ფერიტინ ოტი - Ferritin Oti 62.5მგ 20 მყარი კაფსულა
აღწერა
ფერიტინ ოტი 62.5 მგ მყარი კაფსულები
რკინის ნატრიუმ გლუკონატის კომპლექსი
მოცემული პრეპარატის გამოყენებამდე ყურადღებით წაიკითხეთ ინსტრუქცია, ვინაიდან ის თქვენთვის მნიშვნელოვან ინფორმაციას შეიცავს
- შეინახეთ ინსტრუქცია. შესაძლებელია მისი წაკითხვა კვლავ დაგჭირდეთ.
- დამატებითი კითხვების შემთხვევაში, მიმართეთ ექიმს ან ფარმაცევტს.
- მოცემული პრეპარატი გამოწერილია თქვენთვის. არ გადასცეთ ის სხვებს. შესაძლებელია ზიანი მიადგეთ მათ მაშინაც კი, თუ მათი დაავადების ნიშნები თქვენსას ჰგავს.
- ნებისმიერი გვერდითი ეფექტის განვითარებისას მიმართეთ ექიმს ან ფარმაცევტს. ეს შეიძლება იყოს ნებისმიერი გვერდითი ეფექტი, რომელიც არ არის მოცემული ინსტრუქციაში. იხ. ნაწილი 4.
ინსტრუქციის შინაარსი
1. რა არის ფერიტინ ოტი და რისთვის გამოიყენება
2. რა უნდა იცოდეთ ფერიტინ ოტის მიღებამდე
3. როგორ უნდა მიიღოთ ფერიტინ ოტი
4. შესაძლო გვერდითი ეფექტები
5. როგორ შევინახოთ ფერიტინ ოტი
6. შეფუთვის შემადგენლობა და დამატებითი ინფორმაცია
1. რა არის ფერიტინ ოტი და რისთვის გამოიყენება
ფერიტინ ოტი არის ანემიის საწინააღმდეგო, პერორალური პრეპარატი, რომელიც შეიცავს სამვალენტიან რკინას.
ეს პრეპარატი გამოიყენება შემდეგი დაავადებების სამკურნალოდ:
• რკინის დეფიციტი (გამოწვეული ორგანიზმში რკინის ნაკლებობით);
• ესენციური ჰიპოქრომული >ანემია (ჰემოგლობინი არის ნორმულ ზღვარზე ქვემოთ);
• ქლოროზი (კანის სიფერმკთალე ჰემოგლობინის ნორმულ ზღვარზე ქვემოთ არსებობისას);
• მეორადი, ჰემორაგიული ანემია (სისხლის დიდი რაოდენობით დაკარგვისას);
• რკინადეფიციტური ანემიები (ორგანიზმში რკინის დეფიციტი);
• ოლიგემიური სინდრომები (სისხლის რაოდენობა ორგანიზმში ნორმულ ზღვარზე ქვემოთ); ბავშვებში და მომწიფების პერიოდში ტოქსიური ინფექციის და დეფიციტის გამო (ცილების და რკინის დეფიციტი);
• ორსულთა ანემია;
• დამხმარე საშუალება გამოჯანმრთელების და ზრდის დროს.
2. რა უნდა იცოდეთ ფერიტინ ოტის მიღებამდე
არ მიიღოთ ფერიტინ ოტი
- თუ ხართ ალერგიული რკინის ნატრიუმ გლუკონატის კომპლექსის ან პრეპარატის რომელიმე დამხმარე ნივთიერების მიმართ (ჩამოთვლილია პუნქტში 6);
- თუ გაქვთ ჰემოსიდეროზი ან ჰემოქრომატოზი (ორგანიზმში რკინის სიჭარბე)
- თუ გაქვთ ჰემოლიზური ანემია (სისხლის წითელი უჯრედების შემცირება)
გაფრთხილებები და სიფრთხილის ზომები
მიმართეთ ექიმს ან ფარმაცევტს ფერიტინ ოტის მიღებამდე.
არ არსებობს განსაკუთრებული სიფრთხილის ზომები.
სხვა პრეპარატები და ფერიტინ ოტი
მიმართეთ ექიმს თუ იღებთ ან ბოლო დროს იღებდით ან აპირებთ მიიღოთ სხვა პრეპარატები, მათ შორის რეცეპტის გარეშე გასაცემი პრეპარატები.
თუ რკინა ან მისი წარმოებულები მიიღება კომბინაციაში ტეტრაციკლინებთან (ანტიბიოტიკები), ტეტრაციკლინების აბსორბცია ორგანიზმში შეიძლება შემცირდეს.
ორსულობა და ლაქტაცია
თუ ხართ ორსულად ან ლაქტაციის პერიოდში, ფიქრობთ რომ ხართ ორსულად ან აპირებთ ორსულობას, მიმართეთ ექიმს ან ფარმაცევტს პრეპარატის მიღებამდე.
ავტოტრანსპორტის და მექანიზმების მართვა
ფერიტინ ოტი არ მოქმედებს ავტოტრანსპორტის და მექანიზმების მართვის უნარზე.
3. როგორ მივიღოთ ფერიტინ ოტი
პრეპარატი ყოველთვის მიიღეთ ექიმის ან ფარმაცევტის დანიშნულებისამებრ. შეამოწმეთ ექიმთან ან ფარმაცევტთან თუ არ ხართ დარწმუნებული.
რეკომენდებული დოზებია:
მოზრდილები - ერთი კაფსულა ორჯერ დღეში, ჭამის დროს
გამოყენება ბავშვებში - ნახევარი დოზა (ერთი კაფსულა დღეში ერთხელ)
თუ მიიღეთ ფერიტინ ოტის საჭიროზე მეტი რაოდეობა
შემთხვევით ჭარბი დოზირებისას დაუკავშირდით ექიმს დაუყოვნებლივ ან მიმართეთ უახლოეს ჰოსპიტალს.
ჭარბი დოზირების სიმპტომები შეიძლება მოიცავდეს ნაწლავის გარდამავალ პრობლემებს, მსგავსის განვითარებისას შესაძლებელია სიმპტომური თერაპიის ჩატარება.
დამატებითი კითხვების შემთხვევაში, მიმართეთ ექიმს ან ფამრაცევტს.
4. შესაძლო გვერდითი ეფექტები
სხვა პრეპარატების მსგავსად, მოცემულ პრეპარატსაც შეუძლია გამოიწვიოს გვერდითი ეფექტები, თუმცა არა ყველა პაციენტში.
რკინის შემცველი სხვა პრეპარატების მსგავსად, ჭარბმა დოზირებამ შეიძლება გამოიწვიოს კუჭისა და ნაწლავების მხრივ ისეთი დარღვევები, როგორიცაა:
- ღებინება
- გულისრევა
- დიარეა
- გულძმარვა (პიროზი)
ხანგრძლივმა გამოყენებამ შეიძლება გამოიწვიოს ყაბზობა.
რკინის შემცველი პრეპარატების გამოყენებისას შეიძლება განვითარდეს ფეკალიების შეფერადება, პათოლოგიური ცვლილებების გარეშე.
გვერდითი ეფექტების შეტყობინება
ნებისმიერი გვერდითი ეფექტის განვითარებისას მიმართეთ ექიმს ან ფარმაცევტს ან ექთანს. ეს შეიძლება იყოს ნებისმიერი გვერდითი ეფექტი, რომელიც არ არის ჩამოთვლილი ინსტრუქციაში. გვერდითი ეფექტების შეტყობინებით ხელს შეუწყობთ მოცემული პრეპარატის უსაფრთხოების შესახებ მეტი ინფორმაციის მოპოვებას.
5. როგორ შევინახოთ ფერიტინ ოტი
პრეპარატი შეინახეთ ბავშვებისთვის მიუწვდომელ და შეუმჩნეველ ადგილას.
არ გამოიყენოთ პრეპარატი კოლოფზე მითითებული ვარგისობის ვადის გასვლის შემდეგ. ვარგისობის ვადა ეხება თვის ბოლო რიცხვს.
არ გადააგდოთ პრეპარატები კანალიზაციაში ან საყოფაცხოვრებო ნაგავში. ჰკითხეთ ფარმაცევტს როგორ უნდა მოხდეს პრეპარატების გადაგდება, რომელიც აღარ გჭირდებათ. მსგავსი ზომებით ხელს შეუწყობთ გარემოს დაცვას.
6. შეფუთვის შემადგენლობა და დამატებითი ინფორმაცია
რას შეიცავს ფერიტინ ოტი
- აქტიური ნივთიერებაა რკინის ნატრიუმ გლუკონატის კომპლექსი. ყოველი კაფსულა შეიცავს 177.5 მგ რკინის ნატრიუმ გლუკონატის კომპლექსს (შეესაბამება 62.5მგ Fe+++).
- დამხმარე ნივთიერებებია: ტალკი, მაგნიუმის სტეარატი, კოლოიდური სილიციუმი, სიმინდის სახემებელი, ლევილიტი, ტიტანის დიოქსიდი, ჟელატინი.
ფერიტინ ოტის აღწერა და შეფუთვის შემადგენლობა
მუყაოს კოლოფი 20 მყარი კაფსულით.