გლიცეროლო - Glicerolo მოზრდილების 2250მგ 18 სუპოზიტორია

გლიცეროლო ნოვა არგენტია 2250 მგ სუპოზიტორები მოზრდილებისთვის

გლიცეროლი

ამ მედიკამენტის გამოყენებამდე ყურადღებით გაეცანით ინსტრუქციას, რადგან ის შეიცავს თქვენთვის მნიშვნელოვან ინფორმაციას.

ყოველთვის მიიღეთ ეს მედიკამენტი ზუსტად ისე, როგორც აღწერილია ამ ინსტრუქციაში ან ისე, როგორც დაგინიშნათ ექიმმა ან ფარმაცევტმა.

-  შეინახეთ ეს ინსტრუქცია. შესაძლოა, ხელახლა დაგჭირდეთ მისი წაკითხვა.

-  დამატებითი ინფორმაციის ან რჩევის საჭიროების შემთხვევაში მიმართეთ ფარმაცევტს.

-  რაიმე გვერდითი მოვლენის გამოვლენის შემთხვევაში, მიმართეთ ექიმს ან ფარმაცევტს. ეს მოიცავს ნებისმიერ შესაძლო გვერდით მოვლენას, რომელიც არ არის ჩამოთვლილი ამ ინსტრუქციაში. იხილეთ ნაწილი 4.

-  აცნობეთ ექიმს, თუ თქვენი სიმპტომები არ გაუმჯობესდა ან თუ თქვენი სიმპტომები გაუარესდა.

გამოყენების ინსტრუქცია შეიცავს:

1. რას წარმოადგენს გლიცეროლო ნოვა არგენტია და რისთვის გამოიყენება

2. ინფორმაცია გლიცეროლო ნოვა არგენტიას გამოყენებამდე

3. გლიცეროლო ნოვა არგენტიას გამოყენების წესი

4. მოსალოდნელი გვერდითი ეფექტები

5. გლიცეროლო ნოვა არგენტიას შენახვის პირობები

6. შეფუთვის შემადგენლობა და დამატებით ინფორმაციები

1. რას წარმოადგენს გლიცეროლო ნოვა არგენტია და რისთვის გამოიყენება

გლიცეროლო ნოვა არგენტია შეიცავს აქტიურ ინგრედიენტს გლიცეროლს, რომელიც მიეკუთვნება საფაღარათო საშუალებების ჯგუფს. საფაღარათო საშუალებები არის მედიკამენტები, რომლებიც ხელს უწყობენ ნაწლავების დაცლას. ეს წამალი ნაჩვენებია არაქრონიკული ყაბზობის ხანმოკლე მკურნალობისთვის. აცნობეთ ექიმს, თუ თქვენი სიმპტომები არ გაუმჯობესდა ან გაუარესდა.

2. ინფორმაცია გლიცეროლო ნოვა არგენტიას გამოყენებამდე

არ შეიძლება გლიცეროლო ნოვას არგენტიას გამოყენება:

-თუ გაქვთ ალერგია გრიცეროლის ან ამ მედიკამენტში შემავალი ნებისმიერი დამხმარე ნივთიერების მიმართ (იხილეთ ნაწილი 6);

-თუ გაწუხებთ მწვავე ან უცნობი წარმოშობის მუცლის ტკივილი;

-თუ გაწუხებთ გულისრევა ან ღებინება;

-თუ გაწუხებთ ნაწლავის გაუვალობა ან შევიწროება (სტენოზი);

-თუ გაწუხებთ უცნობი წარმოშობის სწორი ნაწლავიდან სისხლდენა;

-თუ გაწუხებთ ანალური არეში სისხლძარღვების შეშუპება (მწვავე ჰემოროიდული კრიზისი) ტკივილითა და სისხლდენით;

-მძიმე დეჰიდრატაციის შემთხვევებში.

გაფრთხილებები და სიფრთხილის ზომები

მიმართეთ ექიმს ან ფარმაცევტს გლიცეროლო ნოვა არგენტიას გამოყენებამდე.

თუ თქვენ ხანდაზმული ხართ და/ან გაქვთ ჯანმრთელობის პრობლემები, ამ მედიკამენტის გამოყენებამდე აცნობეთ ექიმს.

საფაღარათო საშუალებები გამოიყენეთ რაც შეიძლება იშვიათად და არავითარ შემთხვევაში 7 დღეზე მეტხანს. საფაღარათო საშუალებების ხანგრძლივი გამოყენებისთვის საჭიროა ექიმის დანიშნულება პაციენტის მდგომარეობის შესაბამისი შეფასების შემდეგ.

თუ თქვენ განიცდით მუდმივ (ქრონიკულ) ან მორეციდივე ყაბზობას, ყოველთვის უნდა მიმართოთ ექიმს დიაგნოზის დასასმელად, მედიკამენტების დასანიშნად და მკურნალობის პროგრესის მონიტორინგისთვის. საფაღარათო საშუალებების მიღებისას განავლის დარბილებისთვის ყოველდღიურად დალიეთ სულ მცირე 6-8 ჭიქა წყალი ან სხვა სითხე. საფაღარათო საშუალებების ჭარბმა, ხშირმა ან არასწორმა გამოყენებამ შეიძლება გამოიწვიოს მუდმივი დიარეა, რასაც მოჰყვება წყლის, მინერალური მარილების (განსაკუთრებით კალიუმის) და სხვა მნიშვნელოვანი საკვები ნივთიერებების შესაბამისი დაკარგვა. ბოროტად გამოყენების მძიმე შემთხვევებში, ამან შეიძლება გამოიწვიოს ძლიერი დეჰიდრატაცია ან სისხლში კალიუმის დონის დაქვეითება (ჰიპოკალიემია). ამან შეიძლება გავლენა მოახდინოს გულის ან კუნთების ფუნქციაზე, განსაკუთრებით თუ ამ მედიკამენტის მიღების დროს იღებთ გულის გლიკოზიდებს, შარდმდენებს ან კორტიკოსტეროიდებს.

საფაღარათო საშუალებების, განსაკუთრებით კონტაქტური (მასტიმულირებელი) საფაღარათო საშუალებების ბოროტად გამოყენებამ შეიძლება გამოიწვიოს დამოკიდებულება (მუდმივად მზარდი დოზების საჭიროება), ქრონიკული ყაბზობა და ნაწლავების ნორმალური ფუნქციის დაკარგვა (ნაწლავის ატონია). თუ ყაბზობა გაწუხებთ, პირველ რიგში უნდა შეცვალოთ თქვენი დიეტა და უზრუნველყოთ ბოჭკოებისა და სითხეების ადეკვატური დღიური მიღება.

ბავშვები

12 წლამდე ასაკის ბავშვებში გლიცეროლო ნოვა არგენტიას გამოყენებამდე მიმართეთ ექიმს.

სხვა მედიკამენტები და გლიცეროლო ნოვა არგენტია

აცნობეთ ექიმს ან ფარმაცევტს, თუ იღებთ, ბოლო დროს იღებდით ან შეიძლება მიიღოთ სხვა მედიკამენტები. სხვა სამკურნალო საშუალებებთან ურთიერთქმედების შესახებ ინფორმაცია არ არსებობს.

ორსულობა და ლაქტაციის პერიოდი

თუ ხართ ორსულად ან ძუძუთი კვებავთ ბავშვს, ფიქრობთ, რომ შესაძლოა იყოთ ორსულად ან გეგმავთ ბავშვის ყოლას, ამ მედიკამენტის მიღებამდე მიმართეთ ექიმს ან ფარმაცევტს რჩევისთვის. ორსულობის ან ძუძუთი კვების დროს ეს მედიკამენტი გამოიყენეთ მხოლოდ აუცილებლობის შემთხვევაში და ყოველთვის ექიმის უშუალო მეთვალყურეობის ქვეშ.

ავტომობილის მართვა და მექანიზმებთან მუშაობა

ეს სამკურნალო საშუალება არ ახდენს ზეგავლენას ავტომობილის მართვის ან მექანიზმებთან მუშაობის უნარზე. თუმცა, აკონტროლეთ თქვენი რეაქცია წამალზე, რადგან შეიძლება განვითარდეს გვერდითი მოვლენები, რომლებმაც შეიძლება შეაფერხოს ავტომობილის მართვის ან მექანიზმებთან მუშაობის უნარი.  

3. გლიცეროლო ნოვა არგენტიას გამოყენების წესი

ეს მედიკამენტი ყოველთვის გამოიყენეთ ზუსტად ამ ინსტრუქციაში მოცემული ან ექიმის ან ფარმაცევტის მითითებების შესაბამისად. თუ რაიმეში არ ხართ დარწმუნებული მიმართეთ ექიმს ან ფარამცევტს.

სწორი დოზა არის ყველაზე დაბალი დოზა, რომელიც უზრუნველყოფს ნაწლავის რეგულარულ მოქმედებას. დაიწყეთ რეკომენდებული მინიმალური დოზით. მოზრდილებისა და 12 წელზე უფროსი ასაკის მოზარდებისთვის რეკომენდებული დოზაა ერთი სუპოზიტორი საჭიროების მიხედვით, მაქსიმუმ დღეში ერთხელ ან ორჯერ. 2-დან 11 წლამდე ასაკის ბავშვებისთვის რეკომენდებული დოზაა ერთი სუპოზიტორი საჭიროების მიხედვით, მაქსიმუმ დღეში ერთხელ ან ორჯერ.

ამოიღეთ სუპოზიტორი კონტეინერიდან და საჭიროების შემთხვევაში დაასველეთ, რათა სწორ ნაწლავში მოთავსება გაადვილდეს.

თუ სუპოზიტორები ძალიან რბილი გეჩვენებათ, გახსნამდე კონტეინერები ცივ წყალში ჩადეთ. საფაღარათო საშუალებები გამოიყენეთ რაც შეიძლება იშვიათად და არა უმეტეს შვიდი დღისა (იხილეთ გაფრთხილებები და უსაფრთხოების ზომები). დიდი რაოდენობით სითხის მიღება აძლიერებს ამ პროდუქტის ეფექტს.

თუ მიიღეთ საჭიროზე მეტი გლიცეროლო ნოვა არგენტია

ამ მედიკამენტის ძალიან ხშირმა, ხანგრძლივმა ან ჭარბმა გამოყენებამ შეიძლება გამოიწვიოს მუცლის ტკივილი და მუდმივი დიარეა, რაც იწვევს წყლის, მინერალების (განსაკუთრებით კალიუმის) და სხვა აუცილებელი საკვები ნივთიერებების დაკარგვას. ეს ნივთიერებები უნდა იქნეს კვლავ აღდგენილი (იხილეთ გაფრთხილებები და უსაფრთხოების ზომები). ელექტროლიტური დისბალანსის სიმპტომებია წყურვილი, ღებინება, სისუსტე, შეშუპება (შეშუპება), ძვლების პრობლემები (ოსტეომალაცია, ასევე ცნობილი როგორც ძვლების დარბილება) და სისხლში ცილა ალბუმინის დაბალი დონე (ჰიპოალბუმინემია). თუ შემთხვევით მიიღეთ გლიცეროლო ნოვა არგენტიას ძალიან მაღალი დოზა, დაუყოვნებლივ დაუკავშირდით ექიმს ან მიმართეთ უახლოეს საავადმყოფოს. თუ თქვენ გაქვთ რაიმე შეკითხვები ამ მედიკამენტის გამოყენებასთან დაკავშირებით, მიმართეთ თქვენს ექიმს ან ფარმაცევტს.

4. მოსალოდნელი გვერდითი ეფექტები

ნებისმიერი მედიკამენტის მსგავსად, ამ პრეპარატმაც შესაძლოა გამოიწვიოს გვერიდითი ეფექტები, თუმცა არა ნებისმიერ ადამიანში.

შესაძლოა გამოვლინდეს შემდეგი გვერდითი ეფექტები:

გვერდითი ეფექტები უცნობი სიხშირით (გვერდითი ეფექტების შეფასება შეუძლებელია არსებული მონაცემების მიხედვით):

-ტკივილი იზოლირებული სპაზმების ან მუცლის კოლიკის და დიარეის სახით, სითხისა და მინერალური მარილების (ელექტროლიტების) დაკარგვით (უფრო ხშირია მძიმე ყაბზობის შემთხვევაში)

-სწორი ნაწლავის გაღიზიანება

გვერდითი ეფექტების შეტყობინება

თუ შეამჩნევთ რაიმე გვერდით მოვლენას, მათ შორის ისეთებს, რომლებიც არ არის ჩამოთვლილი ამ ფურცელ-ჩანართში, მიმართეთ ექიმს ან ფარმაცევტს. 

გვერდითი მოვლენების შესახებ შეტყობინებით თქვენ ხელს შეუწყობთ ამ მედიკამენტის უსაფრთხოების შესახებ მეტი ინფორმაციის მოპოვებას.

5. გლიცეროლო ნოვა არგენტიას შენახვის პირობები

შეინახეთ ბავშვებისათვის მიუწვდომელ და შეუმჩნეველ ადგილას.

არ გამოიყენოთ ეს სამკურნალო საშუალება ვარგისიანობის ვადის გასვლის შემდეგ, რომელიც მითითებულია შეფუთვაზე წარწერით „Exp.“. ვარგისიანობის ვადა გულისხმობს მოცემული თვის ბოლო დღეს. შეინახეთ საწყის შეფუთვაში ნესტისგან დაცვის მიზნით და მოარიდეთ სითბოს პირდაპირ წყაროებს. არ ჩარეცხოთ სამკურნალო საშუალებები და არ გადააგდოთ საყოფაცხოვრებო ნარჩენებთან ერთად. ჰკითხეთ ფარმაცევტს, თუ როგორ უნდა გადააგდოთ გამოუყენებელი მედიკამენტები. ეს ხელს შეუწყობს გარემოს დაცვას.

6. შეფუთვის შემადგენლობა და დამატებითი ინფორმაციები

რას შეიცავს გლიცეროლო ნოვა არგენტია

გლიცეროლო ნოვა არგენტია 1375 მგ სუპოზიტორები ბავშვებისათვის

-  აქტიური ნივთიერებაა გლიცეროლი. თითოეული სუპოზიტორი შეიცავს 1375 მგ გლიცეროლს.

-  დამხმარე ინგრედიენტებია: ნატრიუმის სტეარატი, ნატრიუმის ბიკარბონატი.

გლიცეროლო ნოვა არგენტია 2250 მგ სუპოზიტორები მოზრდილებისთვის

-  აქტიური ნივთიერებაა გლიცეროლი. თითოეული სუპოზიტორი შეიცავს 2250 მგ გლიცეროლს.

-  დამხმარე ინგრედიენტებია: ნატრიუმის სტეარატი, ნატრიუმის ბიკარბონატი.

გლიცეროლო ნოვა არგენტიას გარეგნული ფორმა და შეფუთვის შემცველობა

გლიცეროლო ნოვა არგენტია 1375 მგ სუპოზიტორები ბავშვებისთვის. კოლოფი შეიცავს 6, 12 ან 18 სუპოზიტორს.

გლიცეროლო ნოვა არგენტია 2250 მგ სუპოზიტორები მოზრდილებისთვის. კოლოფი შეიცავს 12, 18 ან 48 სუპოზიტორს.