გულყვითელა ნაყენი - Calendulae Tincture 50მლ

კალენდულას (გულყვითელას) ნაყენი

(CALENDULAE TINCTURA)

სამედიცინო გამოყენების

ინსტრუქცია

შემადგენლობა:

მოქმედი ნივთიერება: 1 ფლაკონი შეიცავს კალენდულას (გულყვითელას) ყვავილების და ყვავილების კალათების ნაყენს (Calendulae flos) (1 : 10) (ექსტრაქტანტი - ეთანოლი 70%) - 50 მლ;

დამხმარე ნივთიერებები: არ არსებობს, გარდა ექსტრაგენტისა.

სამკურნალწამლო ფორმა. ნაყენი.

ძირითადი ფიზიკურ-ქიმიური თვისებები: სითხე მოყვითალო-ყავისფერი ფერის, სუსტი სპეციფიური სუნით, მომწარო გემოსი. შენახვის დროს დასაშვებია ნალექის წარმოქმნა.

ფარმაკოლოგიური ჯგუფი.

პრეპარატები, რომლებიც ხელს უწყობენ ჭრილობების შეხორცებას.

ფარმაკოლოგიური თვისებები.

ფარმაკოდინამიკა.

ბიოლოგიურად აქტიური ნივთიერებები, რომლებიც შედიან კალენდულას (გულყვითელას) ყვავილებსა და ყვავილების კალათებში (ფლავონოიდული და კაროტინოიდული გლიკოზიდები, საპონინები, მთრიმლავი ნივთიერებები, ეთერზეთი, ორგანული მჟავები), ახდენენ ანტიმიკრობულ, ანთების საწინააღმდეგო და ზომიერ ნაღვლმდენ მოქმედებას.

კლინიკური მახასიათებლები.

ჩვენებები.

ადგილობრივად - როგორც ანტისეპტიკური საშუალება ინფიცირებული (ჩირქოვანი) ჭრილობების, განაჭერების, კანის დამწვრობისა და პირის ღრუს ლორწოვანი გარსის, ღრძილების (სტომატიტი, გინგივიტი), ხახის, ნუშისებრი ჯირკვლების ანთების (ფარინგიტი, ანგინა) დროს შინაგანად - როგორც ნაღვლმდენი საშუალება ნაღვლის გამომყოფი გზების დისკინეზიის, ქოლანგიტების, ქოლეცისტიტის (კომპლექსური თერაპიის შემადგენლობაში) დროს.

უკუჩვენებები.

პრეპარატი წინააღმდეგნაჩვენებია სამკურნალწამლო მცენარეულ ნედლეულში შემავალი ბიოლოგიურად აქტიური ნივთიერებების მიმართ ინდივიდუალური ჰიპერმგრძნობელობის შემთხვევაში.

უსაფრთხოების განსაკუთრებული ზომები.

მკურნალობის დაწყებამდე აუცილებელია ექიმთან მიმართვა.

პრეპარატი შეიცავს ეთანოლს! დიდი ხნის განმავლობაში პრეპარატის გამოყენება რეკომენდებული არ არის.

ურთიერთქმედება სხვა სამკურნალწამლო საშუალებებთან და ურთიერთქმედების სხვა სახეობები.

კალენდულას (გულყვითელას) ნაყენი აძლიერებს სხვა ანთების საწინააღმდეგო და ნაღვლმდენი საშუალებების (კერძოდ, გვირილას და ფარსმანდუკის საფუძველზე დამზადებული პრეპარატების) მოქმედებას.

სხვა ნებისმიერ სამკურნალწამლო საშუალებასთან ერთდროულად გამოყენების შემთხვევაში, აუცილებელია ექიმისთვის შეტყობინება.

გამოყენების თავისებურებები.

გამოყენებამდე შეანჯღრიეთ.

გამოყენება ორსულობის ან ძუძუთი კვების პერიოდში:

ვინაიდან პრეპარატის შემადგენლობაში შედის ეთანოლი, ნაყენის გამოყენებაარ არის რეკომენდებული  ქალების მიერ ორსულობის ან ძუძუთი კვების პერიოდში.

სატრანსპორტო საშუალებების ან სხვა მექანიზმების მართვისას რეაქციის სიჩქარეზე ზეგავლენის მოხდენის უნარი:

სამკურნალწამლო საშუალების შინაგანად გამოყენებისას უნდა გამოიჩინოთ სიფრთხილე, რადგან პრეპარატი გავლენას ახდენს მანქანის მართვისა და სხვა მექანიზმებთან მუშაობის უნარზე. სედატიური ეფექტი ვითარდება ნელა, სამი კვირის განმავლობაში.

გამოყენების წესი და დოზები.

კალენდულას (გულყვითელას) ნაყენს იღებენ პერორალურად ჭამამდე 15-30 წუთით ადრე, გაზავებული მცირე რაოდენობის თბილ ადუღებულ წყალში.

მოზრდილებისთვის რეკომენდებულია 10-20 წვეთი ნაყენის გამოყენება 3-4 - ჯერ დღეში 1 თვის განმავლობაში.

12 წელზე მეტი ასაკის ბავშვებში - ნაყენის 1 წვეთი სიცოცხლის 1 წელზე გაანგარიშებით, 3-4-ჯერ დღე-ღამის განმავლობაში.

პირის ღრუს გამოსავლებად, 1 ჩაის კოვზი კალენდულას (გულყვითელას) ნაყენი გახსენით ერთ ჭიქა თბილ ადუღებულ წყალში.

ადგილობრივად გამოყენების წესი დამოკიდებულია კანის დაზიანების ხასიათზე და განისაზღვრება ექიმის მიერ.

მკურნალობის კურსის ხანგრძლივობა განისაზღვრება ინდივიდუალურად თითოეული პაციენტისთვის, დაავადების მიმდინარეობის ხასიათის, სიმძიმისა და თავისებურებების, მიღწეული თერაპიული ეფექტის სტაბილურობისა და პრეპარატის გადატანის უნარის გათვალისწინებით.

პაციენტმა უნდა გაიაროს კონსულტაცია ექიმთან, თუ დაავადების სიმპტომები არ გაქრება სამკურნალწამლო საშუალების გამოყენების დროს ან შეინიშნება გვერდითი რეაქციები, რომლებიც არ არის მითითებული პრეპარატის სამედიცინო გამოყენების ინსტრუქციაში.

ბავშვები.

გამოყენება 12 წლამდე ასაკის ბავშვებში რეკომენდებული არ არის.

ჭარბი დოზირება.

შეტყობინებები არ არსებობს.

გვერდითი რეაქციები.

პრეპარატი, როგორც წესი, კარგად გადაიტანება, თუმცა ინდივიდუალური ჰიპერმგრძნობელობის მქონე ზოგიერთ პაციენტს შეიძლება განუვითარდეს ალერგიული რეაქციები (კანის სიწითლე, გამონაყარი, ქავილი, ანგიონევროზული შეშუპება). შინაგანად მიღებისას პირში შეიძლება გაჩნდეს სიმწარის შეგრძნება, წვა ეპიგასტრიუმის არეში, მუცლის ტკივილი.

ნებისმიერი არასასურველი მოვლენის გაჩენის შემთხვევაში აუცილებელია ექიმთან მიმართვა!

ვარგისიანობის ვადა.

4 წელი. პრეპარატის გამოყენება შეფუთვაზე მითითებული ვადის ამოწურვის შემდეგ არ შეიძლება.

შენახვის პირობები.

ინახება არაუმეტეს 25°C ტემპერატურაზე ბავშვებისთვის მიუწვდომელ ადგილას.

შეფუთვა. 50 მლ ფლაკონებში.

გაცემის წესი:                     

ფარმაცევტული პროდუქტის ჯგუფი III, გაიცემა რეცეპტის გარეშე