ფელორანი - Feloran 1% გელი 60გ

ფელორანი ® 1% გელი

Feloran® gel 1%

ნატრიუმის დიკლოფენაკი (Diclofenac sodium)

ყურადღებით წაიკითხეთ წინამდებარე ინსტრუქცია ამ სამკურნალო პრეპარატის მიღების დაწყებამდე, ვინაიდან იგი შეიცავს თქვენთვის მნიშვნელოვან ინფორმაციას. ყოველთვის გამოიყენეთ მოცემული სამკურნალო პრეპარატი ინსტრუქციაში მოცემული აღწერილობის ან თქვენი მკურნალი ექიმის ან ფარმაცევტის დანიშნულების მიხედვით

• შეინახეთ ეს ინსტრუქცია. შესაძლოა თქვენ დაგჭირდეთ მისი ხელმეორედ წაკითხვა.

• თუ დაგჭირდებათ დამატებითი ინფორმაციის ან რჩევის მიღება, გთხოვთ, მიმართოთ თქვენს მკურნალ ექიმს ან ფარმაცევტს.

• თუ გამოგივლინდათ ნებისმიერი სახის გვერდითი მოვლენა, შეატყობინეთ თქვენს ექიმს ან ფარმაცევტს. ეს გულისხმობს ყველა შესაძლო გვერდით მოვლენას, რომელიც არ არის აღწერილი წინამდებარე ინსტრუქციაში. იხილეთ პუნქტი 4.

• თუ 7 დღის შემდეგ თავს უკეთ არ იგრძნობთ ან თუ თქვენი მდგომარეობა გაუარესდება, დახმარებისათვის უნდა მიმართოთ ექიმს.

წინამდებარე ინსტრუქცია შეიცავს შემდეგ ინფორმაციას:

1. რას წარმოადგენს ფელორანი და რისთვის გამოიყენებენ მას

2. რა უნდა იცოდეთ ფელორანის გამოყენების დაწყებამდე

3. როგორ უნდა გამოიყენოთ ფელორანი

4. შესაძლო გვერდითი მოქმედება

5. როგორ ინახება ფელორანი

6. შეფუთვის შემადგენლობა და დამატებითი ინფორმაცია.

1.რას წარმოადგენს ფელორანი და რისთვის გამოიყენებენ მას

ფელორანი შეიცავს აქტიურ ნივთიერებას ნატრიუმის დიკლოფენაკს, რომელიც განეკუთვნება არასტეროიდული ანთების საწინააღმდეგო  სამკურნალო პრეპარატების ჯგუფს. დიკლოფენაკი ხსნის ანთების სიმპტომებს – ტკივილს და შეშუპებას. გელი სპეციალურად არის შემუშავებული კანიდან დიკლოფენაკის სწრაფი შეწოვის მისაღწევად და ტკივილის სწრაფი მოხსნისთვის.

ფელორანი ნაჩვენებია:

- მყესების, სახსრების იოგების,კუნთების და სახსრების ტრავმების დროს, რომლებიც განპირობებულია ნაღრძობებით, დაჭიმვებით, დაჟეჟილობებით და ტკივილებით ზურგში (სპორტული ტრავმები);

- არასახსროვანი რევმატიზმის ლოკალიზებული ფორმების დროს – მყესების ანთება (მაგალითად “ჩოგბურთელის იდაყვი”, ბურსიტი (ტკივილი და შეშუპება სახსრებში და სახსრებთან ახლოს), მხარ-ხელის სინდრომი, პერიართროპათია;

- სახსრების დეგენერაციული დაავადებების ლოკალიზებული ფორმების დროს, მაგალითად პერიფერიული სახსრების და ხერხემლის ოსტეოართრიტი.

2.რა უნდა იცოდეთ ფელორანის გამოყენების დაწყებამდე

 არ გამოიყენოთ ფელორანი

- თუ გაქვთ ალერგია მოცემული სამკურნალო პრეპარატის აქტიურ ნივთიერებაზე ან

ნებისმიერი სხვა კომპონენტის მიმართ (რომელიც ჩამოთვლილია მე-6 პუნქტში);

 - თუ გაქვთ მომატებული მგრძნობელობა აცეტილსალიცილის მჟავის ან სხვა არასტეროიდული

ანთების საწინააღმდეგო სამკურნალო საშუალებების მიმართ ასთმის შეტევის, ჭინჭრის ციების ან მწვავე ალერგიული სურდოს კლინიკური გამოვლინებით; - თუ ხართ 14 წელზე ნაკლების ასაკის;

- ორსულობის ბოლო სამის თვის განმავლობაში;

გაფრთხილება და სიფრთხილის ზომები

გაესაუბრეთ თქვენს ექიმს ან ფარმაცევტს ფელორანის გამოყენების წინ, თუ გაწუხებთ კუჭის ან

თორმეტგოჯა ნაწლავის წყლული, გულ-სისხლძარღვების უკმარისობა (გულის დაავადება, რომელმაც შეიძლება გამოიწვიოს სწრაფი დაღლილობა, ხუთვა, კოჭების შეშუპება და სხვ.), პრობლემები თირკმელებთან ან ღვიძლთან დაკავშირებით. გელის გამოყენება ხდება მხოლოდ დაუზიანებელ კანის ზედაპირზე (ღია ნაკაწრების და ჭრილობების არ არსებობისას).

 არ წაისვათ თვალზე და  ლორწოვან გარსებზე.

 არ გამოიყენება სახვევის ქვეშ, არ მიიღოთ შიგნით.

გელით დაფარული კანის ზედაპირი მოარიდეთ მზის  სხივებს.

კანის ან სხვა სახის მომატებული მგრძნობელობის შემთხვევაში, სამკურნალო პრეპარატის გამოყენება უნდა შეწყდეს.

სხვა სამკურნალო პრეპარატები და ფელორანი

გთხოვთ, შეატყობინეთ თქვენს მკურნალ ექიმს ან ფარმაცევტს, თუ  იღებთ ან ახლო წარსულში იღებდით, ან, შესაძლოა,  გამოიყენოთ  სხვა სამკურნალო პრეპარატი. ფელორანის კანზე გარეგანად გამოყენებისას  სხვა სამკურნალო პრეპარატებთან ურთიერთქმედება ნაკლებად სავარაუდოა.

ორსულობა და ძუძუთი კვება

თუ ხართ ორსულად, ან ხართ მეძუძური დედა ან არის ორსულობის ალბათობა ან გეგმავთ დაორსულებას, ამ სამკურნალო პრეპარატის გამოყენებამდე რჩევისთვის მიმართეთ თქვენს ექიმს ან ფარმაცევტს.  ფელორანის გამოყენება არ არის რეკომენდებული ორსულობის პირველი თვეების დროს და ძუძუთი კვების პერიოდში, ხოლო ორსულობის ბოლო სამი თვის განმავლობაში მისი გამოყენება არ შეიძლება.

სატრანსპორტო საშუალებების მართვა და მანქანებთან მუშაობა

ფელორანი გამოიყენება გარეგანად. არ ახდენს ზემოქმედებას სატრანსპორტო საშუალებების მართვის და მანქანებთან მუშაობის უნარზე.

ფელორანი შეიცავს პროპილენგლიკოლს, რომელსაც შეუძლია  კანზე გამაღიზიანებელი მოქმედების გამოვლენა. პრეპარატის შემადგენლობაში დამხმარე ნივთიერების სახით შედის ნატრიუმის ბენზოატი, რომელიც სუსტად აღიზიანებს კანს, თვალებს და ლორწოვან გარსს.

3.როგორ გამოიყენება ფელორანი

ყოველთვის გამოიყენეთ ფელორანი  ზუსტად ისე, როგორც აღწერილია ამ ინსტრუქციაში  ან თქვენი ექიმის ან ფარმაცევტის დანიშნულების მიხედვით. თუ არ ხართ რაიმეში დარწმუნებული, ჰკითხეთ თქვენს ექიმს ან ფარმაცევტს.

ფელორანი გამოიყენება გარეგანად.  ჩვეულებრივ,  გამოიყენება შემდეგნაირად:

 ზრდასრულები და 14 წელს ზემოთ ასაკის მოზარდები: გელი დაიტანება  დაზიანებულ უბანზე დღეში 3-4 ჯერ, კანში ფრთხილი შეზელით მის სრულ შეწოვამდე. გელის საჭირო რაოდენობა განისაზღვრება კანის დაზიანებული უბნის ფართობით. მაგალითად, 2 გ. გელი (დაახლოებით 6 სმ), საკმარისია დაახლოებით 400 სმ2 ფართობის გელით დასაფარად. გელის ყოველი გამოყენების შემდეგ საჭიროა ხელების დაბანა, გარდა იმ შემთხვევებისა, როცა ისინი წარმოადგენენ გამოყენების ადგილს.

მკურნალობის ხანგრძლივობა დამოკიდებულია ჩვენებებზე და მიღწეულ ეფექტზე.

 • რბილის ქსოვილების ტრავმის ან რევმატიზმის დროს არ არის რეკომენდებული გელის გამოყენება 14 დღეზე მეტი ხნის განმავლობაში, უფრო ხანგრძლივი გამოყენებისთვის ის უნდა იყოს დანიშნული ექიმის მიერ.

• ართრიტული ტკივილების დროს (ზრდასრულებში 18 წლიდან) არ არის რეკომენდებული გელის გამოყენება 21 დღეზე მეტი დროის განმავლობაში, უფრო ხანგრძლივი გამოყენებისთვის ის უნდა იყოს დანიშნული ექიმის მიერ.

ინსტრუქციაში მითითებული ჩვენებების დროს ფელორანის ექიმის დანიშნულების გარეშე გამოყენების შემთხვევაში, საჭიროა ექიმთან კონსულტაციის გავლა, თუ პაციენტების მდგომარეობა არ გაუმჯობესდება 7 დღის ფარგლებში, ან გაუარესდება.

14 წლამდე ასაკის ბავშვები: პრეპარატის გამოყენება ამ ასაკობრივ ჯგუფში უკუნაჩვენებია.

ხანდაზმული ასაკის პაციენტები (65 წლის ასაკიდან): გამოიყენება ჩვეულებრივი დოზირებით.

თუ არ ხართ რაიმეში დარწმუნებული, ჰკითხეთ თქვენს მკურნალ ექიმს ან ფარმაცევტს.

თუ გამოიყენეთ ფელორანის საჭიროზე მეტი დოზა

რადგანაც პრეპარატი გამოიყენება გარეგანად, ჭარბი დოზირება ნაკლებად სავარაუდოა. პრეპარატის შემთხვევით დიდი რაოდენობით გადაყლაპვის შემთხვევაში, დახმარებისთვის მიმართეთ თქვენს მკურნალ ექიმს ან უახლოეს სამედიცინო დაწესებულებას.

თუ გამოტოვეთ ფელორანის გამოყენება

თუ თქვენ გამოტოვეთ დოზის გამოყენება და დადგა შემდეგი დოზის გამოყენების დრო, მიიღეთ ის ჩვეულებრივ. ნუ გამოიყენებთ სამკურნალო პრეპარატის ორმაგ დოზას შემდეგი გამოყენებისას.

ამ პრეპარატის გამოყენებასთან დაკავშირებული ნებისმიერი დამატებითი კითხვების არსებობის შემთხვევაში, გთხოვთ მიმართოთ თქვენს მკურნალ ექიმს ან ფარმაცევტს.

4.შესაძლო გვერდითი მოქმედებები:

ამ სამკურნალო პრეპარატმა, ისევე როგორც სხვა სამკურნალო პრეპარატებმა, შეიძლება გამოიწვიოს გვერდითი მოვლენები, მიუხედავად იმისა, რომ ისინი ყველას არ აღენიშნება.

ხშირი (გვხვდება 10-დან  1-ზე ნაკლებ პაციენტში)  სიწითლე, ქავილი, გამონაყარი, ეგზემა, კანის აქერცვლა და სიმშრალე.

იშვიათი (გვხვდება1 000-დან  1-ზე ნაკლებ პაციენტში):

 შეშუპება და ბუშტუკების წარმოქმნა კანზე გამოყენების ადგილას.

ძალიან იშვიათი (გვხვდება 10 000-დან 1-ზე ნაკლებ პაციენტში): ჩირქით სავსე ბუშტუკებიანი გამონაყარი კანზე; ალერგიული რეაქციები, რომელიც მიმდინარეობს სახის, ტუჩების, პირის, ენის ან ყელის შეშუპებით, რომელსაც ხშირად თან ახლავს გამონაყარი და ქავილი, რამაც შეიძლება გაართულოს ყლაპვის პროცესი; სტვენა გულმკერდის არეში ან ჰაერის უკმარისობა (ასთმის ნიშნები); კანის მომატებული მგრძნობელობა მზის შუქის მოხვედრისას.

თუ გაგიჩნდებათ ნებისმიერი სახის გვერდითი რეაქცია, გთხოვთ, აცნობეთ ამის შესახებ თქვენს მკურნალ ექიმს ან ფარმაცევტს. ეს მოიცავს ყველა შესაძლო გვერდით მოვლენას, რომელიც არ არის აღწერილი წინამდებარე ჩანართ-ფურცელში.

5.როგორ ინახება ფელორანი

არ საჭიროებს შენახვის განსაკუთრებულ პირობებს. ინახება ორიგინალ შეფუთვაში. შეინახეთ ბავშვებისთვის მიუწვდომელ ადგილას.

 ვარგისობის ვადა: 3 წელი.

 ვარგისობის ვადა ტუბის გახსნის შემდეგ – 6 თვემდე.

 არ გამოიყენოთ ეს სამკურნალო პრეპარატი შეფუთვაზე მითითებული ვარგისობის ვადის გასვლის შემდეგ. ვარგისობის ვადა შეესაბამება მითითებული თვის ბოლო დღეს. არ გადააგდოთ სამკურნალო პრეპარატები კანალიზაციაში ან საყოფაცხოვრებო ნარჩენების კონტეინერებში. ჰკითხეთ თქვენს ფარმაცევტს, როგორ გაანადგუროთ თქვენთვის არასაჭირო სამკურნალო პრეპარატები. ეს ზომები ხელს შეუწყობს გარემოს დაცვას.

6.შეფუთვის შემადგენლობა და დამატებითი ინფორმაცია.

რას შეიცავს ფელორანი

აქტიური ნივთიერება: 10მგ ნატრიუმი დიკლოფენაკი  1გ. გელში.
სხვა ინგრედიენტები: კარბომერი, მაკროგოლი 400, პროპილენგლიკოლი, დიეთანოლამინი,    

იზოპროპილის სპირტი, ნატრიუმის ბენზოატი, გასუფთავებული წყალი.

ფელორანის აღწერილობა და შეფუთვის შიგთავსი

გამჭვირვალე, უფერო, ჟელესმაგვარი, ერთგვაროვანი კონსისტენციის  მასა, იზოპროპილის სპირტის სპეციფიკური სუნით. 60გ. ან 120გ. გელი ალუმინის ტუბში მემბრანით, პოლიპროპილენის თავსახურით; თითო ტუბი მუყაოს კოლოფში, ინსტრუქციასთან ერთად.

პირველი გამოყენების წინ ტუბის ხვრელზე გადაკრული ალუმინის ფოლგა უნდა გაიხვრიტოს!
გაცემის წესი:                         

ფარმაცევტული პროდუქტის ჯგუფი III, გაიცემა რეცეპტის გარეშე.

ასევე, იხილეთ: >დიკლოფენაკი - Diclofenac გელი 1% 40გ