დისტრეპტაზა - Distreptaza 6 რექტალური სუპოზიტორია

დისტრეპტაზა®

(DISTREPTAZA®)

სავაჭრო დასახელება

დისტრეპტაზა®

საერთაშორისო არაპატენტირებული დასახელება: streptodornasa + streptokinasa

შემადგენლობა

1 სუპოზიტორი (2 გ) შეიცავს:

მოქმედი ნივთიერებები: სტრეპტოკინაზა 15000 სე, სტრეპტოდორნაზა 1250 სე.

დამხმარე ნივთიერებები: პარაფინის ზეთი და მყარი ცხიმი.

სამკურნალო ფორმა

რექტალური სუპოზიტორიები

აღწერილობა

თეთრიდან კრემისფერ ფერამდე, კონუსის ან „ტორპედოს“ ფორმის,  წვეტიანი დაბოლოების მქონე სუპოზიტორი მექანიკური დაზიანებების გარეშე.

ფარმაკოთერაპიული ჯგუფი

სხვა ჰემოტოლოგიური პრეპარატები. სხვა ჰემოტოლოგიური პრეპარატები. ფერმენტული პრეპარატები. სტრეპტოკინაზა, კობინაციები.

ათქ კოდი: B06AA55

ფარმაკოლოგიური თვისებები

ფარმაკოდინამიკა

სამკურნალო პრეპარატი შეიცავს ორ აქტიურ ნივთიერებას: სტრეპტოკინაზას და სტრეპტოდორნაზას.

სტრეპტოკინაზა არის ადამიანის სისხლში არსებული პროენზიმი პლაზმინოგენის  აქტივატორი, რომელიც სტრეპტოკინაზას ზემოქმედებით გადადის პლაზმინში. პლაზმინს აქვს სისხლის კოლტების გახსნის უნარი.

სტრეპტოდორნაზა არის ფერმენტი, რომელსაც ნუკლეოპროტეინების წებოვანი მასების, ნეკროზული უჯრედების ან ჩირქის გახსნის უნარი აქვს. ამავე დროს, იგი არ მოქმედებს ცოცხალ უჯრედებზე და მათ ფიზიოლოგიურ ფუნქციებზე. 

პრეპარატი გამოიყენება როგორც მონოთერაპიის, ისე დამხმარე პრეპარატის სახით, რომელიც აძლიერებს ანტიბიოტიკების ან ქიმიოთერაპიული პრეპარატების შეღწევას ანთების კერაში.

პრეპარატი ამცირებს სუბიექტურ სიმპტომატიკას  და მნიშვნელოვნად ამცირებს მკურნალობის პერიოდს.

ფარმაკოკინეტიკა

მონაცემები არ მოიპოვება.

კლინიკური მონაცემები

გამოყენების ჩვენებები

მცირე მენჯის ორგანოების ანთებებითი დააბადებების კომპლექსური მკურნალობა (PID): საკვერცხეების, ფალოპის მილების, საშვილოსნოს ინფექციები.

ადჰეზიური დაავადება მცირე მენჯის ორგანოებზე ოპერაციის შემდეგ.

მწვავე და ქრონიკული ჰემოროიდული დაავადება.

გავრცელებული >ანთებითი ინფილტრატით მიმდინარე პერიანალური აბსცესის და ფისტულების კომპლექსური მკურნალობა.

უკუჩვენებები

მომატებული მგრძნობელობა აქტიური ნივთიერების ან რომელიმე დამხმარე ნივთიერების მიმართ.

ახალი ქერქით დაფარული ჭრილობები ან ქირურგიული ნაკერები შეყვანის მიდამოში: დაუშვებელია სამკურნალო საშუალების შეხება ახალ ჭრილობასთან, რომელიც დაფარულია ქერქით, ან ახლახან დადებულ ნაკერთან, რადგან ამან შეიძლება გამოიწვიოს ნაკერების დასუსტება და, ამის შედეგად,  ჭრილობიდან სისხლდენის განვითარება.

წინა სისხლდენა (შეწყვეტის შემდეგ პირველი 10 დღე), გამო

ზრდის ხელახალი სისხლდენის რისკს.

სისხლდენის შემდეგ (დაახლოებით სისხლდენის შეწყვეტიდან 10 დღის განმავლობაში), რადგან ამან შეიძლება გაზარდოს განმეორებითი სისხლდენის განვითარების რისკი.

კალციუმის მარილების შემცველი პრეპარატებით მკურნალობა.

შემაერთებელი ქსოვილის დაავადებების მწვავე მიმდინარეობა ჩირქოვანი ნიშნების გარეშე.

სისხლის შედედების დარღვევები.

ანტიკოაგულანტებით მკურნალობა (პრეპარატები, რომლებიც ამცირებს სისხლის შედედების სისტემის აქტივობას), სისხლდენის გაზრდილი რისკის გამო.

დოზირების რეჟიმი და გამოყენების ჩვენებები

დოზირების რეჟიმი

მოზრდილები (18 წელზე მეტი)

დოზირება დამოკიდებულია ანთებითი პროცესის ტიპსა და სიმძიმის ხარისხზე.

გამოიყენეთ ექიმის მითითებით.

მძიმე მდგომარეობების დროს გამოიყენება:

1 სუპოზიტორი 3-ჯერ დღეში პირველი 3 დღის განმავლობაში;

1 სუპოზიტორი 2-ჯერ დღეში შემდეგი 3 დღის განმავლობაში;

1 სუპოზიტორი ერთხელ დღეში შემდეგი 3 დღის განმავლობაში.

შედარებით მსუბუქი მდგომარეობების დროს:

1 სუპოზიტორი 2-ჯერ დღეში 3 დღის განმავლობაში;

1 სუპოზიტორი ერთხელ დღეში შემდეგი 4 დღის განმავლობაში;

ან

1 სუპოზიტორი 2-ჯერ დღეში 2 დღის განმავლობაში.

მკურნალობის საშუალო კურსი - 8 - 18 სუპოზიტორი.

მკურნალობის კურსის საშუალო ხანგრძლივობაა 7 - 10 დღე.

ბავშვები

მოცემული მომენტისათვის უსაფრთხოება და ეფექტიანობა ბავშვებში დადგენილი არ არის.

განსაკუთრებული ჯგუფები

ხანდაზმული ასაკის პირები

ხანდაზმული ასაკის პაციენტებში (65 წელზე მეტი ასაკი) ინფორმაცია დოზის კორექციის აუცილებლობის შესახებ არ არსებობს.

ღვიძლის უკმარისობის მქონე პაციენტები

პრეპარატი არ მეტაბოლიზდება ღვიძლში, რის გამოც არ არსებობს ინფორმაცია ღვიძლის უკმარისობის მქონე პაციენტებში დოზის კორექციის აუცილებლობის შესახებ

თირკმლის უკმარისობის მქონე პაციენტები

არ არსებობს ინფორმაცია თირკმლის უკმარისობის მქონე პაციენტებში დოზის კორექციის აუცილებლობის შესახებ.

გამოყენების წესი

ბლისტერის უჯრედიდან ამოღების შემდეგ სუპოზიტორი შეჰყავთ ღრმად სწორ ნაწლავში.

არასასურველი რეაციები

იშვიათად (≥1/10 000-დან <1/1 000-მდე) შეიძლება განვითარდეს:

ზოგადი დარღვევები და რექციები შეყვანის ადგილას: ალერგიული რეაქციები, სხეულის ტემპერატურის მომატება, ასევე სისხლდენებისადმი მიდრეკილება, ადგილობრივი ტკივილი და შეშუპება.

გამოყენებასთან დაკავშირებული სპეციალური გაფრთხილებები და სიფრთხილის ზომები

პრეპარატმა შეიძლება გამოიწვიოს ადგილობრივი გაღიზიანება.

ფერტილობა, ორსულობა და ლაქტაცია

ორსულობის დროს გამოყენება რეკომენდებული არ არის.

ძუძუთი კვების დროს გამოყენება რეკომენდებული არ არის.

ზეგავლენა სატრანსპორტო საშუალებების მართვის და მექანიზმების გამოყენების უნარზე

პრეპარატი არ მოქმედებს სატრანსპორტო საშუალებებისა და მექანიზმების მართვის უნარზე.

ჭარბი დოზირება

მონაცემები არ მოიპოვება.

ურთიერთქმედება სხვა სამკურნალო საშუალებებთან და სხვა სახის ურთიერთქმედებები

უკუნაჩვენებია ანტიკოაგულანტებთან (პრეპარატები, რომლებიც ამცირებს სისხლის შედედების სისტემის აქტივობას) ერთდროული გამოყენება, სისხლდენის განვითარების რისკის გაზრდის გამო.

ვარგისობის ვადა

3 წელი.

არ გამოიყენოთ პრეპარატი შეფუთვაზე აღნიშნული ვადის გასვლის შემდეგ.

შენახვის პირობები

ინახება 2°С – 8°С ტემპერატურაზე (მაცივარში). დაუშვებელია გაყინვა.

ინახება ბავშვებისათვის მიუწვდომელ ადგილას.

შეფუთვა

6 სუპოზიტორი კონტურულ-უჯრედოვან შეფუთვაში (პვქ/პე ბლისტერი).

1 ბლისტერი გამოყენების ინსტრუქციასთან ერთად მუყაოს კოლოფში.

აფთიაქიდან გაცემის წესი

ფარმაცევტული პროდუქტის ჯგუფი II, გაიცემა ფორმა №3 რეცეპტით