს.

ფორტრანსი უნდა იქნას მიღებული პერორალურად და გამოიყენება ზრდასრულებში.  რეკომენდებული დოზაა 1 ლიტრი ხსნარი სხეულის წონის 15-დან 20 კგ-ზე, რაც შეესაბამება გახსნილი ხსნარის საშუალო დოზას 3-დან 4 ლიტრამდე.

თითოეული პაკეტი უნდა გაიხსნას 1 ლიტრ წყალში. მოურიეთ სანამ ფხვნილი მთლიანად არ გაიხსნება.

ფხვნილის გახსნის შემდეგ, ხსნარი დაუყოვნებლივ უნდა აბსორბირდეს. ხსნარის თითოეული ლიტრი უნდა დალიოთ 1 საათის განმავლობაში. ფორტრანსის მიღება შესაძლებელია როგორც ერთჯერადად (3-დან 4 ლიტრამდე გამოკვლევის წინა საღამოს), ასევე გაყოფილ დოზებად (2 ლიტრი გამოკვლევის წინა საღამოს, 1-დან 2 ლიტრმდე გამოკვლევის დღეს დილით ან 3 ლიტრი საღამოს და 1 ლიტრი გამოკვლევის დღეს დილით).

ექიმის დანიშნულებისამებრ, თქვენ უნდა დალიოთ 250 მლ-იანი ჭიქა ხსნარი ყოველ 10-15 წუთში ერთხელ.

ხსნარის მიღება უნდა დასრულდეს კვლევის დაწყებამდე სულ მცირე 3 ან 4 საათით ადრე.

ფორტრანსი, პერორალური ხსნარის მოსამზადებელი ფხვნილი პაკეტში საჭირო დოზაზე მეტი

თუ ფიქრობთ, რომ მიიღეთ ფორტრანსის საჭიროზე მეტი დოზა, აცნობეთ ამის შესახებ ექიმს და დეჰიდრატაციის თავიდან ასაცილებლად დალიეთ დიდი რაოდენობით წყალი ან სითხე.

4. რა შესაძლო გვერდითი მოვლენები შეიძლება გამოვლინდეს?

როგორც ყველა სამკურნალო პრეპარატს, ამ მედიკამენტსაც აქვს გვერდითი მოვლენები, თუმცა ეს მოვლენები ყველა ადამიანში სისტემატიურად არ იჩენს თავს.

ამ მედიკამენტის მიღების შემდეგ, ხშირად გექნებათ დეფეკაციის სურვილი. ეს ნორმალურია და ნიშნავს, რომ პრეპარატი მოქმედებს. დარჩით ტუალეტთან ახლოს, სანამ წამლის მოქმედება არ დასრულდება.

დაუყოვნებლივ აცნობეთ ექიმს და შეწყვიტეთ ფორტრანსის მიღება, თუ შეამჩნევთ შემდეგ ეფექტებს:

·  მძიმე ალერგიული რეაქცია, რომელიც ვლინდება სახის, ტუჩების, ენის ან ყელის შეშუპებით ან სუნთქვის გაძნელებით ან მძიმე მდგომარეობით, რომელსაც თან ახლავს არტერიული წნევის ვარდნა (ანაფილაქსიური შოკი).

გვერდითი მოვლენები მოიცავს:

-ძალიან ხშირი (აღინიშნება 10-დან 1-ზე მეტ პაციენტში): გულისრევა, მუცლის ტკივილი და მუცლის შებერილობა (შეშუპება).

- ხშირი (10 პაციენტიდან 1-ში): ღებინება.

- უცნობი სიხშირის (სიხშირის შეფასესება შეუძლებელია არსებული მონაცემების მიხედვით): სხვა ალერგიული რეაქციები: გამონაყარი კანზე და ჭინჭრის ციება.

ინფორმაცია გვერდითი მოვლენების შესახებ

თუ გამოვლინდება რომელიმე გვერდითი მოვლენა, მიმართეთ ექიმს ან ფარმაცევტს. ეს ეხება ასევე ყველა იმ გვერდით მოვლენებს, რომელის აღნიშნული არაა ამ ინსტრუქციაში. 

გვერდითი მოვლენების მითითებით, თქვენ მიიღებთ მეტ ინფორმაციას პრეპარატის უსაფრთხოებაზე.

5. როგორ შევინახოთ ფორტრანსი, პერორალური ხსნარის მოსამზადებელი ფხვნილი პაკეტში?

შეინახეთ პრეპარატი ბავშვებისათვის შეუმჩნეველ და მიუწვდომელ ადგილას.

არ გამოიყენოთ პრეპარატი შეფუთვაზე მითითებული ვარგისიანობის ვადის გასვლის შემდეგ. ვარგისიანობის ვადის ამოწურვის თარიღად ითვლება მითითებული თვის ბოლო დღე.

არ საჭიროებს შენახვის განსაკუთრებულ პირობებს.

არ ჩაყაროთ  სამკურნალო საშუალებები საყოფაცხოვრებო ნარჩენებთან ან საკანალიზაციო სისტემაში. მიიღეთ ფარმაცევტის რჩევა თუ როგორ მოიშოროთ ვადაგასული მედიკამენტი. ასეთი სახის ზომები ხელს შეუშლის გარემოს დაბინძურებას.

6. შეფუთვის შემადგენლობა და დამატებითი ინფორმაცია.

რას შეიცავს ფორტრანსი, პერორალური ხსნარის მოსამზადებელი ფხვნილი პაკეტში

• აქტიური ნივთიერებაა:

მაკროგოლი 4000•.......................................................................... 64,00 გ

უწყლო ნატრიუმის სულფატი..................................................... 5.700 გ

ნატრიუმის ბიკარბონატი ............................................................. 1.680 გ

ნატრიუმის ქლორიდი ................................................................... 1.460 გ

კალიუმის ქლორიდი....................................................................... 0.750 გ

73,690 გრამიანი პაკეტისთვის.

•= P.E.G. 4000 = პოლიეთილენგლიკოლი 4000

• სხვა დამხმარე ნივთიერებებია:

ნატრიუმის საქარინი.

რა არის ფორტრანსი, პერორალური ხსნარის მოსამზადებელი ფხვნილი პაკეტში და გარე შეფუთვის შემადგენლობა:

პრეპარატი წარმოდგენილია თეთრიდან მოთეთრო ფერამდე ფხვნილის სახით პერორალური ხსნარის მოსამზადებლად.

კოლოფი 4 ან 50 პაკეტით.

შესაძლოა, ყველა გამოცემა კომერციული გამოყენებისთვის ხელმისაწვდომი არ იყოს.