დეფლაკორტინი - Deflacortin 30მგ 20 ტაბლეტი

დეფლაკორტინი®

დეფლაზაკორტი 30 მგ ტაბლეტები

ყურადღებით წაიკითხეთ მთლიანად ეს გამოყენების ინსტრუქცია, სანამ დაიწყებთ ამ პრეპარატის მიღებას.

- შეინახეთ ეს გამოყენების ინსტრუქცია. შეიძლება დაგჭირდეთ მისი ხელახლა წაკითხვა.

- თუ თქვენ გაქვთ რაიმე დამატებითი შეკითხვები, მიმართეთ თქვენს ექიმს ან ფარმაცევტს.

-  ეს პრეპარატი დაგინიშნეს თქვენ. არ გადასცეთ ის სხვებს. ამან შეიძლება ზიანი მიაყენოს მათ, მაშინაც კი, როდესაც მათი სიმპტომები თქვენის ანალოგიურია.

- თუ რომელიმე გვერდითი ეფექტი სერიოზულინ გახდება, ან თუ შენიშნავთ რაიმე გვერდით ეფექტს, რომელიც არ არის ჩამოთვლილი ამ გამოყენების ინსტრუქციაში, გთხოვთ, აცნობოთ თქვენს ექიმს ან ფარმაცევტს.

ამ გამოყენების ინსტრუქციაში მოცემულია:

1. რა არის და რისთვის გამოიყენება დეფლაკორტინი®

2. დეფლაკორტინი®-ის მიღებამდე

3. როგორ მიიღება დეფლაკორტინი®

4. შესაძლო გვერდითი ეფექტები

5. როგორ ინახება დეფლაკორტინი®

6. დამატებითი ინფორმაცია

1. რა არის და რისთვის გამოიყენებადეფლაკორტინი® ?

დელაკორტინი® შეიცავს დეფლაზაკორტს აქტიური ინგრედიენტის სახით, რომელიც კორტიკოსტეროიდს წარმოადგენს.

როგორ მოქმედებს დეფლაკორტინი:

• ეს კორტიკოსტეროიდები ბუნებრივად გვხვდება ორგანიზმში და ისინი ხელს უწყობენ ჯანმრთელობისა და კეთილდღეობის შენარჩუნებას.

• თქვენი ორგანიზმის გაძლიერება დამატებითი კორტიკოსტეროიდებით (როგორიცაა დეფლაზაკორტი) ეფექტური გზაა სხვადასხვა დაავადებების სამკურნალოდ, რომლებიც მოიცავს ორგანიზმში ანთებადეფლაკორტინი®  მოქმედებს ამ ანთების შემცირებით, რაც სხვაგვარად შეიძლება  გაგრძელდეს და გააუარესოს თქვენი მდგომარეობა.

• დეფლაკორტინი® ასევე მოქმედებს რეაქციების შეჩერებით, რომლებიც ცნობილია აუტოიმუნური რეაქციების სახელწოდებით. ეს რეაქციები ხდება მაშინ, როდესაც თქვენი ორგანიზმის იმუნური სისტემა ებრძვის თავად ორგანიზმს და იწვევს ზიანს.

• თქვენ უნდა მიიღოთ ეს პრეპარატი რეგულარულად, რომ მიიღოთ მისგან მაქსიმალური სარგებელი.

დეფლაკორტინი® შეიძლება გამოყენებულ იქნას შემდეგი მიზნით:

• ანთების სამკურნალოდ ასთმის, ართრიტისა და ალერგიის ჩათვლით.

• თქვენი კანის, თირკმელების, გულის, საჭმლის მომნელებელი სისტემის, თვალების ან სისხლის სამკურნალოდ.

• პრობლემების სამკურნალოდ, როდესაც თქვენს ორგანიზმში არსებობს აქვს წარმონაქმნები (სიმსივნეები).

•  იმუნური სისტემის დსაათრგუნად ტრანსპლანტაციის ოპერაციებში.

2. დეფლაკორტინი®-ის მიღებამდე/გამოყენებამდე

არ მიიღოთ დეფლაკორტინი®, თუ

• თქვენ ხართ ალერგიული (ჰიპერმგრძნობიარე) დეფლაზაკორტის ან ამ ტაბლეტების რომელიმე სხვა ინგრედიენტის მიმართ (იხ. პუნქტი 6: დამატებითი ინფორმაცია). ალერგიული რეაქციის ნიშნები მოიცავს: გამონაყარს, ყლაპვის ან სუნთქვის პრობლემებს, ტუჩების, სახის, ყელის ან ენის შეშუპებას.

• თქვენ გაქვთ ინფექცია, რომელიც აზიანებს მთელ ორგანიზმს (სისტემური ინფექცია), რომელიც ჯერ განკურნებული არ არის.

• თქვენ გიტარდებათ ან ბოლოდროს ჩაგიტარდათ რაიმე ვაქცინაციები ცოცხალი ვირუსებით (იხ. ქვემოთ „ვაქცინაციები“).

არ მიიღოთ ეს პრეპარატი, თუ რომელიმე ზემოაღნიშნული გეხებათ თქვენ. თუ დარწმუნებული არა ხართ, დაელაპარაკეთ თქვენს ექიმს ან ფარმაცევტს დეფლაკორტინი®-ის მიღებამდე.

განსაკუთრებული ყურადღება მიაქციეთ და გადაამოწმეთ თქვენს ექიმთან, სანამ მიიღებთ დეფლაკორტინ®-ს, თუ:

 • როდესმე გქონიათ მძიმე დეპრესია ან მანიაკალურ-დეპრესია (ბიპოლარული აშლილობა). ეს მოიცავს დეპრესიის ქონას დეფლაზაკორტის მსგავსი სტეროიდული პრეპარატების მიღებისას ან მანამდე.

• თქვენი ოჯახის ახლობელ წევრს ჰქონია ეს დაავადებები.

• როდესმე გქონიათ ფსიქიკური პრობლემები, როგორიცაა დეპრესია ან ფსიქოზები.

თუ რომელიმე ზემოაღნიშნული გეხებათ თქვენ, დაელაპარაკეთ თქვენს ექიმს დეფლაკორტინი®-ის მიღებამდე.

• ფსიქიკური პრობლემები დეფლაკორტინი®-ის მიღებისას

ფსიქიკური პრობლემები შეიძლება განვითარდეს დეფლაზაკორტის მსგავსი სტეროიდული პრეპარატების მიღების დროს. (იხილეთ აგრეთვე პუნქტი 4 „შესაძლო გვერდითი ეფექტები“).

• ეს დაავადებები შეიძლება იყოს სერიოზული.

• ჩვეულებრივ, ისინი იწყება პრეპარატის დაწყებიდან რამდენიმე დღეში ან კვირაში.

• უფრო სავარაუდოა, რომ ისინი განვითარდეს მაღალ დოზებზე.

 • ამ პრობლემების უმეტესობა ქრება დოზის შემცირების ან პრეპარატის შეწყვეტის შემთხვევაში. თუმცა, თუ ეს პრობლემები განვითარდა, მათ შეიძლება დასჭირდეთ მკურნალობა.

გაესაუბრეთ თქვენს ექიმს, თუ თქვენ (ან ვინმეს, ვინც ამ ღებულობს პრეპარატს), გამოგივლინდებათ ფსიქიკური პრობლემების რაიმე ნიშნები. ეს განსაკუთრებით მნიშვნელოვანია, თუ  ხართ დეპრესიაში, ან შესაძლოა ფიქრობთ თვითმკვლელობაზე. ზოგიერთ შემთხვევაში, ფსიქიკური პრობლემები განვითარდა დოზის შემცირების ან შეწყვეტისას.

ამ პრეპარატის შესამოწმებლად  მიღებამდე მიმართეთ ექიმს, თუ:

• გაქვთ ეპილეფსია (კრუნჩხვები).

• თქვენ ან თქვენს ოჯახში ვინმეს გაქვთ დიაბეტი.

• გაქვთ მაღალი არტრიული წნევა.

• გაქვთ თირკმელების, ღვიძლის ან გულის პრობლემები.

• თქვენ გაქვთ მტვრევადი ან სუსტი ძვლები, რასაც ოსტეოპოროზი ეწოდება.

• თქვენ გაქვთ თვალის დაავადება, რომელიც იწვევს ბადურის აშრევებას და თვალების გადმოკარკვლას.

 • თქვენ ან თქვენს ოჯახში ვინმეს გაქვთ თვალის პრობლემა,სახელწოდებით გლაუკომა

 • გაქვთ ფარისებრი ჯირკვლის ფუნქციის დაქვეითება.

• გაქვთ საჭმლის მომნელებელ სისტემასთან დაკავშირებული პრობლემები, მათ შორის საყლაპავის (ეზოფაგიტი), ნაწლავების (წყლულოვანი კოლიტი, დივერტიკულიტი) ან კუჭის (პეპტიკური წყლული) დაავადებები.

 • ოდესმე გქონიათ ცუდი რეაქცია, როგორიცაა კუნთების სისუსტე რომელიმე სტეროიდზე.

 • გაქვთ ან როდესმე გქონიათ ვირუსით ან სოკოთი გამოწვეული ინფექცია. ეს მოიცავს ინფექციებს, როგორიცაა სპორტსმენის ფეხი, კანდიდოზური სტომატიტი და მარტივი ჰერპესი (რომელმაც შეიძლება ასევე დააზიანოს თვალები).

• გაქვთ ან როდესმე გქონიათ ტუბერკულოზი.

• გაქვთ რაიმე პრობლემა სისხლძარღვებთან დაკავშირებით, როგორიცაა სისხლის თრომბი.

 • გაქვთ ფეოქრომოციტომა (თირკმელზედა ჯირკვლის ქსოვილის სიმსივნე. თირკმელზედა ჯირკვლები განთავსებულია თირკმელების ზემოთ.).

დეფლაკორტინი® -მა შეიძლება გამოიწვიოს მყესების ანთება და მათი ადვილად გაგლეჯა, განსაკუთრებით ანტიბიოტიკებთან ერთად მიღებისას, როგორიცაა ციპროფლოქსაცინი.

ასევე შეიძლება ადგილი ჰქონდეს არარეგულარულ მენსტრუალურ ციკლს ქალებში და სისხლის პრობლემებს, როგორიცაა ლეიკოციტოზი (სისხლის თეთრი უჯრედების რაოდენობის ზრდა).

თუ რომელიმე ზემოაღნიშნული გეხებათ თქვენ, თქვენმა ექიმმა შეიძლება მოისურვოს თქვენი გასინიჯვა უფრო ხშირად მკურნალობის დროს. მიმართეთ ექიმს, თუ გაქვთ მხედველობის დაბინდვა ან მხედველობის სხვა დარღვევები.

სხვა პრეპარატების მიღება

გთხოვთ აცნობოთ თქვენს ექიმს ან ფარმაცევტს, თუ იღებთ ან ბოლოდროს იღებდით სხვა პრეპარატებს. ეს მოიცავსვ ასევე ურეცეპტოდ გაცემულ პრეპარატებს, და მცენარეულ პრეპარატებს, რადგანაც დეფლაკორტინმა და სხვა პრეპარატებმა შეიძლება გავლენა მოახდინონ ზოგიერთი სხვა პრეპარატის მოქმედების მექანიზმზე.

ზოგიერთმა პრეპარატმა სშეიძლება გაზარდოს დეფლაკორტინი®-ის ეფექტი და ექიმმა შეიძლება მოისურვოს თქვენი ყურადღებით მონიტორინგი, თუ თქვენ იღებთ ამ პრეპარატებს (ზოგიერთი აივ-ის სამკურნალო პრეპარატის ჩათვლით, როგორიცაა რიტონავირი, კობიცისტატი).

განსაკუთრებით, გადაამოწმეთ  თქვენს ექიმთან, თუ იღებთ რომელიმე ქვემოთ ჩამოთვლილ პრეპარატებს. თქვენმა ექიმმა შეიძლება მოისურვოს დეფლაკორტინი® -ის ან სხვა პრეპარატის დოზის შეცვლა.

• ტკივილგამაყუჩებლები,როგორიცაა ასპირინი.

• ამინოგლუტეთიმიდი - გამოიყენება ზოგიერთი სახის კიბოს სამკურნალოდ.

• კეტოკონაზოლი - გამოიყენება ინფექციების სამკურნალოდ.

• შარდმდენი ტაბლეტებს (დიურეტიკები), როგორიცაა სპირონოლაქტონი, ტრიამტერენი ან ამილორიდი.

• სისხლის გამათხიერებელი პრეპარატები (როგორიცაა ვარფარინი).

• დიაბეტის სამკურნალო პრეპარატები

• ეპილეფსიის სამკურნალო პრეპარატები, როგორიცაა ფენობარბიტონი, პრიმიდონი, ფენიტოინი, კარბამაზეპინი, აცეტაზოლამიდი.

•  მედიკამენტები, რომლებიც შეიცავს ესტროგენებს, პერორალური კონტრაცეპტივების ჩათვლით. • ტუბერკულოზის სამკურნალო საშუალებები, როგორიცაა რიფამპიცინი ან რიფაბუტინი.

• მაღალი არტერიული წნევის სამკურნალო საშუალებები.

• საჭმლის მონელების და გულძმარვის სამკურნალო საშუალებები (ანტაციდები). თუ თქვენ იღებთ ანტაციდს, გამოტოვეთ მინიმუმ 2 საათი მის მიღებასა და დეფლაკორტინი®-ს შორის.

• ასთმის სამკურნალო საშუალებები, როგორიცაა სალბუტამოლი და თეოფილინი.

 ვაქცინაციები

 თუ თქვენ ახლახან ჩაგიტარდათ რაიმე ინექციები ან ვაქცინაციები, აცნობეთ თქვენს ექიმს, სანამ მიიღებთ დეფლაკორტინი® -ს. ეს მოიცავს უცხოეთში გასამგზავრებლად საჭირო ვაქცინაციებს. ზოგიერთი ვაქცინა არ უნდა გაუკეთდეს იმ პაციენტებს, რომლებიც იღებენ დეფლაკორტინი®-ს, რადგანაც დეფლაკორტინმა შეიძლება გავლენა მოახდინოს ზოგიერთი ვაქცინის მოქმედებაზე.

ოპერაციები

თუ აპირებთ ოპერაციის გაკეთებას, აცნობეთ თქვენს ექიმს ან ექთანს, რომ იღებთ დეფლაკორტინ®-ს. მიორელაქსანტები ზოგჯერ გამოიყენება ოპერაციის დროს ან ინტენსიური თერაპიის განყოფილებაში. დეფლაკორტინმა და მიორელაქსანტებმა შეიძლება გავლენა მოახდინონ ერთმანეთზე.

ორსულობა და ძუძუთი კვება

დეფლაკორტინი®-ის მიღებამდე თქვენს გაესაუბრეთ ექიმს, თუ:

 • თქვენ ხართ ორსულად, გეგმავთ დაორსულებას ან ფიქრობთ, რომ შესაძლოა იყოთ ორსულად.

• თქვენ ძუძუთი კვებავთ, ან გეგმავთ ძუძუთი კვებას.

 ავტომობილის მართვა და მექანიზმებთან მუშაობა

ამ ტაბლეტებმა შეიძლება გამოიწვიოს თქვენში თავბრუსხვევა, იგრძნოთ, რომ ირგვლივ ყველაფერი ტრიალებს, ან დეზორიენტაციის შეგრძნება (ვერტიგო). თუ ეს მოხდება, არ მართოთ ავტომობილი და არ გამოიყენოთ რაიმე ხელსაწყოები ან მექანიზმები.

დეფლაკორტინი® და ინფექციები

დეფლაკორტინის მიღება შეიძლება ნიშნავდეს, რომ ჩვეულებრივზე უფრო ადვილად დაგემართებათ ინფექციები და ეს ინფექციები შეიძლება იყოს უფრო სერიოზული.

ჩუტყვავილა, წითელა ან ჰერპეს ზოსტერი.

თუ დეფლაკორტინის მიღებისას დაგემართებათ ჩუტყვავილა, წითელა ან ჰერპეს ზოსტერი, შეიძლება სერიოზულად დაავადდეთ. თავი შორს დაიჭირეთ იმ ადამიანებისგან, რომლებსაც აქვთ ჩუტყვავილა, წითელა ან ჰერპეს ზოსტერი, თუ ისინი არასოდეს გქონიათ. მათ შეიძლება მძიმედ დაგაავადონ. თუ გექნებათ კონტაქტი ჩუტყვავილასთან, წითელასთან ან ჰერპეს ზოსტერთან, დაუყოვნებლივ მიმართეთ თქვენს ექიმს. თქვენს ექიმს შეიძლება დასჭირდეს თქვენთვის ვაქცინაციის ჩატარება,  რათა დაგეხმაროთ რომ არ გადაგედოთ ეს ინფექციები.

თუ თქვენ დაგემართათ ჩუტყვავილა, წითელა ან ჰერპეს ზოსტერი, დაუყოვნებლივ აცნობეთ თქვენს ექიმს. თქვენი ექიმი მოგცემთ რჩევას, თუ როგორ უნდა მიიღოთ დეფლაკორტინი®.

 შეიძლება გითხრან,რომ გაზარდოთ ტაბლეტების რაოდენობა, რომლებსაც ღებულობთ. მნიშვნელოვანი ინფორმაცია დეფლაკორტინი®-ის ზოგიერთი ინგრედიენტის შესახებ.

ეს პრეპარატი შეიცავს ლაქტოზას. თუ გითხრეს, რომ ვერ ინელებთ ან ვერ იტანთ ზოგიერთ შაქარს, გაესაუბრეთ თქვენს ექიმს ამ პრეპარატის მიღებამდე.

3. როგორ მიიღება დეფლაკორტინი®

ყოველთვის მიიღეთ დეფლაკორტინი® ზუსტად ისე, როგორც გითხრათ თქვენმა ექიმმა. დოზა დამოკიდებული იქნება სამკურნალო დაავადებაზე  და სხვა პრეპარატებზე რომლებსაც იღებთ. თუ თქვენ არა ხართ დარწმუნებული, მიმართეთ თქვენს ექიმს ან ფარმაცევტს.

ამ პრეპარატის მიღება

 • მიიღეთ ეს პრეპარატი პერორალურად.

• გადაყლაპეთ თქვენი ტაბლეტები მთლიანად ერთი ჭიქა წყლის დაყოლებით.

• მნიშვნელოვანია, რომ მიიღოთ თქვენი პრეპარატი სათანადო დროს.

მოზრდილები

 • უმეტესობა მდგომარეობებისათვის, მათ შორის რევმატოიდული ართრიტისთვის, ჩვეულებრივი დოზაა 3 მგ-დან 18 მგ-მდე დეფლაკორტინი® დღეში.

• მძიმე ასთმისათვის დოზა შეიძლება იყოს 48 მგ ან 72 მგ-მდე დეფლაკორტინი® დღეში. ეს დოზა შეიძლება თანდათან შემცირდეს ასთმის შეტევის გასკონტროლების შემდეგ.

• ზოგიერთი პრობლემის დროს შეიძლება საჭირო გახდეს 120 მგ-მდე დეფლაკორტინი® დღეში რამდენიმე დღის განმავლობაში.

ბავშვები

• დეფლაკორტინი ®შეიძლება მიეცეს ყოველდღე ან ყოველ მეორე დღეს.

• ექიმი დაადგენს დოზას თქვენი ბავშვის ასაკისა და წონის მიხედვით.

 • თქვენს ბავშის მიეცემა ყველაზე დაბალი შესაძლო დოზა.

• ჩვეულებრივი დოზა ქრონიკული ართრიტისთვის არის 0,25 მგ-დან 1 მგ-მდე პრეპარატი თქვენი ბავშვის სხეულის წონის ყოველ კგ-ზე, ყოველდღიურად.

• ჩვეულებრივი დოზა თირკმელების პრობლემების დროს (ნეფროზული სინდრომი) არის 1,5 მგ პრეპარატი თქვენი ბავშვის სხეულის წონის ყოველ კგზე, ყოველდღიურად. იმის მიხედვით, თუ რამდენად კარგად იმოქმედებს პრეპარატი თქვენს ბავშვზე, ეს დოზა შეიძლება თანდათან შემცირდეს.

•  ჩვეულებრივი დოზა ასთმისთვის არის 0,25 მგ-დან 1 მგ-მდე პრეპარატი ბავშვის სხეულის წონის თითოეულ კგ-ზე, ყოველ მეორე დღეს.

• ჩვილებში ექიმმა უნდა ჩაატაროს ექოკარდიოგრაფია (ულტრაბგერითი კვლევა) გულის კუნთოვანი ქსოვილის სტრუქტურისა და ფუნქციის მონიტორინგის მიზნით.

 ხანდაზმულები

თქვენს ექიმს შეიძლება დასჭირდეს თქვენი უფრო ფრთხილად შემოწმება გვერდითი ეფექტების გამოსავლენად.

თუ თქვენ მიიღეთ საჭიროზე მეტი დეფლაკორტინი®

დაუყოვნებლივ  აცნობეთ ექიმს ან მიმართეთ უახლოეს საავადმყოფოს გადაუდებელ განყოფილებას. გახსოვდეთ,  რომ თან უნდა წაიღოთ დარჩენილი ტაბლეტები და შეფუთვა. ამგვარად ექიმი გაიგებს, თუ რა მიიღეთ თქვენ.

თუ დაგავიწყდათ დეფლაკორტინი®-ის მიღება

თუ დაგავიწყდათ დოზის მიღება, მიიღეთ ის როგორც კი გაგახსენდებათ, გარდა იმ შემთხვევისა, როცა უკვე შემდეგი დოზის მიღების დროა. არ მიიღოთ ორმაგი დოზა გამოტოვებული დოზის შესავსებად.

მკურნალობის შეწყვეტა

• მაქსიმალური სარგებელის მისაღებად დეფლაკორტინი® უნდა მიიღოთ რეგულარულად.

• არ შეწყვიტოთ ამ პრეპარატის მიღება ექიმთან გასაუბრების გარეშე -შეიძლება დაგჭირდეთ დოზის თანდათან შემცირება.

• მკურნალობის უეცარმა შეწყვეტამ ზოგჯერ შეიძლება გამოიწვიოს ისეთი პრობლემები, როგორიცაა მაღალი ტემპერატურა, სურდო, მტკივნეული, წითელი, წებოვანი თვალები, კუნთების და სახსრების ტკივილი, კანის ქავილი და წონის დაკლება. ასევე ღებინება, თავის ტკივილი და ძილიანობა - ეს უფრო ხშირად ხდება ბავშვებში.

თქვენ ასევე შეგიძლიათ შეამჩნიოთ შემდეგი სიმპტომები, თუ შეწყვეტთ მკურნალობას დეფლაკორტინი®- ით. თუ ეს მოხდება, დაუყოვნებლივ აცნობეთ ექიმს, რადგან ეს შეიძლება იყოს სერიოზული დაავადების ნიშნები:

 • უეცარი, ძლიერი ტკივილი ზურგში, კუჭსა და ფეხებში.

 • ღებინება და დიარეა.

• გულისწასვლის ან თავბრუსხვევის შეგრძნება, ეს შეიძლება იყოს დაბალი არტერიული წნევის ნიშანი.

4. შესაძლო გვერდითი ეფექტებიყველა პრეპარატის  მსგავსად, დეფლაკორტინი® -მაც შეიძლება გამოიწვიოს გვერდითი ეფექტები, თუმცა ყველას არ განუვითარდება ისინი.

შეწყვიტეთ თქვენი პრეპარატის მიღება და დაუყოვნებლივ მიმართეთ ექიმს ან წადით საავადმყოფოში, თუ:

არახშირი (ახდენს ზემოქმედებას 1,000-დან 1-დან 10-მდე მომხმარებელზე)

• გაქვთ ხელების, ტერფების, კოჭების, სახის, ტუჩების ან ყელის შეშუპება, რამაც შეიძლება გამოიწვიოს ყლაპვის ან სუნთქვის გაძნელება. თქვენ ასევე შეგიძლიათ შეამჩნიოთ ქავილი, ამობურცული გამონაყარი (ჭინჭრის ციება) ანუ  ურტიკარია. ეს შეიძლება ნიშნავდეს, რომ გაქვთ ალერგიული რეაქცია დეფლაკორტინი®-ზე.

• თქვენ გამოყოფთ შავი ფერის განავალს ან ამჩნევთ განავალში (ფეკალიებში) ახალ ან შედედებულ სისხლს. თქვენ ასევე შეიძლება შეამჩნიოთ თქვენს ნაღებინებ მასაში მუქი ფერის ნაწილაკები, რომლებიც ჰგავს ყავის ნალექს. ეს შეიძლება იყოს  კუჭის წყლულის ნიშნები.

სიხშირე უცნობია (სიხშირე ვერ დადგინდება არსებული მონაცემების საფუძველზე)

• თქვენ განგივითარდებათ ძლიერი მუცლის ტკივილი, რომელიც შეიძლება გადაეცემოდეს ზურგში, ეს შეიძლება იყოს პანკრეატიტის ნიშანი.

სერიოზული ეფექტები: აცნობეთ ექიმს დაუყოვნებლივ, თუ შეამჩნევთ რონმელიმე ქვემოთ ჩამოთვლილ გვერდით ეფექტებს:

 სტეროიდებმა, დეფლაზაკორტის ჩათვლით, შეიძლება გამოიწვიოს ფსიქიკური ჯანმრთელობის სერიოზული პრობლემები. ეს ხშირია როგორც მოზრდილებში ასევე ბავშვებში. მათ შეიძლება გავლენა მოახდინონ დეფლაკორტინი®-ის მსგავსი პრეპარატის მიმღები ყოველი 100 ადამიანიდან 5-ზე.

სერიოზული ეფექტები: აცნობეთ ექიმს დაუყოვნებლივ, თუ შეამჩნევთ რონმელიმე ქვემოთ ჩამოთვლილ გვერდით ეფექტებს:

არახშირი  (ახდენს ზემოქმედებას 1,000-დან) 1-დან 10 მომხმარებელზე

•დეპრესიის შეგრძნება, თვითმკვლელობაზე ფიქრის ჩათვლით.

უცნობია (სიხშირე ვერ შეფასდება არსებული მონაცემების საფუძველზე)

• განწყობის ან ხასიათის ამაღლება (მანია), და დაქვეითება  

• შფოთვის შეგრძნება, ძილის პრობლემები, აზროვნების გაძნელება ან დაბნეულობა და მეხსიერების დაკარგვა.

• არარსებული საგნების შეგრძნება, დანახვა ან მოსმენა. უცნაური და საშიში აზრების ქონა, ქცევის შეცვლა ან მარტო ყოფნის გრძნობა.

• ფეოქრომოციტომული კრიზი (სიმპტომები შეიძლება მოიცავდეს თქვენი გულისცემის შეგრძნებას, გულისცემის სიხშირის მომატებას (გულის ფრიალი), ჭარბი ოფლიანობა, მაღალი არტრერიული წნევა. ძლიერი თავის ტკივილი ან ტრემორი (კანკალის შეგრძნება)).

სხვა სერიოზული გვერდითი მოვლენები მოიცავს:

• უცნობია (სიხშირე ვერ შეფასდება არსებული მონაცემების საფუძველზე)

• ყელის ძლიერი ტკივილი. შეიძლება ასევე გაგიჭირდეთ ყლაპვა და პირის ღრუს შიგნით შეიძლება გქონდეთ თეთრი უბნები ზედაპირზე.

• თავის ტკივილი, რომელიც ჩვეულებრივ უარესდება დილით, ხველების ან დაძაბვისას და გულისრევა. ასევე შეიძლება ადგილი ჰქონდეს კრუნჩხვებს, სისუსტეს, მხედველობის პრობლემებს, თვალების მტკივნეულობას ან ცნობიერების აბნევას.

• დაბადებისას მცირე წონის მქონე ჩვილებში შეიძლება განვითარდეს გულის კუნთის დაავადება (ჰიპერტროფიული კარდიომიოპათია).

თუ შეამჩნევთ რომელიმე ამ პრობლემას, დაუყოვნებლივ მიმართეთ ექიმს.

სხვა გვერდითი ეფექტები:

გთხოვთ, აცნობოთ თქვენს ექიმს ან ფარმაცევტს, თუ რომელიმე ქვემოთ ჩამოთვლილი გვერდითი ეფექტი გახდება სერიოზული ან გაგრძელდება რამდენიმე დღეზე მეტხანს.

არახშირი (ახდენს ზემოქმედებას ,1000-დან 1-დან 10 მომხმარებელზე)

 • კუჭის ან ნაწლავების პრობლემები, როგორიცაა სისავსის ან შებერილობის შეგრძნება, საჭმლის მოუნელებლობა, გულძმარვა ან კუჭის ტკივილი.

•  მადისა და წონის მომატება, მათ შორის სახის გარშემო. ან შეიძლება დაიკლოთ წონაში ან იგრძლოთ სისუსტე.

• სხეულზე ან სახეზე თმა იზრდება ნორმაზე მეტად.

•  მომატებული წყურვილი და გახშირებული შარდვა.  ეს შეიძლება იყოს დიაბეტის ნიშანი. თუ უკვე ხართ დიაბეტით დაავადებული, ექიმმა შესაძლოა დაგინიშნოთ უფრო მეტი დიაბეტის საწინააღმდეგო პრეპარატი დეფლაკორტინი® -ის ეფექტის დასაბალანსებლად. თქვენ უნდა განიხილოთ ეს თქვენს ექიმთან ერთად.

• მომატებული არტერიული წნევა და გაზრდილი წყლის შეკავება.

• დაღლილობა, ცნობიერების აბნევა, კუნთების სისუსტე ან კუნთების კრუნჩხვები. ეს შეიძლება გამოწვეული იყოს ორგანიზმში კალიუმის დაბალი შემცველობით.

• განწყობის ცვლილებები,  ძილის გაძნელება.

• თუ წარსულში გქონდათ ტუბერკულოზი (ტუბერკულოზი), ის შეიძლება დაბრუნდეს.

 • კანის პრობლემები, როგორიცაა აკნე, სტრიების გაჩენა.

• შესაძლოა ჩვეულებრივზე უფრო ადვილად დაგემართოთ ინფექციები.

იშვიათი (ახდენს ზემოქმედებას 10,000-დან 1-დან 10-მდე  მომხმარებელზე)

 • სისხლდენა კანის ქვეშ, სიწითლე.

• კუნთების ზოგადი სისუსტე ან დაღლილობა.

 უცნობია (სიხშირე ვერ შეფასდება არსებული მონაცემების საფუძველზე)

• შეიძლება ჩვეულებრივზე უფრო ადვილად გატყდეს ძვლები და გაიგლიჯოს მყესები. აგრეთვე შეიძლება განვითარდეს  მყესების ანთება და მტკივნეულობა.

• ქალებში არარეგულარული მენსტრუალური ციკლი, ან შეიძლება ის საერთოდ შეწყდეს.

• ხდება დეფლაკორტინებზე დამოკიდებული (ასევე უწოდებენ ფსიქოლოგიურ დამოკიდებულებას).

• თუ გაქვთ შიზოფრენია, თქვენი სიმპტომები შეიძლება გაუარესდეს.

• სოკოვანი ინფექცია, როგორიცაა კანდიდოზური სტომატიტი.

• თვალის დაავადება, რომელიც იწვევს ბადურის აშრევებას და თვალების გადმოკარკვლას.

 • თვალის პრობლემები, როგორიცაა გლაუკომა და კატარაქტა, შეიძლება განვითარდეს, თუ ამ პრეპარატს იღებთ დიდი დროის განმავლობაში.

• თვალის ინფექციები (ვირუსული) შეიძლება გავრცელდეს ან დაბრუნდეს, თუ ისინი გქონდათ წარსულში.

• ბუნდოვანი მხედველობა.

• სისხლში თრომბების წარმოქმნის რისკის გაზრდა.

• სისხლის პრობლემები, როგორიცაა ლეიკოციტოზი.

• ჭრილობები და გაჭრილი ადგილები არ შეხორცდება ისე სწრაფად, როგორც ჩვეულებრივ

• შესამჩნევი სისხლძარღვები, კანის გათხელება.

• უეცარი ან ძლიერი კუნთების სისუსტე ან დაღლილობა ოპერაციის შემდეგ.

ზოგიერთი გვერდითი ეფექტის განვითარება უფრო სავარაუდოა ხანდაზმულებში.

 ბავშვები და მოზარდები, რომლებიც იღებენ ამ პრეპარატს შეიძლება გაიზარდონ ნორმაზე ნაკლებად. (უცნობია: სიხშირე ვერ შეფასდება არსებული მონაცემების საფუძველზე).

 თუ ფიქრობთ, რომ ეს ბავშვს ემართება, აცნობეთ თქვენს ექიმს.

5. როგორ ინახება დეფლაკორტინი®

შეინახეთ ბავშვებისთვის მიუწვდომელ და ფარულ ადგილზე!

შეინახეთ  ეს პრეპარატი მშრალ ადგილას 25°C-ზე დაბალ ტემპერატურაზე. შეინახეთ ის იმ შეფუთვაში, რომელშიც გადმოგცეს თქვენ. არ  გადაიტანოთ თქვენი პრეპარატი სხვა კონტეინერში. არ გამოიყენოთ დეფლაკორტინი® ვარგისიანობის ვადის გასვლის შემდეგ, რომელიც მითითებულია მუყაოს კოლოფზე. ვარგისიანობის ვადის გასვლის თარიღი მიუთითებს მოცემული თვის ბოლო დღეს.

არ შეიძლება მედიკამენტების გადაყრა კანალიზაციაში ან საყოფაცხოვრებო ნაგავში. ჰკითხეთ თქვენს ფარმაცევტს თუ როგორ უნდა განკარგოთ  დეფლაკორტინი®, რომელიც საჭირო აღარ არის. ეს ზომები ხელს შეუწყობს გარემოს დაცვას.

6. დამატებითი ინფორმაცია

რას შეიცავს დეფლაკორტინი®

• აქტიური ნივთიერებაა დეფლაკორტინი®

• სხვა ინგრედიენტებია: ლაქტოზას მონოჰიდრატი, მიკროკრისტალური ცელულოზა, სიმინდის სახამებელი და მაგნიუმის სტეარატი.

დეფლაკორტინი® -ის გარეგნობა  და შეფუთვის შემცველობა

 დეფლაკორტინი® 6 მგ არის მრგვალი სპილოს ძვლისფერი თეთრი ტაბლეტები. თითოეული კოლოფი შეიცავს ერთ ბლისტერს 20 ტაბლეტით.

დეფლაკორტინი®  30 მგ არის მრგვალი სპილოს ძვლისფერი თეთრი ტაბლეტები, გამყოფი ჯვრის ფორმის ღარით. თითოეული კოლოფი შეიცავს ორ ბლისტერს, თითოეულში 10 ტაბლეტით.

გაცემის წესი:

ფარმაცევტული პროდუქტის ჯგუფი - II, გაიცემა ფორმა №3 რეცეპტით