ლიპორეტინ A - Liporetin A თვალის წვეთები10მლ

LIPORETIN A / ლიპორეტინ  A თვალის წვეთები

შემადგენლობა:

α-ლიპოის მჟავა (ტიოქტის მჟავა) - 1  მგ/მლ;

L-პროლინი - 0,752 მგ/მლ

გლიცინი - 1 მგ/მლ;

L-ლიზინის ჰიდროქლორიდი - 0,14 მგ/მლ; L-ლეიცინი - 0,108 მგ/მლ;

ჰიდროქსიპროპილ მეტილცელულოზა (ჰიპრომელოზა), მიკროგლიცინი 50 (ჰიდროქსილმეთილგლიცინატი) 50 % ,  TRIS (ჰიდროქსიმეთილამინომეთანოტრომეტამინი), ტრილონი B, ნატრიუმის ქლორიდი, ნატრიუმის ტეტრაბორატი, ბორის მჟავა, საინექციო წყალი მოცულობა 1 მლ-მდე.

გამოშვების ფორმა:

LIPORETIN A 10 >თვალის წვეთები.

ლიპორეტინ  A - ანტიოქსიდანტი, ოფთალმოლოგიაში მეტაბოლური პროცესების რეგულატორი.

მოქმედების მექანიზმი. ლიპოის მჟავა ასრულებს მთავარ როლს როგორც ანტიოქსიდანტი და ხელატწარმომქმნელი. იგი უშუალოდ ინაქტივაციას უკეთებს თავისუფალ რადიკალებს, ამცირებს უჯრედული მემბრანების ლიპიდების ოქსიდაციას, განსაკუთრებით რქოვანას ნერვულ უჯრედებში, რაც ხელს უწყობს რქოვანას მგრძნობელობის შენარჩუნებას. ზრდის ენდოგენურ ანტიოქსიდანტურ პოტენციალს და აუმჯობესებს ენდოთელიუმის ფუნქციას.

ამინომჟავები, რომლებიც შედის თვალის წვეთების შემადგენლობაში, ხელს უწყობს თვალის ქსოვილების მეტაბოლური აქტივობის შენარჩუნებას, რომელიც ჩვეულებრივ ირღვევა შაქრიანი დიაბეტის მქონე პაციენტებში. ისინი ნორმალიზაციას უკეთებენ უჯრედული მემბრანების ფუნქციას და ააქტიურებენ ენერგეტიკულ და მეტაბოლურ პროცესებს.

L-პროლინი წარმოადგენს კოლაგენის ერთ-ერთ მნიშვნელოვან კომპონენტს – ყველა ქსოვილის საფუძველს ადამიანის ორგანიზმში. იგი უნარჩუნებს შემაერთებელი ქსოვილებს (თვალის სკლერა, სისხლძარღვები) ფიზიოლოგიურ მდგომარეობას.

გლიცინი – ცენტრალური ნეირომედიატორია დამთრგუნველი მოქმედებით, აუმჯობესებს მეტაბოლურ პროცესებს და დადებითად მოქმედებს კუნთოვანი დისტროფიის დროს.

L-ლიზინის ჰიდროქლორიდს აქვს ანთების საწინააღმდეგო, შეშუპების საწინააღმდეგო ეფექტები, ზრდის სისხლძარღვების ტონუსს, აქვს  ზომიერ იმუნომაკორეგირებელი  და ჰიპოგლიკემიური ეფექტები.

L-ლეიცინი მონაწილეობს ცილების სინთეზში, ააქტიურებს უჯრედულ იმუნიტეტს, ზრდის ფაგოციტების ფუნქციას, ააქტიურებს ამინომჟავების ბიოსინთეზის პროცესებს და ხელს უშლის მეტაბოლური დარღვევების განვითარებას სტრესის პირობებში.

ჰიდროქსიპროპილმეთილცელულოზა – მაღალი სიბლანტის პოლიმერი, რომელიც ხელს უწყობს საცრემლე აპკის ოპტიკური მახასიათებლების აღდგენასა და სტაბილიზაციას. იგი უზრუნველყოფს რქოვანას ეპითელიუმის დაცვას  ცრემლის სეკრეციის შემცირებისას.

ბორის მჟავა უზრუნველყოფს ანტისეპტიკურ ეფექტს, ფლობს ბუფერულ თვისებებს და გამოიყენება როგორც pH-ის რეგულატორი თვალის წვეთების შემადგენლობაში

ჩვენებები გამოყენებისათვის:

LIPORETIN A განსაკუთრებით საჭიროა შაქრიანი დიაბეტის მქონე პაციენტებისთვის მაღალი ოქსიდაციური სტრესის პირობებში, რადგან აღნიშნული მდგომარეობა აზიანებს თვალის თითქმის ყველა სტრუქტურას (რქოვანა, ბროლი, ბადურა, ოპტიკური ნერვი), რაც იწვევს მხედველობის პროგრესულ გაუარესებას და სიბრმავეს.

ასევე ინიშნება შემდეგ შემთხვევებში:

ბადურის  დისტროფიული ცვლილებები (გლაუკომატოზური, იშემიური, ჰიპერტონიული ანგიოპათია, ანგიოსკლეროზი და ნეიროპათია);

მაკულოდისტროფია;

კატარაქტის პროგრესირების პრევენცია;

ქირურგიულ ჩარევამდე და შემდგომ პერიოდში.

გამოყენების წესი და დოზები:

მოზრდილები: 1-2 წვეთი კონიუნქტივის პარკში დღეში 2-3-ჯერ.

ბავშვები: 1 წვეთი დღეში 2-3-ჯერ. 

გვერდითი მოვლენები: შეიძლება გამოიწვიოს ზომიერი, გარდამავალი მხედველობის დაბინდვა. ნებისმიერი გვერდითი რეაქციის გამოვლენის შემთხვევაში, შეწყვიტეთ გამოყენება და მიმართეთ ექიმს.

უკუჩვენებები:

მომატებული მგრძნობელობა პროდუქტის რომელიმე კომპონენტის მიმართ.

ურთიერთქმედება სხვა პრეპარატებთან:

არ არის გამოვლენილი.

განსაკუთრებული მითითებები:

თუ სიმპტომები რამდენიმე დღეში გაგრძელდა ან რაიმე გვერდითი რეაქცია გამოვლინდა, მიმართეთ ექიმს. გახსნამდე ხსნარი სტერილურია.ხსნარის დაბინძურების თავიდან ასაცილებლად, გამოყენების შემდეგ მჭიდროდ დახურეთ ბოთლი და არ შეეხოთ დისპენსერის თავს თვალთან ან სხვა საგნებთან. ეს პროდუქტი განკუთვნილია მხოლოდ გარეგანი ოფთალმოლოგიური გამოყენებისთვის.თუ ოფთალმოლოგიური ხსნარი გამოიყენება მკურნალობისთვის, მიმართეთ ექიმს. არ გამოიყენოთ, თუ ბოთლი დაზიანებულია. ამ ხსნარის სხვა ოფთალმოლოგიურ ხსნარებთან ერთად გამოყენებამდე გაიარეთ კონსულტაცია ექიმთან. თუ პაციენტი ატარებს კონტაქტურ ლინზებს, ხსნარის გამოყენებამდე ისინი უნდა მოიხსნას. არ გამოიყენოთ, თუ გაქვთ თვალის ინფექცია.

გაფრთხილება:

• არ გამოიყენოთ, თუ გაქვთ მომატებული მგრძნობელობა ლიპორეტინ A ხსნარის რომელიმე კომპონენტის მიმართ.

• არ შეურიოთ სხვა აღმდგენი წვეთები.

ჭარბი დოზირება:

დღემდე, ჭარბი დოზირების შემთხვევები არ დაფიქსირებულა.

შენახვის პირობები:

დაცული სინათლისგან, არაუმეტეს 25°C ტემპერატურაზე. შეინახეთ ბავშვებისთვის მიუწვდომელ ადგილას!

ვარგისიანობის ვადა:

2 წელი.

გახსნის შემდეგ გამოიყენეთ 1 თვის განმავლობაში. არ გამოიყენოთ ვარგისიანობის ვადის გასვლის შემდეგ.