ბუდესონიდი - Budesonida საინჰალაციო 50მკგ 10მლ

ბუდესონიდი ალდო-უნიონი 50 მიკროგრამი/დოზა საინჰალაციო სუსპენზია

პრეპარატის გამოყენებამდე ყურადღებით წაიკითხეთ მთლიანი გამოყენების ინსტრუქცია, რადგანაც ის შეიცავს თქვენთვის მნიშვნელოვან ინფორმაციას.

- შეინახეთ გამოყენების ინსტრუქცია რადგან შესაძლოა წარმოიშვას მისი ხელახალი გაცნობის საჭიროება.

- დამატებითი კითხვების შემთხვევაში მიმართეთ თქვენს ექიმს ან ფარმაცევტს,

- ეს პრეპარატი დაგენიშნათ პირადად თქვენ, ნუ გადასცემთ სხვა პირს, იმ შემთხვევაშიც კი თუ თქვენი სიმპტომები მსგავსია, ამან შესაძლოა ზიანი მიაყენოს მათ.

- რაიმე სახის გვერდითი მოვლენების გამოვლენის შემთხვევაში მიმართეთ თქვენს  ექიმს, ფარმაცევტს ან მედდას, იმ გვერდითი მოვლენების ჩათვლით რომელიც არ არის მითითებული წინამდებარე გამოყენების ინსტრუქციაში, იხილეთ პუნქტი 4.

რას შეიცავს წინამდებარე გამოყენების ინსტრუქცია:

1.რა არის ბუდესონიდი ალდო-უნიონი 50 მიკროგრამი და რისთვის გამოიყენება.

2. რა უნდა ვიცოდეთ ბუდესონიდი ალდო-უნიონი 50 მიკროგრამის მიღებამდე.

3. როგორ მივიღოთ ბუდესონიდი ალდო-უნიონი 50 მიკროგრამი.

4. შესაძლო გვერდითი მოვლენები.

5. როგორ შევინახოთ ბუდესონიდი ალდო-უნიონი 50 მიკროგრამი.

6. შეფუთვის შიგთავსი და დამატებითი ინფორმაცია.

1.რა არის ბუდესონიდი ალდო-უნიონი 50 მიკროგრამი და რისთვის გამოიყენება.

ბუდესონიდი არის არაჰალოგენირებული კორტიკოსტეროიდი, რომელიც მისი ანთების საწინააღმდეგო უნარის გამო ეფექტურია >ასთმის სამკურნალოდ.

ინიშნება:

• ბრონქული ასთმის მკურნალობისას პაციენტებში, რომლებთანაც მანამდე ბრონქოდილატატორებით მკურნალობამ და/ან ანტიალერგიულმა თერაპიამ შედეგი არ გამოიღო.

ასევე, იხილეთ: >Budesonide - ბუდესონიდი 10მლ საინჰალაციო ხსნარი

2. რა უნდა ვიცოდეთ ბუდესონიდი ალდო-უნიონი 50 მიკროგრამის მიღებამდე.

 არ მიიღოთ ბუდესონიდი ალდო-უნიონი 50 მიკროგრამი:

თუ ხართ ალერგიული ბუდესონიდის ან ამ მედიკამენტის რომელიმე სხვა კომპონენტის მიმართ (ჩამოთვლილი მე-6 პუნქტში).

გაფრთხილება და სიფრთხილის ზომები

ბუდესონიდი ალდო-უნიონი 50 მიკროგრამის მიღებამდე გაიარეთ კონსულტაცია თქვენს ექიმთან, ფარმაცევტთან ან ექთანთან.

განსაკუთრებული სიფრთხილეა საჭიროა ამ პრეპარატის გამოყენებისას:

• თუ გაწუხებთ სასუნთქი გზების სოკოვანი ან ვირუსული ინფექციები ან ფილტვის ტუბერკულოზი;
• პერორალური კორტიკოსტეროიდებით მკურნალობიდან ბუდესონიდით მკურნალობაზე გადასვლა უნდა განხორციელდეს განსაკუთრებული სიფრთხილით, ძირითადად ჰიპოთალამუს-ჰიპოფიზურ თირკმელზედა ჯირკვლის ფუნქციის ნელი ნორმალიზების გამო, რომელიც მანამდე დაზიანებულია პერორალური კორტიკოსტეროიდული თერაპიის გამო.

ამ ნორმალიზებას შესაძლოა რამდენიმე თვე დასჭირდეს. ამ მედიკამენტით ჩანაცვლების პერიოდში შესაძლებელია გამოვლინდეს საწყისი სიმპტომები (რინიტი, ეგზემა) ან გამოვლინდეს დაღლილობა, თავის ტკივილი, კუნთების ან სახსრების ტკივილი და ზოგჯერ გულისრევა და ღებინება. ამ შემთხვევებში უნდა ჩატარდეს დამატებითი სიმპტომური მკურნალობა.

ეს თერაპია არის მხოლოდ შემანარჩუნებელი ხასიათის, ის არ არის ნაჩვენები მწვავე ასთმური შეტევების სამკურნალოდ (უეცარი სუნთქვის უკმარისობა და ქოშინი). ბუდესონიდით მკურნალობა არ უნდა შეწყდეს ერთბაშად.

გასათვალისწინებელია პარადოქსული ბრონქოსპაზმი მსტვინავი სუნთქვის „ხიხინის“ გაძლიერებით, პრეპარატის შეყვანის შემდეგ.

იმ შემთხვევაში, თუ ამ პრეპარატის გამოყენების შემდეგ მოულოდნელად განვითარდა ხიხინი, შეწყვიტეთ მისი გამოყენება და დაუყოვნებლივ მიმართეთ ექიმს, რადგან შესაძლოა საჭირო გახდეს მკურნალობის შეცვლა.

მიმართეთ ექიმს, თუ აღგენიშნებათ მხედველობის დაბინდვა ან მხედველობის სხვა  დარღვევები.

მნიშვნელოვანი ინფორმაცია ბუდესონიდი ალდო-უნიონი 50 მიკროგრამის ზოგიერთი კომპონენტის შესახებ:

სპორტსმენებს უნდა ეცნობოთ რომ ეს პრეპარატი შეიცავს კომპონენტს, რომელმაც შესაძლებელია დოპინგ ტესტის პროცედურისას აჩვენოს დადებითი შედეგი.

სხვა მედიკამენტები და ბუდესონიდი ალდო-უნიონი 50 მიკროგრამი:

აცნობეთ ექიმს, თუ იღებთ ან ბოლო პერიოდში მიღებული გაქვთ ან შეიძლება დაგჭირდეთ რაიმე სხვა პრეპარატის მიღება.

ზოგიერთმა პრეპარატმა შეიძლება გაზარდოს ბუდესონიდის მოქმედება, ამიტომ საჭიროა თქვენი ყურადღებით კონტროლი ექიმის მიერ, თუ იღებთ ამ სამკურნალო საშუალებებს (მათ შორის აივ ინფექციის სამკურნალო პრეპარატებს: რიტონავირი და კობიცისტატი).

ორსულობა, ლაქტაცია და ფერტილობა

თუ ხართ ორსულად ან ლაქტაციის პერიოდში, ფიქრობთ, რომ შესაძლოა ორსულად ხართ ან აპირებთ დაორსულებას, ამ მედიკამენტის მიღებამდე მიმართეთ თქვენს ექიმს ან ფარმაცევტს კონსულტაციისთვის.

ეს პრეპარატი ორსულობის ან ძუძუთი კვების დროს დაინიშნება მხოლოდ იმ შემთხვევაში, თუ ექიმი ჩათვლის, რომ დედისთვის მოსალოდნელი სარგებელი აღემატება ნაყოფისთვის შესაძლო რისკს.

ავტომობილის და მექანიზმების მართვა

ავტომობილის და მექანიზმის მართვასთან დაკავშირებით არანაირი ეფექტი არ არის აღწერილი.

ბუდესონიდი ალდო-უნიონი 50 მიკროგრამი შეიცავს ეთანოლს:

ეს პრეპარატი შეიცავს 0,5 მგ ალკოჰოლს (ეთანოლს) ყოველი ინჰალაციის დოზაში. ამ მედიკამენტის ერთი ინჰალაციის რაოდენობა არის 1 მლ ლუდზე ან 1 მლ ღვინოზე ნაკლების ექვივალენტური. ალკოჰოლის მცირე რაოდენობა, რომელსაც ეს პრეპარატი შეიცავს, არ იწვევს რაიმე მნიშვნელოვან ეფექტს.

3. როგორ მიიღება ბუდესონიდი ალდო-უნიონი 50 მიკროგრამი.

არ დაგავიწყდეთ მედიკამენტის მიღება.

ზედმიწევნით დაიცავით თქვენი ექიმის ან ფარმაცევტის მიერ მითითებული ინსტრუქციები. რაიმე სახით დაეჭვების შემთხვევაში მიმართეთ თქვენს ექიმს ან ფარმაცევტს.

პრეპარატი მიიღება ინჰალაციის გზით.

დოზა უნდა დარეგულირდეს ინდივიდუალურად თითოეული პაციენტისთვის.

თუ ექიმმა არ მოგცათ სხვაგვარი დანიშნულება, გამოიყენეთ შემდეგი დოზები:

გამოყენება მოზრდილებში:

მოზრდილები: 200-1600 მკგ დღეში, 2-4-ჯერ მიღებით.

გამოყენება ბავშვებში და მოზარდებში:

2-7 წლის ასაკის ბავშვები: 200-400 მკგ დღეში,  2-4-ჯერ მიღებით.

ბავშვები 7 წლის ასაკიდან: 200-800 მკგ დღეში, 2-4-ჯერ მიღებით.

სასურველი კლინიკური შედეგის მიღწევის შემდეგ, შემანარჩუნებელი დოზა თანდათან უნდა შემცირდეს სიმპტომების კონტროლისთვის აუცილებელ მინიმალურ რაოდენობამდე.

მიმართეთ ექიმს, თუ ფიქრობთ, რომ ამ პრეპარატის მოქმედება ძალიან ძლიერია ან ძალიან სუსტი. არ შეცვალოთ დოზა ექიმთან წინასწარი კონსულტაციის გარეშე.

ინჰალატორის გამოყენების შემდეგ გამოირეცხეთ პირი წყლით, არ გადაყლაპოთ. ეს შეამცირებს გვერდითი მოვლენების განვითარებას პირის ღრუსა ან ყელში.

პრეპარატის სწორად გამოყენების ინსტრუქციები:

მედიკამენტის მიღებამდე შეამოწმეთ ვარგისიანობის ვადა.

ა) მოხსენით სახურავი (ნახ.1). თუ ის ახალი ინჰალატორია ან რამდენიმე დღეა არ გამოგიყენებიათ, შეანჯღრიეთ აეროზოლი (ნახ. 2) და დააჭირეთ ქვემოთ კონტეინერზე, რათა დარწმუნდეთ რომ ინჰალატორი გამართულად მუშაობს.

თუ ინჰალატორს ხშირად იყენებთ მიყევით შემდეგ ინსტრუქციებს:

ბ) შეანჯღრიეთ ინჰალატორი (ნახ. 2).

გ) რაც შეიძლება მეტი ჰაერი გამოუშვით ფილტვებიდან.

დ) მოითავსეთ აეროზოლის სატუჩარი პირში ნახატზე მითითებული პოზიციის მიხედვით (ნახ. 3).

ე) ჩაისუნთქეთ რაც შეიძლება ღრმად. ჩასუნთქვისას დააჭირეთ მოწყობილობას ნახატის ისრების მიხედვით (ნახ. 4).

ვ) გამოიღეთ აეროზოლის სატუჩარი პირიდან და შეეცადეთ გააჩეროთ ჰაერი ფილტვებში რამდენიმე წამის განმავლობაში.

ზ) პერორალური აეროზოლის კონტეინერი და სატუჩარი უნდა გაირეცხოს პერიოდულად. ამისათვის მოხსენით კონტეინერი და გაწმინდეთ ქსოვილით ან ქაღალდის ხელსახოცით.

თ) დაახურეთ თავსახურით მტვრისგან და ჭუჭყისაგან დასაცავად.

ექიმმა უნდა შეამოწმოს, რომ პაციენტმა იცის როგორ გამოიყენოს ინჰალატორი და როგორ მოახდინოს სუნთქვის სინქრონიზაცია ინჰალაციის დროს.

თქვენ ასევე შეგიძლიათ გამოიყენოთ საინჰალაციო კამერები, დოზის უკეთ გამოყენების და ფილტვებში პრეპარატის უფრო ადვილად შეღწევაში ხელშეწყობის მიზნით.

ინჰალატორს აქვს დოზის ინდიკატორი, რომელიც ჩანს კონტეინერზე არსებულ პატარა ნასვრეტში ან ფანჯარაში და მიუთითებს რამდენი შესხურება დარჩა. ახალი ინჰალატორის დოზის ინდიკატორი კონტეინერის ფანჯარაში უნდა აჩვენებდეს «200»-ს. ეს რიცხვები მიუთითებს ინჰალატორში დარჩენილი დოზების რაოდენობაზე. ინჰალატორის გამოყენებისას დოზის ინდიკატორი ბრუნავს ქვემოთ ყოველი 5-7 შესხურებისას, სანამ არ მიაღწევს 0-ს.

როდესაც რჩება დაახლოებით 40 დოზა, ინდიკატორის შეფერილობა იცვლება მწვანედან წითლად (იხ. ნახ. 5), რაც შეახსენებს პაციენტს გაიაროს კონსულტაცია ექიმთან საჭიროა მკურნალობის გაგრძელება თუ საჭიროა ახალი დანიშნულება. გადააგდეთ ინჰალატორი, როგორც კი მაჩვენებელი მიაღწევს "0-ს".

(ნახ.5)

თუ მიიღეთ საჭიროზე მეტი ბუდესონიდი ალდო-უნიონი 50 მიკროგრამი.

მნიშნელოვანია, რომ დოზები მიიღოთ თქვენი ექიმის დანიშნულების მიხედვით. ექიმთან შეუთანხმებლად არ გაზარდოთ ან არ შეამციროთ დოზა.

მიუხედავად იმისა, რომ დოზის გადაჭარბების ან შემთხვევითი მიღების შედეგად ტოქსიკური სიმპტომები მოსალოდნელი არ არის, საჭიროზე მეტი ბუდესონიდი ალდო-უნიონი 50 მიკროგრამის მიღების შემთხვევაში დაუყოვნებლივ მიმართეთ ექიმს ან ფარმაცევტს.

დოზის გადაჭარბების ან შემთხვევით მიღების შემთხვევაში დაუყოვნებლივ მიმართეთ ექიმს ან ფარმაცევტს ან დაუკავშირდით ტოქსიკოლოგიის სამსახურის საინფორმაციო განყოფილებას, ნომერზე: 91 562 04 20.

ძალიან იშვიათ შემთხვევებში, თუ აღგენიშნებათ შეშუპების სიმპტომები, სახის შეშუპება ან მთვარისებრი სახე და ა.შ., აცნობეთ ექიმს შესაბამისი ზომების მისაღებად.

თუ დაგავიწყდათ ბუდესონიდი ალდო-უნიონი 50 მიკროგრამის მიღება:

არ მიიღოთ ორმაგი დოზა გამოტოვებული დოზის საკომპენსაციოდ.

4. შესაძლო გვერდითი მოვლენები

ყველა მედიკამენტის მსგავსად, შესაძლებელია ბუდესონიდი ალდო-უნიონი 50 მიკროგრამსაც  ჰქონდეს გვერდითი მოვლენები, მაგრამ ისინი ყველას არ უვითარდება.

აღწერილია ყელის მსუბუქი გაღიზიანების, ხველების და ხმის ჩახლეჩვის შემთხვევები. ასევე გამოვლინდა სოკოვანი ინფექციის შემთხვევები პირის ღრუში, ფარინგეალური და ლარინგიალურ ღრუში. უმეტეს შემთხვევაში ისინი იკურნება ადგილობრივი სოკოს საწინააღმდეგო თერაპიით, ბუდესონიდით მკურნალობის შეწყვეტის საჭიროების გარეშე. იშვიათ შემთხვევებში გამოვლენილია კანის ალერგიული რეაქციები (ჭინჭრის ციება, დერმატიტი), რომლებიც დაკავშირებულია ადგილობრივი კორტიკოსტეროიდების მიღებასთან.

ამ პრეპარატის გამოყენებისას გათვალისწინებულ უნდა იქნას პარადოქსული ბრონქოსპაზმის განვითარების შესაძლებლობა ხიხინის გაძლიერებით. იმ შემთხვევაში თუ ამ პრეპარატის გამოყენების შემდეგ მოულოდნელად განვითარდა ხიხინი, დაუყოვნებლივ შეწყვიტეთ გამოყენება და მიმართეთ ექიმს რადგან შესაძლოა საჭირო გახდეს ალტერნატიული თერაპია.

უცნობი სიხშირით (არსებული მონაცემები არ იძლევა სიხშირის განსაზღვრის შესაძლებლობას):

ძილის დარღვევა, დეპრესია ან შფოთვა, მოუსვენრობა, ნერვიულობა, აღგზნებადობა ან გაღიზიანება (ეს გვერდითი მოვლენები უფრო ხშირად გვხვდება ბავშვებში) და მხედველობის დაბინდვა (ასევე იხილეთ მე-2 პუნქტი. გაფრთხილება და სიფრთხილის ზომები).

გვერდითი მოვლენების განვითარების შემთხვევაში მიმართეთ თქვენს ექიმს, ფარმაცევტს ან ექთანს, მათ შორის ისეთი მოვლენების გამოვლენისას, რომელიც არ არის მოცემული წინამდებარე გამოყენების ინსტრუქციაში. 

ინფორმაციის მიწოდება გვერდითი მოვლენების შესახებ.

ნებისმიერი  სახის გვერდითი მოვლენის გამოვლენის შემთხვევაში მიმართეთ თქვენ ექიმს ან ფარმაცევტს, მათ შორის ისეთ გვერდით მოვლენების გამოვლენისას, რომლებიც არ არის მოცემული წინამდებარე გამოყენების ინსტრუქციაში.  გვერდითი მოვლენების შესახებ ინფორმაციის მიწოდებით ხელს შეუწყობთ მეტი ინფორმაციის გავრცელებას ამ მედიკამენტის უსაფრთხოების შესახებ.

5. როგორ შევინახოთ ბუდესონიდი ალდო-უნიონი 50 მიკროგრამი

პრეპარატი შეინახეთ ბავშვებისათვის მიუწვდომელ ადგილას.

შეინახეთ არაუმეტეს 30ºC ტემპერატურაზე. დაიცავით მზის პირდაპირი სხივებისგან და არ გაყინოთ ან მოათავსოთ მაცივარში.

აეროზოლის ქილა შეიცავს მაღალი წნევით სითხეს. არ მოათავსოთ 50ºC-ზე მაღალ ტემპერატურაზე.  არ დაუშვათ აეროზოლის ქილის პერფორაცია მაშინაც კი, როდესაც სრულიად ცარიელია.

არ გამოიყენოთ ეს მედიკამენტი კოლოფზე “EXP”-ის შემდეგ მითითებული ვარგისიანობის ვადის გასვლის შემდეგ. ვარგისიანობის ვადა გულისხმობს მითითებული თვის ბოლო დღეს.

არ ჩააგდოთ მედიკამენტები საკანალიზაციო მილში ან საყოფაცხოვრებო ნარჩენებში. მიიტანეთ კონტეინერები და მედიკამენტები, რომლებსაც აღარ იყენებთ აფთიაქის SIGRE პუნქტში. დაეჭვების შემთხვევაში, ჰკითხეთ თქვენს ფარმაცევტს, როგორ გადააგდოთ კონტეინერები და მედიკამენტები, რომლებიც აღარ გჭირდებათ. აღნიშნული ფორმით თქვენ ხელს შეუწყობთ გარემოს დაცვას. 

6. შეფუთვის შიგთავსი და დამატებითი ინფორმაცია

ბუდესონიდი ალდო-უნიონი 50 მიკროგრამის შემადგენლობა

- აქტიური ნივთიერება არის ბუდესონიდი.

- სხვა კომპონენტებია (შემავსებლები): ოლეინის მჟავა, ეთანოლი და ნორფლურანი.

პროდუქციის ვიზუალური მხარე  და შეფუთვის შიგთავსი

ბუდესონიდი ალდო-უნიონი 50 მიკროგრამი წარმოდგენილია პრესირებული საინჰალაციო სუსპენზიის სახით,  დოზის ინდიკატორით 10 მლ-იან კონტეინერებში 200 შესხურებისთვის.