მონტელუკასტი-4 - Montelukast-4 საღეჭი 4მგ 28 ტაბლეტი

მონტელუკასტი-4

Montelukast-4

ყურადღებით წაიკითხეთ მთელი ინსტრუქცია, სანამ დაიწყებთ ამ პრეპარატის მიცემას თქვენი ბავშვისთვის, რადგან ის შეიცავს თქვენთვის და თქვენი ბავშვისთვის მნიშვნელოვან ინფორმაციას.

•  შეინახეთ ეს ინსტრუქცია. შეიძლება დაგჭირდეთ ხელახლა წაკითხვა.

•  თუ გაქვთ დამატებითი შეკითხვები, მიმართეთ თქვენს ექიმს ან ფარმაცევტს.

• ეს წამალი გამოწერილია მხოლოდ თქვენი ბავშვისთვის. არ გადასცეთ ის სხვებს. ამან შეიძლება ზიანი მიაყენოს მათ, მაშინაც კი, თუ მათი ავადმყოფობის ნიშნები თქვენი შვილის მსგავსია.

• თუ გაქვთ გვერდითი მოვლენები, მიმართეთ თქვენს ექიმს ან ფარმაცევტს. ეს მოიცავს ნებისმიერ შესაძლო გვერდით ეფექტს, რომელიც არ არის ჩამოთვლილი ამ ინსტრუქციაში. იხილეთ ნაწილი 4.

რას მოიცავს ეს ინსტრუქცია:

1. რა არის მონტელუკასტი-4 მგ საღეჭი ტაბლეტები და რისთვის გამოიყენება ის.

2. უნდა იცოდეთ თქვენ, ვიდრე თქვენს ბავშვს მისცემთ მონტელუკასტ 4-მგ. საღეჭ ტაბლეტს.

3. როგორ უნდა მისცეთ მონტელუკასტი 4 მგ საღეჭი ტაბლეტები.

4. შესაძლო გვერდითი ეფექტები.

5. როგორ შეინახოთ მონტელუკასტი-4, 4 მგ საღეჭი ტაბლეტები.

6. შეფუთვა და სხვა ინფორმაცია.

1. რას წარმოადგენს მონტელუკასტი-4 საღეჭი ტაბლეტები და რისთვის გამოიყენება იგი.

მონტელუკასტი-4 საღეჭი ტაბლეტები არის ლეიკოტრიენის რეცეპტორების ანტაგონისტი, რომელიც ბლოკავს ნივთიერებას, რომელსაც ლეიკოტრიენი ეწოდება. ლეიკოტრიენებმა შეიძლება გამოიწვიოს ფილტვებში სასუნთქი გზების შევიწროება და შეშუპება.  ლეიკოტრიენების ბლოკირებით, ეს წამალი აუმჯობესებს სიმპტომებს და გეხმარებათ ასთმის კონტროლში.

თქვენმა ექიმმა დანიშნა მონტელუკასტ -4 საღეჭი ტაბლეტები თქვენი ბავშვის ასთმის სამკურნალოდ და ასთმის სიმპტომების თავიდან ასაცილებლად დღისა და ღამის განმავლობაში.

• მონტელუკასტი-4 საღეჭი ტაბლეტები გამოიყენება 2-დან 5 წლამდე ასაკის ბავშვების სამკურნალოდ, რომელთა მედიკამენტების მიღება არ კონტროლდება სათანადოდ და რომლებიც საჭიროებენ დამატებით თერაპიას.

• მონტელუკასტი-4 საღეჭი ტაბლეტები ხელს უწყობს სასუნთქი გზების შევიწროების თავიდან აცილებას, რაც გამოწვეულია ვარჯიშით 2 წლის და უფროსი ასაკის ბავშვებში.

• მონტელუკასტი-4 საღეჭი ტაბლეტები ასევე შეიძლება გამოყენებულ იქნას, როგორც საინჰალაციო კორტიკოსტეროიდების ალტერნატივა 2-დან 5 წლამდე ბავშვების სამკურნალოდ, რომლებსაც ახლახან არ მიუღიათ პერორალური კორტიკოსტეროიდები ასთმის შესამსუბუქებლად და აჩვენეს, რომ მათ არ შეუძლიათ საინჰალაციო კორტიკოსტეროიდების გამოყენება.

თქვენი ექიმი განსაზღვრავს, თუ როგორ უნდა მიიღოთ Montelukast-4 საღეჭი ტაბლეტები თქვენი ბავშვის ასთმის სიმპტომებისა და სიმძიმის მიხედვით.

რა არის ასთმა?

>ასთმა ხანგრძლივი დაავადებაა.

ასთმა მოიცავს:

• სუნთქვის გაძნელება სასუნთქი გზების შევიწროების გამო. სასუნთქი გზების შევიწროება შეიძლება გაუარესდეს და გაუმჯობესდეს სხვადასხვა პირობების საპასუხოდ.

• სენსიტიური სასუნთქი გზები, რომლებიც რეაგირებენ ბევრ რამეზე, როგორიცაა სიგარეტის კვამლი, მტვერი, ცივი ჰაერი ან ვარჯიში.

• სასუნთქი გზების ლორწოვან გარსის შეშუპება (ანთება).

• ასთმის სიმპტომებია: ხველა, ხიხინი და შებოჭილობა მკერდში.

იხილეთ ბლოგი: >მონტელუკასტი — პრეპარატი მსუბუქი და საშუალო სიმძიმის ასთმის სამართავად

2. რა უნდა იცოდეთ, ვიდრე თქვენს ბავშვს მისცემთ მონტელუკასტ-4 საღეჭ ტაბლეტებს.

გთხოვთ, აცნობეთ ექიმს ნებისმიერი სამედიცინო პრობლემის ან ალერგიის შესახებ, რომელიც თქვენს ბავშვს ახლა აქვს ან ადრე ჰქონია.

არ მისცეთ თქვენს ბავშვს მონტელუკასტი-4 თუ ისინი:

არიან ალერგიულები მონტელუკასტის ან მედიკამენტის ნებისმიერ ინგრედიენტზე (იხ. ნაწილი 6).

გაფრთხილებები და სიფრთხილის ზომები

გაესაუბრეთ თქვენს ექიმს ან ფარმაცევტს, სანამ თქვენს ბავშვს მისცემთ მონტელუკასტი-4 საღეჭ ტაბლეტებს

• თუ თქვენი ბავშვის ასთმა ან სუნთქვა გაუარესდა, დაუყოვნებლივ აცნობეთ ექიმს.

• მონტელუკასტი-4 საღეჭი ტაბლეტები არ არის განკუთვნილი ასთმის მწვავე შეტევების სამკურნალოდ. შეტევის შემთხვევაში, ისარგებლეთ თქვენი ბავშვისთვის ექიმის მიერ მოცემული ინსტრუქციებით. ყოველთვის თან იქონიეთ თქვენი შვილის ასთმის შეტევებისთვის განკუთვნილი საინჰალაციო წამალი.

• მნიშვნელოვანია, რომ თქვენმა ბავშვმა მიიღოს ექიმის მიერ დანიშნული ასთმის ყველა მედიკამენტი; მონტელუკასტი-4 საღეჭი ტაბლეტები არ უნდა იქნას გამოყენებული ასთმის სხვა, ექიმის მიერ თქვენი ბავშვისთვის დანიშნული, მედიკამენტების ნაცვლად.

• თუ თქვენი ბავშვი ღებულობს ასთმის საწინააღმდეგო მედიკამენტებს, და  განუვითარდება ისეთი სიმპტომების კომბინაცია, როგორიცაა გრიპის მსგავსი დაავადება, ჩხვლეტის შეგრძნებები, ხელების ან ფეხების დაბუჟება, ფილტვების სიმპტომების გაუარესება და/ან გამონაყარი, თქვენ უნდა მიმართოთ ექიმს. თქვენს შვილს არ უნდა მიეცეს აცეტილსალიცილის მჟავა (ასპირინი) ან ანთების საწინააღმდეგო საშუალებები (ასევე ცნობილი როგორც არასტეროიდული ანთების საწინააღმდეგო საშუალებები), თუ ისინი აუარესებენ მის ასთმას. პაციენტებმა უნდა იცოდნენ, რომ სხვადასხვა ნეიროფსიქიატრიული მოვლენები (მაგალითად, ქცევა და განწყობასთან დაკავშირებული ცვლილებები) დაფიქსირდა მოზრდილებში, მოზარდებში და ბავშვებში ვინც იღებდა მონტელუკასტი 4 მგ საღეჭ ტაბლეტებს. (იხ. ნაწილი 4). თუ თქვენს ბავშვს განუვითარდება ასეთი სიმპტომები მონტელუკასტის 4 მგ საღეჭი ტაბლეტების მიღებისას, უნდა მიმართოთ თქვენი ბავშვის ექიმს.

ბავშვები და მოზარდები

არ მისცეთ ეს მედიკამენტი 2 წლამდე ასაკის ბავშვებს.

6 თვიდან 2 წლამდე ბავშვებისთვის ხელმისაწვდომია მონტელუკასტის 4 მგ გრანულები.

სხვა მედიკამენტები და მონტელუკასტი-4 საღეჭი ტაბლეტები

აცნობეთ თქვენს ექიმს ან ფარმაცევტს, თუ თქვენი შვილი ღებულობს, ახლახან იღებდა ან შესაძლოა მიიღოს სხვა მედიკამენტები, მათ შორის ურეცეპტოდ გაცემული მედიკამენტები. ეს მნიშვნელოვანია, რადგან ზოგიერთმა მედიკამენტმა შეიძლება გავლენა მოახდინოს მონტელუკასტის მოქმედებაზე, ან მონტელუკასტმა შეიძლება გავლენა მოახდინოს სხვა მედიკამენტების მოქმედებაზე.

გთხოვთ, აცნობეთ თქვენს ექიმს, თუ თქვენი ბავშვი იღებდა, რომელიმე ქვემოთ ჩამოთვლილ მედიკამენტს, მონტელუკასტი-4 საღეჭი ტაბლეტების გამოყენებამდე:

• ფენობარბიტალი (გამოიყენება ეპილეფსიის სამკურნალოდ)

• ფენიტოინი (გამოიყენება ეპილეფსიის სამკურნალოდ)

• რიფამპიცინი (გამოიყენება ტუბერკულოზისა და სხვა ინფექციების სამკურნალოდ)

მონტელუკასტი-4, 4 მგ საღეჭი ტაბლეტები საკვებთან და სასმელთან ერთად

ეს წამალი არ უნდა იქნას მიღებული დაუყოვნებლივ საკვებთან ერთად; ის უნდა იქნას მიღებული ჭამამდე მინიმუმ 1 საათით ადრე ან ჭამიდან ორი საათის შემდეგ.

ორსულობა, ძუძუთი კვება და ფერტილობა

ეს ქვეპუნქტი არ გამოიყენება ამ მედიკამენტისთვის, რადგან ის განკუთვნილია 2-დან 5 წლამდე ასაკის ბავშვებში გამოსაყენებლად, თუმცა შემდეგი ინფორმაცია ეხება აქტიურ ინგრედიენტს, მონტელუკასტს.

ორსულობა

ქალები, რომლებიც არიან ორსულად ან აპირებენ დაორსულებას, ამ პრეპარატის მიღებამდე უნდა მიმართონ ექიმს. თქვენი ექიმი შეაფასებს, შეგიძლიათ თუ არა ამ წამლის მიღება ამ დროის განმავლობაში.

ძუძუთი კვება

უცნობია გადადის თუ არა ეს წამალი დედის რძეში. ამ პრეპარატის მიღებამდე უნდა მიმართოთ ექიმს, თუ ძუძუთი კვებავთ ან თუ აპირებთ ძუძუთი კვებას.

მედიკამენტის მიღებამდე, გააირეთ კონსულტაცია ექიმთან ან ფარმაცევტთან.

ავტომობილის  და მექანიზმების მართვა

ეს ქვეპუნქტი არ გამოიყენება ამ მედიკამენტისთვის, რადგან ის განკუთვნილია 2-დან 5 წლამდე ასაკის ბავშვებში გამოსაყენებლად, თუმცა შემდეგი ინფორმაცია ეხება აქტიურ ინგრედიენტს, მონტელუკასტს.

მოსალოდნელია, რომ მონტელუკასტი არ იმოქმედებს თქვენს უნარზე, მართოთ ავტომობილი ან იმუშავოთ მექანიზმებთან, რამდენადაც  ინდივიდუალური რეაქცია მედიკამენტზე შეიძლება განსხვავდებოდეს. ზოგიერთმა გვერდითმა მოვლენამ (როგორიცაა თავბრუსხვევა და ძილიანობა), რომლებიც აღწერილია ძალიან იშვიათად მონტელუკასტის გამოყენებისას, შეიძლება გავლენა იქონიოს ზოგიერთ პაციენტზე მანქანის მართვის ან მექანიზმებთან მუშაობის უნარზე.

3. როგორ მივიღოთ მონტელუკასტი-4, 4 მგ საღეჭი ტაბლეტები

ყოველთვის მიეცით თქვენს შვილს ეს მედიკამენტი ზუსტად ისე, როგორც ექიმმა ან ფარმაცევტმა გირჩიათ. თუ არ ხართ დარწმუნებული, მიმართეთ თქვენი ბავშვის ექიმს ან ფარმაცევტს.

• ეს წამალი უნდა მიეცეს ბავშვს ზრდასრულის მეთვალყურეობის ქვეშ. ბავშვებისთვის, რომლებსაც აქვთ საღეჭი ტაბლეტების მოხმარების პრობლემა, არსებობს ამ მედიკამენტის სხვადასხვა ფორმა(ები) ხელმისაწვდომი პედიატრიული პაციენტებისთვის ასაკობრივი დიაპაზონის მიხედვით.

• თქვენმა ბავშვმა უნდა მიიღოს ამ წამლის მხოლოდ ერთი საღეჭი ტაბლეტი დღეში ერთხელ თქვენი ექიმის დანიშნულებით.  ის უნდა იქნას მიღებული მაშინაც კი, როდესაც თქვენს შვილს არ აქვს სიმპტომები ან როდესაც მას აქვს მწვავე ასთმის შეტევა.

• 2-დან 5 წლამდე ასაკის ბავშვებისთვის:

რეკომენდებული დოზაა ერთი მონტელუკასტის 4 მგ საღეჭი ტაბლეტი ყოველდღიურად საღამოს. თუ თქვენი ბავშვი იღებს ამ მედიკამენტს, დარწმუნდით, რომ ის არ იღებს სხვა მედიკამენტს, რომელიც შეიცავს მონტელუკასტში არსებული აქტიური ნივთიერებების მსგავს, აქტიურ ნივთიერებას.

წინამდებარე მედიკამენტი პერორალური გამოყენებისთვისაა.

ტაბლეტები უნდა იყოს დაღეჭილი, ვიდრე გადაყლაპავთ.

ეს წამალი არ უნდა მიეცეს დაუყოვნებლივ საკვებთან ერთად; მისი მიღება უნდა მოხდეს ჭამამდე მინიმუმ 1 საათით ადრე ან 2 საათის შემდეგ.

მონტელუკასტის 4 მგ საღეჭი ტაბლეტები არ არის რეკომენდებული 2 წლამდე ასაკის ბავშვებისთვის.

თუ თქვენი ბავშვი იღებს იმაზე მეტ მონტელუკასტს - 4 საღეჭ ტაბლეტს, ვიდრე საჭიროა, დაუყოვნებლივ მიმართოთ თქვენი ბავშვის ექიმს რჩევისთვის.

ჭარბი დოზირების შესახებ შეტყობინებების უმეტესობაში არ იყო მოხსენებული გვერდითი მოვლენები. დოზის გადაჭარბებისას მოხსენებული ყველაზე ხშირად გამოვლენილი სიმპტომები მოზრდილებში და ბავშვებში მოიცავდა მუცლის ტკივილს, ძილიანობას, წყურვილს, თავის ტკივილს, ღებინებას და ჰიპერაქტიურობას (არაჩვეულებრივად აქტიური).

თუ დაგავიწყდათ თქვენი ბავშვისთვის მონტელუკასტის 4 მგ საღეჭი ტაბლეტების მიცემა, ყოველთვის მიეცით ეს წამალი თქვენი ექიმის დანიშნულებით. თუმცა, თუ დაგავიწყდათ ბავშვისთვის დოზის მიცემა, უბრალოდ განაახლეთ ერთი ტაბლეტის, ჩვეული რეჟიმით დღეში ერთხელ მიცემა.  არ მისცეთ ორმაგი დოზა გამოტოვებული ტაბლეტის ასანაზღაურებლად.

თუ თქვენ შეწყვიტავთ მონტელუკასტი-4, 4 მგ საღეჭი ტაბლეტების თქვენს ბავშვისთვის მიცემას

ამ მედიკამენტს შეუძლია უმკურნალოს თქვენი ბავშვის ასთმას, მხოლოდ მაშინ, თუ თქვენი ბავშვი განაგრძობს, მის მიღებას. მნიშვნელოვანია, რომ თქვენმა ბავშვმა გააგრძელოს ამ წამლის მიღება იმდენ ხანს, რა დროზეც რეკომენდაციას გიწევთ ექიმი. ეს დაგეხმარებათ გააკონტროლოთ თქვენი ბავშვის ასთმის სიმპტომები.

თუ თქვენ გაქვთ დამატებითი შეკითხვები ამ პროდუქტის გამოყენებასთან დაკავშირებით, მიმართეთ თქვენი ბავშვის ექიმს ან ფარმაცევტს.

4. შესაძლო გვერდითი ეფექტები

ყველა მედიკამენტის მსგავსად, ამ პრეპარატსაც შეუძლია გამოიწვიოს გვერდითი მოვლენები, თუმცა ისინი ყველას არ უვითარდება. კლინიკურ კვლევებში მონტელუკასტი-4, 4 მგ საღეჭი ტაბლეტებით, ყველაზე ხშირად მოხსენებული გვერდითი ეფექტები (შეიძლება განვითარდეს 10-დან 1 ადამიანში) დაკავშირებული იყო მონტელუკასტთან:

• აბდომინალური ტკივილი

• წყურვილი

გარდა ამისა, შემდეგი გვერდითი ეფექტი დაფიქსირდა კლინიკურ კვლევებში მონტელუკასტი 10 მგ გარსით დაფარული ტაბლეტებით და 5 მგ საღეჭი ტაბლეტები:

• თავის ტკივილი

სერიოზული გვერდითი ეფექტები

დაუყოვნებლივ მიმართეთ ექიმს, თუ შეამჩნევთ რომელიმე ქვემოთ ჩამოთვლილ გვერდით მოვლენას, რაც შეიძლება იყოს სერიოზული, რის გამოც თქვენს ბავშვს შეიძლება დასჭირდეს სასწრაფო სამედიცინო დახმარება.

არახშირი:  შეიძლება გავლენა იქონიოს 100-დან 1 ადამიანზე

• ალერგიული რეაქციები, მათ შორის სახის, ტუჩების, ენის და/ან ყელის შეშუპება, რამაც შეიძლება გამოიწვიოს სუნთქვის ან ყლაპვის გაძნელება

• ქცევისა და განწყობის ცვლილებები: აგზნება, აგრესიული ქცევის ან მტრობის     ჩათვლით, დეპრესია

• შეტევა

იშვიათი:  შეიძლება გავლენა იქონიოს 1000-დან 1 ადამიანზე

• მომატებული სისხლდენის ტენდენცია

• ტრემორი

• პალპიტაცია

ძალიან იშვიათი: შეიძლება გავლენა იქონიოს 10,000-დან 1 ადამიანზე

• სიმპტომების კომბინაცია, როგორიცაა გრიპისმაგვარი დაავადება, ჩხვლეტების შეგრძნება ან ხელებისა და ფეხების დაბუჟება, ფილტვის სიმპტომების გაუარესება და/ან გამონაყარი (ჩარგ-სტრაუსის სინდრომი) (იხ. ნაწილი 2)

• სისხლში თრომბოციტების რაოდენობის დაქვეითება

• ქცევისა და განწყობის ცვლილებები: ჰალუცინაციები, დეზორიენტაცია, სუიციდური აზრები და მოქმედებები

• ფილტვების შეშუპება (ანთება).

• კანის მძიმე რეაქციები (მულტიფორმული ერითემა), რომელიც შეიძლება მოხდეს წინაპირობის გარეშე.

• ღვიძლის ინფლამაცია (ჰეპატიტი)

გარდა ამისა, სანამ მედიკამენტი ბაზარზე იყო, დაფიქსირდა შემდეგი.

ძალიან ხშირი გვერდითი მოვლენები (შეიძლება განვითარდეს 10-დან 1-ზე მეტ ადამიანში):

ზედა სასუნთქი გზების ინფექცია

ხშირი გვერდითი მოვლენები (შეიძლება განვითარდეს 10-დან 1 ადამიანში):

• დიარეა

• გულისრევა

• ღებინება

• გამონაყარი

• ცხელება

• ღვიძლის ფერმენტების მომატება

არახშირი გვერდითი მოვლენები (შეიძლება განვითარდეს 100-დან 1-მდე ადამიანში):

• ცხვირიდან სისხლდენა

• პირის სიმშრალე

• საკვების მონელების დარღვევა

•   სისხლჩაქცევა

•  ქავილი

•  ურტიკარია

•  სახსრების ტკივილი

•  კუნთების ტკივილი, კუნთების კრუნჩხვები

• ძილიანობა ბავშვებში

•   სისუსტე/დაღლილობა

•  უსიამოვნო შეგრძნება

•  შეშუპება

• თავბრუსხვევა

• ძილიანობის შეგრძნება

• ჩხვლეტის შეგრძნება და დაბუჟება

  ქცევასა და განწყობასთან დაკავშირებული ცვლილებები, როგორიცაა:

• სიზმრების დარღვევები (მათ შორის კოშმარები)

• ძილის პრობლემები

• ლუნატიზმი

• გაღიზიანებადობა

• შფოთვის შეგრძნება

• მოუსვენრობა

იშვიათი გვერდითი მოვლენები (შეიძლება განვითარდეს 1000-დან 1-მდე ადამიანში):

• ქცევისა და განწყობის ცვლილებები: ყურადღების დარღვევა, მეხსიერების დაქვეითება, კუნთების უკონტროლო მოძრაობები

ძალიან იშვიათი გვერდითი მოვლენები (შეიძლება განვითარდეს 10000-დან 1-მდე ადამიანში):

• მტკივნეული, წითელი კვანძები კანქვეშ, უფრო ხშირად ქვემო კიდურებზე (კვანძოვანი ერითემა)

• ქცევისა და განწყობის ცვლილებები: ობსესიურ-კომპულსიური სიმპტომები, მეტყველების პრობლემები.

გვერდითი მოვლენების შესახებ შეტყობინება

თუ თქვენ გაქვთ რაიმე გვერდითი მოვლენა, მიმართეთ თქვენს ექიმს ან ფარმაცევტს. ეს მოიცავს ნებისმიერ შესაძლო გვერდით ეფექტს, რომელიც არ არის ჩამოთვლილი ამ ინსტრუქციაში.

5. როგორ შეინახოთ მონტელუკასტი-4 საღეჭი ტაბლეტები

ინახება 30°C -ზე დაბალ ტემპერატურაზე. დაიცავით სინათლისა და ტენიანობისგან. შეინახეთ მედიკამენტები ბავშვებისთვის მიუწვდომელ ადგილას.

არ გამოიყენოთ ეს წამალი ვარგისობის ვადის გასვლის შემდეგ, რომელიც მითითებულია კოლოფზე აბრევიატურის „EXP“-ის შემდეგ, რომელიც გამოიყენება ვარგისიანობის თარიღისთვის. ვადის გასვლის თარიღი ეხება  თვის ბოლო დღეს.

შეინახეთ ორიგინალ შეფუთვაში ტენიანობისგან დასაცავად. ეს სამედიცინო პროდუქტი არ საჭიროებს შენახვის განსაკუთრებულ ტემპერატურულ პირობებს. არ გადააგდოთ წამალი კანალიზაციაში ან საყოფაცხოვრებო ნაგავში. ჰკითხეთ თქვენს ფარმაცევტს, როგორ გადააგდოთ წამლები, რომლებსაც აღარ იყენებთ. ეს ზომები ხელს შეუწყობს გარემოს დაცვას.

6. შეფუთვა და სხვა ინფორმაცია

მონტელუკასტი-4, 4 მგ საღეჭი ტაბლეტები.

 რას შეიცავს მონტელუკასტი-4 საღეჭი ტაბლეტები

•   აქტიური ნივთიერებაა მონტელუკასტის ნატრიუმი.

 თითოეული საღეჭი ტაბლეტი შეიცავს მონტელუკასტის ნატრიუმს, რაც 4 მგ მონტელუკასტის ექვივალენტურია.

სხვა ინგრედიენტები: სუკრალოზა, მაგნიუმის სტეარატი, ფორთოხლის არომატის ფხვნილი, კოლოიდური უწყლო სილიციუმი, Disintequik ODT (მანიტოლი, დექსტროზის მონოჰიდრატი, კროსპოვიდონი, ლაქტოზას მონოჰიდრატი), კროსპოვიდონი, კოპოვიდონი.

შეფუთვა :

14 საღეჭი ტაბლეტები ბლისტერში, 2 ბლისტერი  თითო ჩანართით თითოეულ მუყაოს კოლოფში.

გაცემის წესი:

ფარმაცვეტული პროდუქტი, ჯგუფი II, გაიცემა ფორმა №3 რეცეპტით.

ასევე, იხილეთ: >ONCEAIR - ვანსეარი 4მგ 28 საღეჭი ტაბლეტი