ნეუროქიფ B - Neurokeep B თვალის წვეთები 10მლ

NEUROkeep B - თვალის წვეთები.

შემადგენლობა:

ციანოკობალამინი (ვიტამინი B12) - 0.5 მგ/მლ; ნატრიუმის ჰიალურონატი - 2.0 მგ/მლ; ნატრიუმის ციტიკოლინი - 20.0 მგ/მლ; ნატრიუმის ქლორიდი, ბენზალკონიუმის ქლორიდი, ნატრიუმის დიჰიდროფოსფატი, ნატრიუმის ჰიდროფოსფატი, საინექციო წყალი

გამოშვების ფორმა:

>თვალის წვეთები 10 მლ ფლაკონებში.

NEUROkeep B -  ოფთამოლოგიური ნეიროპროტექტორი. პრეპარატის ძირითადი აქტიური ინგრედიენტებია: ციტიკოლინი, ციანოკობალამინი (ვიტამინი B12) და ნატრიუმის ჰიალურონატი.

ციტიკოლინი ნეირონული მემბრანის ფოსფოლიპიდების სინთეზის ბუნებრივი, ფიზიოლოგიური და აუცილებელი წინამორბედია. უზრუნველყოფს  დაზიანებული ნერვული  უჯრედის სტრუქტურის  აღდგენას, წარმოადგენს მხედველობის ნერვის ნერვული ბოჭკოების ზრდის ფაქტორს  ისეთი  ოფთალმოლოგიური დაავადებების დროს  ,როგორიცაა გლაუკომა, მხედველობის ნერვის გლაუკომატოზური  ნეიროპათია, მხედველობის ნერვის დისკოს იშემია, ასევე შაქრიანი დიაბეტით, ჰიპერტენზიით (ანგიოპათია, ანგიოსკლეროზი, რეტინოპათია) გამოწვეული  თვალის ფსკერის ცვლილებები.ბენზალკონიუმის ქლორიდის დაბალი კონცენტრაცია (0.01%) უზრუნველყოფს რქოვანას ეპითელური ბარიერის დროებითი და შექცევადი  რელაქსაციას,  რაც ზრდის  რქოვანაში უჯრედშორის  სივრცეებს, შედეგად ციტიკოლინი    შეაღწევს თვალის წინა კამერაში, მინისებრ სხეულში და უვეოსკლერულ სივრცეში დიფუზიის გზით ,ასევე აღწევს ბადურასა და მხედველობის ნერვის დისკს.

ციანოკობალამინი (ვიტამინი B12) ასტიმულირებს  ნერვული ბოჭკოების მიელინიზაციას და რეგენერაციას პერიფერიული ნერვების ტრავმული დაზიანების და ნეიროდეგენერაციული პროცესების დროს, ხელს უწყობს რქოვანას რეეპითელიზაციას, ასევე იცავს უჯრედებს თავისუფალი რადიკალებისგან და ინარჩუნებს თვალის ზედაპირის ნორმალურ ფუნქციონირებას.

ნატრიუმის ჰიალურონატი არის ბუნებრივი მაღალმოლეკულური ბიოპოლიმერი, არასულფატირებული გლიკოზამინოგლიკანი, რომელიც ადამიანის ორგანიზმში შემაერთებელი, ეპითელური და ნერვული ქსოვილების კომპონენტია.

ის უჯრედგარე მატრიქსის ერთ-ერთი მთავარი კომპონენტია, რომელიც მრავალ ბიოლოგიურ სითხეში (ნერწყვი, სინოვიური სითხე, მინისებრი სხეული და ა.შ.) გვხვდება.

ნატრიუმის ჰიალურონატი მნიშვნელოვან როლს ასრულებს ქსოვილების ჰიდროდინამიკაში, ასევე მნიშვნელოვან როლს  ასრულებს  უჯრედების პროლიფერაციასა და მიგრაციაში, აქვს მუკოადჰეზიური და ვისკოელასტიური ეფექტი, აუმჯობესებს საცრემლე  აპკის სტაბილურობას და  პოხავს  თვალის ზედაპირს .

ნატრიუმის ჰიალურონატი  ახანგრძლივებს ციტიკოლინის მოლეკულის თვალის სტრუქტურებთან კონტაქტის დროს  და ხელს უწყობს ციტიკოლინის მიგრაციას თვალის წინა კამერასა და მინისებრ სხეულში.

გამოყენების ჩვენებები:

• დიაბეტური რეტინოპათია;

• მაკულარული  დეგენერაცია;

• გლაუკომატოზური რეტინოპათია

• იშემიური ოპოტიკური  ნეიროპათია;

•  ფსკერის ცვლილებები  დაკავშირებული რეფრაქციულ ანომალიებთან: მაღალი მიოპია, მაღალი ჰიპერმეტროპია და ა.შ.;

• ამბლიოპია;

• თვალის წინა სეგმენტზე ქირურგიული ჩარევები.

დოზირება და მიღების წესი:

1 წვეთი დღეში 2-3-ჯერ ან ექიმის დანიშნულებისამებრ.

გამოყენების რეკომენდებული კურსი: 2 თვე, წელიწადში 3-ჯერ, ან 4 თვე, წელიწადში 2-ჯერ (დაავადების სიმძიმის/ეტაპის მიხედვით).

გვერდითი მოვლენები:

ინსტილაციის შემდეგ შეიძლება განვითარდეს მხედველობის დროებითი დაბინდვა. რეკომენდებულია რამდენიმე წამით დაელოდოთ ნებისმიერი საქმიანობის დაწყებამდე, რომელიც მოითხოვს მხედველობის სიმკვეთრეს. თუ რაიმე გვერდითი რეაქცია გამოვლინდა, შეწყვიტეთ ხსნარის გამოყენება და მიმართეთ ექიმს.

განსაკუთრებული მითითებები:

თუ სიმპტომები რამდენიმე დღეში გაგრძელდა ან გამოვლინდა რაიმე გვერდითი რეაქცია, მიმართეთ ექიმს. არ გამოიყენოთ, თუ ბოთლი დაზიანებულია.

გახსნამდე ხსნარი სტერილურია.

ხსნარის დაბინძურების თავიდან ასაცილებლად, გამოყენების შემდეგ მჭიდროდ დახურეთ ბოთლი და არ შეეხოთ დისპენსერის თავს თვალთან ან სხვა საგნებთან.

ეს პროდუქტი განკუთვნილია მხოლოდ გარეგანი ოფთალმოლოგიური გამოყენებისთვის.

თუ ოფთალმოლოგიური ხსნარი გამოიყენება თერაპიული მიზნებისთვის, მიმართეთ ექიმს.

ინსტილაციის შემდეგ, სხვა ადგილობრივი ოფთალმოლოგიური საშუალებების გამოყენებამდე დაელოდეთ 10-15 წუთი.

გაფრთხილება:

• არ გამოიყენოთ, თუ გაქვთ მომატებული მგრძნობელობა NEUROkeep B ხსნარის რომელიმე კომპონენტის მიმართ.

• არ შეურიოთ სხვა დამატენიანებელ წვეთებს.

ჭარბი დოზირება:

დღემდე ჭარბი დოზირების შემთხვევები არ დაფიქსირებულა.

შენახვის პირობები:

შეინახეთ ბნელ ადგილას, არაუმეტეს 25ºC ტემპერატურაზე. შეინახეთ ბავშვებისთვის მიუწვდომელ ადგილას!

ვარგისიანობის ვადა:

2 წელი.

გახსნის შემდეგ გამოიყენეთ 1 თვის განმავლობაში. არ გამოიყენოთ ვარგისიანობის ვადის გასვლის შემდეგ.