ნეუროქიფ - Neurokeep თვალის წვეთები 10მლ

შემადგენლობა:

ნატრიუმის ჰიალურონატი  - 2,0 მგ/მლ;

ნატრიუმის ციტიკოლინი - 20,0 მგ/მლ;

ნატრიუმის ქლორიდი, ბენზალკონიუმის ქლორიდი, ნატრიუმის დიჰიდროფოსფატი, ნატრიუმის ჰიდროფოსფატი, საინექციო წყალი.

გამოშვების ფორმა:

>თვალის წვეთები 10მლ ფლაკონებში.

NEUROkeep – ოფთალმოლოგიური ნეიროპროტექტორი.

NEUROkeep -ის თვალის წვეთების კომპონენტი, ნატრიუმის ჰიალურონატი, ემატება მუკომიმეტურ, მუკოადჰეზიურ და ვისკოელასტურ ხსნარებს,  საცრემლე აპკის სტაბილურობის გასაუმჯობესებლად და  თვალის ზედაპირის გაპოხვის, დატენიანებისა და დაცვის უზრუნველსაყოფად. გარდა ამისა, ნატრიუმის ჰიალურონატის შემცველ ხსნარებს შეუძლიათ შექმნან ხელსაყრელი მიკროგარემოს თვალის ზედაპირის აღდგენისთვის რქოვანას და კონიუნქტივის ეპითელიუმის დაზიანების შემთხვევაში. NEUROkeep-ში ციტიკოლინის არსებობა უზრუნველყოფს  ბადურის უჯრედების   სტრუქტურულ მხარდაჭერას  თვალის  დეგენერაციული პათოლოგიებით (მაგ., გლაუკომა) დაზიანებული ნეირონების მემბრანების მთლიანობის აღსადგენად.

ჩვენებები გამოყენებისათვის:

ადგილობრივი გამოყენება ოფტალმოლოგიაში

დანიშნულება: პროდუქტის დამატენიანებელი და დამცავი თვისებები ამსუბუქებს გაღიზიანებას, წვას და უცხო სხეულის შეგრძნებებს, რომლებიც გამოწვეულია ისეთი გარემო ფაქტორებით, როგორიცაა ქარი, მზე, მშრალი ჰაერი, მარილიანი წყალი, კვამლი, კაშკაშა სინათლე, კონდიციონერი, გათბობა, ვიდეო ტერმინალების ხანგრძლივი გამოყენება, თვალის ოპერაცია, კონიუნქტივიტი ან კონტაქტური ლინზების გამოყენება.

NEUROkeep, მისი ნეიროტრანსმიტერული, ანტიდეგენერაციული, ანტიოქსიდანტური,  მეტაბოლური ეფექტებისა და მიკროცირკულაციის გაუმჯობესების წყალობით, რეკომენდირებულია გლაუკომის დროს  გლაუკომატოზური ნეიროპათიის; დიაბეტური რეტინოპათიის დროს. იშემიური ოპტიკური  ნეიროპათიის; მაკულის დეგენერაციის; რქოვანას დეგენერაციული დაავადებების; ჰიპერტენზიასთან დაკავშირებული თვალის ფსკერის ცვლილებების დროს: ანგიოპათია, ანგიოსკლეროზი, რეტინოპათია და ა.შ.; ასევე  გამოიყენება რეფრაქციულ ანომალიებთან დაკავშირებული თვალის ფსკერის ცვლილებების დროს: (მაღალი მიოპია, მაღალი ჰიპერმეტროპია)  ,ასევე  კერატორეფრაქციულ ოპერაციებამდე და მის შემდეგ: ფოტორეფრაქციული კერატოტომია, LASIK .

გამოყენების წესი და დოზირება:

1 წვეთი 2-3-ჯერ დღეში ან მეტჯერ ექიმის დანიშნულებისამებრ.

გვერდითი მოვლენები:

თვალის წვეთების ჩაწვეთების შემდეგ შესაძლოა მხედველობის დროებითი დაბინდვა. რეკომენდირებულია რამოდენიმე წამით დაელოდოთ ნებისმიერი საქმიანობის დაწყებას, რომელიც მხედველობის სიმკვეთრეს მოითხოვს. თუ რაიმე გვერდითი რეაქცია გამოვლინდა, შეწყვიტეთ ხსნარის გამოყენება და მიმართეთ ექიმს.

უკუჩვენებები:

მომატებული მგრძნობელობა პროდუქტის რომელიმე კომპონენტის მიმართ.

ურთიერთმოქმედება სხვა პრეპარატებთან: არ არის გამოვლენილი.

განსაკუთრებული მითითებები: თუ სიმპტომები რამდენიმე დღეში გაგრძელდა ან გამოვლინდა რაიმე გვერდითი რეაქცია, მიმართეთ ექიმს. არ გამოიყენოთ, თუ ბოთლი დაზიანებულია.

გახსნამდე ხსნარი სტერილურია. ხსნარის დაბინძურების თავიდან ასაცილებლად, გამოყენების შემდეგ მჭიდროდ დახურეთ ბოთლი და არ შეეხოთ დისპენსერის წვერი თვალს ან სხვა საგნებს.ეს პროდუქტი განკუთვნილია მხოლოდ გარეგანი ოფთალმოლოგიური გამოყენებისთვის. თუ ოფთალმოლოგიური ხსნარი გამოიყენება თერაპიული მიზნებისთვის, მიმართეთ ექიმს. ინსტილაციის შემდეგ, სხვა ადგილობრივი ოფთალმოლოგიური საშუალებების გამოყენებამდე დაელოდეთ 10-15 წუთი.

გაფრთხილება:

• არ გამოიყენოთ, თუ გაქვთ მომატებული მგრძნობელობა NEUROkeep-ის ხსნარის რომელიმე ინგრედიენტის მიმართ.

• შეინახეთ ბავშვებისთვის მიუწვდომელ ადგილას.

• არ შეურიოთ სხვა დამატენიანებელ წვეთებს.

დოზის გადაჭარბება:

დღემდე დოზის გადაჭარბების შემთხვევები არ დაფიქსირებულა

შენახვის პირობები:

შეინახეთ ბნელ ადგილას, არაუმეტეს 25°C ტემპერატურაზე. გახსნის შემდეგ გამოიყენეთ 1 თვის განმავლობაში. ვარგისიანობის ვადის გასვლის შემდეგ არ გამოიყენოთ.

ვარგისიანობის ვადა:

2 წელი.