ონლაინ მოლი
მედიკამენტები/ჯანმრთელობა/მთავარი

აქსოფენი - Axofen 100მგ 15 ტაბლეტი

ფასი ფასდაკლება
20.20 ₾
17.17₾

აღწერა

აქსოფენი 100 მგ შემოგარსული ტაბლეტები

პერორალური გამოყენებისთვის.

•აქტიური ნივთიერება: თითოეული შემოგარსული ტაბლეტი შეიცავს 100 მგ ფლურბიპროფენს.
•დამხმარე ნივთიერებები:  ჰიდროქსიპროპილ ცელულოზა, კოლოიდური სილიციუმის დიოქსიდი, ლაქტოზას მონოჰიდრატი (მიიღება ძროხის რძიდან), მიკროკრისტალური ცელულოზა,
ნატრიუმის კროსკარმელოზა, მაგნიუმის სტეარატი, ჰიპრომელოზა, ტიტანის დიოქსიდი, პოლიეთილენ გლიკოლი, FD&C ლურჯი no. 2.
ამ მედიკამენტის მიღების დაწყებამდე ყურადღებით წაიკითხეთ მთელი ეს ინსტრუქცია, რადგან ის შეიცავს თქვენთვის მნიშვნელოვან ინფორმაციას.
•  შეინახეთ ეს ინსტრუქცია, შეიძლება დაგჭირდეთ მისი ხელახლა წაკითხვა.
•  თუ თქვენ გაქვთ რაიმე დამატებითი შეკითხვა, გთხოვთ, მიმართოთ თქვენს ექიმს ან ფარმაცევტს.
•  ეს პრეპარატი დანიშნულია პირადად თქვენთვის. ნუ მისცემთ მას სხვებს.
•  ამ სამკურნალწამლო პროდუქტის გამოყენებისას, როცა ექიმთან ან საავადმყოფოში მიდიხართ, უთხარით თქვენს ექიმს, რომ იყენებთ ამ პრეპარატს.
•  გთხოვთ, სრულად მიჰყვეთ ამ საინფორმაციო ინსტრუქციის მითითებებს. არ გამოიყენოთ თქვენთვის რეკომენდებულზე უფრო მაღალი ან დაბალი დოზები

რა არის მოცემული ამ ინსტრუქციაში?
1. რა არის აქსოფენი და რისთვის გამოიყენება?
2. რა უნდა ვიცოდეთ აქსოფენის გამოყენებამდე?
3. როგორ გამოიყენება აქსოფენი  ?
4. რა არის შესაძლო გვერდითი ეფექტები?
5. აქსოფენის შენახვის პირობები

ჩამოთვლილი სათაურები.

1. რა არის აქსოფენი  და რისთვის გამოიყენება? 
 
აქსოფენი არის ლურჯი ფერის, ოვალური ფორმის, ცალ მხარეს ნაპრალიანი შემოგარსული ტაბლეტი. თითოეული შემოგარსული ტაბლეტი შეიცავს 100 მგ ფლურბიპროფენს. ის ხელმისაწვდომია ბლისტერში 15 ან 30 ტაბლეტის შეფუთვაში. აქსოფენი შედის ჯგუფში, რომელსაც ეწოდება არასტეროიდული ანთების საწინააღმდეგო საშუალებები, რომლებიც გამოიყენება სხვადასხვა >ტკივილის მოსაშორებლად ან შესამსუბუქებლად. აქსოფენი გამოიყენება შემდეგი მდგომარეობების სამკურნალოდ:
• ქრონიკული დაავადება, რომელიც იწვევს სახსრების ტკივილს, შეშუპებას და დეფორმაციას (რევმატოიდული ართრიტი)
• დაავადება (ოსტეოართრიტი), რომელიც წარმოიქმნება სახსრების გადაგვარების შედეგად და მოსახლეობაში ასევე ცნობილია როგორც ართრიტი  (ოსტეოართრიტი)
• ქრონიკული დაავადება, რომელიც იწვევს სახსრების ტკივილს, შეშუპებას და დეფორმაციას (მაანკილოზებელი სპონდილიტი)
• კუნთოვანი სისტემის მწვავე ტკივილები
• მწვავე პოდაგრული ართრიტი
• მენსტრუალური ტკივილი (დისმენორეა) 
 

2. რა უნდა ვიცოდეთ აქსოფენის გამოყენებამდე? 


აქსოფენი არ გამოიყენოთ შემდეგ შემთხვევებში:
თუ:
• თქვენ ხართ მგრძნობიარე აქსოფენის რომელიმე ინგრედიენტის მიმართ,
• თუ  ასპირინის ან სხვა არასტეროიდული ანთების საწინააღმდეგო საშუალებების მიღების შემდეგ, გქონდათ ასთმა, ჭინჭრის ციება ან სხვა ტიპის ალერგიული რეაქცია
• გაქვთ ტკივილი კორონარული არტერიის შუნტირების ოპერაციამდე ან მის შემდეგ
• გაქვთ ღვიძლის მწვავე უკმარისობა,
• გაქვთ თირკმლის მწვავე უკმარისობა,
• გაქვთ გულის მწვავე უკმარისობა,
• ამჟამად გაქვთ ან ადრე გქონდათ პეპტიური წყლულოვანი დაავადება,
• ანამნეზში გაქვთ  სისხლდენა ან კუჭის ან ნაწლავის პერფორაცია, რაც ადრე გამოწვეული იყო  არასტეროიდული ანთების საწინააღმდეგო  საშუალებების გამოყენებით,
• გაქვთ სისხლდენა კუჭიდან ან ნაწლავიდან, ცერებრალური ჰემორაგია და სხვა ნებისმიერი სისხლდენა.
• ხართ ორსულობის ბოლო ტრიმესტრში (6 თვიდან). 

აქსოფენი სიფრთხილით გამოიყენეთ შემდეგ შემთხვევებში:

თუ:
· გაქვთ ცნობილი გულის ან სისხლძარღვების (გულ-სისხლძარღვთა) დაავადება. ასეთ შემთხვევაში თქვენი ექიმი გამოიყენებს ყველაზე დაბალ ეფექტურ დოზას. მაშინაც კი, თუ თქვენ არასოდეს განგიცდიათ გულ-სისხლძარღვთა სიმპტომები, თქვენი ექიმი და თქვენ ფრთხილად უნდა იყოთ ასეთი მოვლენების გაჩენასთან დაკავშირებით, თქვენი ექიმი მოგცემთ ინფორმაციას იმის შესახებ, თუ რა უნდა გააკეთოთ ასეთ სიტუაციაში.
· გაქვთ მაღალი წნევა (ჰიპერტენზია); აქსოფენი  მკურნალობის დაწყებისას და მკურნალობის დროს თქვენს არტერიულ წნევას ინტენსიურად გააკონტროლებს თქვენი ექიმი.
· სითხის შეკავება ან შეშუპება
· გაქვთ მნიშვნელოვანი დაავადება რესპირატორული უკმარისობით, შეშუპებით, ღვიძლის გადიდებით ადრე არსებული გულის უკმარისობის გამო
· ანთება, სისხლდენა და პერფორაცია კუჭსა და ნაწლავებში.
· ხართ ხანდაზმული, გაქვთ გულის ან სისხლძარღვების დაავადება, პარალელუარდ იღებთ ასპირინს ან გაქვთ წყლული, სისხლდენა კუჭ-ნაწლავის ტრაქტში, ან  კუჭ-ნაწლავის დარღვევები, როგორიცაა ანთებითი დაავადება
· გაქვთ ადრე არსებული ასთმა,
· გაქვთ ანემია ან  სისხლის შედედების პრობლემა
· გეგმავთ დაორსულებას
· გაქვთ სისტემური წითელი მგლურა (SLE) ან შემაერთებელი ქსოვილის სხვა დარღვევები,
· გაქვთ გულის უკმარისობა, ღვიძლის ციროზი, ნეფროზული სინდრომი ან თირკმლის  აშკარა დაავადება.
· გაქვთ თირკმლის ფუნქციის დარღვევა, ექიმი მოგცემთ ფლურბიპროფენის დაბალ დოზას
· კანზე გამონაყარი, ლორწოვანი გარსის დარღვევები ან მომატებული მგრძნობელობის ნებისმიერი სხვა ნიშანი. ასეთ შემთხვევაში ექიმი შეწყვეტს მკურნალობას.
· გაქვთ თვალებთან დაკავშირებული ჩივილები. ასეთ შემთხვევაში მიმართეთ ოფთალმოლოგს.
 არ გამოიყენოთ სხვა მსგავს ანალგეზურ საშუალებებთან ერთად.შეიძლება განვითარდეს ფლურბიპროფენთან ასოცირებული, ძალიან იშვიათი და ზოგიერთ შემთხვევაში ფატალური კანის დაავადების ტიპი, რომელსაც ეწოდება ექსფოლიაციური დერმატიტი, თვალების და კანის ირგვლივ სისხლიანი, ანთება ხასიათდება შეშუპებით და სიწითლით (სტივენს-ჯონსონის სინდრომი) და კანის სერიოზული რეაქციები ტოქსიკური ეპიდერმული ნეკროლიზის ჩათვლით. ამ მოვლენის რისკი ყველაზე მაღალი გაქვთ  ძირითადად თქვენი მკურნალობის დასაწყისში, უმეტეს შემთხვევაში მოვლენა იწყება მკურნალობის პირველ თვეში.  თუ წარსულში ნებისმიერ დროს გქონდათ ეს სახიფათო ნიშნები, მაშინაც კი, თუ ეს ამჟამად აღგენიშნებათ, გთხოვთ, მიმართოთ ექიმს. 

ორსულობა

პრეპარატის გამოყენებამდე მიმართეთ თქვენს ექიმს ან ფარმაცევტს.ორსულობის დროს აქსოფენი  არ უნდა გამოიყენონ, თუ ეს აუცილებელი არ არის.აქსოფენი არ მიიღოთ ორსულობის ბოლოს (6 თვიდან). ორსულობის დროს პრეპარატი არ უნდა გამოიყენონ, თუ არ არის ექიმის რეკომენდაცია. თუ მკურნალობის დროს გაიგებთ, რომ ორსულად ხართ, დაუყოვნებლივ მიმართეთ თქვენს ექიმს ან ფარმაცევტს. 

ძუძუთი კვება

აქსოფენი ძუძუთი კვების პერიოდში არ მიიღოთ. იმის გამო, რომ ფლურბიპროფენი გადადის დედის რძეში, ამან შეიძლება ზიანი მიაყენოს თქვენს ბავშვს. პრეპარატის გამოყენებამდე მიმართეთ თქვენს ექიმს ან ფარმაცევტს. 

ავტომობილის მართვა და მექანიზმების გამოყენება

აქსოფენმა შეიძლება გამოიწვიოს ზოგიერთი გვერდითი მოვლენა, როგორიცაა თავბრუსხვევა, მოუსვენრობა, ტრემორი, ძილიანობა. ამიტომ, თუ თქვენ გაქვთ ეს სიმპტომები, თავი შეიკავეთ ავტომობილის მართვის და მექანიზმების გამოყენებისგან

მნიშვნელოვანი ინფორმაცია აქსოფენის შემადგენლობაში შემავალი ზოგიერთი ინგრედიენტის შესახებ

ეს ფარმაცევტული პროდუქტი შეიცავს ლაქტოზას. თუ თქვენმა ექიმმა უკვე გითხრათ, რომ გაქვთ  ზოგიერთი შაქრის აუტანლობა, ამ სამკურნალო პროდუქტის მიღებამდე, გთხოვთ, მიმართოთ თქვენს ექიმს. 

გამოყენება სხვა სამკურნალო საშუალებებთან ერთად

ზოგიერთი პრეპარატი, რომელსაც შეუძლია  აქსოფენთან ურთიერთქმედება:
• აგფ ინჰიბიტორები და ანგიოტენზინ II ანტაგონისტები (გამოიყენება მაღალი წნევის სამკურნალოდ)
• ასპირინი (ტკივილგამაყუჩებლები, სისხლის გამათხელებლები)
• ანტიკოაგულანტები (სისხლის გამათხელებელი პრეპარატები)
• ბეტა-ადრენომაბლოკირებელი საშუალებები (გამოიყენება მაღალი წნევის სამკურნალოდ)
• დიურეზული საშუალებები (შარდმდენი ტაბლეტები)• კორტიკოსტეროიდები (გამოიყენება ალერგიის სამკურნალოდ და ჰორმონის შემცვლელად)
• ზიდოვუდინი, ტიკლოპიდინი, ტაკროლიმუსი და ციკლოსპორინი (ორგანოების ტრანსპლანტაციის დროს გამოყენებული პრეპარატები)
• ლითიუმის ან სეროტონინის უკუმიტაცების სელექციური ინჰიბიტორები (ფსიქიატრიული პრეპარატები)
• მეტოტრექსატი (გამოიყენება კიბოს სამკურნალოდ)• დიგოქსინი (გამოიყენება გულის უკმარისობის დროს)
• ორალური ჰიპოგლიკემიური საშუალებები (დიაბეტის სამკურნალო საშუალებები)
• ქინოლონის ანტიბიოტიკები (გამოიყენება ზოგიერთი ინფექციის წინააღმდეგ)
• ანტითრომბოციტული საშუალებები (გამოიყენება თრომბოზის სამკურნალოდ)
• ციმეტიდინი, რანიტიდინი, ანტაციდები (გამოიყენება კუჭის ზოგიერთი პრობლემის დროს)თუ იღებთ ამ პრეპარატებს, გთხოვთ აცნობოთ ექიმს.
ამ პრეპარატებს შეუძლიათ ურთიერთქმედება აქსოფენთან.
 გთხოვთ, აცნობეთ თქვენს ექიმს ან ფარმაცევტს, თუ ამჟამად იღებთ ან ბოლო პერიოდში იღებდით რეცეპტით ან მის გარეშე გაცემულ სხვა პრეპარატებს,  
 

3. როგორ გამოიყენება აქსოფენი?

 
ინსტრუქციები სათანადო გამოყენებისა და დოზის/შეყვანის სიხშირის შესახებჩვეულებრივი სადღეღამისო დოზაა 150-დან 200 მგ-მდე გაყოფილი დოზებით. ეს ნიშნავს, რომ; უნდა მიიღოთ 1,5 ან 2 ტაბლეტი დღე-ღამეში. დოზა შეიძლება გაიზარდოს მაქსიმუმ 300 მგ-მდე დღე-ღამეში თქვენი დაავადების სიმპტომების სიმძიმის მიხედვით. აქსოფენის რეკომენდებული დოზა რევმატოიდული ართრიტის (სხეული აწარმოებს ანთებას სახსრებში და ზოგჯერ სხვა ქსოვილებში) ან ოსტეოართრიტის (სახსრების არაანთებითი დაზიანების, ტკივილისა და სიმკვრივის მდგომარეობა, ძირითადად ხანდაზმულ ადამიანებში) ნიშნებისა და სიმპტომების შესამსუბუქებლად არის 200-დან 300 მგ-მდე დღე-ღამეში ორ, სამ ან ოთხ დოზად. მენსტრუალური ტკივილის სიმპტომების დროს, თქვენ უნდა მიიღოთ 100 მგ (1 ტაბლეტი) თავდაპირველად, შემდეგ 50 მგ ან 100 მგ ყოველ 4-6 საათში.მაქსიმალური რეკომენდებული დოზა მრავალჯერადი დოზის გამოყენებისას არის 100 მგ. 

გამოყენების მეთოდი:

ტაბლეტები მიიღეთ ჭამის შემდეგ, ჭიქა წყალთან ერთად.
სხვადასხვა ასაკობრივი ჯგუფები:
გამოყენება ბავშვებში:
არ გამოიყენოთ ბავშვებში, რადგან, აქსოფენის უსაფრთხოება და ეფექტურობა დადგენილი არ არის.

გამოყენება ხანდაზმულებში:

ვინაიდან ხანდაზმულ პაციენტებს აქვთ სერიოზული გვერდითი ეფექტების რისკი, უნდა დაინიშნოს ყველაზე დაბალი დოზა.

განსაკუთრებული მდგომარეობები:

გამოყენება ღვიძლის/თირკმლის უკმარისობის დროს:

ხანგრძლივმა თერაპიამ გამოიწვია თირკმელების დაზიანება პაციენტებში, ამიტომ აქსოფენი სიფრთხილით უნდა იქნას გამოყენებული  ღვიძლის და თირკმელების მწვავე უკმარისობით დაავადებულ პაციენტებში.

თუმცა; რეკომენდებული არ არის  თირკმლის მძიმე უკმარისობით დაავადებულ პაციენტებში გამოყენება. თუ არსებობს თირკმლის უკმარისობის ნიშნები, ის სიფრთხილით უნდა იქნას გამოყენებული.

თუ გაქვთ შთაბეჭდილება, რომ აქსოფენის ეფექტი ძალიან სუსტი ან ძლიერია, ამის შესახებ ესაუბრეთ თქვენს ექიმს ან ფარმაცევტს.

თუ თქვენ გამოიყენეთ საჭიროზე მეტი აქსოფენი:

თუ თქვენ გამოიყენეთ საჭიროზე მეტი აქსოფენი, უნდა მიმართოთ ექიმს ან ფარმაცევტს.

თუ  გამოიყენეთ საჭიროზე მეტი აქსოფენი, უმეტესად ვითარდება ძილიანობა, გულისრევა, ღებინება და მუცლის ტკივილი. ამ შემთხვევაში შესაბამისი მკურნალობაა საჭირო საავადმყოფოს სასწრაფო დახმარების განყოფილებაში. აქტივირებული ნახშირის გამოყენება სასარგებლო უნდა იყოს აქსოფენის მიღებიდან 4 საათის განმავლობაში. თქვენი ექიმი ან ფარმაცევტი დაგეხმარებათ ამ საკითხში.

თუ დაგავიწყდათ აქსოფენის მიღება:

თუ დაგავიწყდათ დოზის დროულად მიღება, მიიღეთ იგი როგორც კი გაგახსენდებათ. თუ თქვენი შემდეგი დოზის მიღების დროა, გამოტოვეთ დამატებითი დოზა და გააგრძელეთ ნორმალური გამოყენება.

გამოტოვებული დოზის დასაბალანსებლად არ მიიღოთ ორმაგი დოზა, დოზა შეიძლება გადაჭარბებული იყოს თქვენთვის. თუ დაგავიწყდათ ერთზე მეტი დოზის მიღება, გთხოვთ აცნობოთ ექიმს.

4. რა არის შესაძლო გვერდითი ეფექტები?

ყველა მედიკამენტის მსგავსად, გვერდითი ეფექტები შეიძლება გამოვლინდეს ადამიანებში, რომლებსაც აქვთ მგრძნობელობა აქსოფენის ზოგიერთი ნივთიერების მიმართ.

თუ ჩამოთვლილთაგან რომელიმე განვითარდა, შეწყვიტეთ აქსოფენის გამოყენება და დაუყოვნებლივ მიმართეთ თქვენს ექიმს ან უახლოეს საავადმყოფოს გადაუდებელი დახმარების განყოფილებას

ძალიან ხშირი  ; შეიძლება აღინიშნოს 10-დან 1-ზე მეტ შემთხვევაში

ხშირი : შეიძლება აღინიშნოს 10-დან 1 შემთხვევაში

ნაკლებად ხშირი : შეიძლება აღინიშნოს 100-დან 1 შემთხვევაში

იშვიათი : შეიძლება აღინიშნოს 1000-დან 1 შემთხვევაში

ძალიან იშვიათი  : შეიძლება აღინიშნოს 10,000-დან 1 შემთხვევაში

უცნობია : არსებული მონაცემებით შეფასება შეუძლებელია

ხშირი:

• რინიტი

• საშარდე გზების ინფექცია

• სხეულის წონის ცვლილებები

• მოუსვენრობა (შფოთვა)

• დეპრესია

• უძილობა

• ნერვიულობა

• ამნეზია

• თავბრუსხვევა

• თავის ტკივილი

• რეფლექსების მატება

• ძილიანობა

• ტრემორი

• მხედველობის ცვლილებები

• ტინიტუსი

• კუჭის ტკივილი

• ყაბზობა

• დიარეა

• დისპეფსია

• მეტეორიზმი

• კუჭისა და ნაწლავიდან სისხლდენა (კუჭ-ნაწლავის სისხლდენა)

• გულისრევა

• ღებინება

• კანის გამონაყარი

• ასთენია

• ორგანიზმში სითხის დაგროვება (როგორიცაა ტერფების შეშუპება)

• სისუსტე (ავადმყოფობის შეგრძნება)

•  ღვიძლის ფერმენტების მომატება

ნაკლებად ხშირი:

• ანემია

• ჰიპერურიკემია

• სითხის შეკავება

• კონფუზია

• ატაქსია

• ცერებროვასკულარული იშემია

• პარესთეზია

• პაროსმია

• კონიუნქტივიტი

• გულის უკმარისობა

• სისხლძარღვთა დარღვევები

• ვაზოდილაცია

• ჰიპერტენზია

• ასთმა

• ეპისტაქსისი

• ბრონქოსპაზმი

• სისხლიანი დიარეა

• საყლაპავის დაავადება

• გასტრიტი

• ჰემატემეზი

• პეპტიური წყლული

• სტომატიტი

• კუჭ-ნაწლავის წყლული

• ჰეპატიტი

• ანგიონევროზული შეშუპება

• ეგზემა

• ქავილი

• ურტიკარია

• კანკალი

• ჰემატურია

• თირკმლის უკმარისობა

• შემცივნება

• ცხელება

• ზოგიერთი ტესტის შედეგების ცვლილება (ჰემოგლობინის და ჰემატოკრიტის დონის დაქვეითება)

იშვიათი:

• სერიოზული ალერგიული რეაქციები (ანაფილაქსიური რეაქციები)

• მიოკარდიუმის ინფარქტი

• კუჭ-ნაწლავის პერფორაცია

• გლომერულონეფრიტი

• თირკმლის პაპილარული ნეკროზი

• ნეფროზული სინდრომი

უცნობია:

• თრომბოციტების აგრეგაციის ინჰიბირება

შემდეგი გვერდითი ეფექტები ძირითადად მიღებულია მსოფლიო პოსტმარკეტინგული გამოცდილებიდან და ლიტერატურიდან. სიხშირის ზუსტი შეფასება, როგორც წესი, შეუძლებელია

• ანემია (აპლაზიური ანემია, ჰემოლიზური ანემია)

• თრომბოციტოპენია

• ნეითროპენია

• ალერგიული შოკი (ანაფილაქსია)

• კოლიტი

• ნაწლავის ანთებითი დაავადების გამწვავება

• წვრილი ნაწლავის ანთება სისხლისა და ცილის დაკარგვით

• სიყვითლე

• ექსფოლიაციური დერმატიტი

• ფოტოსენსიბილიზაცია

• კანის დარღვევები (სტივენს-ჯონსონის სინდრომი, ტოქსიკური ეპიდერმული ნეკროზი)

• ასეპტიური მენინგიტი

• ინტერსტიციული ნეფრიტი

თუ შეამჩნევთ რაიმე გვერდით ეფექტს, რომელიც ამ ინსტრუქციაში ჩამოთვლილი  არ არის, გთხოვთ, აცნობოთ თქვენს ექიმს ან ფარმაცევტს.

5. აქსოფენის შენახვის პირობები

აქსოფენი  შეინახეთ შეფუთვაში და ბავშვებისთვის მიუწვდომელ ადგილას.

 შეინახეთ 25°C-ზე დაბალ ტემპერატურაზე

გამოიყენეთ ვარგისიანობის ვადის შესაბამისად.

აქსოფენი  არ გამოიყენოთ  შეფუთვაზე მითითებული ვარგისიანობის ვადის გასვლის შემდეგ.

აქსოფენი არ გამოიყენოთ, თუ შეამჩნევთ რაიმე დეფექტს პროდუქტსა და/ან მის შეფუთვაზე.

გამოუყენებელი პროდუქტები ან ნარჩენები უნდა განადგურდეს „სამკურნალო ნარჩენების კონტროლის შესახებ“ და „შეფუთვისა და შესაფუთი ნარჩენების კონტროლის რეგულაციების“ შესაბამისად.

გაცემის რეჟიმი:

ფარმაცევტული პროდუქტის ჯგუფი - III, გაიცემა რეცეპტის გარეშე

ასევე, იხილეთ: >აქსოფენი SR - Axofen SR 200მგ 16 კაფსულა

მსგავსი პროდუქცია