ფორლაქსი - Forlax 20 პაკეტი

ფორლაქსი® 10 გ

მაკროგოლი 4000

8 წელზე უფროსი ასაკის ბავშვები/ზრდასრულები

გამოყენების ინსტრუქცია: ინფორმაცია მომხმარებლისთვის

ფორლაქსი 10 გ, პერორალური ხსნარის მოსამზადებელი ფხვნილი პაკეტში

მაკროგოლი 4000 

პრეპარატის გამოყენებამდე ყურადღებით წაიკითხეთ ინსტრუქცია, რადგან ის შეიცავს თქვენთვის მნიშვნელოვან ინფორმაციას. ყოველთვის მიიღეთ პრეპარატი ზუსტად ისე როგორც მითითებულია გამოყენების ინსტრუქციაში ან თქვენი ექიმის ან ფარმაცევტის რეკომენდაციის შესაბამისად. • შეინახეთ გამოყენების ინსტრუქცია. შესაძლოა დაგჭირდეთ მისი ხელახლა გადაკითხვა. • ნებისმიერი რჩევის ან ინფორმაციისთვის მიმართეთ თქვენს ფარმაცევტს. • თუ აღგენიშნათ რომელიმე გვერდითი მოვლენა აცნობეთ თქვენს ექიმს ან ფარმაცევტს. ეს მოიცავს იმ შესაძლო გვერდით მოვლენებს რომელიც არ არის მითითებული წინამდებარე გამოყენების ინსტრუქციაში. იხილეთ რუბრიკა 4. • მიმართეთ ექიმს, თუ არ გრძნობთ თავს უკეთესად, ან თავს გრძნობთ უარესად.

რას შეიცავს ეს ინსტრუქცია:

1. რა არის ფორლაქსი 10 გ, პერორალური ხსნარის მოსამზადებელი ფხვნილი პაკეტში და რისთვის გამოიყენება ის?
2. რა უნდა იცოდეთ ფორლაქსი 10 გ, პერორალური ხსნარის მოსამზადებელი ფხვნილი პაკეტში მიღებამდე?
3. როგორ უნდა მიიღოთ ფორლაქსი 10 გ, პერორალური ხსნარის მოსამზადებელი ფხვნილი პაკეტში?
4. რა შესაძლო გვერდითი მოვლენები შეიძლება გამოვლინდეს?
5. როგორ შევინახოთ ფორლაქსი 10 გ, პერორალური ხსნარის მოსამზადებელი ფხვნილი პაკეტში?
6. შეფუთვის შემადგენლობა და დამატებითი ინფორმაცია.

1. რას არის ფორლაქსი 10 გ, პერორალური ხსნარის მოსამზადებელი ფხვნილი პაკეტში და რისთვის გამოიყენება ის?

ფარმაკოთერაპიული კლასი: ოსმოსური საფაღარათო საშუალება, ათქ კოდი: A06AD15 (A: საჭმლის მომნელებელი სისტემა და მეტაბოლიზმი).

ფორლაქსი შეიცავს აქტიურ ნოვთიერებას მაკროგოლი 4000 და განკუთვნება ოსმოსური საფაღარათო ჯგუფის პრეპარატებს. ეს ხელს უწყობს განავალში წყლის რაოდენობის გაზრდას, რაც ეხმარება ნაწლავის ნელი მოძრაობით გამოწვეული პრობლემების მოგვარებას. ფორლაქსი არ აბსორბირდება სისხლის მიმოქცევის სისტემაში  და არ იშლება სხეულში.

ფორლაქსი გამოიყენება ყაბზობის სამკურნალოდ ზრდასრულებში და 8 წელზე უფროსი ასაკის ბავშვები.

პრეპარატი წარმოდგენილია ფხვნილის სახით რომელიც უნდა გაიხნას ერთ ჭიქა წყალში (არანაკლებ 50მლ) და მიღებულ იქნას შინაგანად. მისი ეფექტი გამოვლინდება 24-დან 48 საათში.

ყაბზობის მკურნალობა პრეპარატით უნდა იყოს შერწყმული ჯანსაღი ცხოვრების წესთან და ჯანსაღ კვებასთან.

ასევე, იხილეთ: >ფორლაქსი - Forlax 1 პაკეტი

2. რა უნდა იცოდეთ ფორლაქსი 10 გ, პერორალური ხსნარის მოსამზადებელი ფხვნილი პაკეტში გამოყენებამდე?

არასოდეს მიიღოთ ფორლაქსი 10 გ, პერორალური ხსნარის მოსამზადებელი ფხვნილი პაკეტში:

• თუ ხართ ალერგიული (გაქვთ მომატებული მგრძნობელობა) მაკროგოლის (პოლიეთილენ გლიკოლი) ან პრეპარატში შემავალი სხვა რომელიმე კომპონენტის მიმართ, რომელიც ჩამოთვლილია რუბრიკა 6-ში.

• თუ გაქვთ ნაწლავების მწვავე დაავადება:

-  ნაწლავის ანთებითი დაავადება (მაგ. წყლულოვანი კოლიტი, კრონის დაავადება, ნაწლავის პათოლოგიური გაფართოება).

-  ნაწლავის პერფორაცია ან ნაწლავის პერფორაციის რისკი;

-  გაუვალობა, ან ეჭვი ნაწლავის გაუვალობაზე;

-  დაუდგენელი მიზეზით გამოწვეული ტკივილი მუცლის არეში.

არ მიიღოთ პრეპარატი თუ გამოგივლინდათ რომელიმე ზემოაღნიშნულიდან ერთ-ერთი. ეჭვის შემთხვევაში, პრეპარატის მიღებამდე დაუკავშირდით ექიმს ან ფარმაცევტს.

გაფრთხილება და სიფრთხილის ზომები

ფორლაქსის მიღებამდე მიმართეთ ექიმს ან ფარმაცევტს.

მაკროგოლის (პოლიეთილენგლიკოლის) შემცველი მედიკამენტების მიღების შემდეგ ზრდასრულებში აღინიშნა ალერგიული რეაქციების შემთხვევები, რომლებიც გამოვლინდა კანზე გამონაყარის და სახის ან ყელის შეშუპების (ანგიონევროზული შეშუპება) სახით.

აღწერილია მწვავე ალერგიული რეაქციების ცალკეული შემთხვევები, რაც იწვევს გონების დაკარგვას, კოლაფსს ან სუნთქვის გაძნელებას და ზოგადი სისუსტის შეგრძნებას.

თუ გამოგივლინდათ  რომელიმე აღნიშნული სიმპტომი, შეწყვიტეთ ფორლაქსის მიღება და დაუყოვნებლივ დაუკავშირდით ექიმს.

იმის გამო, რომ პრეპარატმა შესაძლოა ზოგჯერ გამოიწვიოს დიარეა, პრეპარატის მიღებამდე მიმართეთ ექიმს ან ფარმაცევტს, თუ:

• გაქვთ ღვიძლის ან თირკმლის ფუნქციის დარღვევა,

• იღებთ შარდმდენებს (პრეპარატები, რომლებიც ზრდიან შარდის გამოყოფას) ან ხართ ხანდაზმული, რადგან შესაძლოა შემცირდეს სისხლში ნატრიუმის (მარილის) და კალიუმის დონე.

თუ გაქვთ ყლაპვის პრობლემა, ფორლაქსის მიღებამდე მიმართეთ ექიმს ან ფარმაცევტს.

თუ ყლაპვის პრობლემა გაქვთ, მოერიდეთ ფორლაქსის შერევას სახამებლის ბაზაზე დამზადებული გამაქელებლებთან ერთად. ამან შეიძლება გამოიწვიოს თხევადი ხსნარის წარმოქმნა, რომელიც შეიძლება მოხვდეს ფილტვებში და გამოიწვიოს ასპირაციული პნევმონია, თუ სწორად გადაყლაპვას ვერ შეძლებთ.

სხვა პრეპარატები და ფორლაქსი

არსებობს შესაძლებლობა რომ ფორლაქსით მკურნალობისას სხვა სამკურნალო საშუალებების აბსორბცია დროებით შემცირდეს, განსაკუთრებით სამკურნალო პროდუქტებისა, რომლებსაც აქვთ ვიწრო თერაპიული ინდექსი ან ხანმოკლე ნახევარგამოყოფის პერიოდი, როგორიცაა დიგოქსინი, ეპილეფსიის საწინააღმდეგო პრეპარატები, კუმარინები და იმუნოსუპრესანტები, რაც იწვევს ეფექტურობის შემცირებას.

თუ იღებთ ან ბოლო დროს მიიღეთ სხვა პრეპარატები, მათ შორის რეცეპტის გარეშე გაცემული, აცნობეთ ამის შესახებ თქვენს ექიმს ან ფარმაცევტს.

თუ სითხეების გადასაყლაპად იყენებთ გამასქელებლებს, ფორლაქსმა შესაძლოა გაანეიტრალოს გასქელების ეფექტი და ხელი შეუშალოს მის მოქმედებას.

ორსულობა და  ძუძუთი კვება

ფორლაქსის გამოყენება შესაძლებელია ორსულობის და ლაქტაციის დროს.

თუ ხართ ორსულად ან ძუძუთი კვებავთ, თუ ფიქრობთ, რომ შესაძლოა ორსულად იყოთ ან გეგმავთ ორსულობას, ამ პრეპარატის მიღებამდე რჩევისთვის მიმართეთ ექიმს ან ფარმაცევტს.

მანქანების მართვა და სატრანსპორტო საშუალებები

არ ჩატარებულა კვლევები ფორლაქსის ზემოქმედების შესახებ სატრანსპორტო საშუალებების მართვისა და მექანიზმებთან მუშაობის უნარზე.

ფორლაქსი შეიცავს სორბიტოლს და გოგირდის დიოქსიდს

ეს პრეპარატი შეიცავს გოგირდის დიოქსიდს და შეიძლება გამოიწვიოს ალერგიული რეაქციები და სუნთქვის გაძნელება.

პრეპარატი შეიცავს 1.7 მგ სორბიტოლს თითო პაკეტში.

მიუხედავად ამისა, ფორლაქსის გამოყენება მაინც შესაძლებელია გაქვთ დიაბეტი ან თუ გჭირდებათ გალაქტოზისგან თავისუფალი დიეტის დაცვა.

ეს პრეპარატი შეიცავს 1 მმოლზე (23 მგ) ნაკლებ ნატრიუმს თითო პაკეტში, რაც იმას ნიშნავს, რომ ის არსებითად „ნატრიუმის გარეშეა“.

3. როგორ მივიღოთ ფორლაქსი 10 გ, პერორალური ხსნარის მოსამზადებელი ფხვნილი პაკეტში

ფორლაქსის მიღებისას ყოველთვის დაიცავით ამ ინსტრუქციაში მოცემული ინფორმაცია ან ექიმის ან ფარმაცევტის მითითებები. პრეპარატის მიღებასთან დაკავშირებით ეჭვის გაჩენის შემთხვევაში მიმართეთ ექიმს ან ფარმაცევტს.

დოზირება

ზრდასრულები და 8 წელზე უფროსი ასაკის ბავშვები.

ჩვეულებრივი რეკომენდებული დოზაა 1-დან 2 პაკეტამდე დღეში, სასურველია მიიღოთ ერთჯერადად, დილით.

დღიური დოზა რეგულირდება მიღებული ეფექტის შესაბამისად და შესაძლოა მერყეობდეს 1 პაკეტიდან ყოველ 2 დღეში (განსაკუთრებით ბავშვებში) მაქსიმუმ 2 პაკეტამდე დღეში.

ფორლაქსის მიღებამდე დაუყოვნებლივ გახსენით პაკეტის შიგთავსი ერთ ჭიქა წყალში (მინიმუმ 50 მლ).

გაითვალისწინეთ, რომ:

• ფორლაქსის მოქმედება ჩვეულებრივ გამოვლინდება 24-დან 48 საათში.

• ბავშვებში, ფორლაქსით მკურნალობის ხანგრძლივობამ არ უნდა გადააჭარბოს 3 თვეს;

• ფორლაქსის მიღების შემდეგ ნაწლავების მოქმედების გაუმჯობესების შენარჩუნება შესაძლებელია ჯანსაღი ცხოვრების წესისა და სწორი კვების დაცვით.

სიმპტომების გაუარესების ან გახანგრძლივების შემთხვევაში მიმართეთ თქვენს ფარმაცევტს ან ექიმს.

თუ თქვენ მიიღეთ ფორლაქსი საჭირო დოზაზე მეტი

ფორლაქსის ჭარბი დოზით მიღებამ შეიძლება გამოიწვიოს დიარეა, მუცლის ტკივილი ან ღებინება. დიარეა ჩვეულებრივ ქრება მკურნალობის შეწყვეტის ან დოზის შემცირების შემდეგ.

თუ თქვენ გაქვთ მწვავე დიარეა ან ღებინება, რაც შეიძლება მალე უნდა მიმართოთ ექიმს, რადგან შეიძლება დაგჭირდეთ მკურნალობა სითხის დაკარგვით გამოწვეული მარილების (ელექტროლიტების) დაკარგვის თავიდან ასაცილებლად.

თუ დაგავიწყდათ ფორლაქსის მიღება:

გამოტოვებული დოზის კომპენსირებისთვის არ მიიღოთ ორმაგი დოზა.

4. რა შესაძლო გვერდითი მოვლენები შეიძლება გამოვლინდეს?

როგორც ყველა სამკურნალო პრეპარატს, ამ მედიკამენტსაც აქვს გვერდითი მოვლენები, თუმცა ეს მოვლენები ყველა ადამიანში სისტემატიურად არ იჩენს თავს.

გვერდითი მოვლენები ჩვეულებრივ მსუბუქი და ხანმოკლეა, მოიცავს:

ბავშვებში:

ხშირი (შესაძლოა გამოვლინდეს 10-დან 1-მდე პაციენტში)

• მუცლის ტკივილი

• დიარეა, რამაც შესაძლოა გამოიწვიოს ტკივილი უკანა ტანის (ანუსი) მიდამოში.

არახშირი (შესაძლოა გამოვლიდეს 100-დან 1 -მდე პაციენტში)

· გულის რევა ან ღებინება

· მუცლის შებერილობა

უცნობი სიხშირის (სიხშირის განსაზღვრა შეუძლებელია არსებული მონაცემების მიხედვით).

• ალერგიული (ჰიპერმგრძნობელობა) რეაქციები როგორიცაა გამონაყარი, ურტიკარია, სახის ან ყელის შეშუპება, სუნთქვითი პრობლემები, გულის წასვლა ან კოლაფსი.

ზრდასრულები:

ხშირი (შესაძლოა გამოვლინდეს 10-დან 1-მდე პაციენტში)

• მუცლის ტკივილი 

• მუცლის შებერილობა

• გულის რევა

• დიარეა

იშვიათი (შესაძლოა გამოვლიდეს 100-დან 1 -მდე პაციენტში)

· ღებინება

· დეფეკაციის უკიდურესი საჭიროება

· განავალის შეუკავებლობა

უცნობი (სიხშირის განსაზღვრა შეუძლებელია არსებული მონაცემების მიხედვით).

• სისხლში კალიუმის დაბალი დონე, რამაც შეიძლება გამოიწვიოს კუნთების სისუსტე, კუნთების სპაზმები ან გულის რიტმის დარღვევა.

• ნატრიუმის დაბალი დონე სისხლში რამაც შეიძლება გამოიწვიოს დაღლილობა, დაბნეულობა, კუნთების სპაზმები, კრუნჩხვები და კომა.

• ძლიერი დიარეით გამოწვეული დეჰიდრატაცია, განსაკუთრებით ხანდაზმულებში.

ალერგიული რეაქციის სიმპტომები, როგორიცაა კანის სიწითლე, გამონაყარი, ჭინჭრის ციება, სახის ან ყელის შეშუპება, სუნთქვის გაძნელება, გონების დაკარგვა ან კოლაფსი.

ინფორმაცია გვერდითი მოვლენების შესახებ

თუ გამოვლინდება რომელიმე გვერდითი მოვლენა, მიმართეთ ექიმს ან ფარმაცევტს. ეს ეხება ასევე ყველა იმ გვერდით მოვლენებს, რომელის აღნიშნული არაა ამ ინსტრუქციაში. 

გვერდითი მოვლენების მითითებით, თქვენ მიიღებთ მეტ ინფორმაციას პრეპარატის უსაფრთხოებაზე.

5. როგორ შევინახოთ ფორლაქსი 10 გ, პერორალური ხსნარის მოსამზადებელი ფხვნილი პაკეტში?

შეინახეთ პრეპარატი ბავშვებისათვის შეუმჩნეველ და მიუწვდომელ ადგილას.

არ გამოიყენოთ პრეპარატი შეფუთვაზე მითითებული ვარგისიანობის ვადის გასვლის შემდეგ. ვარგისიანობის ვადის ამოწურვის თარიღად ითვლება მითითებული თვის ბოლო დღე.

პრეპარატი არ საჭიროებს შენახვის განსაკუთრებულ პირობებს.

არ ჩაყაროთ  სამკურნალო საშუალებები საყოფაცხოვრებო ნარჩენებთან ან საკანალიზაციო სისტემაში. მიიღეთ ფარმაცევტის რჩევა თუ როგორ მოიშოროთ ვადაგასული მედიკამენტი. ასეთი სახის ზომები ხელს შეუშლის გარემოს დაბინძურებას.

6. შეფუთვის შემადგენლობა და დამატებითი ინფორმაცია.

რას შეიცავს ფორლაქსი 10 გ, პერორალური ხსნარის მოსამზადებელი ფხვნილი პაკეტში

• აქტიური ნივთიერებაა:

მაკროგოლი 4000, ერთი პაკეტი შეიცავს 10,00 გ-ს.

• სხვა დამხმარე ნივთიერებებია:

ნატრიუმის საქარინი (E954) და ფორთოხალ-გრეიფრუტის არომატიზატორი (შეიცავს ფორთოხლის და გრეიფრუტის ეთერზეთებს, კონცენტრირებული ფორთოხლის წვენს, ციტრალს, აცეტალდეჰიდს, ლინალოლს, ეთილბუტირატს, ალფა-ტერპინეოლს, ოქტანალს, ბეტა გამა ჰექსენოლს, მალტოდექსტრინს, გუმ არაბიკს (არაბიკურ ფისს), სორბიტოლს (E 420), ბუთილჰიდროქსიანიზოლს (E 320) და გოგირდის დიოქსიდს (E 220).)

რა არის ფორლაქსი 10 გ, პერორალური ხსნარის მოსამზადებელი ფხვნილი პაკეტში და გარე შეფუთვის შემადგენლობა:

ფორლაქსი არის მოთეთრო ფერის ფხვნილი ფორთოხალ/გრეიფრუტის სუნითა და არომატით, რომელიც განკუთვნილია პერორალური ხსნარის მოსამზადებლად.

ფორლაქსი ხელმისაწვდომია 10, 20, 50 და 100 პაკეტიან შეფუთვაში. შესაძლოა, ყველა პრეზენტაცია კომერციულად ხელმისაწვდომი არ იყოს.