ბეპანთოლი - Bepanthol თვალის წვეთები 10მლ

Bepanthol®Eye

გამოყენების ინსტრუქცია

Bepanthol®Eye თვალის დამატენიანებელი წვეთები მრავალჯერადი დოზა

შეიცავს ნატრიუმის ჰიალურონატს (0.15%) და დექსპანთენოლს (2%).

აღწერა

Bepanthol®Eye თვალის დამამტენიანებელი წვეთები მრავალჯერადი დოზა, რქოვანას ზედაპირზე ქმნის სტერილურ, ვისკოელასტიურ და გამჭვირვალე დამცავ ფენას. პროდუქტი არ შეიცავს კონსერვანტებს.

Bepanthol®Eye >თვალის დამატენიანებელი წვეთები მრავალჯერადი დოზა ფიზიკური თვისებების გამო, შეიცავს ნატრიუმის ჰიალურონატს — ჰიალურონის მჟავის ნატრიუმის მარილს, რომელიც თვალის ეპითელურ ბარიერზე ქმნის ერთგვაროვან, სტაბილურ და ხანგრძლივ დამცავ ფენას, რომელიც არ ბინდავს მხედველობას.

ნატრიუმის ჰიალურონატთან ერთად, Bepanthol®Eye თვალის დამატენიანებელი წვეთები მრავალჯერადი დოზა  შეიცავს დექსპანთენოლს — პროვიტამინ B5-ს, რომელსაც მაღალი წყალშეკავების უნარი აქვს, ატენიანებს თვალს და უზრუნველყოფს მის მოვლას.

ნატრიუმის ჰიალურონატის (ცრემლის აპკის სტაბილიზაცია) და დექსპანთენოლის (თვალის კვება და დამამშვიდებელი ზემოქმედება) კომბინაცია იცავს, ატენიანებს და უზრუნველყოფს თვალის ზედაპირის სველ მდგომარეობაში შენარჩუნებას.

Bepanthol®Eye თვალის დამატენიანებელი წვეთები მრავალჯერადი დოზა უზრუნველყოფს შემდგომ ჩამოთვლილი შემაწუხებელი მდგომარეობის გამოსწორებას:

·  მყარი ან რბილი კონტაქტური ლინზების ტარებისას ან თვალის გამოკვლევების დროს წარმოქმნილი მექანიკური სტრესი;

·  გამაღიზიანებელი გარემო-ფაქტორები: კონდიციონერი, ქარი, სიცივე, მშრალი ან დაბინძურებული ჰაერი (მაგ. სიგარეტის კვამლი);

·  ვიზუალური გადაღლა კომპიუტერთან, მიკროსკოპთან ხანგრძლივი მუშაობის ან ხანგრძლივი მართვის შედეგად.

Bepanthol®Eye თვალის დამატენიანებელი წვეთების მრავალჯერადი დოზა არ შეიცავს კონსერვანტებს და ორგანიზმი ტოლერანტულია მის ხანგრძლივად გამოყენებისას.

Bepanthol®Eye თვალის დამატენიაებელი წვეთების მრავალჯერადი დოზა  კომფორტულია კონტაქტური ლინზების მომხმარებელთათვის. პროდუქტის ჩაწვეთებამდე ლინზების მოხსნა საჭირო არაა.

გამოყენების წესი

ბოთლის გასახსნელად,  ბოთლზე დატანილი უსაფრთხოების რგოლი მთლიანად მოაშორეთ (1).

შემდეგ მოხსენით თავსახური ზემოთ აწევით (2).  გადაწიეთ თავი უკან, აიხედეთ ზევით და ქვედა ქუთუთო ნაზად ჩამოსწიეთ. ბოთლი დაიჭირეთ შებრუნებულად (ყელი ქვემოთ) და დღეში 3–5-ჯერ ჩაიწვეთეთ. ძლიერად  მოუჭირეთ, ისე რომ ერთი წვეთი მოხვდეს ქვედა ქუთუთოს შიგნით (3+4) მზარდი წნევა უზრუნველყოფს წვეთის სწრაფ გამოსვლას. დახუჭეთ თვალი ნელა, რათა წვეთი თანაბრად გადანაწილდეს თვალის ზედაპირზე. მოერიდეთ ბოთლის ყელის შეხებას ხელთან ან თვალთან. საჭიროების შემთხვევაში, მსუბუქად მიაჭირეთ ბოთლის ძირს, რათა ყუტის თავზე დარჩენილი წვეთი გამოვიდეს. თავსახური დააფარეთ და ფრთხილად დააჭირეთ, რათა დაიხუროს (5).

თუ სიმპტომები გაგრძელდა ან გაუარესდა, აუცილებლად მიმართეთ ოფთალმოლოგს.

სპეციალური სტერილური წვეთოვანი ფილტრის სისტემის გამო, თითოეული ჩაწვეთების შემდეგ საჭიროა რამდენიმე წამით არ დააწვეთ ბოთლს, რათა ბოთლში ჰაერი კვლავ შევიდეს. თუ ეს პაუზა არ გაკეთდა, წვეთის გამოყოფა შეფერხდება. ამ ფიზიკური თავისებურების გამო, ბოთლის გამოსაყენებლად საჭიროა ზეწოლის დატანა ბოთლზე.

შემადგენლობა

თითო 1 მლ შეიცავს: ნატრიუმის ჰიალურონატი 0.15%, დექსპანთენოლი 2%, ნატრიუმის ქლორიდი, ნატრიუმის ციტრატი, ლიმონის მჟავა, საინექციო წყალი.

შეფუთვის ზომა

საცალო შეფუთვა: 1 x 10 მლ

გაფრთხილებები გამოყენებამდე  და წინასწარი ღონისძიებები

·  თუ თავსახურის უსაფრთხოების რგოლი გატეხილია ან ბოთლი დეფექტურია, არ გამოიყენოთ.

·  მოერიდეთ წვეთოვნის თვალთან შეხებას.

·  თუ ალერგია გაქვთ პროდუქტის რომელიმე შემადგენელ ნივთირებაზე , არ გამოიყენოთ.

·  ძალიან იშვიათ შემთხვევებში, წვეთის გამოყენებამ შესაძლოა გამოიწვიოს გაღიზიანების შეგრძნება თვალებში.

·  თუ სხვა თვალის წვეთებს ან მალამოებს იყენებთ, ორი პროდუქტის გამოყენებას შორის უნდა გავიდეს მინიმუმ 15 წუთი.

·  Bepanthol®Eye თვალის დამატენიაებელი წვეთების მრავალჯერადი დოზა  ყოველთვის ბოლოს გამოიყენეთ.

·  არ გამოიყენოთ, თუ თვალზე გაქვთ ინფექცია.

·  გამოყენების შემდეგ შესაძლებელია მოკლე ხნით მხედველობის დაბინდვა.  ამ პერიოდში არ მართოთ მანქანა და არ იმუშავოთ მექანიზმებთან. დაელოდეთ მხედველობის აღდგენას.

·  თუ ბოთლზე ან შეფუთვაზე მითითებული ვარგისიანობის ვადა გასულია, არ გამოიყენოთ.

·  ინოვაციური სტერილური ფილტრის სისტემის გამო  ბოთლში ყოველთვის რჩება მცირე რაოდენობით ხსნარი.

·  გახსნის მომენტიდან პროდუქტი მაქსიმუმ 12 თვის განმავლობაში გამოიყენეთ.

შენახვის პირობები

შეინახეთ 2°C-დან 25°C-მდე ტემპერატურაზე.

არ გაყინოთ პროდუქტი.

გამოყენების შემდეგ ბოთლი მჭიდროდ დახურეთ.

სინათლისგან დასაცავად შეინახეთ თავისივე ყუთში.