ეტორიკოქსიბი - Etoricoxib ფარმოზი 90მგ 20 ტაბლეტი

ეტორიკოქსიბი ფარმოზი 90 მგ აპკიანი გარსით დაფარული ტაბლეტები

ეტორიკოქსიბი 

პრეპარატის გამოყენებამდე ყურადღებით წაიკითხეთ მთლიანი გამოყენების ინსტრუქცია, რადგანაც ის შეიცავს თქვენთვის მნიშვნელოვან ინფორმაციას. -  შეინახეთ გამოყენების ინსტრუქცია რადგან შესაძლოა წარმოიშვას მისი ხელახალი გაცნობის საჭიროება. -  დამატებითი კითხვების შემთხვევაში მიმართეთ თქვენს ექიმს ან ფარმაცევტს, -  ეს პრეპარატი დაგენიშნათ პირადად თქვენ, ნუ გადასცემთ სხვა პირს, იმ შემთხვევაშიც კი თუ თქვენი სიმპტომები მსგავსია, ამან შესაძლოა ზიანი მიაყენოს მათ. -  რაიმე სახის გვერდითი მოვლენების გამოვლენის შემთხვევაში მიმართეთ თქვენს  ექიმს, ფარმაცევტს ან მედდას, იმ გვერდითი მოვლენების ჩათვლით რომელიც არ არის მითითებული წინამდებარე გამოყენების ინსტრუქციაში, იხილეთ პუნქტი 4.

რას შეიცავს წინამდებარე გამოყენების ინსტრუქცია

1. რა არის ეტორიკოქსიბი ფარმოზი და რისთვის გამოიყენება.

2. რა უნდა ვიცოდეთ ეტორიკოქსიბი ფარმოზი მიღებამდე.

3. როგორ მივიღოთ ეტორიკოქსიბი ფარმოზი

4. შესაძლო გვერდითი მოვლენები.

5. როგორ შევინახოთ ეტორიკოქსიბი ფარმოზი

6. შეფუთვის შიგთავსი და დამატებითი ინფორმაცია.

1.რა არის ეტორიკოქსიბი ფარმოზი და რისთვის გამოიყენება.

ეტორიკოქსიბი ფარმოზი შეიცავს აქტიურ ნივთიერება ეტორიკოქსიბს. ეტორიკოქსიბი ფარმოზი არის მედიკამენტების ერთ-ერთი ჯგუფი, სახელწოდებით ცოგ-2-ის სელექტიური ინჰიბიტორები. ისინი განეკუთვნება არასტეროიდული ანთების საწინააღმდეგო საშუალებების (NSAIDs) ჯგუფის პრეპარატებს.

ეტორიკოქსიბი ფარმოზი ამცირებს ტკივილს და შეშუპებას (ანთება) სახსრებში და კუნთებში ოსტეოართრიტის, რევმატოიდული ართრიტის, მაანკილოზებელი სპონდილიტის და პოდაგრის მქონე 16 წელზე უფროსი ასაკის ადამიანებში.

ეტორიკოქსიბი ფარმოზი ასევე გამოიყენება ზომიერი ტკივილის ხანმოკლე მკურნალობისთვის სტომატოლოგიური ოპერაციის შემდეგ 16 წლის და უფროსი ასაკის ადამიანებში.

რა არის ოსტეოართრიტი?

ოსტეოართრიტი არის სახსრების დაავადება. რაც ვითარდება ხრტილის თანდათანობითი დაშლის შედეგად, რომელიც ფარავს ძვლების ბოლოებს. ეს იწვევს შეშუპებას (ანთებას), ტკივილს, მგრძნობელობას, რიგიდობას და ინვალიდობას.

რა არის რევმატოიდული ართრიტი?

რევმატოიდული ართრიტი არის სახსრების ხანგრძლივი ანთებითი დაავადება. ის იწვევს ტკივილს, რიგიდობას, შეშუპებას და მზარდი მოძრაობის მზარდ შეფერხებას სახსრებში, რომლებსაც ის აზიანებს. მას ასევე შეუძლია გამოიწვიოს ანთება სხეულის სხვა უბნებში.

რა არის პოდაგრა?

პოდაგრა არის დაავადება უეცარი, განმეორებადი შეტევებით, რომელიც იწვევს სახსრებში ანთებას ძლიერი ტკივილით და სიწითლეს. ეს გამოწვეულია სახსარში მინერალური კრისტალების დეპოზიტებით.

რა არის მაანკილოზებელი სპონდილიტი?

მაანკილოზებელი სპონდილიტი არის ხერხემლისა და მსხვილი სახსრების ანთებითი დაავადება.

2. რა უნდა ვიცოდეთ ეტორიკოქსიბი ფარმოზის მიღებამდე.

არ მიიღოთ ეტორიკოქსიბი ფარმოზი:

- თუ ხართ ალერგიული (ჰიპერმგრძნობელობა) ეტორიკოქსიბის ან ამ პრეპარატის რომელიმე სხვა ინგრედიენტის მიმართ (მითითებული მე-6 პუნქტში);

- თუ გაქვთ ალერგია არასტეროიდულ ანთების საწინააღმდეგო საშუალებებზე (NSAIDs), მათ შორის აცეტილსალიცილის მჟავას და ცოგ-2 ინჰიბიტორებზე (იხილეთ პუნქტი 4).

- თუ გაქვთ კუჭის წყლული ან სისხლდენა კუჭიდან ან ნაწლავებიდან;

- გაქვთ ღვიძლის მწვავე დაავადება;

- თუ გაქვთ თირკმლის მწვავე დაავადება;

- თუ ხართ ან შეიძლება იყოთ ორსულად ან ბავშვს კვებავთ ძუძუთი (იხ. „ორსულობა, ძუძუთი კვება და ნაყოფიერება“);

- თუ ხართ 16 წლამდე ასაკის;

- თუ გაქვთ ნაწლავის ანთებითი დაავადება, როგორიცაა კრონის დაავადება, წყლულოვანი კოლიტი ან კოლიტი;

- თუ გაქვთ მაღალი არტერიული წნევა, რომლის კონტროლიც ვერ ხერხდება მკურნალობით (გადაამოწმეთ ექიმთან, თუ არ ხართ დარწმუნებული, რომ არტერიული წნევას აკონტროლებთ ადექვატურად);

- თუ ექიმის მიერ დიაგნოზირებულ იქნა გულის პრობლემები, მათ შორის გულის უკმარისობა (ზომიერი ან მძიმე ტიპის), სტენოკარდია (მკერდის ტკივილი);

- თუ გადატანილი გაქვთ გულის შეტევა, შუნტირების ოპერაცია, პერიფერიული არტერიების დაავადება (ცუდი ცირკულაცია ფეხებში ან ტერფებში ვიწრო ან ბლოკირებული არტერიების გამო;

- თუ გადატანილი გაქვთ ინსულტი (მათ შორის მინი ინსულტი, გარდამავალი იშემიური შეტევა ან TIA). ეტორიკოქსიბმა შეიძლება უმნიშვნელოდ გაზარდოს ინფარქტისა და ინსულტის რისკი და ამიტომ არ უნდა იქნას გამოყენებული პაციენტებში რომლებსაც გადატანილი აქვთ გულის პრობლემები ან ინსულტი.

თუ ფიქრობთ, რომ რომელიმე მათგანი თქვენ გიკავშირდებათ არ მიიღოთ ტაბლეტები ექიმთან კონსულტაციამდე.

გაფრთხილება და სიფრთხილის ზომები

ეტორიკოქსიბი ფარმოზის მიღებამდე გაიარეთ ექიმთან ან ფარმაცევტთან კონსულტაცია:

- თუ გაქვთ კუჭიდნ სისხლდენის ან წყლულის ანამნეზი.

- თუ გაქვთ გაუწყლოება, მაგალითად გახანგრძლივებული ღებინებით ან დიარეით.

- თუ გაქვთ შეშუპება სითხის შეკავების გამო.

- თუ ანამნეზში გაქვთ გულის უკმარისობა ან სხვა სახის გულის დაავადება.

- თუ გაქვთ მაღალი წნევის ანამნეზი. ეტორიკოქსიბი ფარმოზმა შესაძლოა გაზარდოს არტერიული წნევა ზოგიერთ ადამიანში, განსაკუთრებით მაღალი დოზებისას, და საჭირო გახდეს ექიმის მიერ დროდადრო წნევის შემოწმება.

- თუ გაქვთ ღვიძლის ან თირკმლის დაავადების ანამნეზი.

- თუ მკურნალობთ ინფექციაზე. ეტორიკოქსიბი ფარმოზმა შესაძლოა შენიღბოს ცხელება, რაც ინფექციის ნიშანია.

- თუ გაქვთ დიაბეტი, მაღალი ქოლესტერინი ან ხართ მწეველი. ამან შეიძლება გაზარდოს გულის დაავადების რისკი.

- თუ ხართ ქალი, რომელიც ცდილობს დაორსულებას. თუ ხართ 65 წელზე მეტი ასაკის.

თუ არ ხართ დარწმუნებული გიკავშირდებათ თუ არა რომელიმე ზემოთ აღნიშნული თქვენ,  ეტორიკოქსიბი ფარმოზის მიღებამდე მიმართეთ თქვენს ექიმს რომ გაარკვიოთ არის თუ არა ეს პრეპარატი თქვენთვის შესაფერისი.

ეტორიკოქსიბი ფარმოზი თანაბრად ეფექტურია ხანდაზმულ და ახალგაზრდა მოზრდილ პაციენტებში. თუ თქვენ ხართ 65 წელზე მეტი ასაკის, ექიმმა უნდა აწარმოოს თქვენი სათანადო კონტროლი. 65 წელზე უფროსი ასაკის პაციენტებისთვის დოზის კორექცია საჭირო არ არის.

ბავშვები და მოზარდები

პრეპარატი არ გამოიყენება ბავშვებსა და 16 წლამდე მოზარდებში.

სხვა მედიკამენტები და ეტორიკოქსიბი ფარმოზი:

აცნობეთ თქვენს ექიმს ან ფარმაცევტს, თუ იღებთ, ბოლო პერიოდში გაქვთ მიღებული ან შესაძლოა მიიღოთ სხვა მედიკამენტები, მათ შორის ურეცეპტოდ გაცემული მედიკამენტები.

კერძოდ, თუ იღებთ რომელიმე ქვემოთ ჩამოთვლილ მედიკამენტს, ექიმმა შეიძლება საჭიროდ ჩათვალოს თქვენი კონტროლი, მედიკამენტების ეფექტის შემოწმების მიზნით, ეტორიკოქსიბი ფარმოზის მიღების დაწყებისთანავე:

- სისხლის გამათხევადებელი მედიკამენტები (ანტიკოაგულანტები), როგორიცაა ვარფარინი;

- რიფამპიცინი (ანტიბიოტიკი);

- მეტოტრექსატი (მედიკამენტი, რომელიც გამოიყენება იმუნური სისტემის დასათრგუნად და ხშირად გამოიყენება რევმატოიდული ართრიტის დროს);

-  მედიკამენტები რომლებიც გამოიყენება მაღალი წნევისა და გულის უკმარისობის კონტროლისთვის, სახელწოდებით აგფ ინჰიბიტორები და ანგიოტენზინის რეცეპტორების ბლოკატორები, მაგალითად, ენალაპრილი და რამიპრილი და ლოსარტანი და ვალსარტანი;

- ლითიუმი (მედიკამენტი, რომელიც გამოიყენება დეპრესიის ზოგიერთი ტიპის სამკურნალოდ);

- დიურეტიკები (შარდმდენი საშუალებები);

- ციკლოსპორინი ან ტაკროლიმუსი (იმუნური სისტემის დათრგუნვის მედიკამენტები);

- დიგოქსინი (გულის უკმარისობისა და არარეგულარული გულის რითმის სამკურნალო საშუალება);

- მინოქსიდილი (პრეპარატი, რომელიც გამოიყენება მაღალი წნევის სამკურნალოდ);

- სალბუტამოლის ტაბლეტები ან პერორალური ხსნარი (ასთმის სამკურნალო პრეპარატი);

- ჩასახვის საწინააღმდეგო აბები (კომბინაციამ შეიძლება გაზარდოს გვერდითი მოვლენების რისკი);

- ჰორმონების ჩანაცვლებითი თერაპია (კომბინაციამ შეიძლება გაზარდოს გვერდითი მოვლენების რისკი);

- აცეტილსალიცილის მჟავა, კუჭის წყლულის განვითარების რისკი უფრო დიდია, ეტორიკოქსიბი ფარმოზის აცეტილსალიცილის მჟავასთან ერთად მიღებისას;

- აცეტილსალიცილის მჟავა გულის შეტევის ან ინსულტის პროფილაქტიკისთვის: ეტორიკოქსიბი ფარმოზი შეიძლება მიღებულ იქნას დაბალი დოზით აცეტილსალიცილის მჟავასთან ერთად. თუ ამ პრეპარატით მკურნალობის დაწყებისას ღებულობთ აცეტილსალიცილის მჟავას დაბალ დოზას გულის შეტევის ან ინსულტის პრევენციის მიზნით, არ შეწყვიტოთ აცეტილსალიცილის მჟავას მიღება ექიმთან კონსულტაციის გარეშე.

- აცეტილსალიცილის მჟავა და სხვა არასტეროიდული ანთების საწინააღმდეგო საშუალებები (NSAID): არ მიიღოთ მაღალი დოზით აცეტილსალიცილის მჟავა ან სხვა ანთების საწინააღმდეგო საშუალებები ეტორიკოქსიბი ფარმოზის მიღებისას.

ეტორიკოქსიბი საკვებთან და სასმელთან ერთად

ეტორიკოქსიბის შეიძლება უფრო სწრაფად დადგეს საკვების გარეშე მიღებისას.

ორსულობა, ძუძუთი კვება და ფერტილობა

ორსულობა

ეტორიკოქსიბი ფარმოზი არ უნდა იქნას მიღებული ორსულობის დროს. თუ ხართ ორსულად ან ფიქრობთ, რომ ორსულად ხართ, ან თუ გეგმავთ ბავშვის გაჩენას, არ მიიღოთ ტაბლეტები. თუ დაორსულდით შეწყვიტეთ ტაბლეტების მიღება და მიმართეთ ექიმს კონსულტაციისთვის. თუ არ ხართ დარწმუნებული პრეპარატის მიღების სისწორეში ან გჭირდებათ მეტი რჩევა მიმართეთ ექიმს კონსულტაციისთვის.

ძუძუთი კვება

უცნობია გამოიყოფა თუ არა ეტორიკოქსიბი დედის რძეში. თუ ბავშვს კვებავთ ძუძუთი ან გეგმავთ ძუძუთი კვებას, ეტორიკოქსიბი ფარმოზის მიღებამდე მიმართეთ ექიმს. თუ იღებთ ეტორიკოქსიბი ფარმოზს არ კვებოთ ბავშვი ძუძუთი.

ფერტილობა

ეტორიკოქსიბი  ფარმოზი არ არის რეკომენდებული ქალებისთვის, რომლებიც ცდილობენ დაორსულებას.

ავტომობილის მართვა და მექანიზმების გამოყენება

ზოგიერთ პაციენტს, რომლებიც იღებდნენ ეტორიკოქსიბი ფარმოზს, აღენიშნა თავბრუსხვევა და ძილიანობა.

არ მართოთ ავტომობილი, თუ გაქვთ თავბრუსხვევა ან ძილიანობა.

არ გამოიყენოთ ხელსაწყოები ან მექანიზმები, თუ გაქვთ თავბრუსხვევა ან ძილიანობა.

3. როგორ მიიღება ეტორიკოქსიბი ფარმოზი

ყოველთვის მიიღეთ ეს პრეპარატი ზუსტად თქვენი ექიმის რეკომენდაციის თანახმად. თუ არ ხართ დარწმუნებული პრეპარატის მიღების სისწორეში, უნდა მიმართოთ თქვენს ექიმს ან ფარმაცევტს.

არ მიიღოთ თქვენი მდგომარეობისთვის რეკომენდებულ დოზაზე მეტი. მკურნალი ექიმი დროდადრო განიხილავს მკურნალობის გადახედვას. მნიშვნელოვანია, რომ გამოიყენოთ ყველაზე დაბალი დოზა, რომელიც აკონტროლებს ტკივილს და არ მიიღოთ ეტორიკოქსიბი ფარმოზი საჭიროზე მეტ ხანს. გულის შეტევისა და ინსულტის რისკის შესაძლო ზრდის გამო ხანგრძლივი მკურნალობის შემდეგ, განსაკუთრებით მაღალი დოზებით.

ეს სამკურნალო პროდუქტი ხელმისაწვდომია სხვადასხვა დოზით და თქვენი დაავადების მიხედვით ექიმი დაგინიშნავთ თქვენთვის შესაფერისი ტაბლეტის დოზას.

რეკომენდებული დოზა:

ოსტეოართრიტი

რეკომენდებული დოზა არის 30 მგ დღეში ერთხელ, საჭიროების შემთხვევაში გაიზრდება მაქსიმუმ 60 მგ-მდე დღეში ერთხელ.

რევმატოიდული ართრიტი

რეკომენდებული დოზა არის 60 მგ ერთხელ დღეში, საჭიროების შემთხვევაში იზრდება მაქსიმუმ 90 მგ-მდე დღეში ერთხელ.

მაანკილოზებელი სპონდილიტი

რეკომენდებული დოზა არის 60 მგ ერთხელ დღეში, საჭიროების შემთხვევაში იზრდება მაქსიმუმ 90 მგ-მდე დღეში ერთხელ.

ძლიერი ტკივილი

ეტორიკოქსიბი უნდა იქნას გამოყენებული მხოლოდ მწვავე ტკივილის პერიოდში.

• პოდაგრა

რეკომენდებული დოზაა 120 მგ ერთხელ დღეში, რომელიც უნდა იქნას გამოყენებული მხოლოდ მწვავე მტკივნეულ პერიოდში, მაქსიმუმ 8 დღის განმავლობაში.

• პოსტოპერაციული ტკივილი სტომატოლოგიური ოპერაციის შემდეგ 

რეკომენდებული დოზაა 90 მგ დღეში ერთხელ, მაქსიმუმ 3 დღის განმავლობაში.

ადამიანები ღვიძლის პრობლემებით

თუ გაქვთ ღვიძლის მსუბუქი დაავადება, არ მიიღოთ 60 მგ-ზე მეტი დღეში.

თუ გაქვთ ღვიძლის ზომიერი დაავადება, არ მიიღოთ 30 მგ-ზე მეტი დღეში.

გამოყენება ბავშვებში და მოზარდებში

ეტორიკოქსიბი ფარმოზი არ უნდა იქნას გამოყენებული ბავშვებსა და 16 წლამდე მოზარდებში

ხანსაზმულები

ხანდაზმული პაციენტებისთვის დოზის კორექცია საჭირო არ არის. ისევე როგორც სხვა მედიკამენტების შემთხვევაში, საჭიროა სიფრთხილე ხანდაზმულ პაციენტებში.

გამოყენების მეთოდი

ეტორიკოქსიბი ფარმოზი განკუთვნილია პერორალური მიღებისთვის. მიიღეთ ტაბლეტები დღეში ერთხელ. ეტორიკოქსიბი ფარმოზის მიღება შესაძლებელია საკვებთან ერთად ან მისგან დამოუკიდებლად.

თუ მიიღეთ საჭიროზე მეტი ეტორიკოქსიბი ფარმოზი

არ მიიღოთ ექიმის დანიშნულებაზე მეტი ოდენობით ტაბლეტი. თუ მიიღეთ საჭიროზე მეტი ტაბლეტი, დაუყოვნებლივ მიმართეთ ექიმს.

თუ დაგავიწყდათ ეტორიკოქსიბი ფარმოზის მიღება

მნიშვნელოვანია ეტორიკოქსიბი ფარმოზის მიღება მოხდეს ექიმის დანიშნულებით. დოზის გამოტოვების შემტხვევაში, უბრალოდ განაახლეთ თქვენი ჩვეული განრიგი მეორე დღეს. არ მიიღოთ ორმაგი დოზა გამოტოვებული ტაბლეტის ასანაზღაურებლად.

ამ მედიკამენტის გამოყენებასთან დაკავშირებით, დამატებითი თვის მიმართეთ ექიმს ან ფარმაცევტს.

4. შესაძლო გვერდითი მოვლენები

ყველა სხვა პრეპარატის მსგავსად, ეტორიკოქსიბი ფარმოზმაც შესაძლოა გამოიწვიოს გვერდითი მოვლენები, თუმცა ისინი ყველას არ უვითარდება. ა

ქვემოთ ჩამოთვლილიდან რომელიმე ნიშნის გამოვლენის შემთხვევაში დაუყოვნებლივ უნდა შეწყვიტოთ ეტორიკოქსიბი ფარმოზის მიღება და მიმართოთ ექიმს (იხილეთ პუნქტი 2 „რა უნდა იცოდეთ ეტორიკოქსიბი ფარმოზის მიღებამდე“):

- ქოშინის, გულმკერდის არეში ტკივილის ან ტერფის შეშუპების განვითარება ან გამწვავება;

- კანისა და თვალების გაყვითლება (სიყვითლე) - ეს არის ღვიძლის პრობლემების ნიშნები;

- მუცლის ძლიერი ან მუდმივი ტკივილი ან მუქი ფერი განავალი;

- ალერგიული რეაქცია - რომელიც შეიძლება მოიცავდეს კანის პრობლემებს, როგორიცაა წყლულები ან ბუშტუკები, ან სახის, ტუჩების, ენის და/ან ყელის შეშუპება, რამაც შეიძლება გამოიწვიოს სუნთქვის გაძნელება.

ქვემოთ ჩამოთვლილი შესაძლო გვერდითი მოვლენების სიხშირე განისაზღვრება შემდეგი კონვენციის გამოყენებით:

ძალიან ხშირი (შეიძლება განვითარდეს 10-დან 1-ზე მეტ ადამიანში)

ხშირი (შეიძლება განვითარდეს 100 ადამიანიდან 1-დან 10-მდე ადამიანში)

არახშირი (შეიძლება განვითარდეს 1000 ადამიანიდან 1-დან 10-მდე ადამიანში)

იშვიათი (შეიძლება განვითარდეს 10000 ადამიანიდან 1-დან 10-მდე ადამიანში)

ძალიან იშვიათი (შეიძლება განვითარდეს 10000-დან 1-ზე ნაკლებ ადამიანში)

ეტორიკოქსიბი ფარმოზით მკურნალობის დროს შეიძლება განვითარდეს შემდეგი გვერდითი მოვლენები:

ძალიან ხშირი

- კუჭის ტკივილი.

ხშირი

- ბუდის პოსტექსტრაქციული ალვეოლითი (ანთება და ტკივილი კბილის ამოღების შემდეგ);

- ფეხების და/ან ტერფების შეშუპება სითხის შეკავების გამო (შეშუპება);

- თავბრუსხვევა, თავის ტკივილი;

- პალპიტაცია (სწრაფი ან არარეგულარული გულისცემა), არარეგულარული გულის რიტმი (არითმია); არტერიული წნევის მომატება;

- ხიხინი ან ქოშინი (ბრონქოსპაზმი);

- ყაბზობა, მეტეორიზმი (გაზების დაგროვება), გასტრიტი (კუჭის ლორწოვანი გარსის ანთება), გულძმარვა, დიარეა, საჭმლის მონელების დარღვევა (დისპეფსია)/დისკომფორტი კუჭში, გულისრევა, შეუძლოდ ყოფნა (ღებინება), საყლაპავის ანთება, პირის ღრუს წყლულები;

- ცვლილებები ღვიძლთან დაკავშირებული სისხლის ტესტებში;

- სისხლჩაქცევა; 

- სისუსტე და დაღლილობა, გრიპის მსგავსი დაავადება.

არახშირი

- გასტროენტერიტი (კუჭ-ნაწლავის ტრაქტის ანთება, რომელიც მოიცავს როგორც კუჭს, ასევე წვრილი ნაწლავის/კუჭის ანთებას), ზედა სასუნთქი გზების ინფექცია, საშარდე გზების ინფექცია;

- ლაბორატორიული ანალიზის ცვლილებები (სისხლის წითელი უჯრედების რაოდენობის შემცირება, სისხლის თეთრი უჯრედების რაოდენობის შემცირება, თრომბოციტების შემცირება);

- ჰიპერმგრძნობელობა (ალერგიული რეაქცია ჭინჭრის ციების ჩათვლით, რომელიც შეიძლება იყოს საკმაოდ სერიოზული და საჭიროებდეს სასწრაფო სამედიცინო დახმარებას);

- მადის მომატება ან დაკარგვა, წონაში მატება;

- შფოთვა, დეპრესია, გონებრივი სიმკვეთრის დაქვეითება; არ არსებული ფაქტების დანახვა, შეგრძნება ან გაგება (ჰალუცინაციები);

- გემოს შეცვლა, უძილობა, დაბუჟება ან ჩხვლეტა, ძილიანობა;

- მხედველობის დაბინდვა, თვალების გაღიზიანება და სიწითლე;

- ყურებში შუილი, თავბრუსხვევა (ტრიალის შეგრძნება უმოძრაოდ ყოფნისას);

- გულის რითმის დარღვევა (წინაგულების ფიბრილაცია), სწრაფი გულისცემა, გულის უკმარისობა, შებოჭილობის შეგრძნება, წნევის ან სიმძიმის შეგრძნება გულმკერდში (სტენოკარდია), გულის შეტევა;

- სიწითლე, ინსულტი, მინი ინსულტი (გარდამავალი იშემიური შეტევა), არტერიული წნევის მკვეთრი მატება, სისხლძარღვების ანთება;

- ხველა, ქოშინი, ცხვირიდან სისხლდენა;

- კუჭის ან ნაწლავის შებერილობა, ნაწლავის მოქმედების ცვლილება, პირის სიმშრალე, კუჭის წყლული, კუჭის ლორწოვანი გარსის ანთება, რომელიც შეიძლება გამწვავდეს და გამოიწვიოს სისხლდენა, გაღიზიანებული ნაწლავის სინდრომი, პანკრეასის ანთება;

- სახის შეშუპება, კანზე გამონაყარი ან კანის ქავილი, კანის სიწითლე; კუნთების კრუნჩხვა/სპაზმი, კუნთების ტკივილი/შებოჭილობა;

- სისხლში კალიუმის მაღალი დონე, თირკმელთან დაკავშირებული სისხლის ან შარდის ტესტების ცვლილებები, თირკმელების სერიოზული პრობლემები;

- მკერდის ტკივილი.

იშვიათი

- ანგიონევროზული შეშუპება (ალერგიული რეაქცია სახის, ტუჩების, ენის და/ან ყელის შეშუპებით, რამაც შეიძლება გამოიწვიოს სუნთქვის ან ყლაპვის გაძნელება, რაც შეიძლება იყოს მწვავე და საჭიროებდეს სასწრაფო სამედიცინო დახმარებას)/ ანაფილაქსიური/ ანაფილაქტოიდური რეაქციები შოკის ჩათვლით (სერიოზული ალერგიული რეაქცია, რომელიც საჭიროებს სასწრაფო სამედიცინო დახმარებას);

- დაბნეულობა, მოუსვენრობა;

- ღვიძლის პრობლემები (ჰეპატიტი);

- სისხლში ნატრიუმის დაბალი დონე;

- ღვიძლის უკმარისობა, კანის ან/და თვალების გაყვითლება (სიყვითლე);

- კანის მძიმე რეაქციები.

თუ აგეღნიშნათ რაიმე გვერდითი მოვლენა, მიმართეთ თქვენს ექიმს ან ფარმაცევტს. ეს მოიცავს ნებისმიერ შესაძლო გვერდით მოვლენას, რომელიც არ არის მითითებული ამ ინსტრუქციაში.

შეტყობინება გვერდითი მოვლენების შესახებ.

თუ აგეღნიშნათ რაიმე გვერდითი მოვლენა, მიმართეთ თქვენს ექიმს, ფარმაცევტს ან მედდას. ეს მოიცავს ნებისმიერ შესაძლო გვერდით მოვლენას, რომელიც არ არის მითითებული ამ ინსტრუქციაში. გვერდითი მოვლენების შესახებ შეტყობინებით თქვენ შეგიძლიათ ამ პრეპარატის უსაფრთხოებაზე მეტი ინფორმაციის მოწოდებაში დახმარება.

5. როგორ შევინახოთ ეტორიკოქსიბი ფარმოზი

ეს პრეპარატი არ საჭიროებს შენახვის განსაკუთრებულ პირობებს.

შეინახეთ პრეპარატი ბავშვებისთვის მიუწვდომელ ადგილას.

არ გამოიყენოთ პრეპარატი ვარგისიანობის ვადის გასვლის შემდეგ, რომელიც შეფუთვაზე მითითებულია როგორც "VAL". ვარგისიანობის ვადა ეხება მითითებული თვის ბოლო დღეს.

არ გადააგდოთ პრეპარატი საკანალიზაციო მილში ან საყოფაცხოვრებო ნაგავში. ჰკითხეთ თქვენს ფარმაცევტს, როგორ გაანადგუროთ პრეპარატები რომლებსაც აღარ იყენებთ. ეს ზომები ხელს შეუწყობს გარემოს დაცვას.

6. შეფუთვის შიგთავსი და სხვა ინფორმაცია

რას შეიცავს ეტორიკოქსიბი

- აქტიური ნივთიერება არის ეტორიკოქსიბი. ერთი შემოგარსული ტაბლეტი შეიცავს 90 მგ ეტორიკოქსიბს.

- სხვა ინგრედიენტებია: კალციუმის წყალბადოფოსფატი უწყლო, ნატრიუმის კროსკარმელოზა, მაგნიუმის სტეარატი, ცელულოზა, მიკროკრისტალური, ლაქტოზას მონოჰიდრატი, ჰიპრომელოზა, ტიტანის დიოქსიდი (E171) და ტრიაცეტინი.

ეტორიკოქსიბი ფარმოზის გარეგნული სახე და შეფუთვის შიგთავსი

ეტორიკოქსიბი ფარმოზი 90 მგ არის მრგვალი, თეთრი აპკიანი გარსით დაფარული ტაბლეტები.

ეტორიკოქსიბი ფარმოზი ხელმისაწვდომია შეფუთვაში 7, 20, 28 ან 56 აპკიანი გარსით დაფარული ტაბლეტით. შეიძლება ყველა ზომის შეფუთვა არ იყოს გაყიდვაში.

ასევე, იხილეთ: >როტიკოქსი - Roticox 90მგ 28 ტაბლეტი