ცერუკალი

საერთაშორისო დასახელება - METOCLOPRAMIDE

კლინიკურ-ფარმაკოლოგიური ჯგუფი:
კუჭ-ნაწლავის ტრაქტის მოტორიკის მასტიმულირებელი საშუალება.

ჩვენებები:
გულის რევა, ღებინება, სლოკინი სხვადახვა გენეზის (ზოგ შემთხვევაში ეფექტურია სხივური თერაპიის ან ციტოსტატიკების მიღების შემდგომი ღებინების დროს);
კუჭისა და ნაწლავის ატონია და ჰიპოტონია (ნაწილობრივ პოსტოპერაციული);
ნაღვლის გამომყოფი გზების დისკინეზია;
რეფლუქს-ეზოფაგიტი;
მეტეორიზმი;
კომპლექსურ თერაპიაში კუჭისა და 12-გოჯა ნაწლავის წყლულოვანი დაავადების გამწვავებისას.
გამოიყენება კუჭ-ნაწლავის ტრაქტის რენტგენოკონტრასტული გამოკვლევისას პერისტალტიკის გასაძლიერებლად.

მიღების წესი და დოზირება:
პრეპარატი შეჰყავთ ინტრავენურად ან კუნთში:
მოზრდილებში 10-20 მგ 1-3-ჯერ დღე-ღამეში (მაქსიმალური დღე-ღამური დოზაა 60 მგ);
ბავშვებში 6 წელს ზევით - 2.5-5 მგ 1-3-ჯერ დღე-ღამეში;
ბავშვებში 2-დან 6 წლამდე დღეღამური დოზა შეადგენს 0.5-1 მგ/კგ-ზე, 1-3 ჯერ დღე-ღამეში.

სხივური თერაპიისა და ციტოსტატიკების მიღებით განპირობებული გულისრევისა და ღებინების პროფილაქტიკისთვის პრეპარატი შეყავთ ინტრავენურად 2 მგ/კგ-ზე 30 წუთი სხივურ თერაპიამდე ან ციტოსტატიკების მიღებამდე. აუცილებლობის შემთხვევაში ხდება განმეორებითი შეყვანა 2-3 საათის შემდეგ.

რენტგენოლოგიური გამოკვლევის დროს მოზრდილებში პრეპარატის შეყვანა ხდება ინტრავენურად 10-20 მგ გამოკვლევის დაწყებამდე 15-20 წუთით ადრე. თირკმლისა და ღვიძლის უკმარისობის მქონე ავადმყოფებში თავიდან ნიშნავენ ჩვეულებრივზე 2-ჯერ ნაკლები დოზით, შემდგომი დოზა კი დამოკიდებულია ავადმყოფის რეაქციაზე მეტოკლოპრამიდის მიმართ.

გვერდითი მოვლენები:
ნერვული სისტემის მხრივ: ექსტრაპირამიდული დარღვევები - სახის მუსკულატურის სპაზმი, ტრიზმი, ენის რიტმული პროტრუზია, მეტყველების ბულბარული ტიპი, ექსტრაოკულარული კუნთების სპაზმი, სპასტიური სიელმე, ოპისტოტონუსი, კუნთური ჰიპერტონუსი, პარკინსონიზმი (ჰიპერკინეზი, კუნთური რიგიდულობა-გამოვლინება დოფამინ-მაბლოკირებელი მოქმედებისა), ექსტრაპირამიდული მოშლილობების რისკი იზრდება დოზის გაზრდისას 0.5 მგ/კგ/დღ; (ხანდაზმულებში თირკმლის ქრონიკული უკმარისობის დროს) დისკინეზია, ძილიანობა, დაღლილობის შეგრძნება, აფორიაქება, გაფანტულობა, თავის ტკივილი, შუილი ყურებში.
საჭმლის მომნელებელი ტრაქტის მხრივ: შეკრულობა ან დიარეა, პირის სიმშრალე.
ალერგიული რეაქციები: ჭინჭრის ციება.
ენდოკრინული სისტემის მხრივ: იშვიათად - (მაღალი დოზებით ხანგრძლივი მიღებისას) - გინეკომასტია, გალაქტორეა, მენსტრუალური ციკლის მოშლა.
სხვა: მკურნალობის დასაწყისში შესაძლოა აგრანულოციტოზი, იშვიათად (მაღალი დოზებით მიღებისას) - ცხვირის ლორწოვანი გარსის ჰიპერემია.

უკუჩვენებები:
* სისხლდენა კუჭ-ნაწლავის ტრაქტიდან;
* ნაწლავის მექანიკური გაუვალობა;
* კუჭის ან ნაწლავის პერფორაცია ;
* ფეოქრომოციტომა;
* ეპილეფსია;
* გლაუკომა;
* ექსტრაპირამიდული მოშლილობები, პარკინსონის დაავადება;
* პროლაქტინდამოკიდებული სიმსივნეები, ღებინება მკურნალობის ფონზე ან ნეიროლეპტიკების პერედოზირებისას და სარძევე ჯირკვლის კიბოს დროს;
* ორსულობა (I ტრიმესტრი), ლაქტაციის პერიოდი;
* ადრეული ასაკი (2 წლამდე);
* მეტოკლოპრამიდისადმი ან პრეპარატის სხვა კომპონენტებისადმი მომატებული მგრძნობელობა.

სიფრთხილე: ბავშვებში, თირკმლისა და ღვიძლის უკმარისობა, ბრონქიალური ასთმა, არტერიული ჰიპერტენზია.